地產博客 > 文亮語 返回
瀏覽人次:25243    回應:25
文亮語

失業率飆升之前,樓價早已下跌

 

湯文亮博士

紀惠集團行政總裁
2018年10月22日

  現在香港有一個很奇怪的現象,就是利息與失業率都是極度偏低。不過,大家都話加息對樓市沒有影響,甚至有評論員話加息代表經濟良好,樓價會繼續上升,但又沒有提過失業率。倘若失業率上升,樓價又會怎樣,其實是不用問任何專家,失業率上升代表經濟環境轉壞。樓市的終極殺手,樓價一定會下跌。現在最不利的情況就是失業率太低,經濟稍為轉差,失業率都會上升,不少人認為樓價是會受失業率上升影響。其實,影響樓價的事還有很多,例如利息上升、供應增加、中美貿易戰等。如果沒有那些因素,失業率上升暫時是不會影響樓價,但情況如果持續,樓價就一定會受到失業率上升影響,失業率飆升,樓價就會急跌。大家千祈唔好以為我亂作,摩通已經有分析員提出這個論據。失業率上升的確會令樓市下跌,但問題是在失業率上升之前,樓價早已受其他因素影響而下跌。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 預左唔出 2018-10-22 13:00:44
失業率太低何以不利?個個冇得撈先大吉大利?
2. 樓市人 2018-10-22 13:51:51
很多學者及樓評人都認為現因加息、中美貿易戰及股市下調,令某些以往叫價太高的單位售價回調;但看現美國經濟因數,明年或加多兩至三次息巳加完,如中美貿易戰援和及股市回穩,樓價應會平穩向上,未必會如一些大行預測下跌4成。
3. 未必會如一些大行預測下跌4成 2018-10-22 15:36:59
但可橫行下行好幾年湊夠數, 吉舖多左好多, 而好多惶老吉舖吉左半年以上, 唔通等賣利是封?  如果月租三十, 業主 full paid 都已經冇左二百個洗用, 哩二百個可以帶動多少就業? 濕熱率會滯後, 阿爺都唔怕增長減慢, 最多拎本紅簿仔出黎慢慢燒。

5. 巴 2018-10-22 15:58:12
未來有咁多基建、填海
高租金都己有咁多中國企業進駐
有國家支持,根本失業率難跌,反而要引入外勞,減輕填海成本
6. To 3 2018-10-22 18:12:45
點解啲 post 成日篩左去嘅?
8. 貴公子 2018-10-22 19:36:01
有港銀又再減息,因付款多過貸款,銀行仲大把水,減息令樓價跌就不成立,只是技術調整。
9. To6 2018-10-22 22:19:08
曾留過一段篩走了的留言:

成日留言都出唔到嘅,多數係好友。

咁解釋到未?
10. morgan 2018-10-22 23:59:19
劉德華 : 200萬港人多謝你 !
來源:香港網 www.123hkw.com
公屋申請30萬,居屋申請26.5萬,4人家庭計共有200萬港人等上樓,200萬基層市民正租住劏房!他們受盡地產霸權的壓榨,地產霸權捐錢給所謂環保人士,以虛假的保護環境為理由,反對填海,反對收回粉嶺高爾夫球場、反對收回棕地、反對開發郊野公園,無視香港人住屋的迫切需求,無視香港人的悲慘現況,想港人世世代代,子子孫孫為奴,為地產商打一世工。

是你劉德華,站出來為200萬等上樓港人發聲! 為香港基層市名納喊! 香港網代表200萬等上樓港人多謝你! 700多萬香港人支持你! 全球16億華人支持你! 你住豪宅,關心200萬租住劏房香港基層市民,你頂住地產霸權僱用的打手對你的圍攻,你才是真正的香港人! 你是香港的驕傲 !

回望10月14日反對填海遊行,組織者收了地產商的巨額捐款,充當地產商打手,炮灰,只有5800人上街遊行,相對200萬等上樓的港人,反對者只佔少數,微不足道。

東大嶼填海5千億元,土地收益1萬億,填海後可賣地,收回相當於成本幾倍的收入!明日大嶼不止可以增大儲備,同時還可以解決100萬香港永久居民的居住問題,可以建成新中環( New Central ) ,新的金融中心,社會效益5萬億!同時,香港具有一百多年的填海經驗,維港兩岸的摩天大廈,都是填海填出來的,技術上也沒有太大的困難。


