主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 25561    回應 : 26
文亮語
零售業距離寒冬甚遠
 
湯文亮博士
紀惠集團行政總裁
2016年5月11日

  現在報章經常報導,零售業陷入寒冬,我有多少奇怪,零售業在過去一年,的確有下降趨勢,但現在話零售業進入寒冬,似乎是早了一些,若以四季來形容,初秋就比較合適,如果現在是寒冬,真正寒冬來臨的時候,就搵唔到一個適合形容詞,所以,大家對整體經濟下滑應該有所警惕,但又不至於恐慌,畢竟,香港人的口袋裡仍然有錢,負債比率不高,只要小心行事,即使寒冬來臨,亦可以撐過去。

  零售業有一段非常快樂風光的日子,國內自由行購物力強勁,不但量大,而且價錢亦相當理想,業界投資者以及從業員的收入非常之高,但久而久之,認為高收入是理所當然,甚至有大暑小暑,有米懶煮心態,不願意招呼本地人,但國內政策改變,那些豪客不復還,業界人士立刻說零售業寒冬,企圖要求政府幫助零售業,我認為這是一個不切實際想法,政府亦希望香港經濟轉壞,樓價下跌,官員們便可以說完成任務,零售業生與死,與他們無關。

  零售業界應該忘記那些豪客,忘記過去最風光的日子,以爭取本地客以及國內個體戶自由行為目標,以品質作保證,營業額可望回升,而那些營業額是實在,除非經濟太壞,否則,零售業是否會進入寒冬,是掌握在業界人士手裡,現在,零售業務下滑,業界要政府支持,無非叫CY上京乞求習主席開放更多自由行城市,更多豪客到港消費,使零售業回復昔日的光輝歲月,我認為這種做法是相當短視,我們應該做好品質管理,不要讓那些劏客事件繼續發生,雖然,有不少人早已知道這是國內人劏國內人,不過地點是在香港,始終對香港聲譽有損,如果業界唔再正視,零售業步入寒冬之期不遠。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. Ca1on 2016-05-11 08:56:21
最近去食嘢, 發覺一啲酒店同餐廳的服務態度大為改善, 我覺得呢個零售業初秋唔錯.
2. 真真薯片 2016-05-11 09:22:55
零售業又點會肯改, 佢地認為劏客係應份, 生意唔好係因為反水貨, 政府有責任放多d水魚落黎比佢地劏, 總之佢啱晒, 錯全部係人地

最慘其實係部份良心零售商戶, 比無良劏客商戶趕客累死

3. 引刀一快 2016-05-11 09:33:15
最根本問題,係全民驅蝗。
5. 蕭峰 2016-05-11 09:52:27
一直認為旅遊發展局應該做下野,譬如去內地大城市做下推廣,介紹下hk值得去的地方,例如d地質島嶼,風景好靚,介紹下d美食,挽回hk聲譽。點解一定要買買買? 
6. 引刀一快 2016-05-11 10:00:56
蕭峰兄

美事唔駛買嘅咩,依傢社會上重視嘅係營業額,唔係統戰效果呀。
7. SHUN 2016-05-11 10:10:14
高檔次品牌的確很差!慢慢執笠、之後去到中小型店舖。
8. 123 2016-05-11 10:54:51
百業蕭條所有行業都有問題全部人失菐樓價大跌九成九但是都一樣冇能力置業
9. Larry 2016-05-11 11:04:29
现时香港营商,一是短视,二是不诚实,前述现象越来越多,学坏啦。
10. 香港土著 2016-05-11 11:06:07
個人傾向將問題细分,高檔消費大跌係一個問題,中低檔消費跌係另一個問題。高檔消費大跌係原於大陸打貪,時間上同濠賭生意插水大致同步。中低檔消費之跌,係好多問題加埋一齊造成,驅蝗、日元2015大跌、一周一行、大陸人參加大陸人搞嘅劏客團被打繼而死亡事件等等。

11. 貴公子 2016-05-11 11:22:13
其實好多係大陸同鄉, 自己人劏自己人.
如果係本地公司, 好多都是明碼實價, 所以雖然內地旅行團小左好多, 主要改為自遊行形式, 實際來港人數仲升左!
12. 貴公子 2016-05-11 11:23:29
其實好多係大陸同鄉, 自己人劏自己人.
如果係本地公司, 好多都是明碼實價, 所以雖然內地旅行團小左好多, 主要改為自遊行形式, 實際來港人數仲升左!
13. 真真薯片 2016-05-11 11:51:59
蕭峰兄,

