地產博客 > 文亮語 返回
瀏覽人次:37055    回應:23
文亮語

講俾你聽的消息就唔係消息

 

湯文亮博士

紀惠集團行政總裁
2016年10月26日

  上星期我撰文話理髮師教我買樓,已經聽到樓市下跌聲音,反應群情洶湧,搞到我要話可能聽錯,稍後,我收到理髮師WhatsApp,話樓價直線上升並不是與我唱反調,而是有根有據,有圖為証,跟著他傳了一份報章關於我講睇樓市不如聽樓市的新聞,同版有大半版講大款北水南下,400億狂掃港樓,證明他並不是亂作,我同佢講,我從來都沒有認為他是亂作,不過,他收到的消息已是以前的消息,北水南下是真的,但最少已經是半年前的事,現在部署完畢,才對外界說,消息導致港人搶樓,樓價飆升,得益者當然是北水,其實,講得俾你聽的消息就唔係消息,在北水南下初期,消息話樓市將會進入蕭條期,樓價最少下跌三成,如果當時以此消息作為投資指引,物業資產就會被北水吸納,消息當然要留意,但是時間是更加重要。

  大家還記得去年復活節後,恆指衝上28,000點,當時不少股市專家非常雀躍話北水南下,港股大時代來臨,恆指衝上4萬,5萬是指日可待,我撰文話那些北水早已南下,已經準備收割,大家所講的大時代其實是大春秋戰國時代,是一個非常危險時代,那些小國生存於幾個大國之間,偶一不慎,就會被其中一個大國吞併,對於那些小國國君來說,大時代就假,大春代就真,當時,人心雄雄,我講什麼都沒有人聽,於是,人取我棄,又唔知點解,恆指莫講四萬,連兩萬九都上唔到,唔需要好耐,就已經跌到一萬八,相信大時代的人,都變成了大春代,現在,舊調重彈,北水南調,莫非另外一個大春代來臨。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 無奈 2016-10-26 09:07:49
以前廣東人有南風窗之說,時移勢易,今天大家都講北水南調。

我認為北水南調從未停止過,只是時快時慢,半年前屬於快,對港樓起推波助瀾作用。

大國屹起,中國走強,北水南調,勢不可擋。

還是那一句,已印發的鈔票收不回,已出走的錢不會回頭。

香港的樓價與經濟發展漸漸脫鈎了,不是嗎?


2. 同意 2016-10-26 09:16:47
08年後,世界央行學識一招,冇錢?印印印,本來要破產的人變得更有錢,本身冇錢的人就繼續冇錢。而家會唔會已經去到一個只有調整,沒冇熊市的世界?一有熊味就印返上去。遊戲規則,龍門任佢搬,直至窮人受夠群起推翻佢,先再有熊市,不過都唔知幾耐,可能呢代人死哂都未到黎!
3. 同意 2016-10-26 09:23:47
如果我講你知,你放錢去股市也好,樓市也好,大買特買,買後有咩事,國家會出手托返起佢,咁仲有咩好驚?
4. LYC 2016-10-26 09:36:38
5. 同意 2016-10-26 09:58:17
上年的大時代好,大春代又好,恒指上完28000,就插落18000,而家又上返23000,24000,如果你一有錢又買,一有錢又買,上年到而家又收過股息,而家理應都賺緊錢。日日聽王弼兄所講,支爆支爆,唔敢買就真係大春代了。而家樓咪一樣,我當真係大春代,佢插一插,咪又湧返上黎,咩供應,加息,失業率,永遠永遠在下一個月,仲有人信?
6. 真真薯片 2016-10-26 10:04:12
上年股市大春代, 係由北面先爆, 然後曼延到港股

