地產博客 > 文亮語 返回
瀏覽人次:27267    回應:11
文亮語

議而必決,決而必行

 

湯文亮博士

紀惠集團行政總裁
2017年6月22日

  林太率領新政府的管治班子見傳媒,有人話這是二流隊伍,其實,大家都知道,政府不但是熱廚房,而且是有抄家冇封誥,甚至會連累家人,薪金又唔係咁好,一流人才真的是沒有興趣,或者是不敢做政府官員,現在的新班子大多數是舊人,不少是政務官出身,不要奢望他們有創新思維,但按指令執行就應該不成問題,大家現在暫時唔好彈新的管治班子,起碼要給他們一些機會。

  林太在介紹新班子時說希望可以做到議而有決,決而有行,我相信這兩句話是回應朱鎔基總理話香港政府議而不決,決而不行,當時唔好話政府官員,甚至一般市民都覺得冇面,但我們又不能夠否認朱總理的批評,今日林太用議而有決,決而有行來回應,我認為除了未夠肯定之外,議而有決還可以說是講得通,但決而有行就有點勉強,唔通團體的中文水準就是如此,唔怪得林太要推行國民教育,其實,如果要回應朱總理的說話,我認為用議而必決,決而必行就肯定得多。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 多口一答 2017-06-22 09:08:38
團體的中文水準很好,只是博士不解現今為官之道。
不詳說,博士請參看合約工時、強積金對沖兩年近事,博士應該就會深深體會為何是議而有決,決而有行,而不是議而必決,決而必行
2. 十一哥 2017-06-22 11:16:33
新班子…冇乜外人…呢個先係重點、可以話係林鄭嫡系、腦之使臂…冇得甩轆、反之求外人入局…精英心態…必然招積…政策好易陽奉陰違、成副機器實窒下窒下。

睇實主角…陳㠶做嘢…邏輯好強、目標為本…冇乜包袱、公營房屋…會係主軸。


3. 十郎 2017-06-22 11:58:37


      廣東俗語:有抄家冇封誥。

      “誥命夫人“即是一品夫人,是皇帝對大臣的母親或妻子的加封“誥命夫人“。抄家是沒收財產,一收一放,完全相反。

4. Admin 2017-06-22 12:36:13
謝謝3樓, 文章已修正。
6. "議而冇决", 林鄭都冇符 2017-06-22 14:08:50
在議事庭班議員唔想"議而有决"既話, 林鄭月娥都冇符
7. 江邊人 2017-06-22 14:49:25
是的,是二流班子,但都是九流議員所做成的結果。自己就加人工,但就不加给官員,理由是無表現,我想請問九流議員有何建樹?
8. 十郎 2017-06-22 15:09:20


      官員做得野又點?過得到垃圾會咩?耳猿以侮辱官員為快事,老董伯伯有本事唔比面胡總,有本領辭職特首。搵食嘅官唯有做一日和尚撞日鐘。


9. Sam 2017-06-23 11:32:26
議而決,決而行
10. 真真薯片 2017-06-23 22:37:40
議而不必決, 決而不必行…………
11. 真真薯片 2017-06-23 22:37:40
議而不必決, 決而不必行…………
12. MK 2017-06-24 03:15:46

林鄭上場後樓市即爆升之"香江無限輪迴"


最近個市比較靜,因為而家大家唔動手,睇定林鄭有冇動作先再後動,其實好多餘,因為佢根本完全冇辨法、無能、無膽量、亦無心:

1.無招可出: 仲有乜想像空間?難道出限購令?100%額外印花稅? 市場已完全睇穿林鄭冇招再出!

2.土地供應: 換班子換特首根本無助土地供應,唔通新特首會生地?

3.官商"合作": 佢係邊個選出來? 難道是由廣大市民普選出來? 知唔知有幾多地產選委比票佢? 大家懂的.....

喺地產商夾住CY偉大治港之下,香港可以分享的"成功"故事,是某某食住個市炒樓炒到唔駛番工,而不是年青人辛勞創業成功建立品牌;"勵志"Headline故事係16歲抽到居屋前籌,揾到父母幫手比錢做"孝順"女,而不是仔女怎樣回饋父母;未來香港將會越來越多"成功"及"勵志"故事,炒樓千秋萬世,什麼科技初創簡直係垃圾不值一提。

總結林鄭上場之後冇任何即時動作 (就算有都好快被人睇死!),樓市立刻報復性上升兩成(年底前),延續CY成為另一個樓市功臣。建議現在趁低息一注獨贏,未來林鄭任期樓價保守上50%以上,預料到時佢又賴三賴四,好似CY甘不斷loop"供應黎緊啦",see? 而家冇屋住嗰啲,去搵CY算賬,佢話我升Lv啦,我從來無叫您唔買樓噃,我只係叫您"小心謹慎"地買樓,傻仔,唔駛驚,林鄭完左任期供應都應該係"黎緊啦",而家買起碼仲有五成水位,我係主席,放多幾十萬大6人落黎幾多供應都唔夠啦,understood??