主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 28312    回應 : 32
文亮語
老友千祈唔好拍檔做生意
 
湯文亮博士
紀惠集團行政總裁
2016年5月14日

  三國演義開始講,話說天下大勢,久分必合,合久必分,很多人認為這是金科玉律,我又唔完全同意,久分必合,是要睇時機,但合久必分則是常有發生,所以,我唔願意同其他人拍檔做生意,親人就例外,不過,我亦試過與人拍檔買樓,但一定要定出一個期限,到期就將買入的物業賣走,否則,沒完沒了,到錯失了賣樓時機,大家又互相埋怨,老友合作做生意,始終都是悲劇收場,就算是親人,更加要均真,老人家話,兄弟相和勤計數,絕對是沒有錯。

  有人問我,如果有人要求同我合作做生意,我點樣推,我記得有個朋友離婚之後,經常在其他朋友面前數他的前妻不是,有一日,我睇唔過眼,叫我朋友做人要有一些風度,既然已經離婚,點解仲要數對方,倒不如對其他朋友講,他的前妻樣樣都好,只是我朋友沒有福份,反而會得到別人同情。如果有人要求同我合作做生意,我會話,我的福份不好,恐怕影響生意,此言一出,來人立刻打退堂股。

  中原老C,老王早已反目成仇,大家早有所聞,不過為了搞上市而走到一起來了,但始終唔成事,最後可能要清盤,同時間,兩人將臭史揚哂出嚟,老實說,我冇咁多時間去了解,只不過覺得兩人年近七十,死就一世,唔死都接近一世,仲有什麼好爭,既然羅貫中話合久必分,兩人都唔合,點解唔分,其實,這亦是很多時合作做生意的夥伴終極結局,最完美的就是歸邊,鍾意做生意的繼續做,唔鍾意做的一方攞錢,幾多錢又是另外一個難題,唔容易解決,唔信,問一問鏞記甘家就知道。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 引刀一快 2016-05-14 04:16:54
湯先生咁樣都同人講福分唔好的話,其他人唔知要點先可以叫好,同親人做生意可以不分你我不為小利損關係,既係緣亦是福,都未計賺唔賺錢咯。

人就係咁,年輕嘅時候信奉一句話,求財莫求氣,若然得財,就以為係金科玉律,大把錢乜都享受過之後,到老就發現,佛爭一炷香,人爭一口氣,人係世界上最麻煩嘅動物,一個聽聽話話、順順攤攤嘅人,就通常唔係搵到錢做到老細果個。人生過程際遇,各有不同,但係道理就大同小異。


2. 打工仔 Andy 2016-05-14 10:10:39
博士講得岩,
夾份做生意, 買樓之類, 真是可免則免! 
3. 望東樓 2016-05-14 10:12:19
十年修得同船渡。善哉善哉。
4. Small Potato 2016-05-14 11:10:06
任何事情發生,不論系做生意好、感情事、同事或朋友都好,都吾好數人嘅,要講都只係講自己吾好,最吾好係唱人,太無品。
5. Oscar Lam 2016-05-14 13:04:44
上市本來是最好的解決方法,喜歡經營的繼續經營,喜歡錢的賣掉股票,市場自有其估值。可惜二個均喜歡經營。
6. yyfan 2016-05-14 14:31:26
我又唔咁認為,做生意搵拍擋可以發揮一人計短二人計長的優勢,不過為避免錢銀瓜葛,我一定要求自己出全資,看似蝕底但往往減少好多爭執,員工也明白邊個先係真正老板,事實證明同拍檔合作的生意反而出力少但回報最大,反而自己獨家經營果D就勞心勞力,賺到幾多都笑唔出
7. Sugar 2016-05-14 14:33:39

Fan 老闆 :

您知我想講乜啦  ! ....... 算了 , 今日佛誕 , 應該休息吓 ^^

又受教 ! 多謝指點生意之道 , 唔怪得sugar 成日破產收場 , 原來係因為我無揾Fan 老闆出資 ?!

