主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 29779    回應 : 16
文亮語
壓冧樓市的不會是一根稻草
 
湯文亮博士
紀惠集團行政總裁
2016年10月11日

  上星期我去了港台錄音,主持人勞家樂問我第四季樓市走勢,因為有不少大師在年初時講樓價會大跌,現在紛紛轉軚睇升,甚至升超過歷史高位,以現時樓市走勢,他們今次應該有很大機會講中,我絕對同意,但我有一個疑問,在大家沉醉升市的情況下,沒有人提出任何警告,第四季的供應量將會多達一萬二千個單位,接近首三季的總和,市場上是否能夠消耗如此龐大供應量,的確是令人懷疑,我甚至懷疑自己是否睇錯新聞,不過,勞家樂証明無誤,而且,他們亦有問業內人士對於龐大供應量睇法,答案是沒有問題,一萬二千個單位可以輕易被消耗,我覺得很奇怪,如果一季一萬二個單位的供應量都可以被消耗,老C就不會在年初時叫政府減少供應,其實,老C早已睇到將會有龐大供應量,預先叫政府減少供應,因為,他知道壓冧樓市的不會是一根稻草,而是龐大供應量。

  如果只是今年第四季有一萬二千個單位供應,明年又回復每季大約供應四千個單位,我相信問題仍然不大,如果在今年第四季出現一萬二千個單位供應,而明年第一季又超過一萬,咁樣就大事不妙,因為連續兩季龐大供應,無論巿場是否能夠消耗,都會令打算買樓的人恐慌,唔知道龐大供應量幾時才會停止,但市場上似乎並不太多人關心,而事實上,如果有足夠購買力,的確不用擔心,但在今年首三季,已經差不多耗盡市場上購買力,而國內又開始限購限貸,即是持有多個物業的業主很難去庫存,已經冇能力在香港買樓,而樓價亦上升至歷史高位,令到打算買樓的人起戒心,如果是供應不足,樓價應該仲有力上升,但面對龐大供應量,我就唔敢講。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 引刀一快 2016-10-11 09:31:08
撤BSD,馬上可以放清兵入關,大陸樓市未癲完。
2. 七十後小弟 2016-10-11 10:39:45
第四季,不少新單位都是開放式或單房之類的蚊形單位,拿二十多萬首期,月供幾千便可以擁有,是低收入士或年輕人恩物。小弟身邊的年輕人都非常渴望擁有一個,也是能力範圍內的唯一選擇,一旦抽中,有中六合彩之興奮心情。這類單位,相信會有爆搶情況,而其他大銀碼的單位,在較大的供應下,短期內,倒有一點壓力。
3. 蕭峰 2016-10-11 12:09:32
蚊型單位祇是滿足青年上車需要,結婚後有小朋友,谷住換。

我覺得大銀碼正常兩房,雖然短期可能受壓,但永遠有需求墊底,未來睇高一線。
4. 七十後小弟 2016-10-11 12:21:41
To:4樓,

當元朗五百尺兩房單位,也要700多萬元的時候,納米式單位就成為了低收入人士的唯一的選擇了
5. 浪子心聲 2016-10-11 12:32:16
湯博士在香港電話台「 一桶金」節目:

http://podcast.rthk.hk/podcast/item_epi.php?pid=307&lang=zh-CN&id=80742
6. 好 2016-10-11 12:37:05
有幾多人想要小朋友?可能結婚都唔想。
7. 真真薯片 2016-10-11 14:28:15
藍塘傲開左價單, 呢個盤地點, 戶形同開價都付合用家要求, 收飛情況同銷情極具指標性, 如果熱賣, 咁樓市可以繼續去, 如果撻Q, 就真係thailand walk
8. CD ROM 2016-10-11 17:03:52
同意蕭鋒兄, 大兩房同三房, 防守力一定充足. 當然爆發力就唔敢講..............
9. LYC 2016-10-11 17:19:56
真兄,過萬新盤排住隊上,俾你都睇定啲先入票啦。
藍xx平均尺價已低隔離2手9月個價1-2成,如果咁都賣唔到,就真係大寧樂啦!
10. wgo 2016-10-11 17:49:41
其實成日講供應量大增, 有幾多幾多單位賣, 但大家有冇惗過政府咁多年來限呎限量之後, 其實咁多個單位嘅總銷售面積總和是多少?舊時起碼六百呎一個細單位, 宜家就講緊兩百呎, 其實供應單位數量好似好大, 但其實可能賣出嘅總和等於舊時1/2, 投資者可能一買就買幾個因為每個面積都係二百多呎, 舊時佢地買一個單位都500-600呎, 其實重用數量去計算有幾多供應, 其實都幾可笑, 你不如割開每個單位一百呎, 咁樣供應更加多。
11. 浪子心聲 2016-10-11 20:39:06
To 10樓:

細單位都可以消耗極大的購買力,如第四季1萬2千個細單位,當每個400萬9成按揭,每個要借360萬,錢行就借出432億港元。

如果明年繼續每季約一萬個單位,錢行就要借出約1600億港元,港人借了這麼多錢,購買必然大減,所以細單位的殺傷力都可以好大架!!
12. 購買力 2016-10-11 21:31:20
浪子,知不知道香港認可機構存款結余幾多?該結余每月淨增幾多?香港人每年還掉幾多按揭?這些錢銀行怎麼處理?

明年繼續每季一萬個單位?是電腦畫出的嗎?
13. al 70 2016-10-11 22:14:06
相信c y 再做多几年,人人有樓住。
14. 舍神 2016-10-11 22:41:04
生意淡薄,不如賭博是一支撐樓市的因素。
現在係baby boom一代正準備踏入退休之年,baby boomer人人希望有楼收租安享晚年,但香港已是夕陽西下的老人城市。其實"退休投資需求"在增加,但住屋需求未來其實正一天一天減退。政府的出招,只令新生一代無法買樓,成功需父幹道盡世情。如今買樓是兩代之爭。 新一代埋怨買不了樓,其背後是賺不了錢,上不了位, 讀完大學比藍領收入更低。

當世界秩序倒轉過來,是會把人迫瘋。

15. 引刀一快 2016-10-11 23:34:51
當人覺得樓價會升,樓細D咪細D囉,點都好過冇,呢個係人之常情。

當覺得樓價會跌嘅時候,就會周身唔舒服,因為咁細間嘅屋冇任何展望可言,自然幽閉侷促乜都嚟。


呢個論壇嘅人,不論好淡,曾經勸親戚買呢種納米樓自住嘅唔該舉手。
16. al70 2016-10-12 01:14:29
引刀,大6樓價真系未癲完。
1綫升得多,$走去2,3綫。。。好聽,D系避險,
實際可能系執水尾.好似中山樓,真系十年一潤。