主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 32276    回應 : 23
敢說亮話
二手樓交投愈淡靜,樓市愈健康
 
湯文亮博士
紀惠集團行政總裁
2015年10月4日

       有評論員說樓市的成交量慘過沙士,連上半年表現不俗的新樓盤,到了第三季都開始氣力不繼,本來有大約六千個新單位供應,但第三季計數,只能售出三千六個,剛好是六成,而二手樓就不用說,就算樓價指數屢創新高,都不能令成交量增加,有人話如此低迷成交量,顯示樓市是處於非常不健康水平,我並不同意,在樓價屢創新高,若果成交量亦同時增加,反為大事不妙,市民無論是抱著貪婪抑或恐懼心態,都不理會後果而瘋狂入市,這時的樓市才不健康,不似現在,無論指數公司怎樣唱好樓市,有資格入市的市民覺得樓價太高,情願抱著觀望態度而拒絕入市,現在樓市雖然淡靜,但持有物業的人欠債比率普遍不高,所以,怎樣說樓市不健康。

       現在要成交量增加唯有減價一途,否則,成交量一直會萎縮下去,過往,有人以樓價不斷創新高來吸引市民高價追貨心態,但這招早已不實用,有意買細價樓的市民見新樓與二手樓同價,注意力早已集中在新樓盤,如果他們唔太心急,或者有睇我在半年前發表文章「新樓會愈賣愈平」,就知道就算一時未能買到合理想新樓盤,亦毋需太憂心,一定有機會買到,而不會將資金投放在屢創新高的二手細價樓,今日,他們就是贏家,如果至今仍未買到合適的新樓,更加會是大贏家,地產商為求去貨,一定會提供更多優惠,無可否認,二手樓就會更加淡靜,但不能說樓市不健康,因為,新樓盤的供應才能真正解決市民對樓宇需求,所以,我認為現在二手樓淡靜,樓市就更加健康。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 引刀一快 2015-10-04 09:18:29
”剛需“慢慢回歸自然,下一步就係剛需中嘅剛需展現。
2. 西門吹雪 2015-10-04 09:45:21
而家只係開始。。
成日有人話賣緊既係樓花,並吾係真正供應,到樓宇入伙先係真供應。呢個我很認同。今年落成量其實特別少,可是單單賣樓花已經吃光剛需。明年落成量大増,買左樓花既開始入伙朝,佢地住緊既二手樓,一係賣一係放租,真正供應來臨。到時又有到時既樓花大賣。想買樓的,大把有得揀。
3. 鄧學士 2015-10-04 10:09:15
致一樓刀兄,若果想有私人空間兼期望樓價升值便是剛需,那我便是超剛需,比他們更加剛需了。
4. 蝸牛 2015-10-04 13:35:14
昨晚在旺角女人街地鋪食佐個晚飯, 兩個人八點坐到九點几...全程包場, 食完望下隔離餐廳, 情況差不多... 講真, 星期六晚飯時間, 國慶假, 咁既情況感覺比沙士更沉重...
6. 真真薯片 2015-10-04 21:51:38
成交清淡, 代表賣家守到, 買家又唔追, 形成均勢

不過購買力係會隨住時間而累積, 呢招叫做餓盤, 假如一年剛需係要15000個單位, 呢萬五個買家因為經濟唔好, 5000個決定唔買/買唔起, 剩低仲有一萬人因為經濟唔好決定睇定d, 但係隨住時間過去, 明年又有另外一萬個剛需要買樓, 所以購買力係會隨時間累積

經濟唔好, 加息, 供應多, 都會同時減少剛需既購買力同時加大賣家既沽壓, 但係如果美國到明年第三季都唔加息, 第二季尾市場儲夠購買力突然有個新盤突擊殺出重圍大熱賣, 都唔排除會引出累積左一年既購買力不問價追貨創新高令樓價指數係加息前再升一浸

