地產博客 > 文亮語 返回
瀏覽人次:28795    回應:13
文亮語
十四代,我等左好耐
 
湯文亮博士
紀惠集團行政總裁
2016年9月15日

  我睇過無數明星或者藝人結婚照片,靚,全部都很靚,不過,就略嫌做作,一對新人甚至連那些兄弟姊妹都好似做緊戲,直至我睇到舒淇同馮德倫婚照,我唔知點解,竟然感覺到幸福,他們絕對沒有做作,在婚照中有一幅是舒淇攬住一瓶十四代,其實,我知道舒淇意思是馮德倫就好似十四代,她已經等左好耐。

  香港人好鍾意封王,有時對人,好似舖王,摸王,有時對事,好似投資策略王,亦有時對物,十四代就被譽為是清酒王,是不是清酒王我就唔知道,只知道很貴,有一晚,有客戶請食日本菜,侍酒的小姐介紹十四代,盛惠三萬元一枝,我屋企的家教是,太貴的東西由客人話取消,於是我對侍酒小姐講,我們六個人,起碼飲三枝,連加一就已經十萬元,我食得唔開心,請她介紹三千元一枝的清酒,其實,我的客戶亦嫌貴,不過他不好意思出聲,我出聲他當然是非常滿意,其實,醜人當然是被邀請的人去做,至今,他仍然是我的租客。現在,我久不久都會飲十四代,每一次飲我都會話,十四代,我等左好耐。

 
 
我要回應
我的稱呼
回應 / 意見