主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 24525    回應 : 11
文亮語
有得揀才冇人要
 
湯文亮博士
紀惠集團行政總裁
2016年5月23日

  現在買新樓,要面對地產商的各種優惠,有多少手足無措,即使如此,新樓的去貨量亦未如理想,今年已推售的新樓盤,銷售量不足四成,但市場上的購買力仍然不俗,點解新樓銷情不佳,歸根究底原因只得一個,就是太多新樓盤供應,買樓的人有太多選擇,他們反而唔敢落手買樓,恐怕在買樓之後,地產商就算唔減價,但都會增加優惠,現在最好靜觀其變。

  在去年同期,樓價屢創新高,新樓盤銷情不俗,一Q清袋亦出現過幾次,主要原因是市民擔心土地供應不足,導致樓價繼續飆升,雖然,不同財金官員在不同場合表示,在未來三至四年有高達九萬二千個單位供應,但被市民質疑是假大空,政府是很難做到承諾,供應不足將會是樓市長遠問題,結果就是樓價飆升,當時,連一些位置不佳的新樓單位亦可以快速去貨,主要因為買家沒有選擇,到今日,買家不但有得揀,而且可以慢慢揀,新樓去貨反而不及去年,要樓價止跌回穩,地產商一定要有秩序推銷新樓盤,否則,一窩蜂推出市場,市民有太多選擇,他們反而唔敢買樓。

  話雖如此,我相信現階段是很難做到,香港經濟轉壞,供應增多,政府不但沒有一套挽救經濟方案,又唔肯撤辣,或者放寬逆週期措施,供應亦不肯減少,在這情況下,真的是執輸行頭,慘過敗家,地產商今日唔賣樓,明日將會面對更多競爭對手,買家將會有更多選擇,不過,他們反而更難做決定買樓,這是人性使然,大家千祈唔好覺得奇怪。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 打工仔 Andy 2016-05-23 10:12:02
會否推出免供免息買樓? !
2. 引刀一快 2016-05-23 10:18:34
住,係剛需                                          

賺錢,係剛需中嘅剛需                       

唔想蝕錢,就係剛需剛需剛剛需  

有得揀就慢慢,明顯係怕一買即衰。
3. 123 2016-05-23 11:35:11
 係呀地產商做慈善公益新盤大抽獎送比冇樓人士發白日夢
4. 林師奶 2016-05-23 12:24:30

現在沒有住屋需要的人,是應該以靜制動的。有住屋需要的人,多出去看看樓盤,一手二手都看, 做好準備,找到一個著急出貨的業主,就要快下手。但千萬不要抱著撈底的心態,否則一輩子買不到屋。

6. 香港土著 2016-05-23 14:33:15
傳說中,住樓鋼需遠遠多過供應,仲要加埋全世界有錢嚟晒香港買樓,跟本唔會有樓冇人買!放寬逆週期措施就更不必要啦,發展商唔等錢使要慢慢去貨,細水長流嘛!
7. CD ROM 2016-05-23 16:48:30
古人智慧, 瘦田無人耕, 耕開有人爭 ar ma~~~
8. 等上車 2016-05-23 16:53:05
辣招幾年,近幾個月剛見效。如果現在撤辣,之前做的一切就白做了
9. 地球咁大隻椒 2016-05-23 17:56:36
唔係馬?辣招見效,有效到影响全國經濟以至全球經濟,令到香港經濟轉壞,樓價滑落咁把炮!
10. 供樓有息收 2016-05-23 19:28:36
已經有其他國家地區(歐洲國家)買樓有息收,遲早都輪到亞洲國家,甚至香港。
11. 好 2016-05-23 21:21:36
同意10樓,我一早都講咗。
12. 問10樓 2016-05-23 21:46:35
供樓有息收?

未聽過,願聞其詳。

先多謝!