8. 向飯民說不 2016-05-14 14:48:10
其實反映中國吾適合玩選票政治,完全無妥協精神,完全為淡氣,不理自己的利益,甚至自己的利益也可以放棄。

或者這就是這就是傳說中的小農思想。

飯民在占中之後也是玩一拍兩散
9. To 向飯 2016-05-14 16:29:41
歐美民主亦玩不了多久
10. yyfan 2016-05-14 18:35:07
To:7/F Sugar妹

學魔童話齋,處理緊家庭事所以暫時無mood,多謝體諒

同人合作都試過失敗,但最緊要跳車要跳得快,sugar妹有咩提議大家可以傾下架,今晚咪飲太多,上個月去老蘭差D想大嗌你個名,看看有無人應
11. Sugar 2016-05-14 22:18:26

Fan 老闆 :

睇嚟你最近真係有啲事煩緊喎, 願一切順利 ! 相信以Fan老闆的才智和EQ, 甚麼事都會迎刃而解的.

哈哈 , 我都好耐無去老蘭, 所以你點嗌都唔會有人應啦 ^^ 其實我雖然仲意飲兩杯 , 無奈天生酒量淺好易醉 , 所以多數自己在家淺嘗輒止 .

依家市道做生意比較艱難 , 但經營有術的商家永遠不在此限的 , 對嗎 ?


12. 肥婆四 2016-05-14 23:48:37
鬥氣何益?一方定價,另一方選擇要或不要,好來好去。
13. 肥婆四 2016-05-14 23:48:38
鬥氣何益?一方定價,另一方選擇要或不要,好來好去。
14. 舍神 2016-05-15 00:09:20
想失去一個好友, 最易的是一起做生意, 另一樣是借錢畀佢。
15. 引刀一快 2016-05-15 02:43:14
肥婆四兄

由邊一方定價都有排爭喇。


16. yyfan 2016-05-15 06:43:30
To 11/F sugar

Sugar 妹太抬舉我了,凡事好似冥冥中早注定,由我地一出世果日起個天已經安排好條路俾每個人行,特別是感情同緣份,有時諗落都幾無奈

我對上一次去老蘭已經係10年前,當時係應一位外國朋友要求帶他去去溝女

市道永遠有起有落,做生意也一樣,所以永遠要居安思危,正因為最近市道差,所以是收購合併的好時機,強者將會越強,另外市場永遠充滿機會,有老友過去一年賣智能手機表帶開始發到豬頭炳,睇嘅就是市場冇咩人做,每條毛利一倍,如果唔係去佢間廠睇下都唔知咩叫悶聲發大財

建議香港人多D去一河之隔的深圳學習下,否則遲早真是俾人追上

17. 引刀一快 2016-05-15 08:55:13
yyfan兄

廣州嘅川國演義執咗喇。
18. yyfan 2016-05-15 10:37:50
刀兄

會不會只是轉咗場?照計生意唔會太差喔
19. Sugar 2016-05-15 11:37:02

Fan 老闆 :

你最近咁煩惱我還常嘻皮笑臉地向你 "催稿 " , 請原諒我太不懂事 . 也不知說什麼話可以令你好過些...... 還記得你曾數次提及妹妹 , 感情似乎頗親厚 , 那不妨多向她傾訴吧 ! 這時候你需要親人的支持 , 獨自一人面對易鑽牛角尖的 ; 也不要多飲了 , 酒入愁腸愁更愁......多保重 .


20. 引刀一快 2016-05-15 12:22:33
yyfan兄

唔似轉場,原址丟空好耐,相信唔係逼遷,車陂果邊有一間,似係偸鷄攞人地名嘅山寨演義,規模相差甚遠。原來咁靚嘅位置,我估計唔會走去車陂咁遠。

近排好多呢類中高消費嘅食肆拉閘。
21. 引刀一快 2016-05-15 12:58:26
過兩日去西塔睇睇係咪轉場西塔先。
22. Oscar Lam 2016-05-15 14:58:12
16/f yyfan,

兄台所言甚是!在下現正在前往深圳的火車上。同意市場多变,但機會永在,似乎大家能否抓住機遇。

機會到時,則應該大刀闊斧,赢到盡,機會未到時,則等、忍、守。
23. yyfan 2016-05-15 15:31:42
刀兄

西塔未去過,但聽聞已經成為廣州高尚消費的新代表?
24. yyfan 2016-05-15 15:39:24
Sugar 妹

有沒有睇一套港產片叫哪一天我們會飛?上次無意中係飛機上睇咗,突然覺得好似呢十幾二十年的人生失去了方向,每日都係為揾錢去奔波,呢個係咪自己想要的人生呢?
25. 刀兄、FAN兄 2016-05-15 15:51:17
在廣州搞川菜,仲要走高檔路線嘅,佢老闆一定是不知所謂,找屎唔知訂呀!

