主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 26337    回應 : 16
文亮語
居屋,房屋政策的雞肋
 
湯文亮博士
紀惠集團行政總裁
2016年7月29日

  最近發售的新居屋即使在樓市情況轉佳的環境下,銷售情況仍然不理想,在電視訪問所見,買到樓的人非常開心,有人話好似執到金咁開心,我深表懷疑,訪問那些已經揀了樓的人,他們一定話開心,死撐都要話開心,又沒有人迫他們買,如果買得唔開心,倒不如唔好買。

  如果電視台訪問那些甩底中籤者,或者去到現場唔肯揀樓的人,答案就絕對不同,有人會嫌貴,亦有人話揀唔落手,意思是現在的居屋就是雞肋,是食之無味,棄之可惜,當日楊修隨曹操出征,曠日持久,雙方成均勢局面,有一晚,見到曹操望住件雞肋,猜測到曹操有打算退兵意思,於是叫將士收拾行裝,曹操知道之後就非常震驚,因為楊修經常都可以猜測到他的意思,於是借擾亂軍心之名,將楊修處死,但楊修估得冇錯,不久之後,曹操就宣布退兵,有人話楊修枉死,其實不然,退兵咁大件事,一定由曹操講,現今社會都是一樣,在去年九月,財爺同陳德霖都異口同聲話,當確認樓市下跌,就會調整一下管制樓市措施,CY知道之後立刻跳出嚟講沒有那一回事,政府或者是他自己沒有撤招打算,撤招就好似退兵,咁大件事,當然要由特首公佈,其他人講,一樣是死罪。

  大家見到那些買了新居屋的人非常開心,因為他們可以買到屋苑內最優質單位,餘下的居屋單位,就變成雞肋,銷售情況一定不理想,將會有很多貨尾單位,在政府未肯撤招,樓價依然有下行風險之下,而政府又早表示新居屋是不會減價,估計那些貨尾單位出售機會是遙遙無期,政府官員見到那些空置單位,就應該了解到居屋是房屋政策的雞肋,不過,現在是棄不足惜,是時候檢討居屋計劃是否應該繼續,否則,即是不斷製造雞肋。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 真真薯片 2016-07-29 10:09:38
新居屋樓花期超長, 目標卻係賣比用家, 用家需要買黎住, 樓花冇得住, 梗係賣唔出啦

換然係短樓花, 但係開價同私樓接近一樣, 但係轉售麻煩又要補地價, 一樣難賣

政府專門整d咁既怪樓出黎冇人買, 其實係咪要保護私樓市場?
2. 都市眼 2016-07-29 10:38:16
做問卷調查都會問無樓嘅和買唔起樓嘅人樓價貴唔貴啦,所以信啲傳媒就真係食得C羅。
3. 苦前業主 2016-07-29 10:58:00
怪嘢冇人買,政府又多個理由少建公屋,停售居屋囉,而家我起你哋唔要,慳返。
4. 波菜連 2016-07-29 11:10:23
剛㓮好辛苦先賣到層樓,仲話D投資者搶買,我個價只係市場價,大部份買家都係鋤賣多,其實D專家話轉升,真係唔好信,我都係相信近期樓市係小陽春,而家心情感覺放鬆晒,雖然要去租數,但目標係2年後買番新樓。
5. 仆街仔 2016-07-29 13:02:13
傳媒東方日報就係日日話升,人人去搶買樓,其實我覺得係佢因為同CY返面,CY要樓跌,所以佢要唱升,傳媒就係咁,之前不停針對曾蔭權同消防處ㄧ樣。
6. 球菜欣 2016-07-29 13:37:15
咁辛苦都要賣個竇,能力不足唔賣仲甘,形勢不利下唔鋤你鋤邊個,無債一身輕,唔夠料衰咗咪衰咗羅!
其實租樓住,幻想賣舊樓買新樓,感覺會否特別過癮?
7. 本地人 2016-07-29 14:07:50
日本啱啱應酬式放水(專家預期加碼,錯啦),加上英國冇减息(專加預期減0.25,又錯啦),美國好可能9月加息,感覺全球央行不再QE(QE已是ㄧ個毒瘤,唔想國家破產,必須要停止),香港樓供應量大增,買樓既人就要小心,希望大陸人加大力度掃香港樓,接火棒,香港人要賣樓就要快啦
8. 向飯民說不 2016-07-29 17:04:05
5樓,自從出了毒果之後,香港傳媒變成了狗仔隊,最喜歡指鹿為馬,最拿名的就是廢青信。
9. CD ROM 2016-07-29 18:38:59
醒目仔唔易做o架。。。
10. 本地人 2016-07-29 18:58:22
C永青話有樓就唔好賣住,(以下係佢之後冇講既説話:)但我賣先,到我話比你地知可以賣先好賣。

咁既野都可以講,好心D好心D傳媒唔好再問佢樓市啦
11. 波菜連 2016-07-29 19:06:56
7樓

暫時赢4球都叫衰左,你乜野羅輯呀?

不過我ㄧ個女人仔已經好滿足啦。哈哈
12. 波菜連 2016-07-29 19:12:02
Sorry 6樓先啱
13. 二少 2016-07-29 20:19:55
真心幫市民上車就五折啦!
14. Desmond 2016-07-29 22:01:51
10樓本地人兄說得對,C生只為其個人及行業著想,對公眾一點道義都沒有。
15. 本地人 2016-07-30 02:47:04
其實記者當時㸃解唔問C生係2015到現在有冇賣出過自己D物業,相信佢ㄧ定知唔以對
16. 引刀一快 2016-07-30 07:53:59
Desmond兄

唔好講咁白喇,依家大家用緊嘅指數,都係佢手筆。