主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 11564    回應 : 14
文亮語
樓市的牽機散
 
湯文亮博士
紀惠集團行政總裁
2016年11月29日

  或者會有人問我什麼是牽機散,就是宋太宗毒死南唐李後主的毒藥,成份是什麼我就唔知道,總之,一劑搞掂,保證服食者魂歸天國,唔講大家可能唔知,香港樓市頑疾,如果用牽機散,我相信一劑就可以搞掂,不過,連香港都搞掂,CY都唔敢用,究竟什麼是香港樓市牽機散,很簡單,就是租務管制,簡稱「租管」,唔需要研究內容,只要政府話考慮出租管,樓市已經大冧,CY在上任後,他的遠近謀臣見到政府未能有效地管制樓市,就已經在不同場合發放訊息,話政府隨時準備出租管,害得官員一次又一次否認,由此可見,租管的威脅的確驚人。

  在去年初,樓價飆升,我收到小道消息話政府準備出租管,於是冒死寫了「細價樓爆煲論」,希望官員認為,細價樓既然就嚟爆煲,就毋需考慮出招,而我之所以話租管是樓市牽機散,原因是租管除了對業主不利之外,對租客則是未見其利,先見其害,因為業主知道未來租金升幅將會受到限制,就會在最初出租時預先提升租金,令到租金會在一個短時間內急速上升,對租客絕非是好事,CY及財金官員絕對了解這個情況,從來對租管都是隻字不提,但我又想唔到,今次特首有意參選人胡官竟然話可以考慮出短期租管,由於可見,胡官完全不了解樓市,但胡官仍未入閘,他的政綱不能視為參選政綱,范太話,未入閘者的宏願,可以當作娛樂新聞。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 打工仔 Andy 2016-11-29 14:06:52
胡官只適合做法官, 其他公職真係唔好諗, 只會愈幫愈忙! 謝謝!
2. 租管 2016-11-29 14:49:58
其實租管唔一定要以舊有形式出現。例如可以透過差估處設定每一個屋院既尺租上限。單單設了呢個上限,好多問題都可以解決。以往養出租霸既條例,好似唔可以趕租客走既條例就刪除。如果上限合理,其實不但可以控制租金無止境上升,又唔怕惡租霸橫行,業主又可以更有預算地收取回報,業主又唔會有誘由趕走舊租客。何樂而不為? 
3. 十郎 2016-11-29 15:27:18


      ‘牽機散’,我當然唔知道係乜,但我之前睇過一篇東西,講述趙匡胤毒死李後主。用的牽機散是一種慢性毒藥,每天加進食物或者酒裏,被毒者唔會即刻死亡,而身體的 size 會逐漸縮細,一個成人縮成一個小孩,西瓜咁大個頭變成蘋果,李後主知道的,即是慢慢折磨到死。所以叫做牽機散(收縮)。

      租管最大殺傷力是收唔到樓,除非理由是自住或重建,如果用自住理由收樓後出賣,大良監都有得坐,重建就要補償住客。記得留言版,有一位師兄,曾經經歷租管洗禮,他最清楚什麼一回事。

4. AH-HO 2016-11-29 16:25:31
我的愚見是,如果租管一出,有以下情況發生:
1)像博士說的,新租約租金馬上爆上
2)業主除了新租約大幅價租以反映RISK PREMIUM外,他們可以選擇唔出租,養下老鼠、貓、狗、龜。。。,慢慢等機會賣樓。或直接唔等,馬上賣樓。


如果(2)的情況發生比較多,樓價會有機會下跌,但以現在業主的持貨能力看,估計不會馬上爆煲甘大幅度的下跌,而是慢慢的下降。

但留意是,租客面對的風險卻是即時的,1是新簽租約的租金上升,2是放租盤減少。就算樓價開始下跌,以宜家樓價基數比較大,加上金管局的按揭控管,現租客有沒有能力買是一個問題。部分暫時沒有能力買樓的租客,他們會是最痛苦的人,可能連找一個住的地方都很困難了。到時,可能往下流,等公屋是最後的出路了。但現在已經有20-30萬人排隊了,但政府卻一地難求。。。。

出租管,租客們準備好了嗎?政府準備好了嗎?

會不會又是一個愛你等於害你的例子呢。。。
5. 引刀一快 2016-11-29 17:04:27
我先表明態度,我對租管並不支持,雖然我未經歷過租管,然縱觀所有評論者態度,看來係一個惡法。

不過我有個疑問,租管規條是否已經等同十戒,一係唔攞出嚟,攞出嚟就係果幾條,冇得郁,21世紀依然使用上世紀中旬嘅法規?

以前對租管表現最心痛惡絕嘅師兄就係蛻變中的懶人兄,好耐冇見到佢,懷念。
6. 十郎 2016-11-29 17:09:43


      刀兄------我都唔贊成租管,我認為不需要用到租管。

7. 占士 2016-11-29 17:11:45

對,我們都非常懷念懶人兄,希望他安好!有時間可以和大家分享一下其的近況。

8. 香港土著 2016-11-29 17:11:51
即時加租??哈哈…… 

哩個可能有一廂情願、主觀願望之嫌。根據一d外國經驗,租管推出,基本上可以做到唔比空窗期業主加租。(有租管地區,我基本上唔會考慮投資物業。)
9. 路人xx 2016-11-29 17:12:49
一個打工仔做錯決定,俾老闆炒魷魚,久而久之,打工仔做事小心翼翼。

一個商人做錯決定,生意失敗,傾家蕩產,久而久之,一個商人心思細密,思前想後,三思而後行。

至於法官,工作上有着無上權威,每一個人對住法官都恭恭敬敬,只有法官鬧人從來不會畀人鬧,亂判又唔使孭鑊,判錯又唔駛扣人工,又唔使承擔錯判所產生的社會問題,永遠自己說了算,根本唔使諗後果。久而久之,法官根本完全不適合制定政策或做任何有關決策的工作,就連一間茶餐廳也管理不了,更遑論做特區首長。
10. 十郎 2016-11-29 17:32:17


      租管惡唔惡?就唔知,不過佢會係毒死樓市既‘牽機散’。

11. 香港土著 2016-11-29 18:16:58
9樓,

你對司法制度得的瞭解,基本上係遍面+錯覺。
12. 路人xx 2016-11-29 19:10:52
法官判決不公人所共知,我們放長雙眼看看投擲午餐肉跟投擲豬內臟是否判同樣的刑罰吧(坐半年)⋯⋯
13. 引刀一快 2016-11-29 19:39:16
土著兄


佢可能講緊大陸未開發地區果D法官,廣州法院果D都唔係咁嘅喇。
14. 香港土著 2016-11-29 20:15:12
哦~ 原來係講緊古代蠻方制度!