地產博客 > 文亮語 返回
瀏覽人次:27712    回應:24
文亮語
人必先自侮然後人侮之
 
湯文亮博士
紀惠集團行政總裁
2016年11月3日

  有四個星架坡電視台DJ在香港機場食炒麵,食完之後唔like,於是整條YouTube片放上網,彈炒麵好x難食,話如果唔識炒,佢教班廚師炒,本來講下粗口,讚下彈下,是沒有問題,四條坡仔不知好歹,竟然話佢哋屋企隻狗都唔會食,今次四條坡仔大鑊,以為星架坡政府好似香港政府咁弱雞,他們返到星架坡之後準備受笞刑,即是要被打籐,我估計最少打六籐,如果唔需要打籐的話,星架坡政府或者會嘉許四位DJ,可以在香港地頭侮辱香港人,不過,我認為星架坡政府會以大局為重,或多或少都會教訓一下四位DJ。

  這又很難怪四位DJ可以在機場公然侮辱香港人,因為兩位準議員居然在宣誓時自認是連豬也不如的支那人,既然自己侮辱自己,又怎能夠怪別人。

  我在外國讀大學時打過很多次交,大多數都是另外一些同學公然講一些侮辱中國,或者中華民族的說話,打交打得多,那些鬼仔在我面前都唔敢講,但又有一次,一條坡仔並沒有講一些辱華的說話,一樣被我打到變豬頭,之後,仲要同我道歉,當時,大家都一齊食飯,佢見到我的午餐就話,咁嘅食物,佢屋企隻狗都唔會食,我打佢,大家都話打得好,因為,條友平時好口臭,見到鬼仔就低聲下氣,見到中國人就扮鬼仔,他被我打過之後就非常收歛,好似回星架坡之後做到部長,後來,他對別人講非常多謝我,今次,四條坡仔行為,如果由佢處理,唔打籐都唔得,打籐並不是懲罰,而是教精他們,四個坡仔行為其實並不是侮辱香港人,而是侮辱他們自己。

 
 
我要回應
我的稱呼
回應 / 意見
驗証文字