主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 26214    回應 : 16
文亮語
買樓時一定要摸業主底
 
湯文亮博士
紀惠集團行政總裁
2016年10月2日

   有年輕朋友打算買樓,已經出了offer,誰不知被業主反價又反價,令他錯失了買入另外一個單位的機會,現在兩頭唔到岸,問我有沒有可能控告那個反價的業主,我話無謂浪費金錢同時間,就算業主有口頭承諾都冇用,雙方都未簽臨時買賣,如果要告業主,可能仲會被業主笑話口講口賠,其實,最失策的地方是沒有摸業主底,年輕朋友不明白,佢話摸底是犯法,大家都見到CY現在因為摸底而非常頭痛,仲點夠膽摸業主底,買樓之嗎,毋需要以身試法。

  又一個中了毒的年輕人,邊個講摸底是犯法,CY如果唔摸底,任由那些鄉紳要價,要幾多都俾,今日就唔會話粒粒皆辛苦,但有可能被人話官紳勾結,正正式式犯法,一個普通人去買樓,摸業主底是正常不過的事,首先第一摸就是業主有沒有權力賣樓,如果是銀主盤,由銀主決定是否賣樓,買家如果俾足市價,買到的機會就很大,就算鋤少少價都可以。

  第二摸就是要了解業主是否買了另外一個物業,在銀行收緊按揭,業主不能夠替兩個物業做到足額按揭,但受制於SSD,又不能賣走新買入的物業,惟有賣走自住單位,面對那些業主,最好不要鋤價,俾足市價買到的機會就很大。

  如果摸底之下,發覺出售的單位是業主惟一的自住物業,這個情況業主並不是試價那麼簡單,他們是玩價,或者玩弄那些買家,既然如此,知道之後,就大膽還一個高於市價很多的價,大家不用擔心業主會接受,因為無論還價多少,業主必定反價,在業主反價之後立刻取消offer,如果市況不幸轉勢,那個反價的業主內心一定不好過,所以,我認為買樓摸業主底是必須的,最低限度唔會俾業主玩價。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 長俠 2016-10-02 11:38:53
在物業買賣過程,所有口頭協議是無法效力的,是律師同我講的。
2. 浪子心聲 2016-10-02 11:53:32
「摸底」當然是合法又無問題啦,正如湯博士所言,在現實中人們經常以「摸底」加快商業成交,但問題在於「模底」的目的,正如王永平先生昨天回應橫州事件,「模底」的目的是要解決問題,而「模底」後將橫州公屋第二期發展起來,大眾一定樂意接受這個「摸底」,但「模底」後橫州第二期變為「無了期」,這樣就出現了大問題啦!是不是湯博士的第三個例子,「模底」後出高價玩嘢呀!大家都想知道究竟「橫州模底事件」發生了什麼事?

大家可以到Now網站看看公務員事務局前局長王永平的睇法:

王永平指政府摸底應有記錄
http://news.now.com/home/local/player?newsId=195280
3. Tony lam 2016-10-02 13:32:59
浪哥    你quote人地講嘅嘢、你信時人地唔一定信、公務摸底等於飲茶灌水、大綱題目等會有紀錄、屬策畧制訂嘅先導行動、唔存在類似會議紀錄嘅概念、除非動機係裝人彈弓嘅偷偷錄、摸底結果唔一定如預期、始終對手業權在手、冇得監硬嚟、反民攞嚟揚嘅公平公正忘了?司法覆核你用得時、私產擁有者更有權利使用、王永平噏得就噏、睇下佢當官時嘅官僚咀臉啦!

我就唔明反民點解唔啄住上水貴族球會地、小眾貴族霸咁大地皮係用嚟玩嘅 !  業權又阿公嘅、棕地就始終係有社會營生運作嘅功能、移走又要揾番路比佢地走、真係得個折騰 ! ! !

注意  :   搬棕地可能就係土皇帝所願、反民越發燒越想得、業權人越可以獅子開大口、滾水先可以變上湯  !
4. 向饭民说不 2016-10-02 13:35:04
浪子,你有层旧楼,被发展商看中,也会先来摸你底拉,有问卷,又有非正式,发展商先会开始收购行动.当然问完底,你浪子可能会开天杀价.令你的旧楼发展无了期.

我邻居有几层旧楼,发展摸底摸了10几年,到现在还没有收购到超过80%业权.博士之前讲过,投资旧楼重建风险非常高,分分钟从,30几岁,磨到白头,都重建吾到.

讲真拉,其实新界佬叫价都不是很高,只是一尺5000几,不过如果政府应承,又被你地犯民闹官商勾结
5. 向饭民说不 2016-10-02 13:41:16
浪子,不要搬过气废材公务员出来啦.

不过最近发展看到,政府已经将那些容易拿到的地发展到7788,未来政府要增加土地将困难重重.

