主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 35603    回應 : 13
敢說亮話
樓價屢創新高乃自取滅亡之路
 
湯文亮博士
紀惠集團行政總裁
2015年9月10日

  我去了旅行,臨行之前知道中原指數再創新高,於是寫了一篇文章,雖然我的專欄叫敢說亮話,但這篇文章太敏感,是否出街,我將這個責任交俾明報,我在馬來西亞與李宗偉打羽毛球,最後,文章沒有出街,我亦沒有同李宗偉打羽毛球,。

  在中原指數再創新高前幾日,財爺發表網誌,話香港的經濟不是太壞,叫大家唔使驚,我立刻寫了一篇文章,話財爺叫大家唔使驚,大家才要驚,財爺有齊各項經濟數據,沒有一項有進步,失業率上升,零售業下降,轉口減弱,財爺睇到心驚膽顫,立刻寫網誌叫大家唔使驚,很可惜,當日中原指數還未出台,還未創新高,否則,財爺一定唔使驚,亦唔使寫網誌叫大家唔使驚。

  中原老闆施永青先生曾經在2008年,金融海嘯的時候,以冰河時期形容物業市場,當時我仍然有買物業,有前輩同我講,施生都話物業市場是冰河時期,點解我仲夠膽買樓,其實,當時雖然是金融海嘯,但香港樓價跌幅有限,但成交量減少,施生所說的應該是物業代理業冰河時期,很多人以為是樓市冰河時期,而將自住物業賣走,不能夠怪別人,他們應該怪自己沒有領會冰河時期的意思。

  今日,中原指數屢創新高,理論上應該是樓市熾熱,交投暢旺,但事實上成交慘過沙士,不少打算賣樓的業主被創新高迷惑,不創新高不會賣樓,有代理形容現時成交慘過沙士,做物業代理的收入應該大減,但又沒有人用冰河時期來形容,唔通,做物業代理是以能夠創新高為個人榮譽,收入在其次,而唔肯將實況講給那些打算賣樓的業主知道,難道他們不知道,如果現時低成交量繼續維持,物業代理行業好快便會萎縮,現在不斷的創新高就是物業代理自取滅亡之路。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. AH-HO 2015-09-10 09:00:02
雖然二手交投小左,但每一單的金額是多左,08年一般樓價講緊2-3M, 宜家普普通通的都5-6M起步,超過10M的也好多,算是對經紀的收入補補條數。
2. 偷雞華 2015-09-10 09:22:07
"地代們, 你地唱好唱趺純個人意願, 但為大圍着想, 請加入唱趺行列"
係咪咁呀...
3. 新仔 2015-09-10 09:25:40
08年我買元朗樓70萬,今年賣出三佰幾萬,佣金好唔同.
4. V 2015-09-10 09:35:58
一手成交補番? 利用二手創新高既報導幫佢地賣新盤?
5. 千山独行 2015-09-10 10:08:41
长期拜读大作.得益非淺!
6. 西門吹雪 2015-09-10 10:22:12

同意4樓~~樓價就算再高,這樣的二手成交量無論如何都養唔活地代們。可是地代們卻有增無減。

佢地唱高二手,等一手平少少就一Q清袋。一手好多時3隻佣,手續又方便多了,又唔駛倍個客左睇右睇。試問如果樓市真的爆,一手二手都冰封,他們吃甚麼?

7. Oscar Lam 2015-09-10 10:43:53
刚看完文章標題以为博士說,楼价屢創新高乃(楼市)自取滅亡之路。看完文章後才知道博士原來是指物業代理。差點嚇死!
8. hifi 2015-09-10 10:45:10

偷雞華:

地代更係要做野齊唱淡拉,齊心便事成,有機會夢想成真都唔定。

10. 小記 2015-09-10 12:01:17
做物業代理是以能夠創新高為個人榮譽,收入在其次,立即電郵給報紙地產版記者次日, 又可霸占財經地產頭條。威 
11. Small Potato 2015-09-10 13:01:49
好欣賞呢個'城市論壇'既logo配有綱友D名,好有歸屬感亦反映綱站對綱友既重視,好窩心❤️雖然素未謀面,但感覺又好真實。
12. 貴公子 2015-09-10 14:07:36
樓價係咪應該回小小或牛皮一年半載會健康d ?
14. Needless Self Fulfilling. 2015-09-10 15:44:42

 2008年,金融海嘯的時候,以冰河時期形容物業市場,當時我仍然有買物業,有前輩同我講,施生都話物業市場是冰河時期,點解我仲夠膽買樓』。

歷史重溫一下港股2007-Nov-02最高點31958;到 2008-OCT-31最低點10676港股過足失常癮時的慘況; 想當年股市在一年裡下跌21282,或 66.59%,或是下跌三分之二但是,樓市只是回調十多個巴先,對自住人士更加可以說是微不足道。

我們再看看今年「大時代」恆生指數最高點30-Apr-2015為例: 28588,到今年10-Sep-15暫時港股最低為:20524恆生指數從高位下跌幅度8064點,或百分之28.21%,股高低相差不及三分之一,

加上近日股市回升到今天約21492,恆生指數從高位下跌幅度7096點,或下跌百分之 24.82%。

15. Needless Self Fulfilling. 2015-09-10 15:48:13

股市升跌確實可以影響樓價,但是樓市12年上升週期,就是位高勢危一定會爆或『樓市將會於一年內轉角』,理據並不充分,有樓的資產階級更加無須急急地  自我實現!