地產博客 > 文亮語 返回
瀏覽人次:16519    回應:24
文亮語
日本迷失30年與海外投資
 
湯文亮博士
紀惠集團行政總裁
2019年6月26日

  日本如何迷失30年一直是市民茶餘飯後談話的話題,一般人認為是因為「廣場協議」,到最近因為華為事件,有人將之代入當年東芝事件令日本迷失30年,而事實上「廣場協議」的內容與「東芝事件」的來龍去脈,大部分人都不甚了解,既然唔了解,點解又咁肯定話日本迷失30年是因為上述事件。如果我話日本迷失30年是因為日本人貪勝不知輸,相信很多人都不會同意我的說法。 

  最近,有很多香港人都打算在外地置業,他們當中有不少利用當地的銀行貸款來完成置業心願,其實,他們這樣做是很危險,因為除了樓價可升可跌之外,匯水亦可升可跌,所以,如果在外地買樓而又要大幅借貸,這與賭博差不多,所以我經常提醒那些打算在外地買樓的人,不要借太多錢,最好唔好借,風險就可以降至最低。

  現在香港人在外地買樓,除了貪樓價大幅低於香港之外,亦貪其回報高,但如果問當地銀行借貸,所付利息比香港高,回報就相應地降低,甚至出現負回報,海外投資就變成一個負累,日本就是給負回報所累而迷失30年。

  在80年代,日本經濟蓬勃,不但日本貨幣升值,而日本樓亦同樣急升,曾經試過有一段時間,大東京地區的總樓價可以買起整個美國,不少日本商人大舉買入美國商廈豪宅,包括著名的洛克菲勒中心,不過,日本人並不是將手上日本資產出售而轉買美國資產,因為日本資產不斷升值,出售並不是一個聰明行動,日本人甚至不會在日本借錢買美國資產,因為日元不斷升值,在日本借錢買美國資產是一個愚蠢行為,他們在美國借錢買美國資產,一切本來是很美好,但由於日元升得太高,出口困難,商品失去了競爭能力,日本經濟亦由盛極而衰,不久之後,日本資產狂瀉,日元貶值,在美國的商廈豪宅亦租不出去,日本人在美國投資出現負回報,到最後,不少商廈豪宅,包括洛克斐勒中心就要賣回給原有業主,這就是日本迷失30年的因由,廣場協議與東芝事件只不過是落井下石,如果日本人在買美國資產時唔問美國借錢,廣場協議就不會發揮效果,今日香港人在外地買樓,如果唔問當地銀行借錢,最大不了的損失是物業貶值,不會出現負回報,亦不需要將海外投資報銷。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 顏色筆 2019-06-26 08:34:36
人是貪心的動物,只會看看眼前的利益,有多少人會為未發生的事作準備?
2. Ben 2019-06-26 09:32:42
經博士解釋,買海外樓的人應思考多一點.
3. 十一哥 2019-06-26 09:39:37
迷失30年係學術創作、㗎仔幾時實質迷失過 ? 國內地產爆破衹不過係排膿解毒、向外當比美帝佬奄番多少咁解、週邊國家由呆灣-泰國-棒子-老表-越南-東亞諸國等等、成班阿4服待供養咗㗎仔幾十年…悶聲發緊財…先至係事實嘅全部。
4. 十一哥 2019-06-26 10:37:06
高等經濟理論、主要係象牙塔班大師閉門思考出嚟、市場班爬仔就文章攞嚟當~路紙~揾食…衰咗先有理論根據甩身、政府/市場數據唔洗信衹要用。

5. 乜春 2019-06-26 12:31:01
日本衰咗30年,係美國指使班金融大鱷,一齊炒爆日本所致。佢地將日本股市炒上4萬點、日本樓市炒到日本人要供3代都供唔完。日本人唔識死,以爲自己 d 樓同股都係只升不跌,好似今日香港人迷信樓價只升不跌一樣;最後係索羅斯班金融大鱷隊冧咗日本經濟,滿載而歸。
6. 乜春 2019-06-26 13:01:15
當年日本人買完樓,即時加按畀銀行再買樓;買完股票,即時加按畀銀行再買股票。所以現時日本銀行成手都係呢 D 咁嘅負資產物業同股票。
7. 乜春 2019-06-26 13:22:57
日本銀行手上仲有大量日本人抵押的股票,不過都係負资產,即使賣晒,銀行都收唔返個本。