作为业主,短期来房屋供应追不上,楼价只有上升.但是长远来讲必定影响经济.
6. 真真薯片 2016-10-02 13:58:03
普通人要有叻既agent幫手check先得

不過升市agent一定係幫業主多過幫買家, agent幫業主摸買家底就參唔多
7. Tony lam 2016-10-02 14:01:23
有客觀理由相信、新科票皇政客係土皇帝嘅棋子、佢將D土皇帝果笪棕地唱行成焦點、除咗果笪棕地冇其他選項、為換地賠地外加好溶嘅現金補償鋪路。
8. FED 2016-10-02 16:37:25
FED聯儲局已經暗中計劃加息潮
爺L提建議讓央行投資股票市場
可見幕後已經精心安排
10. 向引刀‧土著說不 2016-10-02 18:26:03

http://hk.apple.nextmedia.com/realtime/finance/20161002/55722283

【三人幫賺到笑】嘉湖山莊410萬  史上最貴兩房

建立時間 (HKT): 1002 16:58

傳統新界上車盤不再上車價,天水圍嘉湖山莊2房樓王誕生,屋苑樂湖居11座高層F室,實用449方呎,剛以410萬元成交,呎價9,131元,打破去年高位,成為嘉湖歷來最貴兩房樓王。

嘉湖山莊景湖居2座高層E室及麗湖居9座低層E室,於去年8月及10月同以406萬元易手,呎價同為9,103元,原本是嘉湖歷來最貴兩房樓王,然而寶座坐完一年就要易位。

比較美聯物業「三人幫」去年10月以260萬元買入美湖居一個兩房單位,1年買貴150萬元或58%。

http://hk.apple.nextmedia.com/realtime/finance/20160106/54617043

嘉湖直擊】嘉湖業主林太:樓市專家食屎啦!

124,368
最後更新: 0106 19:26 / 建立時間 (HKT): 0106 18:11

天水圍嘉湖山莊業主林太表示,半個月前阿仔買入樂湖居兩房單位,成交價330萬元,(但同類兩房跌到290萬元?)有乜所謂,平咗咪平咗囉,咁等住,冇計。阿仔租樓租4年,層樓要交返俾人呀嘛。(咁咪買貴咗?)有乜問題啫,人哋唔會100萬賣俾你㗎喎,290萬係低層嚟㗎啫,我單位中層330萬,正常呀。(但有專家認為目前入市是接火棒?)你要住,冇話接唔接火棒,業主唔會平賣俾你㗎喎。阿仔住開呢度,孫仔又係呢度返學,月租都成萬蚊。仲有阿女都租緊屋苑兩房,2樓咋喎,都八千幾蚊啦!

她認為,290萬成交單位業主可能買咗第二度,急住要放啫,咪平10萬囉,我哋買賣樓,知嘅!

追問市場不少專家指樓價跌一成?林太回應,290萬已經最低,我個仔買貴40萬冇咩問題,佢要住㗎嘛,如果升又點呢。她強調,阿仔買嘅單位,銀行估到價,銀行唔會死錯人嘅,嗰啲咁既專家,食屎啦!我哋唔係有見地,我哋係腳踏實地,唔聽專家㗎,聽專家意見就死啦。

廣燦傻B你去食啦.......

11. 井 2016-10-02 20:50:23
我唔係無試過,我試過安份守己,日搏夜搏,賺左果一萬幾千,我試過,但係出面果班人,出面果班人呀,佢地識建築識起樓咩?佢只係攞少少錢出黎,攞少少時間,炒起個樓市就不停o係度賺大錢,咁叫公平咩!你出去問下人,是但問一個人,問下佢地想要D乜野!佢地答案好簡單,只係想要一間好普通好普通嘅樓!點解佢地要用成世人嘅時間去供一層樓呀?因為D有錢佬係度玩野呀!越有錢就越有得玩呀!呢個世界公平咩?呢個世界公平咩!!

12. 井 2016-10-02 23:34:54
專家食屎是對
13. 井 2016-10-02 23:41:58
14. 井 2016-10-02 23:42:29
16. 阿Q 2016-10-03 00:03:24
井,我十八歲離開家庭獨立時,打兩份全職㗎,租板間房住,果年喺1988年,果陣D年輕人,有時間會做多份兼職,好悭咁儲起D錢,然後結婚,兩公婆守住頭家,慢慢績累資產,冇捷徑。
18. 向饭民说不 2016-10-03 10:48:59
11楼,井,我都系大学毕业,毕业了差唔到10年,到98年先买到楼,买完楼都变负资产。03年差点没顶。当年仲要仔细老婆嫩,你话你惨,我惨d呢?

但是既然支持自由经济,资本主义,这些风险是需要自己去承受。

今日美国人狂印钞票,在钞票大幅增加之下,如果供应不增加,楼价必定大幅上升。所以供应才是王道,但是政府想大幅增加供应,却被你们饭民以不同理由扼杀。

要楼价下跌有两种方法,第一,大幅增加供应,第二,玩大陆共产化。

看来阿井嘴里叫民主,但是却身体最想行的就是共产化。

还有香港很多的土地都是97年之前港英计划遗留下来的,将军澳,西九,旧机场,和东涌,这些土地都用到7788,看来政府想在开发土地,将面对更大的压力。


19. 向饭民说不 2016-10-03 10:53:46
香港班废青现在又有另一个理论,话楼价贵系因为太多新移民。

可以好肯定的同废青讲,新移民对香港是很重要的,目前香港人个个废青都唔肯生仔,没有新移民,阿井老了之后,真系唔知道边个可以帮到他。

如果阿井不明白什么叫人口老化,估计阿井都系大学生,你大可以参考外国人关于人口老化的文献,你就可以知道人口老化比楼价急升其实问题更加严重。楼价升跌,市场自会调整,但是人口老化,点调整?