香港網呼籲香港政府 : 為了香港的利益,為了香港人的將來,勇敢地做出果斷的決定大規模填海,收回粉嶺高爾夫球場、收回棕地、開發郊野公園建屋 !
11. 引刀一快 2018-10-23 04:07:09
住,係剛需


賺錢,係剛需中嘅剛需


唔想蝕錢,就係剛需剛需剛剛需

呢200萬所謂等樓住嘅人,有幾多瞓緊街?有幾多係想置業博升值?有幾多係怕通脹要保值?有幾多根本喺大陸有物業?又有幾多係人有我有唔執輸?
等14年都等得嘅,居然叫做剛需?
12. To 9 2018-10-23 08:31:51
係又好唔係又好, 謂之硬好, 同係又唔好唔係又唔好一樣唔好, 不過個勢真係麻麻地, 今早同的哥閒聊, 確實旺尖銅多了很多吉舖, 同志和哥(唔係一個叫阿和嘅同志)講香港地多到你唔信, 意思可能係實體經濟支持唔黎。
13. To 11 2018-10-23 08:38:36
尋晚新聞訪問交緊八千銀嘅劏房戶上樓漁灣邨暫租屋交四百幾至千幾, 而且真係一間屋, 佢地嘅表情談吐語氣對話內容, 如果將個畫面轉成黑白, 同幾十年前徙置區上樓嘅人並冇分別, 填地出黎起公屋, 有咩問題?
14. 舍神 2018-10-23 11:37:16
成交量低得很不尋常! 
想走也不易!到失業率上升之日,更加無路可逃!

好市唔放,一跌,跟本找不到買家!! 呢個係樓市最可怕之處....
15. 湯瑪斯 2018-10-23 11:49:23

中美貿易戰有排都唔會緩和。中美貿易戰有排打,而且早前的加關稅等措施對兩國及其他相關經濟體的影響需要一段時間才浮現。正因為香港經濟向下的機會大過向上,所以不少業住劈價止賺(劈價止餂的已變銀主盤)。

16. 靠父幹 2018-10-23 11:52:02
靠父幹的意思是翻閹老豆果間係咪?
要老豆果間可被閹, 第一是要早年買落 (升得夠多), 第二是老豆可能唔止一間, 第三是要有償債能力 (哩個唔係好明係將退休嘅老豆用退休金還是阿仔孭兩間, 但是二擇其一都表示根本唔駛問錢莊借或根本借唔足, 定偷雞放租?)
咁息進價退嘅時候哩條橋仲行唔行得通?
咁搵邊個接貨?
除非跌到老豆本紅簿仔已可夫 pay? 

17. 引刀一快 2018-10-24 09:40:04
To 13樓

填海要等十幾年,揾個快靚正嘅方法揾地起公屋,有咩問題?

飛地係真心解決居住環境嘅最有效方法。
18. 有咩問題? 2018-10-24 09:43:26
飛地起公屋啫係將落黎團聚嘅人趕返去大陸?
19. 引刀一快 2018-10-24 11:15:54
咩叫飛地你都未識。你了解咗再討論。

填海等十幾廿年,即係叫想團聚嘅人等多十幾廿年?等完十幾年仲要去離島住?
20. 引刀一快 2018-10-24 11:16:59
咁叫做解決問題?無語.....
21. 飛地 2018-10-24 11:29:17
神說有了飛地就即刻有了內裏是香港嘅飛地咩? 東莞同廣西飛地就係香港 = 去世界之窗環遊世界或去唐人街食唐餐
22. 預左唔出 2018-10-24 12:42:41
今時今日,誰會在意公公噏乜春?除非是新網友。
23. 引刀一快 2018-10-24 13:53:40
有心飛,飛去東三省都得,不過冇人好似你咁傻想飛地去廣西嘅。
24. 香港土著 2018-10-24 16:44:58
通常喜歡無理攻擊別人XYZ的,本身多數都是有相關缺憾。這類狗賊尤其喜歡匿名攻擊。
25. 一丘之貉 2018-10-24 17:32:41
說不名單下,一群狐朋狗黨,明嘅。
26. 引刀一快 2018-10-24 18:12:33
香港土著兄

呢班正正就係xyz,一個人N種論調,只為做反調而設,署名類似於避孕套,都係一次性,就算對手係同一個人,都要次次換架!

呢樣嘢,反而說不女仲好D,起碼個名只會加長,哈哈哈
27. 引刀一快 2018-10-24 18:20:39
To 25樓果隻貉

狐朋狗黨起碼都有署名有實體吖,你地嘅所為,只配叫做遊魂野鬼咋。