主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 31091    回應 : 82
文亮語
不能夠因為打擊地產而毀滅香港
 
湯文亮博士
紀惠集團行政總裁
2016年4月29日

  影響香港物業市場的四個主要因素,辣招,利息,供應量,以及經濟,影響最大的是經濟,要樓價下跌,政府只要搞挎香港經濟,令到就業環境惡化,失業率上升,吉舖湧現,到時候,樓價即使在低息,供應不足,甚至政府撤招的情況下,依然會向下調整,我相信當樓價明顯下跌之後,一定會有人立刻向中央政府邀功,在中央出盡辦法都不能夠將樓價壓下去,香港竟然做到,不過,我更加相信代表香港向中央邀功的人陳述功績後,習主席或者會多口問一句,點解失業率飆升,吉舖湧現,樓價下跌是市民沒有能力買樓,以毀滅香港經濟來達到樓價下跌目的,絕對講不上在管治上有任何成就,CY當然知道,所以,他多數不會親自述職,既然習主席主動同財爺握手,就搵財爺揹這隻鑊,CY在香港舉行記者招待會,話已經督促有關政府部門振興香港經濟,如何振興,由各位部門自決,然後話報告完畢。

  其實要振興香港經濟一點不難,大部分業主在過去幾年的收入,都被金管局的逆週期措施沒收,變成有資產,冇現金,由於每年要清還4%按揭貸款,大部分業主都不敢胡亂消費,一切應慳得慳,大家都咁樣做,香港經濟又有什麼辦法唔受到影響,財爺同陳德霖亦早知這個情況,所以在去年九月,兩人分別話如果確認樓市下跌,就會放寬逆週期措施,但奈何業界不領情,死口咬定話樓價只會在高位反覆,沒有下調跡象,而CY更加立刻表示唔會撤招,在什麼情況撤招都唔肯講,大多數業主了解政府心意,知道解決問題,求人不如求己,在不過度借貸之餘,更加會減少消費,而消費就是經濟盟友,減少消費,經濟就會轉壞,陳總已經三番四次講當確認樓市下跌,便會放寬逆週期措施,我估計因為香港政府壓力,遲遲未能成事,其實,CY是棋差一著,如果現在放寬,功勞則歸於財爺及陳總,如果不放寬,經濟一定會繼續轉壞,矛頭就會指向香港政府,CY現在都非常頭痕,如果係我,有理冇理都立刻放寬逆週期措施,先救經濟,即使未能完成要樓市下跌任務,不過,大部分市民都會明白,如果在今季都不放寬,一意孤行的人就準備要揹這隻鑊。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. Ca1on 2016-04-29 09:29:43
政治掛帥嘅決策如果推到極致就會做成文革式經濟崩潰, 董伯伯時代眼見金融風暴殺到香港, 經濟崩盤在即竟然因為政治掛帥繼續強推八萬五, 結果造成樓市崩圍, 負資產滿街, 燒炭成為最潮流嘅自盡方式. 希望過往的錯誤今天不會再重演。
2. 怒婦炒魚柳 2016-04-29 09:40:33
後生仔老嘢心態,樓下跌70%都唔買,
老豆話供樓要供一世,你都傻~
有錢買樓都唔比錢老豆
繼續排公屋啦,阿仔!!

3. 地產等於經濟 2016-04-29 10:05:20
救地產等於救經濟,救經濟等於救地產,赤裸裸地產綁架香港經濟,如此下去香港仲有救乜?
5. SHUN 2016-04-29 10:50:11
全球經濟跟本就大衰退中、各國印極銀纸都谷唔起通漲、買樓係危險投資、明未?
6. 七十後小弟 2016-04-29 11:18:52
小弟認識裝修工程工司,設計公司,傢俬公司等行業的老闆。最近,他們都叫苦連天。

裝修公司老闆說,以前,老闆求工人開工,工人年年加薪,現在,工人冇工開,求老闆,可是冇工程,老闆都冇辦法。

設計和傢俱公司老闆說,現在新業主豪氣不再,精打細算,慳住慳住,生意大跌。

經濟下滑,公司裁員減薪,現在香港已經火頭處處,失業大軍將是香港政局不穩的炸藥,火頭遇上炸藥,後果不堪設想,為政者不可忽視。
7. 85後已上車 2016-04-29 11:48:30
我身邊朋友, 專業人士, 銀行銷售職員, 個個人工幾皮起,兩公婆一齊搵倒6到8皮既比比皆是, 只要肯節省一下, 兩年儲倒80萬一D都唔難。

但係, 佢地唔肯洗錢。

為乜? 為左儲起舊錢, 買樓!

