地產博客 > 敢說亮話 返回
瀏覽人次:34848    回應:25
敢說亮話
寧可信其無,不可信其有的中原指數
 
湯文亮博士
紀惠集團行政總裁
2015年8月1日

  昨日傍晚至半夜,收到唔知幾多個電話,由於近日太多人自認公安,所以,對於唔熟悉電話唔會接聽,沒有來電顯示的更加唔會聽,我接聽的電話,他們只有一個共同點,就是話俾我知中原指數創新高,一週大升2.12,去到145.48,叫我認輸,我對他們講,我早有準備,在未公報之前,我還有一線希望,認為在A股崩潰,H股回調下,這幾個星期中原指數會急速下跌,但昨日的結果的確令我震驚,因為在過去兩個星期,不但創新高很少出現,而減價出售,撻訂的個案增加,但中原指數反而狂升2.12,並不只是我不明白,我相信連製定中原指數的有關人士都不明白,我唔記得一週大升2.12是否曾經出現,如果有,絕非在股市大冧,一片劈價,撻訂聲音中出現,如果在這環境仍可大升,中原指數到年底升穿200已經是最保守,政府官員又要準備出招,辣招不外乎加稅,收緊按揭,我都要改口叫大家要買樓就要趁手。

  如果政府官員因為中原指數大升而星期一開會準備出招,我叫他們應該三思,對於中原指數應採取寧可信其無,不可信其有態度,政府內部有準確數據,再唔係就參考中原每月一次,已經在田土廳登記的修正數據,才決定是否出招,因為,中原指數的每月修正數字5月份是138.5,在9月15日便會發放7月份的準確數字,睇吓是否145.48才作決定。或者會有人話我唔認輸,死雞撐飯蓋,絕對沒有這回事,連福臨門都訂好位,英雄帖又已經發出,願賭服輸,請食飯是小事一樁,最怕有人唔賞面,我已經對參加晚宴的記者講,一定不能夠問任何人關於566的事。

  有老友語重心長同我講,這篇文章有問題,因住俾人告,我很奇怪,這篇文章有什麼問題,告我什麼,我又認輸,仲有得告,如果寫文章驚乜驚物,怕得罪人,就唔好寫,或者,將個專欄改名,叫「不敢說亮話」。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 小熙 2015-08-01 09:13:35
支持博士!
2. 嘍囉 2015-08-01 09:20:31
食花生 等睇戲
3. 歷史長河 2015-08-01 10:08:06
博士,其實在成交量小的情況下,每周中原指數是會有很大波動。這就是過去幾個月的情形。如果今個星期暴升,下個禮拜就會回調,反之亦然。
但是如果拉長來看,還是能反映走勢的。如果把一個月的成交量當成一個星期成交量,樣本不會太少吧?除非你認為有人故意做假。

說到底,中原指數是統計數字,要以科學態度看待。
4. ann lee 2015-08-01 10:08:53
支持博士
5. 歷史長河 2015-08-01 10:27:12
另外,加息對房市的影響不在加息本身,而在於它會超過或低於市場預期。股市如此,房市亦然。記得前一陣子,澳洲央行宣布減息,當日澳元竟然暴升,原因就是減息幅度低於於期。現在的問題是,未來加息幅度和時間表有多少已在香港房市反映,加息走勢和這些預期又會有多少偏差?
6. 待買樓 2015-08-01 10:37:21
博士一早指出講細價樓爆煲,旨在引起社会關注以提醒沒能力的買家小心。我相信他的目的已達到,其他所謂輸贏,都只是點綴。
支持博士說實話,現在香港成日話要言論自由,思考自由,但係又有幾多個夠膽出來說實話,只要同主流不同意見,就遭人圍攻,怎至對人不對事,連法官都受人身威脅。
7. Alan Pepper 2015-08-01 10:52:54
我也想食啊... -_-

