地產博客 > 文亮語 返回
瀏覽人次:36508    回應:33
文亮語
點解樓價唔跌
 
湯文亮博士
紀惠集團行政總裁
2016年7月21日

  有老友問我,點解在年初時,大部份分析員都話樓市會下跌三成,現在半年結,樓市下跌3%都沒有,而且有反彈跡象,到年底,隨時有機會倒升,點解會出現這個情況,我話,樓市在去年沒有大升,又怎會大跌,如果去年樓價指數上升至180點又作別論,下跌三成就絕不出奇,即是樓價指數126點,今年亦曾經接近這個水平,但現在差不多130點,可以這樣說,今年的樓評家,包括小弟在內,大多數估計錯誤,我年初時預測樓價下跌一成,當時被人笑到臉黃,現在是輸少當贏。

  樓價唔跌原因有很多,首先,去年打算上車的年輕人忍手而沒有買樓,今年初,不少細價樓下跌了超過兩成,有年輕人已經買樓,他們話500萬樓價跌至400萬,可以少付60萬首期,兼每月供款少6,000元,點解唔買樓,唔買都要租,無謂替人供樓。

  有人持有多個國內物業,在年初國內推行去庫存計劃,不少國內人或者香港人將手上的國內物業賣走,將得到款項在香港買樓,那些購買力亦非同小可,足以支持香港樓價。

  英國脫歐,令到不少打算在英國買樓的香港人,將資金留低在香港買樓,同時,因為英國脫歐,大家估計低息將會維持一段長時間,加息的陰影消除,他們便大膽入市買樓。

  地產商最懂得營造氣氛,適時將新樓盤加價,雖然只是3至5%,但有意買樓的人非常留意地產商舉動,他們見新樓盤加價便飛撲入市,做成新樓盤在加價後銷情反而更加熱烈,以上種種因素令樓價企穩,如果沒有特別壞消息,樓價將會在窄幅維持一段長時間,這是一個健康現象。


湯博士簽名會:
湯文亮博士明天11:15(7月22日)於書展明報出版社攤位與讀者見面及簽名,敬希垂注。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 多謝互聯網公司 2016-07-21 09:15:23
好多國內互聯網公司 搞 高息理財產品 (2按3按) ,借錢捭國內人買樓.....谷高 北上廣深 樓價.

"間接"幫手推高香港樓價.......
2. Taiwaner 2016-07-21 10:00:13
"好多國內互聯網公司 搞 高息理財產品 (2按3按) ,借錢捭國內人買樓.....谷高 北上廣深 樓價.

"間接"幫手推高香港樓價......."

這個跟美國的次按很像。。危險。
3. 真真薯片 2016-07-21 10:11:57
果真世事難料

街頭智慧勝專家,年初叫「樓市專家食屎」的嘉湖山莊林太一語中的!當日囝囝330萬元買嘉湖山莊兩房,一度要輸40萬元,本報統計十大屋苑,嘉湖山莊成為「反彈王」,短短4個月,屋苑反彈逾兩成,阿仔單位唔使輸,還有15萬元的賬面賺價。

本報根據中原地產資料,比較十大藍籌屋苑目前平均呎價與今年低位,結果天水圍嘉湖山莊成為「反彈王」,現時平均呎價7,113元,比今年低位,為3月中錄5,922元,4個月內反彈20%。然而對比屋苑去年高位8,409元,仍相差15%。

今年1月,記者天水圍直擊,嘉湖山莊業主林太稱兒子330萬元買入一個兩房戶,被問兩房已穿300萬元,並謂有專家指樓價會再跌一成,她即場爆發:「我仔買貴40萬冇咩問題,佢要住㗎嘛,如果升又點呢……嗰啲咁既專家,食屎啦!我哋唔係有見地,我哋係腳踏實地,唔聽專家㗎,聽專家意見就死啦。」今日一如林太所言,升返!屋苑兩房單位回升至近350萬元,最近一個兩房戶,成交價345萬元,林太阿仔單位賬賺15萬元或4.5%。

英國脫歐,全球繼續量化寬鬆,本港跟隨美國加息步伐放緩,加上盤源收窄,夾高二手價。以嘉湖山莊為例,祥益地產謝利官表示,屋苑現400個放盤,鎖匙盤不足15個,入場費最平332萬元,比起年初低迷時入場費280萬元,升18.6%。

5. 路人皆知 2016-07-21 10:42:49
點解唔跌最好問引刀專家。
6. 唔跌不等于涨 2016-07-21 11:11:52
唔跌的几大因素随着时间推移会变左,如果不涨投资客会谨慎,消耗掉大部分购买力后,会如何?新楼供应增加会促使二手业主劈价,准业主无需急于一时
8. 123 2016-07-21 12:23:21
 同意3樓所講,如果聽那些磚家,一世都不用買樓'了。他們一個月變一次,
9. 打工仔 Andy 2016-07-21 13:06:10
明天是7月22日才對!!
10. 打工仔 Andy 2016-07-21 13:11:04
祝博士新書一紙風行!
11. Tips 2016-07-21 13:57:57



未來兩季全力沽期指,冇走雞!





12. LYC 2016-07-21 14:01:31
有樓富貴,冇樓乞米已深深印在每一個人的潛意識當中。
所以根本冇人會沽樓,冇人沽又點會跌呢!
另一方面,全民搶樓因為大家都想發達,所以CCL在未來幾百年都會不斷大漲少回。
現在政府應該要放寬樓換樓的限制,藉此提高2手供應量,減印花稅,減辣才是唯一出路!
可憐的是淡友將會越來越窮,租金向上爆,銀紙扁值,他們的購買力不斷地被削弱,真係令人膽心!
13. Admin 2016-07-21 14:25:10

已更正

謝謝 打工仔兄

14. 人在天堂 錢在銀行 2016-07-21 16:05:37
在10月前都唔會"講"加息,經濟層面又講到悶,
現在當然抄埋呢轉先,升升升

二手業主被傳媒托上火星,大量新樓就更易出貨,
呢幾個月靠傳媒條大陽春,可以射穿太陽系多個行星啦


15. Ca1on 2016-07-21 16:17:26
我覺得傳媒同討論區有時嚟嚟去去都係同一班人去吹捧
想唱淡嗰陣有一批戶口日唱夜唱
想唱好嗰陣就另一批人日吹夜吹
尤其以某報嘅轉向更加係矚目
早排先吹端午大冧, 而家叫升.
16. 人在天堂 錢在銀行 2016-07-21 16:29:54
真正有錢人,既是賣家亦是買家,

既然有工具,對街外人,買賣都要食盡,


火星地球兩邊走,

係火星就升上地球,係地球梗係升上火星

但睇黎呢度地球人多...

18. 引刀一快 2016-07-21 20:51:20