除左等樓跌之外, 仲有就係首期唔夠! 佢地擁有呢個收入, 自然不想將大西北三百餘尺的舊樓放在眼內。

香港人唔係冇錢, 龍蝦包百幾蚊一個得閒去食下, 幾爽手, 完全負擔得倒!

但係個個都要留手, 等上車, D錢又點會放倒出黎呢?
8. TO 3樓、5樓 2016-04-29 12:08:29

相信好多香港人包括自己在內,都希望有幸扮演白武士角色,打救香港經濟多十次八次呀,因為可以不停買樓自娛或是樂於承擔人生中最大的投資危險,都不知幾過癮呀!點都好過只滿足於日夜扮演『塘邊鶴或者是蜑家雞角色。

9. No Home 80s 2016-04-29 12:23:20
Agree to above. Most saving reserved for planning buy flat but cut others speeding.  This is my situation.
10. 真真薯片 2016-04-29 12:27:25
7樓,

呢樣真, 在下身邊都有大量呢d人, 不論有冇樓都緊縮消費儲定錢等上車/買多層, 搵三, 四皮一個月洗六千, 戶口過百萬, 但係按兵不動等入市
11. 3字頭住無敵海景? 5張圖孖你睇最平價 2016-04-29 12:50:03
04月29日(五) 11:53
  • 4/6

    【on.cc東網專訊】 後生仔有邊個唔想有個日日對住無敵海景嘅安樂窩,但若然自問唔屬於「人生勝利組」,即係冇個富爸爸,同你畀首期兼供間海景戶的話,想日日返屋企對個全海景,就一定要靠自己。

    其實,就算冇「父幹」,想平住海景樓都唔會係好「離地」啫!除咗要努力儲首期,識得入手亦係重點。青山公路及屯門碼頭一帶公認係全港最平價海景盤集中地。睇晒5張圖,就可以一次過了解呢啲至平海景盤嘅入手價。睇完就會即刻講句「我都做得到」啦!

    講到銀碼最平嘅海景盤,一定要提黃金海岸對出嘅龍珠島,四面環海,都幾有世外桃源Feel架。島內嘅龍珠島別墅最平3球有交易,不過只係開放式單位,實用面積280幾方呎,夠唔夠住就見仁見智喇。

    不過,事先聲明,住得呢度就預咗位置隔涉,打工仔唔想返工遲到就要早啲出門口囉;仲有打風日子隨時有家歸不得,真係唔好唔注意呀。

    「3字頭」海景盤仲可以揀位於青龍頭嘅豪景花園,背山面海,最貼海嘅1期提供飽覽無敵海景嘅2房盤,實用面積300幾方呎,而家最低消費330萬元,喺市區買個劏房盤都未必得,算唔算係窮人恩物呢?

    若然Budget充裕啲,屯門碼頭一帶係另一個可考慮嘅位置。好似臨海嘅邁亞美海灣,除咗充滿度假氣息之外,行兩步有輕鐵站及商場,衣食住行算係方便。而家2房海景盤最平383萬元可做業主。

    追求空間夠大嘅居所,就要放眼鄰近屯門嘅青山灣,呢帶樓價出名低水,最平可揀出入要行條斜路嘅海景花園,380萬元可買個2房海景戶,實用呎價只係6,500餘元,平通青山公路海景盤。個單位實用面積有近600方呎咁多,剩係個巨廳已大過唔少市區細單位。

    12. 香港路人 2016-04-29 12:58:37
    我個人難以認同湯博士這段言論:「大部分業主在過去幾年的收入,都被金管局的逆週期措施沒收,變成有資產,冇現金,由於每年要清還4%按揭貸款,大部分業主都不敢胡亂消費,一切應慳得慳,大家都咁樣做,香港經濟又有什麼辦法唔受到影響。」