如果樓市大春代, 過程理應一樣, 所以要睇實大陸樓市
8. 同意 2016-10-26 10:45:39
都唔駛聽,有眼都睇到,經濟差,差左咁多年,失業率會升,香港人x街,失業率係3.4%,唔係一次,係好很多次,多到都冇為數,我真係想問,有幾差?加息,耶大嬸搬龍門咁叻,基本上都誠信破產,失業率高就等失業率低,等陣又話英國銳鈎,之後就通脹,而家就可容忍通脹,下次習大大冇胃口驚影響世界經濟又唔加息,講咁多次大話仲有人信,真係不得了。
11. Mr. Bubble 2016-10-26 11:51:04
Between 1924 and 1929, the Dow Jones Industrial Average quadrupled. At that time, it was the longest bull market ever recorded; some thought it would last forever. In the fall of 1929, economist Irving Fisher announced that "stock prices have reached what looks like a permanent plateau."

同2樓講既野同出一徹!樓市已經去到一個唔會再跌既位!人無論知識點豐富,有啲野始終無變過!
12. Mr. Bubble 2016-10-26 11:57:16
Irving Fisher 呢位歷史上知名既經濟學家講既 "stock prices have reached what looks like a permanent plateau",同前排香港一位經濟學家講「銀紙變廁紙」,可謂異曲同工!
14. 亞Q 2016-10-26 16:17:20
Irving Fisher 嘅年代中央銀行還未識得印銀紙,只曉得用黃金作儲備!就算當時全世界發現同開發多幾十個大型金礦都係於事無補,掘金點夠印錢快。
15. 髮型師的愚見 2016-10-26 16:41:56
深知湯生向來都是資深投資者
實力不容置疑
但若果好像湯生說法未來供應之多
亦沒有理由看不到各地產商早有共識
不會同時推盤,以致頭三季比預期大落後
難道第四季的供應會突然追回年頭的預期?
實在是小弟愚見
16. 同意 2016-10-26 16:58:51
仲有而家科技發達,以前有股災樓災,消息的傳播要幾日,幾星期,而家,一個鐘,本來好驚的情緒,極速消化。
以前仲有戰爭,建設,破壞,再建設,再破壞,破壞完大家一無所有,機會再次均等,社會秩序reboot,而家仲會唔會有大型戰爭?大型戰爭分分鐘會世界末日。冇大規模破壞,死亡,加上現行社會主義,有錢的只會更有錢,而政府會有利於有錢的一方定窮的一方?從而創出左新詞語,大得不能倒下,不能倒下可以點,政府出手幫,有錢人輸錢,就全國人民埋單。一個公就我贏,字就你輸的遊戲,點解仲有人會唔識玩?唔明
17. 同意 2016-10-26 17:02:46
正常玩法係咪大家一齊狂買,贏左等收錢,輸左等政府出手,全部人埋單,驚咩
18. 抗通脹 2016-10-26 17:43:39
細個最鍾意聽阿爺講古仔,其中最有趣係阿爺講佢點樣推住一大車嘅金圓券銀元券去買大米,當時呢,國民黨猛咁印錢搞到通脹非常嚴重,阿爺話佢用一大車嘅紙幣先買到一包米,朝頭早買要一車,倒咗夜晚已經搞到要兩車錢先得。

依家全世界都係咁猛印錢,唔知會唔會歷史重演。
19. Mr. Bubble 2016-10-26 18:02:29
14樓亞Q:

央行印銀紙唔係係街派,或者直接存入你匯豐個戶口,亦唔係自己去掃樓,而係經不同方法去到銀行度,銀行再借出去俾普羅大眾。而家香港按揭成數有限制,供款又唔可以多過壓測後收入50%,除非你收入同資產年年大升,如果唔係你借極總有個限度。就算你真係咁叻仔年年升,都唔代表香港整體係咁。

有人話而家香港M3係12萬億元,比2008年升左一倍,但樓市供應短缺,所以出現「資產荒」,我諗呢個可能係你想講既意思。呢個有個問題。M3增長咁快,正正因為好多人去左借錢買樓,推高個M3!而家啲人倒轉講話M3咁高,所以仲有好多錢去買!呢個係倒果為因!美國兩年前10月停左QE,內地人佔整體成交4-5%,仲有歐洲同日本QE,咁有幾多歐洲同日本人借錢黎香港買樓?