四川人飲的水是長江水,養育中國三分之一人口。由於水質寒涼,四季分明,尤其是在嚴冬,人們自幼已養成習慣吃辣驅寒,大戶人家還會吃香喝辣重口味,只在乎舌尖上的享受,喻意生活奢華。

廣東一帶生活的人,飲用都是珠江水,水質燥熱,加上氣候嚴熱,容易上火熱氣,身體感受濕熱雜毒所致的疫癘,因此發明非物質文化遺產之一的廣東涼茶,防治:解表、涼血、化濕、利尿、解毒清熱等。

在廣東,假如只願做出外省辣味菜餚,服務少眾的消費者,最終結果不言而喻,走上執笠收場的定數。所以,只會請教刀兄介紹廣州有邊間,由廣州人做廚師的酒樓好食,並不會請教刀兄,介紹廣州當地的外省餐館作參考,就係咁解!
26. Sugar 2016-05-15 16:38:09

Fan 老闆 ,

我冇睇過呀 , 既然你話好咁我睇吓啦 ! 最初識你時覺得你有少少嚴肅 , 還記得嗎 ?  以前戲稱你是  " Fan富豪 " 都鬼咁緊張 ......但後又漸慚發現你好隨和 , 攪笑又坦誠 . 我想說的是 , 每個人都是個多面體 , 有不同的潛能 : 你經商成功 , 背後付出的汗水與辛酸 , 應不足為外人道......但這也同時為你帶來了財富和榮耀 . 我們每天都在做不同的選擇中渡過 , 不知不覺的 ; 但當你認真考慮去嘗試過另一種哲然不同的生活時 , 可能意味你要放棄很多......現實的取捨往往傷筋動骨 , 豈是易事 ? 這說到底要看你心底真正的意願 . But never say never.....只要活着, 一切永不嫌遲的 ^^

祝安好 .

27. yyfan 2016-05-15 17:34:25
To 25//F

正如好多香港女仔鐘意食辣野,川菜無論去到邊應該都會有捧場客,只要唔係日日食,就算南方水土唔啱應該都冇問題,講到師傅應該要搵順德人更好
28. yyfan 2016-05-15 17:39:22
Sugar妹

有沒有覺得個天對每個人都幾公平,當你得到某啲野時候,佢會拎走你另外一啲野,所以我永遠都懷著謙卑的態度對待成功,同時樂觀的心態對待失敗,共勉之
29. 好多香港女仔鐘意食辣野? 2016-05-15 18:07:14
這個論調又唔多覺,菜色少少辣,間中一餐半餐仍可接受。

就用廣州做例子,廣州外省人已經佔當地人口比例 2/3 或 3/4﹝夠多未?﹞,外省人依然喜歡吃辣口味不會改變,點解中高檔川菜館維皮唔住?

首先,本地人大多避之則吉,咁點都有啲外省人慕名而至品嚐一下地道的家鄉美食掛?他/她們大多數是離鄉背井來廣州打拚的一群,生活上繼承一向省吃儉用的傳統美德,去大飯店吃飯只會大時大節一年幾次,平時只會去小店一解思鄉之愁,反而小店經營川菜,價格相宜,靠口碑還可以。想請教FAN兄,香港邊間經營川菜館是街談巷議,街知巷聞嘅呢?
30. 肥婆四 2016-05-15 22:48:12
回引刀兄,由誰定價是好閒的,因要讓對方揀要或不要,咁由誰定都會定出一個公平價,對方唔要自己都一定的價。
31. 路人甲 2016-05-16 13:52:04

鏞記甘家這個例子比較例外啊!
第一, 他們是親人, 不過變左質, 兄弟大了, 變成2個家庭, 老豆又走了.
好難夾嘅. 尤其如果其中一邊攬權兼又食夾棍的話.

做生意都係為錢的, 唔係你做啦?
既然係咁, 做得大家面左左, 分左好D. 甘家咁, 如果話被迫一齊又話啫, 分嘅時候, 計錢都計得咁MEAN, 現在大頭佛都係自己攞嚟的.

話晒都係滴得埋血的人!
不過, 都係清官難審.....
32. 引刀一快 2016-05-19 22:09:38
yyfan兄、25樓兄台


多謝兩位啟發,月底引刀有空閒寫篇廣州飲食狀況,癩到多少商鋪,唔算離題,到時會分析一下兩位嘅睇法。