    香港6成私樓供滿,可來大部分業主每年要清還4%按揭呢? 最多得4成,但我估計不足2成業主由於這種因素減低消費。如樓上多個回應,大家在慳錢想賣多層樓。總結,香港5成人住公屋,6成私樓供滿,由於逆週期措施而減少消費人數佔全港人口比例極小,我認為這假設不成立。

    對不起湯博士,近日我對你的文章都有些不同睇法,我認為經濟下行主因是自由行政策改變, 減少了來港內地遊客,所以旅遊業和零售業影響最大,舖租大幅回落。

    試想想,如果經濟下行,但樓價繼續上升,租金繼續維持高水平,大眾市民面對減薪、高租金、高樓價,是不是更慘啦!!


    13. 林師奶 2016-04-29 13:17:54

    手頭現金充裕的人真的多的是,大部分不是靠打工或做生意賺回來的,而是從房地產或投資有道贏回來的。

    過去多年房產的上漲讓很多房產投資者給養肥了,家底厚多了。而大部分都已經步處多時,也作好了最壞的打算。

     

    現在要低價賣樓的人,應該是有突發事情守不住或心理負擔大的人。 我看這樣的人不多。


    友人承認投資深水埗鋪位失利,租不出。但他寧可讓它凋空,也不考慮低價出售,還在默默計畫在這個鋪位可以做些什麼的。早兩天看新聞,說像他這樣的投資者也真多,他們的心態真讓人摸不著。但就好像一些國內有錢人,他們買了香港房產,也不出租,閒時到港小住。


    在香港的房產市場,多了許多我們認為不按章出牌的投資客,把很多人的計畫都給打亂。


    有住房需要的人,請不要計算別人怎樣出牌,只要看你手拿什麼牌,按自己能力好好玩下去。

    14. 123 2016-04-29 13:26:26
    希望香港经濟能從返2005年,那時衣、吃、住都很便宜
    15. SHUN 2016-04-29 13:54:06
    8樓有病就睇E生、睇完就記得食藥、做乜春要攞一生人積蓄做白武士呀!樓價連跌半年、不是我作出來的、私樓供應開始大增、經濟下跌、政府公布、有乜可能現在買貴野、就算租樓都减2成先考慮續約啦!………………發神經。
    16. SHUN 2016-04-29 14:06:32
    至於樓上有人話租唔出就養蟲、養老鼠都唔減租、喂…………唔緊要、你唔減有人減、果D業主咪叻仔囉、地產商都減價賣樓啦!唔減?朱隊友呀!哈哈哈。
    17. 打工仔 Andy 2016-04-29 14:07:37
    一個無朋友,無人緣, 只為自已嘅人做左凸手, 想唔死都唔得! 
    18. 路人_ 2016-04-29 14:39:27
    對不起湯博士,你的讀者在你的令一編文的回應,個個講 full pay入市,正如林師奶所言,現在D業主家底厚多了,而你認為政府需要放寬按揭,真的有點離地。
    19. 十郎 2016-04-29 14:47:28


          谷地產,救經濟?

          閱過此文同回應,感受到情況不妙。不過現在全世界搶購港樓,仲係 GOGOGO,此文是否矛盾?

          今日新聞,西環紙扎舖,因加租一倍,兼且年事已高,順勢結業。之前時常聽聞,因為難頂加租,數十年老店,都要落荒。究竟多量吉舖,係加租做成,定係經濟做成?樓價升咗,業主會唔會不加租,救救租客?

          網友說,‘業主豪氣不再,精打細算’,這樣就說明,供樓吃掉大量資源(金錢),他們的錢在其中一名地產商的口袋裏。現在高消費的一群,是未曾或未能上樓的青年人。




    20. 引刀一快 2016-04-29 16:54:51
    十郎兄

    其實好多人嘅錢,係去咗賣家嘅銀行戶口果度,賣咗屋攞住舊錢,最簡單做定期、做理財,每個月都可以有閑錢花,仲可以睇時機再入貨,監高摸頂嘅買家就可能要個個月度住條數嚟生活,最大問題就係買家人頭數大于賣家,賣家消費增幅完全冚唔到買家消費下降,經濟梗係受影響。

    香港老鋪嘅消失,係自己玩文革,少咗特色嘅社會環境,咁就一定少咗有質素嘅來客,最近一兩年同車上落大陸嘅人,變化明顯,越來越鄉土派,嚟過香港嘅就冇咁大興趣嚟,改革開放咁多年都未嚟過香港嘅,多數唔會係豪客,香港嘅旅遊價值,評價下降係難免。

    大陸一樣面對咁嘅事,有D名牌大學畢業嘅博士,做嘢幾年仲係月入8千零,如果唔係讀醫讀金融,每月供樓五六七八千,就算兩公婆兩份糧都唔夠駛,談何消費?
    21. Peter Pan 2016-04-29 17:10:53

    樓價升會刺激經濟? 是否本末倒置?