不過我冇落注。
8. 購買力 2015-08-01 11:28:34
不斷產生的購買力,令期待大跌市的人大失所望。
10. 兩面看 2015-08-01 12:19:13
從貨幤供應看,比九七樓價超平。九七銀行存借比 0.7,現在1.4. 錢多就樓升。股有大户沽空,樓冇。
12. 兩面看 2015-08-01 12:19:46
從貨幤供應看,比九七樓價超平。九七銀行存借比 0.7,現在1.4. 錢多就樓升。股有大户沽空,樓冇。
13. 地盤佬 2015-08-01 12:30:14
湯博士講爆煲論,目的本來就唔係希望估中樓價下跌,無必要唔認輸。不過細價樓已然再創新高,博士嘅好意可能需要用其他方法達成。
14. 引刀一快 2015-08-01 14:05:36
有冇“數據”顯示依傢同97年嘅常駐人口變化?要中肯果種。
15. 兩面看 2015-08-01 14:26:48
回14, 統計署有人囗數,金管局有錢數,地政署有土地供雁數,上網看看。香港人多,錢更多,地少,又不似股有空倉,細價樓升硬。
16. 剛上車的人 2015-08-01 16:17:50
果然﹐有錢講嘅嘢真係唔同d![如果寫文章驚乜驚物,怕得罪人,就唔好寫] 普通人就要驚,有錢人就唔洗驚!厲害!!
17. 路人皆知 2015-08-01 16:56:22
我覺得博士唔係唔認輸,只是不服輸吧。

始終中原指數是成立已久,其計法基準是公開的,看不出造馬之理。最近的撻訂有可能影響之前的數字,若過去一週的成交,高價嗰隻、最後撻訂就可能調整本週升幅,因此星期升幅似乎太厲害了!

最後博士對樓市咁有心,有能力又有財力,不如搵人設立一個新的index 改善中原指數不足之處?
18. 引刀一快 2015-08-01 18:09:17
“其計法基準是公開的”


好似唔係喎。
19. abc 2015-08-01 18:32:21
樓市真係升緊,CCL冇做假,我吊高來賣的盤都有客落票!
今個weekend亦見多了人睇樓,相信買家又追價買,成交又升!
D人見到投資股票最終下場係咁,都係揸樓有贏冇輸!
20. 魚蛋仔 2015-08-01 20:29:24

博士,無論今次贏或輸,我們都是咁愛你,支持你。講真,点會次次都是贏,重要的是感謝你每天無私的奉獻。我從這裏學習到很多地產和地產以外的知識。

21. Small Potato 2015-08-01 20:42:32
精彩!謝博士提醒!
22. 兩面看 2015-08-01 21:09:10
股金油匯可跌,因有期貨和淡倉。樓只有好倉。論樓價不用千字文。只記八字:樓沒沽空,錢多價升。
23. 引刀一快 2015-08-02 04:01:31
97-03年難道人口出現負增長?
26. eva 2015-08-02 09:44:24
我上兩個星期看了一個單位無買到,賣了975萬,昨晚aa call 我,話又賣了個一樣尺數,但我覺得望出去景差之前那個我無買,這個賣1038萬,我老公都開始想是否要現在買,再遲些買唔起
27. 引刀一快 2015-08-03 08:40:43
下個禮拜同樣嘅呎數會賣1105萬,再下兩個禮拜就賣1147萬,然後就係1190萬,一直升一直上,但係我保證你買得起,升多兩年你都買得起。
29. 粟米 2015-09-07 11:46:46
經濟有起跌,經濟差樓巿自然會跌。認為樓巿只升不跌的人就等同認為經濟永不衰退,這是天荒夜談。
而家經濟的確正邁向衰退,而樓巿一向較滯後。全世界各國樓巿的歷史都話俾我地知任何上升期都有爆煲既一日; 唔跌由自可,一跌就係以瀑布式崩盤形式告終,而通常爆煲前99%人都是認為永不爆煲。所以現在睇到99%人都跟自己看法不一樣時,實在不需要介懷。
作為全球經濟寒暑表既美股經過近日急跌後還是企在15000樓上,當然(好像)冇乜事,但略懂股巿的也看得出而家美股已是熊巿第一期...(人地講過去幾年點樣點樣都冇意思,因為事實係今年美股才進入熊一)
半年至一年後美股碌到落幾千點時...全球經濟會怎樣? 到時睇下邊個笑到最後。
30. 得啖笑 2015-09-07 13:49:05

客觀數字計算出來的指數就寧信其無,評論員上嘴唇碰下嘴唇講出來的話就寧信其有?神邏輯!