主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 31817    回應 : 25
文亮語
中原指數今年會不會破頂
 
湯文亮博士
紀惠集團行政總裁
2016年10月17日

  大約兩個月前,老C話中原指數今年內會破頂,老C一句話,有能力影響中原指數上升10點,千祈唔好以為我話指數會做假,上升10點完全是老C個人影響力,不過,影響到其他人,就影響唔到我,當時我話指數冇機會今年破頂,如果今日問我,可以唔答就唔答,一定要答我就會話有很大機會,但破頂之後又會回落,今年底中原指數依然會低於去年歷史性高位,明年又如何,明年的事明年講。

  在上星期五,中原指數收141.77,比去年高位146.92相差5.15,以現在勢頭,十月都有機會破頂,現在已經有評論叫政府考慮再出招,但是他們忘記,政府曾經講過,如果再出招是要經立法會通過,以現時立法會立立亂情況,申請時要求加辣,到辯論時有可能變成減辣,忘記立法會,這是一個生番戰場,希望一些無民族性的人通過法案,我認為是愧對列祖列宗。

  其實現在要調控樓市,所出的招都不用經立法會,如果金管局下令關注新樓及二手樓的高成數按揭,一定會淘汰很多未合資格買樓的人,購買力萎縮,樓價自然下跌,但我估計金管局暫時不會這樣做,因為政府最辣的招現正發揮作用,唔需要我再解釋,大家都知道是供應量,在今年第四季將會有一萬二個單位推出市場,這只不過是開始,而且將會是持續性,當大家意識到供應量是源源不絕的時候,高價搶樓就會成為過去式,當樓市缺乏上升動力,就會開始下跌,就算火箭動力學專家都是這樣說,所以,我認為中原指數是有機會今年破頂,之後就向下調整,年底應該比去年歷史性高位稍低,如果有人問我機會有幾大,我會答一半半,問我的人就會話我答左等如冇答。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 真真薯片 2016-10-17 09:46:07
原來博士一直有睇留言, 因為火箭動力學專家真係轉左軚
2. LYC 2016-10-17 10:03:04
CCL今年係冇可能破頂,現在已見頂或營造緊個頂,我一直都係出於肺腑之言去預測樓市去向。
只是,有班盲好揸重貨想賺到盡才亂吹有排升,實在貪得無厭!
現在入市班用家100%係8-9成按揭去買1或2手樓,只要有少少回調,就會有骨牌效應,實在凶險,股市已預先反映緊啦,可惜的是還有啲傻仔繼續衝入去送死!
4. 火箭動力學專家 2016-10-17 11:08:40
火箭動力學專家從來是AA, 身份無改, 軚無轉; 市升吹跌, 市跌吹升, AA慣用技巧, 見慣不怪了.
5. al70 2016-10-17 12:04:18
可能不只万12000个,投資客見5对路,甘多新樓盤出楊,
加快掟二手,半新樓出市場,也不出奇。

其實每次到尾段,不停提供高按,次次都系見頂訊号。
最近有120%按揭,真是斗零變大牛。
6. LYC 2016-10-17 12:06:38
http://paper.hket.com/article/1521664/%E6%88%90%E4%BA%A4%E9%87%8F%E5%9B%9E%E8%BB%9F%20%E8%AB%8B%E6%8F%90%E9%AB%98%E8%AD%A6%E8%A6%BA
現在已經去到將貨就價去搶4-5線樓的階段.
好多早幾年誤信專家賣自住樓的傻仔,被人譏笑到無地自容,更加被諷刺跨代貧窮,害埋下一代,終於頂唔順入市高追劣質貨,進退失據,實在可憐!
成交量明顯縮細,現在想市價賣都難.
只要利率真係升小小,失業率升小小,job market其實一真都係轉差當中,已經好多人守唔住了,財仔即時收樓劈價變賣.
7. 淡友抵你哋死 2016-10-17 12:33:38
近呢十年八載,睇淡嘅人真係心情每天都不好過,睇住樓價天天月月年年地上升!! 淡友嘅心情又如何能好呢??!!哈哈哈哈!!事實勝於雄辯!!香港物業價格,已進入越唱淡,越上升的格局了!!!!!
8. 淡友抵你哋死 2016-10-17 12:34:41
近呢十年八載,睇淡嘅人真係心情每天都不好過,睇住樓價天天月月年年地上升!! 淡友嘅心情又如何能好呢??!!哈哈哈哈!!事實勝於雄辯!!香港物業價格,已進入越唱淡,越上升的格局了!!!!!
9. 真真薯片 2016-10-17 12:45:04
在下認為今年第四季冇可能有萬二個單個, 八千都計多左

原因簡單, 十月都過左一半, 有冇推到二千個一手單位? 要每星期推一千個單位, 相當於個個星期都係啟一 + yoho + 海翩匯 咁黎賣, 而且要個個星期去晒貨再推第二輪, 邊有可能? 新盤開賣一賣得唔好, 窒左度氣餘貨就立即hold起唔會賣