    樓價升, 商鋪業主加租, 小商戶負擔不起一樣要結業, 裁員。財富只會集中在富人手裡。 住宅業主加租, 租戶也要節衣縮食, 減少消費。  反而根據這裡一眾硬好網友業主所說, 有租客幫手供樓不知幾輕鬆, 現在每月袋袋平安, 財力驚人, 依家見低價,又可full pay買多層。 依我來看, 博士多慮了,根本還未是時候撤辣。

    22. 頂住 2016-04-29 17:50:27
    中原指數已經重拾升軌,不需撤招都贏政府啦!
    23. 我乜都唔識 2016-04-29 18:40:36
    我唔認同博士講既野,經濟差係因為少左自由行來香港,而事實上本人亦認人一週一行都唔係經濟下行既因數。如果你有好多錢,你都唔會日日去shopping啦。其實大陸同香港本身既予盾可能係最大原因。
    博士話有樓係手既人要節衣縮食,搞到成港既經濟都差晒。其實宜家全世界有邊個國家經濟仲好強?連中國都擔心自己既泡沫啦。以宜家普遍業主CCL會上太空既心態,加上呢幾年樓價升養肥晒佢地,升就幾年內升倍幾。宜家跌十幾%就個個牙痛甘聲,又話樓價會搞死香港。有大部份贏到心雄梗係買多幾間添!
    又話冇錢就死去排公屋,有錢先好買樓。
    其實宜家啲樓升成甘。實會有啲夾心階層兩公婆搵得一萬尾二萬頭。樓又買唔起,公屋又申請唔到既人。本來佢地正常可以買啲大西北百令二百萬三有尺樓。就就比你班炒家炒到要三百尾四百頭。佢地焗住租樓又存唔到錢,焗住一世同你地打工。
    請問呢啲又叫唔叫正常?邊個先係真正影響民生?
    如果政府回應你地撤辣,樓價繼續升上火星。香港經濟跟住上火星?就係因為你地𧶄多左,使多左可以求返香港經濟?我諗到時有班夾心階層會出來暴動都似。資本主義社會係甘我明,物極必反。國歌都有得唱。香港人乜都怕蝕,𧶄到盡既心態。好醜陋。我預左好多人會插我,經濟我真係乜都唔識。只係覺得香港既社會已經好畸型。樓價高升係政策出問題,但係個仲係非常唔合理既情況下仲有多人鬧政府樓價要繼續升先對香港好。政策傾斜窮人等等。講真,自住供得起升跌都唔怕。怕跌既係地產佬同大業主。。。
    24. LYC 2016-04-29 19:27:56
    樓上完全本末倒置,5成人住公屋,樓價升跌根本唔關佢地事,現在失業率輕微上升,正是影響他們生計。政府理應放寬按揭,減印花稅,鼓勵上車,換樓,轉活樓市,帶動各行各業再次欣欣向榮,提振經濟。地產工業係社會重要產業,重中之重,現在正是要由地產帶動香港經濟爆上!你冇能力買樓根本係個人能力問題,唔應該怨天尤人,希望政府推行一些損害社會大眾的政策啊!

    好友們,CCL號火箭已按原定計劃升空,預期火星都只不過是短期目標,最終將會升穿突破銀河系!大家要坐穩,唔好貪圖眼前微利,而忽略突破銀河行系後嘅遍地黃金!繼續一齊向上衝 GoGoGo!
    25. 博士變了? 2016-04-29 19:29:11
    同意3,21樓,

    現在博士還鼓吹撤招、支持樓價!以前的邏輯思維到底在哪裡?用地產來維持香港經濟本來就是錯了,德國、美國都知道利用工業去維持經濟,中國都搞健康+體育+互聯網產業啦,養活了多少創業及相關的人群。教練紛紛都在國內搞培訓搞創業啦。

    還在想用樓房維持經濟,思維是不夠大局了。有點low。

    是不是自己太多房子或有太多地產商給博士壓力呢?

