有年輕朋友問我，怎樣可以睇到樓市走勢，我話我都唔識得怎樣睇樓市，因為睇樓市走勢其實是分析影響樓市的各種數據，從分析中預測樓市未來走勢，不過，那些數據是過去式，即是首先要預測影響樓市的各項因素未來走勢，例如會不會加息，失業率是否會上升，供應量有沒有可能增加，從而融合各項數據，再分析，得出一個結論，再預測樓市未來走勢，如此轉轉折折，分析的準確程度就會下降，所以，睇樓市不如聽樓市。
怎樣可以聽到樓市，其實，不需要太刻意，當大家聽唔到有人講樓市，表示樓市正在下跌，有樓業主已經損失慘重，講都唔想講樓市，沒有樓的人亦唔知道怎樣講樓市，當樓市開始上升，就會有人問那些專家，現在是不是買樓好時機，或者幾時可以買樓，就好似在今年農曆新年之後，不少年輕人問我買得樓未，當時，我知道形勢有所轉變，
樓市蓄勢待發，於是開始撰文叫人啱價就可以買樓，到了最近，上週末我去剪頭髮，師傅在我耳邊不停講樓市，我本來無心裝載，突然間聽到他說，湯生，你應該現在買樓，原來師傅教我買樓，我立刻說聲多謝，因為，樓市已經發出了下跌聲音，大家亦曾經聽過，當街市婆談論樓市時，樓價就已經見了頂，嚴格來說，還差多少，就是街市婆同你分析樓市，教你買樓時，樓價就很大機會到了頂峰。
App下載