結論係第四季發展商可隨時銷售既庫存增加萬二個或者有可能, 真係堅推萬二個單位就冇可能啦
10. 傻淡最可憐!! 2016-10-17 13:09:04
傻淡真可憐,仲以為有得劈價!!而家個個業主都反價反價再反價!! 面對現時樓價急升.硬淡唯一可以做的事就係繼續日日唱淡!!
11. al70 2016-10-17 13:35:19
政府賣晒Tv广告。來近93000个单位。
即系叫人5需要盲'搶楼。
12. 浪子心聲 2016-10-17 14:38:52
博士寫得好,分析合理,非常認同政府不會加辣,只會繼續賣地增加土地供應。

我個人認為,今年第四季和明年第一季樓市依然有一定升幅,但幅度不會太大和速度會減慢,真正轉勢要到明年第二或第三季先會開始。因為地產商現時還有控制一手樓樓價的優勢,他們不會在特首選舉前輕易讓樓價向下,我始終認為地產商想換特首,賣遲啲和賺少啲而能達到這目的,他們會這樣做。




13. 引刀一快 2016-10-17 14:42:36
唔搶樓點得吖,一撤BSD,大陸萬馬奔騰湧過嚟,搶剩D納米樓,夾硬要香港人勾起集體回憶,一家六口瞓張轆架床。
14. 真真薯片 2016-10-17 15:20:10
93000仲有人信, 條實數董伯已經計好左比大家睇啦, 董伯請好多專家洗好多錢先計到, 但係冇乜人睇, 想供應多既人仍然覺得供應多, 想少既人就仍然覺得少, 人性就係咁主觀, 根本冇話多定少
15. 十郎 2016-10-17 17:47:41


      山,快馬加鞭未下鞍。驚回首,離天三尺三。

      山,倒海翻江卷巨瀾。奔騰急,萬馬戰猶酣。

      山,刺破青天鍔未殘。天欲墜,賴以拄其間。

      (再錄毛澤東,十六字令三首)




16. 井 2016-10-17 17:51:22

九十年代初打工仔要買樓,遠比現時容易,樓價較低,首期成數亦低,唯一問題是利息高,所以當時很多人渴求一份銀行工,貪有利息優惠可以節省供樓的開支。

以前上車不算太難,但周邊朋友大部份都是過了30歲才置業,主要理由是不想被樓宇按揭綁死。要供樓,就要睇老細面色;要供樓,就未必夠膽去創業。當時香港社會機會多,趁年青搏殺,等到事業有成,或者成家立室、安定下來才買樓,是頗為普遍的想法。

相比之下,今時今日年輕人置業心態急進得多,20幾歲就想要上車,原因和前日徐緣所講考試被拋窒的現象十分相似。老實講,400萬元只可以買到百幾呎劏房,自己就不信還有幾多升值的空間。可是年輕人一方面未經歷過樓災,上次樓市「建華之亂」已經變成都市傳說,他們只知道近年樓價一味繼續升,調整期頂多一年;另一方面又對自己前途欠缺信心,覺得人工升幅有限,創業死亡率高,現時不買樓鎖定成本,將來更加無可能。

換句話講,現時大部份香港年輕人面對自己前途這一份考卷,好像經過補習社名師洗腦一樣,答案清一色是要買樓,因為對前途無力,被樓價的升勢拋窒,人哋咁答於是自己又咁答。而由於上車的基本條件已經相當高,遙不可及冇得跟,又反過來再進一步加深了無力感。

香港政府一味搵地,想增加住宅供應,只是治標不治本的方法。香港最大問題是欠缺商業領袖,帶領年輕人覺得自己有前途。上一代的模式,包括低技術製造、貿易中介人甚至旅遊零售,通通都已經成為過去式,唯一剩餘價值是幫國內人走資,卻只有極少數人有能力賺這一條水。由於欠缺視野,無計可施,上一輩累積資本上了岸的一群,就惟有一味囤積磚頭收租,有份推高樓價,亦間接令年輕一代沉迷要買樓。

在一片樓奴文化之中,更加需要向年輕人展示多元化的可能,所以收回傑志足球中心是大錯特錯,何必進一步強化這種「萬般皆下品,惟有上車高」的想法?畀個機會香港的足球員在黃金期全心全意去踢波,香港可以出到曹星如,說不定也可以出一個中田英壽。香港年輕人不要只得上車供樓一個夢想,就要多方面都亂咁試,才可以試出一條生路,令他們重新正正常常,在20幾歲時為事業而戰,而不是為物業而戰。
17. 亦非同 2016-10-17 18:38:33
咁要講句公道話,八萬五政策其實唔係董伯制訂嘅,係失控嘅政府港英餘業搵董伯做替死鬼而已,再加上當時大部份報章媒體都還控制在外國勢力手上,董伯就咁樣食咗隻大大隻死貓。

就算依家,唔少香港人都仲係懵盛盛,以為係董伯推冧樓市,啲媒體嘅洗腦能力真係犀利。
18. 向飯民說不 2016-10-17 19:15:19
飯民班打手以爲講大堆廢話,就是真理,其實不知所謂。