    博士,我們支持你敢言,享受你以前的高人意見
    26. 區區 2016-04-29 19:33:24
    5樓:其實而家香港d消費貴到離地了,通漲超高的,你可能留在本土所以吾覺,我前兩年走遍了中東歐非洲,番到香港先知香港吾系購物天堂,吾系價平物美... 番來真心酸
    27. 支持23樓 2016-04-29 19:34:24
    升一倍沒人說有問題,但跌10%就大大聲吵⋯⋯⋯⋯⋯⋯輸打贏要!

    這同意22樓,好像博士文章最近沒有道理呢?我也想知道為什麼呢
    28. 引刀一快 2016-04-29 19:42:33
    23樓 兄台

    呢個就係壟斷,呢個壟斷係大陸炒家促成嘅,可以講大陸動向主導嘅日子來臨了.
    29. 引刀一快 2016-04-29 19:47:11
    ”你冇能力買樓根本係個人能力問題,“

    呢句名言,施先生講過喇。


    借大陸盲湧作壟斷,變成自己嘅“能力“,有朝亦會敗於盲湧。
    30. 路人_ 2016-04-29 19:50:13
    LYC兄出嚟啦,等你吹水!

    不用叫人買喇!人哋會覺得你係「地代」,唔係「資深投資者」,自己Full Pay買兩層,然後回來show下畀大家睇就夠啦。重唔快D搵地代?

    31. 籃球迷 2016-04-29 19:52:25
    同意23樓有見地!

    國內CBA 球員上場的都4萬人仔一個月,一年打7個月比賽,其他也可以做私人業務。真爽!大牌國內明星,年薪肯定過百萬⋯⋯⋯⋯體育產業是政府的政策,讓不同行業的人都能富起來!這才是香港要走的路
    32. 籃球迷 2016-04-29 19:54:26
    看錯了,應該是同意25樓兄!
    33. 爆煲 2016-04-29 20:03:23
    樓價從高位只下跌了10多個percent, 現在已經端定上升。我真的不認同「細價樓爆煲論」既用詞,其實應該系「細價樓調整論」,沒有30-50%跟本不算「爆煲」。
    34. 引刀一快 2016-04-29 20:12:55
    把口咁多星體、銀河、宇宙,梗係學緊霍金咁.........

    LYC Viva 
    35. 路人_ 2016-04-29 20:19:35
    睇完23樓「我乜都唔識」兄的回應,我都係出嚟寫番個回應支持下,今天湯博士這編文,正如我在「12樓的回應」所言,「大部分業主因逆週期措施而減少消費,令香港經濟下行」是不成立的。

    更重要的是這編文有如十郎兄所言,鼓吹「谷地產,救經濟」和「不合理地向特區政府施壓放寬按揭」,增加港人矛盾,希望湯博士明天能解釋,為什麼有這睇法,或回應大家的反對聲音。
    36. Alan Pepper 2016-04-29 20:38:01
    我真的不明白,佢一意孤行的目的或動作是什麼?
    37. LYC 2016-04-29 21:36:58
    http://hk.on.cc/hk/bkn/cnt/finance/20160429/bkn-20160429114048406-0429_00842_001.html

    從回應得知,依然有極多淡友。好明顯係太多弱者淡友睇跌,少數強者買上,挾淡倉將會進行一段頗長時間,一百至二百年將會在預期之內。直至淡友頂唔順,反手買上之時,就係我們下一代撤退的最佳良機!
    我和博士極力叫買之時,可惜淡友仍然尋醉在自己的幻想大跌浪當中。一覺醒來,火箭已升空,一切已經太遲。唯有怨恨和遣責博士轉軚。事實係一定要爆上和進行一個超漫長的航程再突破銀河系才見頂,根本無人能阻或唱下就可以改變!
    現在唯一應該要做就係放寬和撤辣,讓火箭自由自在地向上衝啊!
    38. 路人_ 2016-04-29 22:03:47
    To Admin, 為什麼我的36樓回應不能顯示?
    39. 路人_ 2016-04-29 22:04:46
    To Admin, 為什麼我的35樓回應不能顯示?
    40. 引刀一快 2016-04-29 23:54:57
    恭喜LYC兄