日本屋價,日本人供咗30年後,屋價仍然只值當年高位六成。
8. 十一哥 2019-06-26 13:38:30
日本呢30年點算衰呢、睇下全世界供應鍊…佢地都仲係上游優勝、衹不過將工夫竇揾阿4幸苦咁解、㗎仔好醒嘅…對人呻苦…背人歡笑、養得起咁多宅人/耆英少個崩都難過㗎、唔好比人造數據誤導·
9. 引刀一快 2019-06-26 13:53:31
如果買大灣區做按揭可以內保外貸就好嘞。以前有銀行做,比如永亨。
咁新一代香港人就唔使驚喇。
10. 十一哥 2019-06-26 14:00:11
阿爺科技基礎…虎已歸山…冇欄得住、華為專利夠膽唔承認…美帝專利就鬆綁…老表就如入冇人之境、以中國現有規模、冇專利產權框住…閂門塘水滾塘魚…滾瀉分D比自己友…大把世界、歐美日冇咗隻肥羊…做就咗隻老虎、睇到爭唔到…邊個幸苦D呢?
11. 真真薯片 2019-06-26 15:45:01
日本經濟差左段長時間,同廣場協議既關係,值得詳細研究,有一樣野值得留意係,廣場協議係1985年簽,日本股災係90年開始跌到92年,而日本房市係91年秋天見頂爆破
12. 十郎 2019-06-26 15:48:26


      亞爺唔會一野打死佢嘅 , 亦未有咁嘅力。應該係勒下鬆下。

13. 差左段長時間 2019-06-26 15:59:13
好像是麥克阿瑟定下來戰後日元是 360:1, 用了 40 年去到 250:1, 然後幾個月 200:1, 88年後 120:1, 後果非常快浮現。
14. 十郎 2019-06-26 16:14:35


      日本其中一大死因 , 是滙價大漲 , 1983年買日元 , 1美元可以換330日元 , 廣場協議後大漲。 人民幣都係被逼升值 , 日本弱勢冇得反抗 , 人仔啋佢都傻 , 你加稅 , 我貶值 , 侵侵已經口出怨言。



15. 勒下鬆下 2019-06-26 16:20:58
十哥, 如果, 啫係如果, 爺幣兌帝幣由 1:1.2x 三年間去到 1:2.5x, 美帝會否也迷失三十年。
16. 十郎 2019-06-26 17:44:16


      一定會 , 不過唔好當猶太佬係傻仔。

17. 唔好當猶太佬係傻仔 2019-06-26 18:06:44
阿爺唔開放資本帳又唔俾走資, 猶太仔除左搞顏色革命都好頸痕。 
18. 去曰本置業 2019-06-27 09:52:10
去曰本置業不太理性。因為日本有好的嘢,通常留本土人,如公仔面,食品,葯品..... 有好置業機會留比外地人?
19. 向泛民说不 2019-06-27 10:38:33
个个都只是讲老美的金融战,广场协议之后,日元上升,日本仔就开始做金融投资,结果就是堕入老美犹太佬设计的陷阱。但是如果有工业收入,始终有一天会走出困境。

其实科技战上,日本也是被老美打压下去的。90年代初期,日本的半导体工业曾经出口总额比美国高。第一次海湾战争,美国佬还在说,得益的是日本仔,因为美国武器很多用了日本的零件。美国佬是如果肢解日本科技业,第一,吾比日本仔统一发展科技,第二,吾比日本仔减价散货,第三栽培韩国,台湾新加波取代日本,记住老美将香港排除在外。结果今日日本仔除了做零件,设备之外,其他的完全没有竞争力。以华为为例,今天华为的零件还是用日本货,但是当中国货单质量提升了,就会取代,一个例子就是面板。日本面板卖不动。还有日本设备也只有中国这个客户,如果中国人能够设计出好的设备,也会取代日本设备。日本和俄罗斯一样,基本上失去了创新。只剩下10年前留下的科技。记得有一段时间,日本的个人GDP还比美国高,现在不但低了很多,甚至还低过香港。这里的仇中狗,记住没有中国的支持,香港不可能做到这样的成果。

还有最近又证明了顾客永远是对的,顾客是上帝,老美厂商已经找到了规避美国制裁的方案,又供货给华为了。所以中国在原则上的问题不能对美国妥协。
20. 向泛民说不 2019-06-27 10:43:22
真真,生意淡薄,不如赌博,听过未啊。85年之后,日本仔生意淡薄,所以开始赌博,跟住出现经济泡沫。结果被犹太佬转移了大量资产。

今天香港班香港黄狗,一样在帮犹太人随时搬走香港人创造的财富。上星期最乱的时候,班黄狗一样系度制造谣言,犹太佬一样系度沽空香港。所以黄狗根本就是卖港贼。
21. 香港土著 2019-06-27 14:21:53
日本迷失三十年,主要症狀是大量Made in Japan變成Made in XYZ. 股樓接連暴跌,正財富效應變成負數,變成爛賬,變成負擔。經濟增長似有若無幾十年,社會上流機會大幅減少,受苦主要是年輕一群。整體來說,日本人生活水平大致能夠保持,但細看其實是貧富差距長年無法收窄,所謂迷失正在於此。
22. 十郎 2019-06-27 15:05:14


      日本銀行係負資產 , 日本公司互相控股。如果大家一齊計數 , 按在銀行的股票 , 資不抵債。他們拖得就拖 , 拖到過左關 , 就係神仙。

23. 十一哥 2019-06-27 16:01:44
十哥 大富翁遊戲…玩紙上富貴 、全世界都玩緊。

24. 十郎 2019-06-27 16:11:04


      隔離果句最實際 , “ 幸好已上岸 ”