主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 34187    回應 : 31
文亮語
供應量是否來得不合時
 
湯文亮博士
紀惠集團行政總裁
2016年7月11日

  下半年的新樓供應量接近二萬個,有記者問我點睇那些供應量,會不會壓冧樓市,我話,如果是真的話,的確是很多,但我相信,地產商是會有節制性賣樓,最後推出到市場的新樓會遠低於二萬個,因為低價賣樓,受損失最大的仍然是地產商,因為現在所賣的新樓盤,有很多都是三年前以非常高招標價得來,地產商想減價都唔得,而且,現在樓市尚算平穩,實在毋需減價促銷,老實說,現在就算減價的效果亦不會很大,就算可以多賣兩成單位,但收入與唔減價差不多,點解要減價。

  如果新樓減價,情況就好似銀行現在減息一樣,不但效果不大,而且還可能會影響手上客戶,因為合資格借錢的人實在太少,所以,只有少部分銀行採取這個方法,地產商亦深明這個道理,除非,經濟環境繼續轉壞,利息大幅上升,地產商持貨的成本高昂,這樣才會令地產商考慮大幅減價,不過,現在還未到時候。

  對於下半年有機會出現的龐大供應量,有人說是來得不合時,如果那些供應量早一年前到來,現在或者已經撤了部份辣招,我只是奇怪,當時點解沒有分析員提醒市民,供應量將會大幅增加,我認為那些供應量不是突如其來,市場亦很難隱瞞這樣龐大的供應量,分析員是很容易睇到這個狀況,而事實上在去年,我們只聽到供應是很難飆升,樓價將屢創新高,其實,這些供應量並非來得不合時,只不過是被人忽視,亦會有人因為忽視那些供應量而要付出代價。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 付出代價 2016-07-11 11:45:21
亦會有人因為忽視那些供應量而要付出代價?XFRP
2. 人在天堂 錢在銀行 2016-07-11 12:04:09
"亦會有人因為忽視那些供應量而要付出代價" 是指那些人?

批則數量, 普通人隨便都可以上屋宇署得知, 供應量大概可以知道, 無得作。
但是, 已經知道有此供應量, 仍舊買樓, 可見是實際需要居多, 
而樓市亦未見大跌, 應該仍然維持供求平衡中 (細單位)

不過, 此類細單位需求者, 都係小市民, 甚至不是中產, 
小家庭公一份婆一份, 收入大概只有6萬以下既打工仔, 
影響佢地入市, 最大應該係份工, 所以希望"那些人" 不是他們就好了。
3. Tony lam 2016-07-11 13:47:53
辣辣椒政策就係要保住樓市高位運行、跌唔冧、升唔癲、長期低息冧實冇洗擔心、但樓價咁癲又多人買時、實有人冇長力搭沉船、而家交投淡靜、有聲冇火就最啱何車、市場熱鬧、但夠氣先落水、有浪都唔會浸親太多人。

注意個別癲價背景、小小本錢做~觸媒~、引來羊群齊跳崖 !
4. 點解要減價 2016-07-11 14:07:21
地產商發現賣了一段時間都只是賣出三四成,唔減價怎麼能達標,怎向股東交代,為有送優惠,增加回佣。

這就是不減價的手法!
5. 望東樓 2016-07-11 16:49:38
"correct me if I am wrong"發展商係過去大半年基本上係賣緊遠期樓花。而家博士踢爆係下半年入伙個啲反而係淨蔗。咁究竟有乜啟示呢?發展商盤棋究竟係點捉呢?
6. 2011年開始 2016-07-11 18:53:11
博士講的供應量是可銷售量并不是入伙量,前一两年有發展商炮轟政府批預售樓花需時過長,其中最長可能是卓能集團項目.