    原來你100-200年後仲有下一代,你係咪雪藏咗好多子子孫孫呢,哈哈哈哈

    我R頭,點解你成日話樓市上火星,但係就“現在唯一應該要做就係放寬和撤辣”嘅????
    41. 我乜都唔識 2016-04-30 00:06:22
    雖然我知呢度可能只談搵錢。不談民生,但都要講。五成人住公屋?你真係睇到香港甘好住公屋唔使排。甘人地使乜一家幾口住劏房?多返人借盡錢買樓,養肥班地代甘就會經濟起飛?即係公屋街市加價啲人租唔起就係小市民既錯?不如你叫政府除左撤招之外應該俾啲國內人買樓優惠?到時唔止上火星,上到去上帝度都仲得!到時連醫生律師都買唔起又可以食花生話佢地廢人。
    冇能力買,係自己問題,我同意。但住係必須品,如果俾你地炒到民不聊生。責任又係咪又完全係佢地自己度?甘弱肉強食既話,出街俾人打劫係咪怪唔已唔夠人揪?
    從錢既角度你地你地梗係岩晒,唔𧶄到盡對唔住自己!但請唔好講咩政府幫晒窮人啲甘既說話。起碼政府有責任唔可使一個有交稅既人訓街先。任何野唔平衡,政府唔控制。後果可能仲嚴重。。。

    利申,我有樓自住,升跌影響唔到我。但民生問題係香港人都應該關心!
    42. Tony lam 2016-04-30 00:32:19
    呢輪揸舖收租最頭痕、佰幾間舖、間間嗌減租、大大話話每個月收少幾球租、李十X都赤啦!但同減辣冇乜直接関係、呢幾年嘅舖租、商品唔暴利點夠交租、我已經幾年冇係香港買衣服、鞋履、手表、英國、歐洲、北美、樣樣平過香港好多、香港零售過氣嘞、老表日本仔而家知錠㗎、嚟得香港旅遊大多劏落冇血㗎嘞 ! 等舖租跌番夠、賣D嘢實惠D先再講啦!
    樓市照計唔减辣都冇洗點擔心、客觀上量寬低息係樓市嘅保險、政府辣招就係想樓市買賣兩閒、量少先可以維持高位運行而唔爆煲、辣招制約咗內/外圍資金狂炒吹爆個波、更限制冇持貨能力者上車、跳樓貨咪唔多囉!
    地代就最大鑊、但如果有一二萬人轉行、咁保安、待應、清潔、等行業會多D生力軍、冇洗咁缺人。
    43. 引刀一快 2016-04-30 05:11:05
    TonyLam兄,唔搞人身攻擊嘅時候,講D嘢都幾中肯吖。


    44. 德国回流 2016-04-30 07:35:58
    楼房在德国基本上是很少人买的,因是政府政策(如不能赶租客走,房租最多只能提高10%,买的时候交重税,卖的时候交几十%房价增值税等),所以住方面市民很开心,很专心一意的做自己的学校学的行业,没有很多人做地代的!

    我回到香港,还好有公司住房补贴,基本上也不会考虑买房子的!香港满地地代,真的有点吃惊呢
    45. SHUN 2016-04-30 07:50:18
    L屍歪呢個托市怪獸淨識叫人買樓、既得利益者嫲、不過全是廢話。5成人住公屋、每天落150低質素移民、就要買樓呀?合理?個個屈去劏房樓價就一定升?暴動呀…………白痴托市L
    46. 梁志堅叫發展商跳樓賣樓?! 2016-04-30 09:09:37
    他的言論有點偏面,現在人工貴材料貴,地產商沒有profit.

    第一.地盤工人薪水是跟裝修一樣,海鮮價。裝修工程的人員沒有工開,自然會減價啦,地盤工人不減價?

    第二. 大陸現在產能(鋼材、水泥)過剩,誰到知道,材料價格提升不來,所以它們的股價走低啊⋯⋯成本高?是他們自己變成豪宅而已,跟基本的水泥,鋼筋沒啥關係。

    拜託地產商,別誤導民眾吧!


