地產博客 > 文亮語 返回
瀏覽人次:25382    回應:13
文亮語
利息會以什麼形態上升
 
湯文亮博士
紀惠集團行政總裁
2016年11月21日

  美聯儲局主席耶倫在沉寂了一段時間之後,最近又公開露面,今次表明要加息,其實,在大選前就應該加息,但如果當時加息,美國人就會覺得,無論選希拉里或者特朗普,美聯儲局都會加息,所以,耶倫在大選前的一次議息唔加息,令到美國人有錯覺以為投票俾希拉里,美國就唔會加息,所以,不加息的決定是對希拉里有利,不過,即使有耶倫幫手,希拉里仍然未能奪得美總統寶座,只可以說,時也命也。

  其實,在大選之後,無論希拉里或者特朗普做總統,都一定會加息,現在猜測的應該是美聯儲局以什麼意識形態加息,意識就好似耶倫去年所說的步伐緩慢,抑或是一般人的錯覺,利息即使加,又可以加得幾多,但我認為美聯儲局加息的意識是連續不斷,的確幾驚人,但我不是胡亂發表意見,根據美聯儲局最近發表的加息機率,今年最後一次,以及明年全部八次的加息幾率,每一次都超過90%,我睇到之後都嚇了一驚,因為,這表示在未來九次議息都會加息,即使每次加0.25%,全部合共就加了2.25%,雖然還未過金管局的壓力測試底線,一般人都應該可以捱得住,但唔好忘記,在今年內買新樓的業主,很多都會採用地產商沒有壓力測試的高成數按揭,利息上升,他們就會感受到壓力,甚至無法應付,我希望我睇錯,如果利息連續不斷地上升,任何人都感覺到壓力。

  至於形態,一般人都會以息魔來形容利息上升,其實,息魔並不可怕,因為魔由心生,很多時是自己嚇自己,或者被人嚇,好似在過去幾年,官員們經常提醒市民就嚟加息,嚇到很多人唔敢買樓,我認為今次利息是會以息狼形態出現,狼是群居動物,很少單獨獵食,所以,今次加息是會連續出現很多次,大家小心息狼。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 股票投资人 2016-11-21 09:05:03
我覺得湯博士對數理解可能有誤, 左邊的概率表示的不是說當期會議的加息機會率. 要看可能會加幾多息是看息口停係某一位置的機會率. 所以從2017年中(7/26)來看就是2016年12月加完息之後, 聯儲局加多一次息的機會同不加息的機會是一半一半, 2017年尾(12/13) 加多兩次息的機會同加多一次息的機會是一半一半.

所以結論是: 從數據上來看, 今年12月加完之後, 17年中加一次(0.25%) , 17年底加一次(0.25%)


2. 南瓜头 2016-11-21 10:26:58
“根據美聯儲局最近發表的加息機率,今年最後一次,以及明年全部八次的加息幾率,每一次都超過90%”——請指教,這是哪個報告里看到的?謝謝!
4. 湯文亮 2016-11-21 10:46:48
7. Bloomberg 2016-11-21 11:13:54
報紙應該都係QUOTE 返BLOOMBERG 既數據
但報紙寫呢篇文既人...水準一般...不明甚解...誤導讀者...同湯博士無關
係BLOOMBERG "PROB OF HIKE" 既意思係指....係果個月份既RATE 比CURRENT RATE 高既機率.....所以你見到個"PROB OF HIKE"係按月份不停上升緊.....因為一個月唔加...下個月又會有機會加.......應該理解為....係2017年12月既RATE比現時0.25% RATE 高既機會係99.7%...
8. 一讀者 2016-11-21 11:15:59
信蘋果定信Bloomberg ?
9. 浪子心聲 2016-11-21 11:24:47
我非常認同湯博士對明年美國會急速加息的睇法,因為特郎普應想連任美國總統,他就要先加息後減息,在這2017年急速加息是最階時段,然後在2018或2019年開始慢慢減息,就能增加特郎普2020年競選連任的機會。
10. 金樓玉衣 2016-11-21 11:32:57

7樓正解, 那個probability 應是cumulative probability, 所以一定是按月份上升的.


11. 股票投资人 2016-11-21 11:33:08
所以信報紙的記者真係..... 
他們平時都係通過係較大型投資資者推介會門口等d參加會議的基金經理出來, 然後遞上卡片,希望認識些基金經理, 孰左之後就希望向他們套料作為寫報紙的素材, 但很多人都是東拼西湊對拿來的料究竟是什麼是一知半解. 
12. 湯文亮 2016-11-21 11:41:47
今次俾報紙搞亂,不過,咁仲好,大家可以多了解,加息機會率應該是提出加息機會率,即是未來9次議息,每一次都會提出加息,其實亦幾高,大家小心。
13. Hbw 2016-11-21 11:51:22
特朗普係地產商人,佢好清楚利息和樓價的升跌關係。由2008年,美國樓價雖然由低位升返,但都未重返高峰期。現在美國買樓借貸利息大約在3.5%-4.2%, 加上買樓情況亦很繁複,就算有良好工作例如做教師,警察,公務員,他們嘅信用要很高分才可以攞抵息貸款。另外美國本身國民擁有自置物業的比率停留在廿年的低位,所以可以睇到特朗普將會有一個政策去鼓勵美國國民去做首次置業。我有一個比較瘋狂嘅想法,美國政府和聯邦儲備局容許通脹,即係搬龍門,可能係4%以上,迫使美國國民覺得物價指數不停升,工資雖然系升但都追唔到樓價和物價嘅升幅。當中關鍵嘅因素就係保持利息在一個相對低水平。



17. 85後已上車 2016-11-21 12:51:54
該bloomberg表既意思應該係:
在05/03/2017
利息在
0.25-0.5% 機會為 1.4%
0.5-0.75% 機會為 69.4%
0.75-1   % 機會為 26.1%
...

所以在12/13/2017時
利率在 1.5%或以下的機率為
  ( 0.3 + 13.9 + 33.4 + 32 + 15.6 )% = 95.2% 

即係呢個bloomberg表預期緊到下年年底前, 有95.5% 機會下年加少於或等於4次。當然呢D數據, 隨時會變。
18. 香港土著 2016-11-21 14:42:50
當下香港住宅樓市問題, 實際上只有手持重貨投資客需要擔心......

得一間自住樓的小朋友, 傷極都只係半世住貴樓。 醒目識投資就點都唔會比一間樓綁住一世, 笨Ren唔識投資橫死豎死都係食物鏈最底層, 輸樓價已經係人生不幸中之大幸。

重貨客就唔同, 貨出唔到, 想去銀行套現又唔得, 租金回報如同雞肋, 加多兩次息後就收租衰過咬雞肋, 到撐到黑天鵝出現滿街跳樓貨時, 好可能又唔夠錢大手掃貨。

其實, 李超人已經身體力行帶頭減磅兩年幾, 冇跟智慧老人行, 遲早都要還。
19. 引刀一快 2016-11-21 15:54:32
香港土著兄

今次我就唔同意你講法,揸重貨嘅,好歹不至於節衣縮食,買天價納米樓果班,人生已經打折。