井,你的打手本章,完全係想當然。

還是那一句,有飯民咩都反對,咩都拉布,香港要完成經濟轉型,將會非常困難。

還有那一句,香港要發展令年輕人有前途的工作,一定是將大陸的市場變成合作的關係,而不是競爭對手。700萬人的市場是不能和12億人口的市場競爭。飯民一直抹黑大陸,其結果就是將香港市場和大陸市場競爭,香港無可能贏,肯定失敗。
19. 浪子心聲 2016-10-17 23:54:55
向飯不要對香港太悲觀,我個人認為香港還很有希望,但需要一個「有德有能」的人才做特首,便能帶領香港到達一個新境像。

早前梁特講過「特首是有超然地位」的,我個人認為他講得啱架!因為從香港的政治架構分析,特首的權力是好大架!他帶領的行政會議可以作好多決定無需理會立法局議員和市民的觀點。從「香港電視牌照爭議」、「橫州棕地事件」,大家應明白到特首是可以用不同的手段達成他的目的,無論大眾市民和議員甚樣反對;所以我個人認為如果能選出一個「有德有能」的下任特首,香港什麼房屋問題、經濟問題等等都能有所改善,只要這個特首有決心、有計劃、有遠見,制度上絕對給予他足夠權力去實行他的鴻圖大計。
20. 向飯民說不 2016-10-18 00:11:45
「有德有能」,有飯民咩都反對,邊個做,都死啦。除非你地顔色革命成功啦,不過香港有人民解放軍,老美不可能空投武器,所以注定是失敗的。

要知道,今時今日的問題,是老美說的算,最近幾個廢青港獨L上臺,以後只會更加亂。

希望正如毒果星期日講的,中央對香港中聯辦不滿,進行改組,跟住强硬清理飯民淤血。

我一直講香港人越是反大陸,大陸只會越來越硬。最終連facebook這些都未必比你上。你可以點?你可以say no。

21. 向飯民說不 2016-10-18 00:20:52
浪子,你要知道目前香港的亂,其實是政治對立。親中團體和親美團體的對立。

香港要有前途,唯一的就是親中團體完全打敗親美團體,因爲香港的地理位置不可能讓親美團體勝出。那麽先有可能出現 「有德有能」的領導。

所以香港人的利益就是打敗飯民。

「香港電視牌照爭議」--好簡單香港人養唔熟,中央無理由比一個自己不信任的人辦電視。全世界無一個地方可以容許這樣。

「橫州棕地事件」--毒媒已經還了689的清白,所以不敢在攻擊了。點解你仲傻下傻下。
22. 十郎 2016-10-18 00:40:59


      18樓向不兄..........你有冇發現,我從來沒有對香港前景,發過牢騷,原因是我對香港已經死心,我係目中無香港,我幾想好似‘向西’兄說的,‘我恨自己唔夠窮,否則我就有公屋,又有綜援’。

      香港出生的下一代,係好難融入內地,因為文化上格格不入,我如引刀兄,因為捨不得家人,從來未想過移民,但是現在我都放兒女去移民了。我首選澳洲,墨爾本同雪梨已經有很多華人,在雪梨真係國粵語都行得通,仲有好多越南人,越南人刻苦之外,還買屋租給留學生,一間屋住六個單身學生。柏斯都追上來,因為較平,內地人都湧緊去。

      二十年前,在電視上見到台灣的議事堂,d議員衝上主席台,打交嗌交動粗,我O咀,乜野黎架?台灣姑爺黃教主,將呢d文化帶來香港,唉,香港將亡,必生妖孽。


23. 向饭民说不 2016-10-18 10:24:08
十郎兄,你被灭声了,这饭民洗脑手段。

相信如果香港政治纷乱,香港综合生活不会差过澳洲。

我在这里出声,就是要叫醒你,你在不出声,香港会被饭民玩残。

中国会让利给香港,美国只会出卖香港。
24. 引刀一快 2016-10-18 13:43:14
大陸有人咁樣講法,唔知貼出嚟會唔會俾向飯滅聲呢?

http://mp.weixin.qq.com/s?__biz=MjM5OTYzNTcwMg==&mid=2650118225&idx=1&sn=771f0af273c4827ad99f758bc00868f2&chksm=bf3947c8884ecede85e8bd958054a23615a18a252af4f6702f5f7a8136a21d025dbbe6e7bf8c&mpshare=1&scene=2&srcid=1017VHomZtQZzzqv1mSadDG9&from=timeline&isappinstalled=0#wechat_redirect
25. 向饭民说不 2016-10-18 14:43:00
引刀,證明了香港人被毒媒滅聲。大陸更加開放。

就好像十郎那樣,怕了黃尸,所以移民了。

其實黃尸唔怕大陸滅聲,因爲香港幾+萬移民了外國的又反香港發展,包括屠杰又翻來日日唱黑大陸。
26. Bubble 2016-10-18 14:57:11
真真薯片,10月到宜家差唔多過左一半,總共推左7個新盤,薈晴加藍塘傲已經1千,呢7個盤總供應加埋岩岩過2,000個。今年底仲有荃灣西、南昌站上蓋、啟德、將軍澳南,每個1-2千個單位,第4季10,000個單位無乜難度,即管睇下個市係咪勁到食得晒之餘仲有力上。