唔知大家點睇?在下只係純靠估, 因為早幾年出完辣招都係咁, 希望在下唔好估中
7. 引刀一快 2015-10-04 21:57:29
To 3樓 鄧學士兄

想有私人空間已經係剛需,兄台超剛需,係咪有小寶寶來臨?恭喜先!
8. 鄧學士 2015-10-04 23:08:45
To7/F刀兄,差不多估仲,仲可以估多啲,我已有小朋友,以前居所又不太適合我一家人住,所以要搬出去住再作打算,謝謝!
9. 鄧學士 2015-10-04 23:22:25

我對六樓真真薯片的觀點有些存疑,因為剛需與“剛需”好難估,相比供應數字就實在好多了,不盡亦不遠矣,剛需可從擺酒數字生育數字估到,但“剛需”就要睇市場氣氛了。
10. 鄧學士 2015-10-04 23:30:22
補充,仲有有毛有翼要有私人空間,分居同居啲數字統統都要估一餐,不能盡錄。
11. Ooooo 2015-10-05 01:06:21
12. 待買樓 2015-10-05 10:05:23
香港人口老化,生育又低,一個起二個止,越有錢越唔敢生,長遠樓價好難有支持。估計今次跌落去,可能要衰足二十年先有機。
13. 真真薯片 2015-10-05 14:53:35
鄧學士兄,

在下都係求其估, 所以數字不能作準, 可以肯定既係, 經濟唔好, 股市爆破, 肯定會減少剛需, 新盤銷售差就反映左剛需大減

問題反而係供應, 大部份業主同發展商防守力驚人, 貨源歸邊, 所謂未來三四年八萬三個單位, 如果政府未來推地無以為繼, 發展商大可惜售strong hold長坐善價而沽慢慢賣

結果剛需受經濟差影響而減弱, 同時業主發展商又死守坐貨唔賣。 變成忍唔住一定要買既買家(例如生左仔, 結左婚婆媳反枱) vs 守唔住等錢港一定要賣既業主先會成交, 問題係邊一邊壓力大d, 在下估計, 如果本港經濟冇進一步惡化而美國係美年第三季前唔加息, 主導權有可能會再次去返業主果邊, 靠估而已, 在下都冇樓, 好想樓價跌, 不過在下覺得想樓價跌應該多d留意樓價會升既factor, 睇實會令樓價升既“壞消息”, 令樓價跌既“好消息”反而唔洗理
14. 鄧學士 2015-10-05 15:58:58
To真真薯片兄,我們還是坐埋一邊等政府同地產開發商大戰,我相信一方面想賣五萬蚊尺,一方面想用供應量制衡到萬五蚊尺,看看邊個贏,九七有董建華八萬五,最後Yoho賣最低八十萬(03年)。
15. 真真薯片 2015-10-05 17:45:52
鄧學士兄,

但願如此, 本來在下都懷疑政府推地將會無以為繼, 但見今日連前特首都拉得, 689已經進入阻佢者死mode, 能力已經唔係問題, 問題只係佢有冇心推供應而已
16. 鄧學士 2015-10-05 19:35:24
真真薯片兄,學刀兄話齋,世事往往出人意表,我們唯有等,同睇大家既造化,當叫價到大家可接受並有能力時便可買進,其他的無謂估了,我沒有這個能力,你有我便給你一個讚了。
17. 歷史長河 2015-10-05 21:58:38
鄧博士,「當叫價到大家可接受並有能力時便可買進」,'大家'是誰?他們接受能力又是否一樣?若不一樣,你能否等得到?考試正式開始!
18. Joe 2015-10-05 23:29:09

剛需,即不論價格如何,都有需求。
住屋需要是剛需,可透過買樓、租樓、同人共住、或入住公屋來實現,但買樓或換樓不能算是剛需,因這涉及投資成份,經濟好,帶動投資樓市需求,經濟差,買樓的意欲也失去.....

19. 鄧學士 2015-10-05 23:41:13
歷史長河兄,抱歉令你誤會,我所指既大家只是我同真真薯片兄之間啫,然而又指我與他各自可接受的價錢同能力,例如我可接受是四百萬又有能力買兩房,但並不代表真真薯片兄也是這個價,因此因人而異各有需求,可能真兄可接受既能力為以七百萬買市區一千尺房呢!這實在是很複雜既問題,不能詳述吧!