地產博客 > 文亮語 返回
瀏覽人次:30486    回應:14
文亮語
睇樓市不如聽樓市
 
湯文亮博士
紀惠集團行政總裁
2016年10月20日

  有年輕朋友問我,怎樣可以睇到樓市走勢,我話我都唔識得怎樣睇樓市,因為睇樓市走勢其實是分析影響樓市的各種數據,從分析中預測樓市未來走勢,不過,那些數據是過去式,即是首先要預測影響樓市的各項因素未來走勢,例如會不會加息,失業率是否會上升,供應量有沒有可能增加,從而融合各項數據,再分析,得出一個結論,再預測樓市未來走勢,如此轉轉折折,分析的準確程度就會下降,所以,睇樓市不如聽樓市。

  怎樣可以聽到樓市,其實,不需要太刻意,當大家聽唔到有人講樓市,表示樓市正在下跌,有樓業主已經損失慘重,講都唔想講樓市,沒有樓的人亦唔知道怎樣講樓市,當樓市開始上升,就會有人問那些專家,現在是不是買樓好時機,或者幾時可以買樓,就好似在今年農曆新年之後,不少年輕人問我買得樓未,當時,我知道形勢有所轉變,

  樓市蓄勢待發,於是開始撰文叫人啱價就可以買樓,到了最近,上週末我去剪頭髮,師傅在我耳邊不停講樓市,我本來無心裝載,突然間聽到他說,湯生,你應該現在買樓,原來師傅教我買樓,我立刻說聲多謝,因為,樓市已經發出了下跌聲音,大家亦曾經聽過,當街市婆談論樓市時,樓價就已經見了頂,嚴格來說,還差多少,就是街市婆同你分析樓市,教你買樓時,樓價就很大機會到了頂峰。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 打工仔 Andy 2016-10-20 08:49:44
[ 此內容只供會員閱讀 ]
2. 引刀一快 2016-10-20 08:55:57
如果引刀轉呔話睇升,咁樓價就恐怕到巔峰喇,哈哈哈哈


3. 香港土著 2016-10-20 09:03:29
有類似經歷...... 最近有位朋友主動教人看Rich Dad!(態度表情真的老教授對著小學生一樣。)


5. 怕輸不會贏 2016-10-20 09:10:32
任何投資都會有風險自不多言,但怕輸者絕對不會贏,想取得最佳位置的往往喪失一個又一個絕佳機會.

6. 引刀一快 2016-10-20 09:23:47
土著兄

我有位親戚仲有趣,佢唔係介紹呢本書俾人,而係逼佢老竇睇富爸爸。
7. ABC 2016-10-20 09:39:27

不過,就算見頂,之後又會點? 大調整? 如果不是,只是打橫行,那買又有什麼損失呢? 有需要又量力而為的話,買樓自住都仲係無問題的。

8. LYC 2016-10-20 09:47:12
最近入市掃貨的將成為炮灰。
過多數星期或者都唔洗,新盤冇人買,大家就會發現,現價根本唔係市價,只是極少数人所成出來傻價!
9. 鄧鄧鄧鄧 2016-10-20 10:25:36
摸頂買入多年後賣出還要蝕讓,
高位買入多年後賣出只是少賺,
低位買入多年後賣出可以大賺。

近來的成交也包括以上三種位置買入。

小弟只試過蝕讓和少賺,就是沒試過大賺,因為不曉得聽樓市走勢。

博士可否教些基本功聽樓市?謝謝。
10. 看看雜誌怎麼說? 2016-10-20 10:33:02
11. 人在天堂 錢在銀行 2016-10-20 11:50:09
如果連講蝸居裝修,做左好幾年果D電視節目, 都摺埋既話,應該就差不多收工啦
12. Mr. Bubble 2016-10-20 17:10:28
「買樓必賺」、「遲買仲貴」、「有能力幾時都係岩時候買」呢啲諗法滲透到去每個階層。

而且我見呢篇文係蘋果引起群情洶湧!有樓既梗係睇樓價會升,無樓又好想買既梗係睇樓價跌!群情洶湧反映好多人已經楂住,所以對湯生既文咁大反應,未買又想又有能力買既係好少數!

雖然話係到頂先兆,但幾時真係向下好難講得準!

13. 浪子心聲 2016-10-20 19:40:36
我錦睇,之前有辣招和多數港人擁有的樓宇借貸不高,所以香港樓市無泡沫,增加供應只會令樓市軟著陸。

但現在有點不同,地產商開始做嘪貸款,近期買樓人士,借貸比率多達九成,我相信跟著來如果「港樓大賣、新樓成交多、以高成數借貸、多港人買樓」,泡沫就有機會形成,當供應到位時就有機會是「硬著陸」啦! 
14. 蕭峰 2016-10-20 20:25:22
英皇國際(163)於2014年購入的跑馬地奕蔭街17至19號地皮,重建為商住大廈,項目8