等足7年 一號九龍終批預售 卓能趙世曾:火速部署月底賣樓


http://paper.wenweipo.com   [2015-01-08]     我要評論(0)
放大圖片

■卓能主席趙世曾七年前開始介紹「一號九龍山頂」項目,至今終於獲政府批准預售。 資料圖片

香港文匯報訊 (記者 顏倫樂) 卓能集團旗下荃灣油柑頭「一號九龍山頂」,申請預售文件長達7年,堪稱史上申請時間最長的新盤。地政總署資料顯示,該盤上月終於獲批售樓紙。卓能主席趙世曾接受本報訪問時稱,公司已火速聯絡代理,預備本月底展開賣樓部署,計劃先推第一期49伙,雖然項目已批入伙紙,但仍未取得滿意紙,故項目不會以現樓方式發售。

一號九龍山頂位於寶豐台8號,分兩期發展,第1期為單幢式物業,樓高19層,設49個單位,包括連花園戶、標準分層及複式單位。第1期早於2007年12月已批入伙紙,並隨即申請預售,但因保護樹木問題,直至2009年中樓盤接近建成仍未獲批。卓能一直未能與地政總署達致共識,趙世曾為此曾多次炮轟政府效率低,令公司錯失賣樓好時機。

70棵樹木糾纏數年

據了解,項目不獲批售樓的原因,主要是70棵樹木的保護問題,糾纏兩年多至2010年初才終於與政府達成協議,每棵樹賠償約20萬元,合共賠償約1,500萬元,另加補種樹木方案,但因補種樹木需時,加上部分新樹屬於第2期地盤範圍,令樓盤需要再拖1年至2年才能出售。

項目於2012年5月宣佈撤回申請,隔兩年後,去年6月重新再申請預售,今次申請更連同第2期一併入紙,短短半年時間終於獲批准預售。據了解,第2期興建5幢3層高獨立屋,涉及住宅樓面9,075方呎。項目第一、二期,合共提供54個單位,上月同告批准預售樓花。地政總署資料,兩期都預計2016年12月31日落成,即尚有2年多樓花期。

7. 2011年開始 2016-07-11 18:56:01
相本有人爭取連任制造供應在同一時間出現
8. LYC 2016-07-11 19:11:14
所有淡友都機關算盡,計算發展商和業主點樣賤賣樓房,年年都俾佢地計到大跌出來,年年都在等風暴等黑天鵝。
好友夠錢就買,唔理乜乜專家吹爆煲,吹大跌,結果發到豬頭!
現在低息有排持續,資金湧入,地產股和REIT已率先爆上預告樓價將會向上爆。
淡友還在一廂情願地做鴕鳥,幻想業主和發展商會劈價,真係得啖笑!
9. 引刀一快 2016-07-12 01:34:54
點解發過豬頭嘅人,依傢唔夠錢買樓嘅?
10. 香港土著 2016-07-12 08:24:13
哈哈… 點解d好友如LYC一眾,發到豬頭咁,但就字裏行間硬係有d憤怒之情?! 憤怒恨鐵(淡友)不成鋼?
11. 樓上 兩位傻B 2016-07-12 08:34:52
你唔低得資產階級生活好過你班無產階級呀?放長雙眼,睇下你哋交租俾業主咁風流,日後無瓦傘頭時,哈哈哈
12. 有樓的淡友 2016-07-12 09:56:24
11樓位儍bb, 你邏輯上犯錯,完。
13. 真真薯片 2016-07-12 10:50:22
在下同意7樓講法, 有人將之前同之後既供應一炮過谷埋係選舉前推出, 為連任做勢

但係政府批幾多樓花都好, 發展商惜售, 其實吹佢唔漲, 上半年賣左6000個一手樓, 下半年有8000都唔易, 最後全件供應又係萬四, 連帶一堆貨尾同囤貨

至於樓價, 如果發展商堅推8000個單位, 二手又變成超難放, 唔易升, 但係發展商擠住牙膏咁浪價沽, 亦唔易跌
14. Ca1on 2016-07-12 10:57:13
Fool me once, shame on you;
Fool me twice, shame on me.
一個大話, 只要啱聽, 就講幾多次都有人信。
15. 米搞,井底娃娃 2016-07-12 14:27:33

