主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 4115    回應 : 16
敢說亮話
茶餐廳亂話(68)租唔起唔好租
 
湯文亮博士
紀惠集團行政總裁
2017年2月19日

  昨日做了一個講座,兼簽了幾百本書,之後打算一個人食一餐非常豐富晚餐,我唔知點解,每一次做完講座,都會覺得非常肚餓,多數是自己一個人食晚餐,我試過食一個四人用的和牛涮涮鍋套餐,除了烏冬之外,全部食哂,正當我考慮去邊度食晚餐時,茶餐廳老闆話請我在他的茶餐廳食私房菜,是東北菜,負責的人是以前ABC餐廳大廚,我話ABC應該是俄羅斯菜,老闆話沒有錯,不過,中國東北菜其實就是中國,俄羅斯,蒙古,韓國混合體,嚴格來說,是以俄羅斯菜為主,今次茶餐廳夜話,我祈待,但我同老闆講,煮多些,我好肚餓。

  晚上去到茶餐廳,除老闆之外,還有幾位朋友,不是律師就是醫生,每個人都買了我寫九本書中的八本,叫簽名,我樂意做,他們還有一個要求,可不可以送我的第一本書「讀歷史,了解香港地產」給他們,我話剛巧出版社叫做回購剩餘的一百本,星期一會以速遞給他們,跟著,老闆同我講對不起,因為他兩父子爭拗累到我俾網友話天真,小事一樁,何足掛齒,老闆言重。

  我打理公司咁耐,只炒過兩位同事,第一位對租客說,租唔起就唔好租,我對同事講,這句話很有侮辱性,會死人㗎,甚至連頭都會被人割下,不但他冇權講,我也冇權講,我們只是爭取到最好條件,由老闆定取捨,我請那位同事自動辭職,叧一位就是同事開會,一位同事話另外一位同事的建議太天真,我立刻糾正,話這句話不但帶有侮辱性,而且封殺另一位同事的建議,那位同事不忿,認為話人天真是小事一樁,我小事化大,擺明玩針對,我知道是無法令那位同事明白,於是請他辭職,夜話開始。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. Tony lam 2017-02-19 11:37:02
97時、見到買唔起嘅人係咁搶時 (9成按揭、銀行教路·借埋裝修費、篤手指都可以埋枱賭)、小心嘞 !  呢個感覺、97就係咁避咗、沙士期間四圍貢、見落鎚嘅好多實力尋寶友、又即管學人玩下尋寶、嗱埋都6-8厘回報、計數又冇得輸、睇啱嘅就即索 !   

而家呢?辣招制住都咁滾、冇咗實升到癲、可能已經歴幾個大起落、而家級級上、咪睇單邊、以為自己買唔起、就人地都買唔起、其實大把人買得起、QE令存款食息唔夠使、焗住由銀行出走、轉存於磚頭、喺辣招之下、買得起即係揸得住、點有得冧呢!
2. 認同一樓 2017-02-19 13:12:56
昨日有客一炮買15個,佢只不過將閒錢由銀行轉存到磚頭,點冧?銀行冧佢都未冧。
3. 小明 2017-02-19 13:31:09
口可以說好話,但也可說出傷害人的話,但口所出其實由心而發,一個人的本質、教養、心地等不易改,博士所講的是他主動要求一些不能共事的人自行辭職,主因冇辦法,不可教。博士冇講的是似乎除了不可教外,沒有人因能力不及而被辭去,這實屬難得。當然這只建基於博士的文章的推論,可能有錯。
4. 亞發 2017-02-19 15:26:33
第一個可以炒。第二個唔好彩,博士開會前有無講規矩,以後無人講真話。只會你又幾好,佢又唔差。
5. 格雷 2017-02-19 16:18:44
一樓Tony 兄短短的回應已清楚解釋現在樓市實況。港樓根本冇得冧!
6. 升硬 2017-02-19 16:45:40
我都認為是樓市升硬,絕唔會有問題,早買早升值,祝願樓市再升3倍!
7. 引刀一快 2017-02-19 18:14:03
中國,俄羅斯,蒙古,韓國 ”

黐埋呢幾隻衰嘢,中國鋪鋪蝕底。
8. 忍辱 2017-02-19 19:51:49
因果是公平。忍辱波羅蜜。
9. 自我陶醉 2017-02-19 22:17:36
對客的員工用這種態度對客,的確死有餘辜,但同事間開會就不一樣了,先要審判那人說別人天真的理據是否充分,只要大家的討論都是為公司利益為出發點,根本不構成被炒的條件,況且,有理的一方,也不會因為簡單的一句天真而被封殺掉,就算要罸,也罪不至炒吧!在一個國家,不可能犯盜竊的判死刑,搶劫的又判死刑,殺人的亦判死刑吧! 因這一句天真而被炒的人,相信平時的表現和對公司的貢獻,亦屬一般甚至差劣,是個可有可無的人,又或者這句話開罪了一個不可開罪的人,所以才會因一句話而被炒,相信天真只是一個莫須有的理由吧了!

10. 向引刀‧土著‧自醉‧浪子說不 2017-02-19 22:56:33
這裡最天真是118,最侮辱的一句是買唔起樓,唔好對樓市作出胡亂評估。
11. 引刀一快 2017-02-19 23:05:57
自我陶醉兄

我睇法,文中“炒”,應該係一種隱喻。
12. 自我陶醉 2017-02-19 23:21:29
引刀兄,

你真天真,炒就是炒嘛!
13. 向饭民说不 2017-02-20 00:45:24
引刀,博士话炒人艺术,点解你又转到去黑大陆呢?什么 中國,俄羅斯,蒙古,韓國 ”,黐埋呢幾隻衰嘢,中國鋪鋪蝕底。真的是高级黑。
14. 引刀一快 2017-02-20 07:11:22
自我陶醉兄

呢鋪你天真就真,炒都有好多手法嘛!
15. 自我陶醉 2017-02-20 08:09:40
引刀兄,

願聞其詳,我都估到話你天真一定封殺唔到你,哈哈哈!
16. 引刀一快 2017-02-20 10:27:12
自我陶醉兄

炒有輕于鴻毛有重于泰山,有明炒暗聘有..........