20. 浪子心聲 2016-10-26 18:35:51
To 17樓 同意兄:

如果今次香港樓市有較大的調整,不會全部人埋單,因為香港有一半人住公屋,而大部私樓業主的借貸不高及他們都多早於2015年前買入。

埋單應該就係喺嗰班在「2015年初至未來大調整前以高價買入新界細價樓或納米樓」啲人囉!

我過去在這論壇分析過,香港樓市跌三成,傷痛的人不會太多,就是這個原因,所以政府不會出手救市。

註:我不是話樓市會跌三成,只不過話跌三成對香港經濟和民生不會產生大傷害,所以政府無需救市。
21. 同意 2016-10-26 19:22:33
浪子兄: 
跌三成,極困難,真係跌到,CY政府減辣,每次減辣都有提振,又湧返上黎,一落一上又幾年,而家買左租出去,捱過又不死。

純個人感受,不喜亦任插
22. 向引刀‧土著說不 2016-10-26 21:52:08
股票市場可以是即叫即蒸即食麵,資金流向來無影去無蹤,不留下半點雲彩,一買一賣可以短至幾分鐘。

但是,樓宇一買入就要坐艇三年,冇人會願意蝕印花稅及其他使費短揸損手咁廣燦屌絲!就當今次又再係舊調重彈,北水南調之後嚟濟過期大春藥,東江水突然落閘放狗閂水喉,最多都係北水少咗比例買樓啫,但是之前已買下的十間走唔到1間去應急,對港樓沖擊力始終有限,絕大部份焗住揸或投資自用,點都唔同股票沽起貨時咁方便就手,始終都係兩樣嘢,想攪祸樓價隔夜大檸樂上吐下瀉似乎有啲難度。
23. 香港土著 2016-10-26 21:59:25
2、3樓,

照你理論,點解大陸股市會變成一條鹹魚,幾年都翻唔到身呢?
24. Mr. Bubble 2016-10-26 22:05:38
央行印銀紙唔係係街派,或者入去你匯豐戶口,亦唔係直接去掃樓,佢地係用不同既方法流入銀行,銀行再借錢俾普羅大眾。而家一般人買樓,按揭成數有限制,供款唔可以高過壓測後收入既50%,除非你收入同資產不斷大升,如果唔係借極總有限度。

網上有人話香港M3由2008年到而家升左一倍,但樓市供應短缺所以出現所謂既「資產荒」,或者真係令到唔少人恐慌。但呢個講法其實係倒果為因,M3呢幾年大升,係因為好多人不斷同銀行借錢例如買樓,所以先會快速推高M3。話而家M3高所以要買資產係本末倒置。

美國兩年前已經停左QE,香港所有印鈔要有外匯支持,內地人買港樓佔總成交4-5%,而家仲有歐洲同日本QE,但有幾多歐洲同日本人會借錢黎買港樓?新聞講印銀紙講到而家深入民心,大家驚惡性通脹情有可原。但無乜人會講美元、港元係大升,歐日最驚係無通脹甚至通縮。


25. 香港土著 2016-10-26 22:07:18
18樓,

『依家全世界都係咁猛印錢』哩句似乎已經成為過去式喇。
26. 同意 2016-10-26 22:13:29
大陸股市比佢地係咁亂搞,又溶斷,上證指數靜靜地返返上3100點了,咸魚隨時又翻生過黎了,不是嗎?
28. 舍神 2016-10-27 00:36:43
有話說,政治裡沒有 "錯誤",CY戰勝糖唐如是,等埋發叔如是,甚至今天的流會也一樣。
"新"聞報導不單是 "已成過去"的事,更重要係 "人家想你見到" 的 "真相"。呢樣亦係我睇"news"時,時刻緊記的鐵律。