同意12,11講嘢,幾井底

16. 沒有公屋的人 2016-07-12 14:32:13
好羨慕一位朋友,每3個月去1次旅行,毎月交1.5 倍租,有瓦姐頭,生活風流,留下D$,比仔女買樓,將來退休,有中援,繼續住公屋,間屋可以望海,睇煙花,真系幾5錯!
17. 引刀一快 2016-07-12 14:56:01
勵德邨
18. 霸拳就是霸拳 2016-07-12 15:12:11
香港地產商咁好搵,大陸台灣發展商都好羨慕,但入場門檻高,觀眾旁證自己友,冇班底落唔到場。
冇競爭有合作,結果政府市民都做水魚
19. LYC 2016-07-12 15:46:57
發展商現在咪不停推盤囉,但是2手樓價還是不斷爆上,買家追價追到氣咳,租盤沽盤冇晒,真兄還在發白日夢,幻想2手樓因一手供應會受壓。
原因係內地歐美資金瘋湧入來掃港樓和湧人來定居,多多供應都冇用,好心提醒你地咋,土兄
20. 香港土著 2016-07-12 16:26:47

LYC,

「內地歐美資金瘋湧入來掃港樓和湧人來定居」, 係咪有幻覺!過去幾個月, 已經有幾百億流出左銀行體系喇。

唔好淨係望住你公司個最新成交記錄喇, 留意多D其它野啦, 成日要契哥淡心你。

21. LYC 2016-07-12 20:03:31
睇土兄的回應睇得出土兄一定好驚,好擔心。之前資金走都搶到冇晒盤(因為聰明錢行先一步,不過土兄一定唔會明)。不過,唔洗咁擔心,香港地肯捱肯做,應該問題不大,租間劏房應該不成問題的!
現在才剛開始資金流入,先炒高股票賺一筆先,與之同時掃港樓,真係難以估計樓價會爆到邊才見頂,CCL去到1000都唔出奇呢!
22. 香港土著 2016-07-13 00:23:09
19樓LYC話資金湧入買樓,唔係流出;

21樓LYC話資金流出都唔驚,聰明錢繼續買。

咁多聰明錢,你就唔使喺哩度不斷嚇d手緊上車客,日日講住唔買就訓街啦。

有時我都懷疑你係咪好友無間道,一味瘋叫兩個口號,陳C9都唔信你啦。
23. 引刀一快 2016-07-13 01:22:53
香港土著兄

C.Y.Leung倒轉點寫?人家立志倒梁,一個壓抑樓價,一個誓要將樓價推上火星。

如果香港真係一人一票,佢實打低長毛啫!
24. 香港土著 2016-07-13 14:33:15
刀兄, 

有道理。梁特招招食正地代要害, 真係難怪人地燥火。
25. 二少 2016-07-13 14:49:49
左手問右手答;右手問左手答。好玩=_=
26. 引刀一快 2016-07-13 17:38:53
二少,你估人地學你咁細路仔玩dur dur 咩,左手交右手..........
27. 二少 2016-07-13 18:00:27
有得玩比無得玩好好dur,大家唔好笑公公啊!佢带俾大家好多歡樂.
28. 引刀一快 2016-07-13 18:25:09
咁又係呀,我果件係大人嘅,唔會攞嚟玩架。

你由細玩到唔大,愿你夫人憐憫你,阿彌陀佛。
29. 二少 2016-07-13 18:44:10
點解咁強調公公係無夫人嘅?
30. 28樓 廣州傻B 2016-07-13 19:18:51
咁開心,今晚食飽地溝油撈飯那?
31. 引刀一快 2016-07-14 09:17:05
飽喇,冇剩,等屙番岀嚟你先有得食喇。