地產博客 > 文亮語 返回
瀏覽人次:27397    回應:7
文亮語
豪宅靜靜地起革命
 
湯文亮博士
紀惠集團行政總裁
2016年10月13日

  近日樓價指數飆升,幾個細價樓指標性屋苑都創出高價,甚至有高於去年歷史性高位,又有人質疑我的細價樓爆煲論,其實,不用質疑,我早已認輸,不過細價樓的確曾經下跌超過兩成,並不能夠認定我是輸家,只是時間上並未掌握到百分百準確,現在,大家只是集中細價樓樓價回升,但原來豪宅不但從未下跌,而且早已靜靜地起革命,大多數有不俗升幅。

  當我發表爆煲論時,有人話豪宅仲危險,當時我話,豪宅不但沒有危險,以後還會有顯著升幅,不過就冇人相信,小女在我發表爆煲論時買了4個紅山半島單位,平均呎價1萬8千元,當時沙田第一城的創新高價是每呎1萬6千元,今日,細價樓跌完後回升,沙田第一城有每呎1萬6千元的成交,不過紅山半島呎價已升超過2萬5千元,豪宅其實是靜靜地起革命,大家千祈唔好話貴,最近一幅九龍塘畢架山地皮,平均呎價略低於紅山半島樓面價,建成後要有合理利潤,樓價就要接近每呎5萬元,大家話貴唔貴,很多香港人會話好貴,但國內人話唔貴,這是香港未來豪宅趨勢。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2016-10-13 09:38:55
買唔起樓嘅香港人,可以開始計劃買大陸屋嘞!

快人一步,理想達到,好過住納米樓吖。
2. LYC 2016-10-13 10:33:27
刀兄唔好再亂吹啦,買大陸樓把托咩!
股市同我預期一樣開始不斷破底,股市行先,遲少少樓市向下破時,夠錢做掃貨啦,買乜春大陸樓,大陸樓已爆破了,仲傻下傻下!
3. 浪人 2016-10-13 10:36:20
大陸一線城市咪升得仲貴過香港, 而且質量參差不齊! 如果考慮二線城市, 可能要面對長期空置問題! 
4. links 2016-10-13 12:45:24
當然有影響力的人,自然引導豪宅價值論。

博士果然博士
6. 引刀一快 2016-10-13 15:28:10
LYC

你真係鼠目寸光,香港新一代移入大陸做嘢,就好似黐膠花,穿珠仔,係未來年輕人奮鬥向上流,嘅趨向,大陸未爆都可以揾到筍貨,香港太細,信息太統一嘞。
8. LYC 2016-10-13 16:15:02
刀兄都9唔搭8,這裡邊有人打算買大陸樓,成日都講埋晒啲廢話。
現在係時候譏諷摸頂追價入貨班傻仔的開心時刻,和分析何時掃港樓的良機!
股市再跌多幾千點,到時個個睇跌,大把平盤挫價任揀啦!

10. 引刀一快 2016-10-14 07:06:39
哈哈哈哈,LYC,大家各有各睇法,鍾意詏咪詏下囉,唔好諗住收我做靚呀。