主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 28079    回應 : 12
文亮語
為何居屋銷售並不理想
 
湯文亮博士
紀惠集團行政總裁
2016年8月1日

  從電視上見到新居屋開售情況,獲得揀樓的人好似執到金咁開心,有人竟然話比中六千萬元六合彩仲開心,實在太誇張。其實,居屋第一日的銷售成績並不理想,有四成人甩底唔去揀樓,最後的認購率亦只得五成,有記者問那些沒有買居屋的中籤者,他們大多數嫌貴,亦有人話揀唔落手,這兩個答案,前者還可以解決,後者就比較麻煩。

  房委會在新居屋訂價雖然是以市場七折發售,但訂價的時間是去年九月,當時是樓市高峯期,其後樓價輾轉下跌,而且是以類似居屋的細價樓跌幅比較大,可能會有接近兩成跌幅,所以,現在居屋售價可能比私樓只有一成多的折讓,對於買家來說,一點都不吸引,不過,這個問題容易解決,只要在下一次開售居屋前一個月才訂價,就很容易將問題解決,大家試想想,如果今次居屋售價是一個月前釐訂,而在過去一個月,樓價只需上升1%,即是折讓已超過三成,吸引力當然大增,中籤的人應該會更加開心,現在是雞肋而已,食之無味,棄之可惜。

  有到現場但唔肯揀樓的人話揀唔落手,這個答案牽涉新樓貨尾問題,一般來說,一個新地盤有25%非常易賣,有25%非常難賣,中間的一半就視乎情況,如果環境配合,售價又合理,是可以賣出75%,對上一次的居屋銷售就剛好賣出75%,不過,即使環境不佳,售價亦不便宜,亦可以賣出25%,今次居屋只有一半賣出,餘下的就變成貨尾單位,如果唔大幅減價,可能要等十年八載才可以全部沽清,地產商可以減價,但房委就不能,所以,在政府打擊樓市的政策不變之下,新居屋的貨尾單位就會變成永恆,直至政府取消辣招,放寬按揭,或者批准居屋可以大幅減價,永恆才會有終結的一日。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 手誤?? 2016-08-01 09:38:31
其實係指 10% ??
2. Admin 2 2016-08-01 10:13:01

謝樓上,應沒有錯, 以下寫法或更清楚:

「而在過去一個月,樓價只需上升1%,即是折讓已超過三成  」

3. 引刀一快 2016-08-01 10:48:55
係咪漏咗“的話”兩個字未打?我又係睇唔明唔敢搭嗲。
4. Admin 2016-08-01 11:36:24

引刀,加兩個字的確更清楚:

「而在過去一個月,樓價只需上升1%,即是折讓已超過三成  」

5. Johnny 2016-08-01 12:11:24
博士可以再了解一下居屋同私樓賣樓既分別。
到底而家係居屋唔好賣,定係好多人想買都未輪到佢個號碼?
6. 舍神 2016-08-01 14:01:02
黃軟輝成日話已減折讓,唔關個價事,當賣出去時,條數係番到!
條數當然係番到啦...........如果唔賣出去, 永遠都係到! 買居屋的人, 未必個個打算換樓的!

佢都係trader出身, 但的確屁股會控制腦袋!

居屋是買來住多於投資的....
7. 二少 2016-08-01 15:56:14
以居屋質素用同區私樓訂價,再以78折賣出,真係揾狗扮賊.本來就只值同區私樓最多八成,政府先mark高20%再折返俾買家,以後賣樓又要補地價,mark價又以去年高位來計,即買即蝕,要數地產擺權,政府係當之無愧.
8. LYC 2016-08-01 16:12:08
std.stheadline.com/daily/news-content.php?id=1456260&target=2

公屋慢慢起,居屋就吊高來賣,其實目的明顯同好友係一樣,推租金樓價GoGoGO不斷破頂,因為大家都揸住N層樓呢,坐在CCL號火箭升空,只有淡友那麼天真寄望正苦係企在他們那邊呢!
香港人更加是越來越長命,需求有增無減啊!
9. CD ROM 2016-08-02 19:14:31
我常勸人年青的話唔好買居屋, 買容易, 但可持續性太低..........

30出頭買居屋, 將買樓完全定位為解決居住問題一項, 這樣的話居屋是 "太貴"...
10. 引刀一快 2016-08-02 19:57:17
CD ROM兄

咁咩係“剛需”先?租樓又話替人供樓,買私樓仲貴。

始終都係剛需論,住以外,一定夾雜好多諗法。
11. 向饭民说不 2016-08-02 23:31:14
居屋销售不理想也好,销售太好,政府就会乱用资源系居屋到。

现在销售部理想,甘就建小D。
12. CD ROM 2016-08-03 16:26:30
刀兄, 正因為有其他諗法, 住以外既諗法, 更加需要考慮可持續性, 因以更加唔好考慮居屋......

居屋lump sum唔係平, 屈就d應該能買到西北的私樓, 遠d細d, 日後你會因今日既屈就而受惠~~~ 我就係基於呢一點.