唔買買買點樣搵錢交租? 地質公園冇租收, 靠果程艇仔搵食就死得
14. 蕭峰 2016-05-11 13:19:12
但唔會日日去海島嘛,遊客點都要食要住,介紹多d美食囉,一樣旺零售。唔好日日逼人去遊客專門店買野囉,俾返d 旅遊開心項目人地,遊客自然多。

15. 真真薯片 2016-05-11 13:55:42
蕭峰兄,

劏水魚先賺得夠勁夠high嘛, 你帶同胞去食雞蛋仔, 賣足成日唔停手都唔知賺唔賺到十皮, 又累又辛苦, 不如混同胞買假藥材, 一look卡即袋十皮, 個客以後唔返黎都冇所謂, 混另一個, 混到人地成個城市都知香港專賣假藥, 就叫阿爺開放其他城市自由行, 放多十年藥材鋪上晒岸啦, 反而賣十年雞蛋仔就未必上到岸囉
16. 蕭峰 2016-05-11 14:21:39
所以零售依家搞成咁咩抵死囉,我都贊成博士,依家唔可以求大陸開多幾個自由行城市,俾零售繼續劏水魚,反而應該逼hk零售轉型,hk的競爭力應該靠創新、靠實業。


17. Alan Pepper 2016-05-11 15:19:20
其實業主在市好時合理加租,市差時合理調整,做生意的唔會唔做的。小弟也正積極籌備了。
18. 引刀一快 2016-05-11 17:19:21
地質公園如果成爲景點,好快會變埋礦場,繼而由自然遺産變成“遺迹”,你懂的。
19. 引刀一快 2016-05-11 17:23:53
To 10樓 香港土著兄

大陸人慳錢咗係一點,該買嘅買得七七八八,係另一個原因。
20. 蕭峰 2016-05-11 17:56:40
「地質公園如果成爲景點,好快會變埋礦場,繼而由自然遺産變成“遺迹”,你懂的。」

咁又係喔! 全中!😅
21. 浪子心聲 2016-05-11 19:27:28
我個人對香港經濟下行比湯博士還要樂觀,湯博士說現在零售業是進入「初秋」而不是「寒冬」,我覺得現在香港零售業只不過從「過熱」回到「正常」。

過去內地旅客來港數量基本上是超出香港可接待的能力,所以出現鋪租、酒店等等價格大幅上升,由其是鋪租已到一個不合理的價格。這現象大眾香港市民受益不多,只有擁有鋪位物業投資者能得到「暴利」,其實零售業在這時期得益亦給業主分了一大部分,他們的生意可能都不好做。

現今鋪租大幅下調,生意可能好做好多,其實「一周一行」已實了一年,香港失業率只是輕微下降,未來香港經濟是有下行趨勢,但不會非常之差,更有可能讓香港回到正常發展的道路。


22. ming 2016-05-11 19:40:34
購物模式其實在轉變中,零售業估計在不久將來該會被淘汰
23. 惡性循環 2016-05-11 21:12:21

當失業率上升,到時候又多了一批無力供欵人仕,負資產繼續增加,就如2000年科網爆破時一樣,負資產越來越多,經濟就會越來越差,現在只是零售業寒冬的開始!
24. 向飯民說不 2016-05-12 00:29:41
22樓,到時香港人要耕田了。

地產佬看不起零售業,因為零售業又辛苦,又賺不到錢。但是地產佬又知不知道零售業是屬於現金牛,在香港更是所謂的無煙創匯工業,

沒有外匯,樓價一定跌。
25. 黃屍基 2016-05-12 07:00:04
你看黃屍基己露出馬腳,他說要參選立法會,支持自決,這是中央知道問題後而換上CY 上場。中央一直很專重一國兩制,大家都知道很多以前及現在主要官員都是黃屍出身包括Donald 曾。回歸十多年,犯民一直做港獨那回事,直到中央意識到問題嚴重性時才換上CY。犯民只是美國代理人,主要戰場在中美,現正局勢有持續升級跡象
26. Peter Pan 2016-05-12 10:04:30

博士完全說出我的心聲

27. Ca1on 2016-05-12 10:05:13
我認為港獨就未必, 佢哋之不過係聽命於被CY打擊嘅地產霸權為其辦事, 美國佬見有機可乘加多腳(錢). 梁振英一下台, 辣招煙消雲散, 又可以大搞自由行, 炒樓, 回復香港老本行炒炒炒, 相信受害始終係班年輕人. 就好似文革一樣, 造成迷失十年, 一整代人浪費了青春, 整個中國被嚴重破壞。