主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 28856    回應 : 9
敢說亮話
冷血價,將會成為新常態
 
湯文亮博士
紀惠集團行政總裁
2015年8月29日

  星期一,香港股市大跌超過千點,但相比國內,仍然是跌幅輕微,當晚,有老友搵我,佢話收到一個樓盤,業主放棄開價,物業代理說買家不用還價,可以大膽開價,之後,給了一個市價,我老友見到價錢,覺得幾合理,問我如何處理。

  我首先問那個單位質素是一般,抑或優質,如果是劣質單位就不用考慮,現在這個時勢仲攞劣貨出市場賣,唔通當買家是傻佬,如果是普通單位,表示賣家不是太等錢用,如果有興趣的話,不妨還一個良心價,大約10%折讓,如果可買可唔賣,就還一個無良價,大約折讓15%,如果該單位是優質單位,表示該位業主非常之等錢用,就要冷血一些,最低都要有20%折讓,做生意的人,大多數都是非常冷血,商人本色,業主早有心理準備,最怕就是冇人還價。

  雖然有很多業界人士話,股市大冧,樓市變成避難所,所以,香港樓價不但不會下跌,還有機會創新高,我想他們不明白避難所是怎樣的,最簡單的就是要易入易出,牆壁又要夠厚,現在,在香港買樓要俾BSD,DSD,賣樓又要付SSD,絕對唔易入,更加唔易出,至於牆壁夠厚就要靠個人力量,借貸少,牆壁自然夠厚,而現在因為有SSD,不少業主要走都走唔到,又怎樣能夠有資格成為避難所。

  既然樓市不能夠成為避難所,樓價就沒有上升理據,現在會買樓的人大多數非常冷血,當然明白這個道理,所以還價亦非常冷血,折讓20%就是最基本要求,不過,雖然是冷血,但亦有溫情一面,他們是不會要求一個長成交期,一般來說,一個月已經可以完成交易,否則,就輪到業主無興趣賣,我估計,如果港股不作急速反彈,冷血價就會成為新常態。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

2. 待買樓 2015-08-29 10:32:09
就算還低20%,也只是回到去年價位,都未算好冷血。只是樓價升得太癲。博士講得好啱,資金避難,唔會選樓,難入難出,升值又無机。
3. 引刀一快 2015-08-29 11:07:13
可以作爲避難所,正正就係因爲唔易出,若果大家都聽信真係走入去避難,全部困住晒,樓價自然會挺多兩三年喇。
4. 忠實讀者 2015-08-29 12:18:11
避難所的比喻很形象,貼切。易懂
5. Stephen Woo 2015-08-29 12:28:37
多謝湯博士!
優質還殺價20%真是利害!
又一好橋。
6. 打工仔 Andy 2015-08-29 13:32:32
殺價幾時都可以! 有冇人彩你又係另一個問題, 市起市落平常之事, 供求定律自然會找到平衡點! 
7. 湯粉 2015-08-29 14:14:20
聽聞迎x 銷情慘淡, 甚至無傳媒報導
8. 朗晴 2015-08-29 18:35:50
我覺得當D人發覺買雷漫執左,買股票跌左,存人仔貶左,咁有多餘$點投資好? 
係未有更好的投資工具出現前,樓市絕對是沒得選擇的選擇.
無信心但要住,
樓價跌但租金夠供樓,
點解要大平賣??????
依家唔應該買
但更唔應該賣,特別是平賣.
9. TO:八樓 2015-08-29 22:53:30
八樓, 唔好意思得罪講句, 你/妳既投資經驗尚淺。在投資組合中, 有些時候是需要全現金的!
就算做唔到, 也要守。 就好似呢家咁既環境, 嗰風都打緊來, 你重出海,新聞都成日講啦, 屍都搵唔番。
10. 引刀一快 2015-08-29 23:53:18
住,係剛需

想賺錢,係剛需中嘅剛需

唔想蝕錢,係剛需剛需剛剛需......

呢排入貨嘅人,好多都係唔想交租每月蝕萬幾,萬幾都肉赤,咁百幾萬又赤唔赤呢?

基本上係信心問題。