地產博客 > 敢說亮話 返回
瀏覽人次:35737    回應:12
敢說亮話
暴力救市就是俾機會大媽離開巿場
 
湯文亮博士
紀惠集團行政總裁
2015年7月30日

  當大家認為總理暴力救市,國內股民應該心存感激,誰不知,有消息話現在內地大媽股民喊苦喊忽,錯信國家,認為國家暴力救市,股票是不會下跌,於是將整副身家重投股票市場,企圖收復失地,誰不知國家隊救市沒有用全力,股市又再下跌,他們除損失自己資產外,還欠下一身債,都唔知道點算,我相信總理知道以後,一定暴跳如雷,國家暴力救市就是俾機會那些大媽逃離股市,誰不知那一班大媽不知死活,以為國家必然救市,竟然去而復返,簡直是自取其咎,大媽應該檢討自己。
 
  大家睇“鐵達尼號”,沉船的時候船長指揮若定。全部船員不准登上救生艇,三人樂隊仍然繼續演奏,女士,老人先落船。試想想,如果當時有大媽在其中,見到三人樂隊仍在演奏,認為可以再上船聽多兩支歌,到最後才落救生艇。咁樣做,想唔死都唔得。
 
  在總理暴力救市下,A股曾經每日以5-8%上升,那些大媽在各股票投資中心歡呼聲震天,她們話,睇死總理一定會暴力救市,“上,上,上”的呼叫聲不絕,在行內人眼中,那些大媽是賭徒,是一班必敗賭徒。
 
  我相信今次A股再次下跌,總理是不會暴力救市,再救都無用,反而令到班大媽唔知驚。認為國家一定救市,繼續瞓身投資A股。除了不會暴力救市之外,國家應該准許一些A股大跌,累及民生的負面新聞報導,令到參與股市投資的人有多一些戒心,否則,只是報喜不報憂,經常報導出現什麼股神,講什麼博一博,單車變摩托。其實,博一博,隨時有機會龍躉變荀殻。如果了解大媽的股票投資策略,就知道必輸無疑,因為大媽外號叫「磨穿席」,表面上贏輸機會是均等,甚至贏大過輸,但贏的時候大媽又希望繼續贏下去,變成另一次贏輸機會均等,但只輸一次,這個過程便會終止,或者還未終止,直至大媽身無長物,心灰意冷,借貸無門,這個過程才正式終止。不過,若果以小注怡情的心態買股票,借貸不多,甚至不用借貸,股市始終是值得投資。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2015-07-30 08:48:09
社會主義男女平等,女士得到更平等,表現出偉大共和國尊重女權典範,人人平等,大媽資金來源廣泛,總之大叔搵到錢,大媽就有排玩,今次跌多少喺股市唔緊要,跳定隻靚廣場舞,熱好身再火拼索羅斯!
2. 物業初哥 2015-07-30 09:31:37
博士的鐵達尼比喻十分精警!真係一語中的!

龍躉變荀殻」
荀殻魚大條真係幾好食架,不過用龍躉黎換就無謂啦
3. 引刀一快 2015-07-30 11:31:15
依傢乜都係化學嘢,大陸好多筍殼係將泰國筍殼同澳洲筍殼雜交,快大兼抗病力強,龍躉如果係花尾躉還好,如果係沙巴龍躉,居然可以係魚塘養嘅。
4. 愛國嗎? 2015-07-30 12:11:48
若然愛國便每人每月買一手低PE之國企或A股支持國家救市。而不是$300元時吹好港交所可見$500
5. haha 2015-07-30 13:06:05
博士
笑死我
博一博, 單車變摩托
改成博一博, 龍躉變荀殼 
6. 路人皆知 2015-07-30 14:36:27
其實中央只是暴力救重點國企,大媽們很多是買了那些輕飄飄的细股,雖然指數企穩,她們大部分是冇得走,被迫斬倉的!
7. 路人皆知 2015-07-30 14:49:43
唔係呀嘛,咁到唔俾出!你有冇請示湯博士㗎?我相信博士冇咁小氣啩!


8. 路人皆知 2015-07-30 16:03:33
Admin 兄唔意思,請問一般由post 到出街大概要多少時間?
9. Admin 2015-07-30 17:20:12