    47. LYC 2016-04-30 09:11:18
    完全癲倒是非黑白,政府用大量資源起公屋扶貧,打壓樓市,完全係打壓業主去救濟窮人,你自己住公屋,冇本事買樓,就唔抵得其人私樓業主發達,你咁做人邊有前途呢!積極去搵錢向上流才是正途啊!成日怨天尤人有用嗎!
    現在樓價咁抵買都買唔起的話,好好檢討自己點解會咁無能,然後發奮圖強才是出路啊!
    入伙量按季大跌5成,租金好快會爆上,大家準備加租GoGoGo啦,預租金先行一步到達火星,發達啦!
    48. 十郎 2016-04-30 09:17:07


          profit  ?

          香港穩賺的生意(一定賺嘅),係兩電,兩巴,一煤,一鐵。


    49. 我乜都唔識 2016-04-30 10:31:12
    專家籲市民「依家唔好買樓」


    加埋來緊供應量增加同經濟不明朗因素,但我見到既係啲業主已經急唔切開始封盤或加價。因為已贏到心雄了,肥了。當然持貨能力亦強。其實建議未來幾年的新盤俾投資者數晒佢,有大量租盤。超平租俾啲冇能力買樓既廢物。等佢地存下錢,然後高價賣俾佢地。等佢地揸幾年。又用高價買返俾你地。如此,CCL直上上帝個上帝度。GoGoGo

    感覺宜家香港樓價只炒恐慌性,心理。宜家係睇新手買家既心理。
    50. Alan Pepper 2016-04-30 11:03:58

    32325


    你們的想法是很有理想,我亦經常鼓吹用實力及創意來推動經濟。但用這種高尚及有遠見的理念,放在現實社會上實在有點不切實際。


    在下嘗試分享朋友的生意例子,看看是否有所啟發:


    我朋友十年前創立一間科網公司,現在主要承做各種大機構及政府部門的科網管理,這就是他的生意支柱。我問他有沒有想過研發創新科技,希望有一天可以創造另一個馬雲?他說當然有,但他只可能會年投放 15% 資源去發展創新科技,過去十年,這 15% 全部都沒有任何回報,不可說是浪費,但只能買到經驗而已。


    香港的經濟支柱,銀行業,旅遊業,零售業,專業服務及地產,就好像我朋友承做大機構及政府部門的科網管理一樣,是支柱,life blood。你看,上述除了專業人士未受打擊之外,其他都已經陷入火海了。現在說什麼創新行業,是杯水車身,亦是遠水不能救近火。一個沒有流動的經濟體系等於一潭死水,是不能長遠生存的。


    憑實力及創意推動經濟,我舉腳贊成。但只限於一個長遠理念,長遠理念不能生活啊。


    講返地產投資,如果對經濟學有研究的,絕對不能說其不是經濟產業。應該說是一個非常重要的經濟產業。在香港,發展商買地帶來政府收入、起樓創造各種職位、發展商借錢帶動銀行業、投資者買樓帶來流動性,釋放發展商的資金繼續起樓,租給未上車或不想上車的人、投資或自住者將外來賺到的錢投放於物業當作儲備等等。在任何地方都是一個非常重要的產業。亦是現在政府唯一可以控制到的產業。所以,博士講的有一定的道理。


    再講多次,理想,應該要有的,但現實亦要兼顧。

    51. 我乜都唔識 2016-04-30 12:24:01
    Alan兄所講既相當有道理,我亦同意資地產唔只係香港,仲係全世界重要既一環。但係經濟下行既情況,如果仲要不停去推高樓價,去俾某幾個行業發達時。呢個做法並唔健康。好似之前零售酒店飲食甘,係自由行時候不停擴充,大業主就不停加價,趕走小商舖。全街都係金鋪藥房化妝品。不健康既過度擴充到最後都係搞死自己。大陸人短期內一定會玩厭香港。如果撤招令香港經濟復甦,甘香港連掃地個個都炒樓。香港會變成點?香港樓市之前就係比人過度炒賣,係是候要攞返個平衡點。

    經濟我唔太識。所以同現實偏離我同意。但作為香港人,見到香港已經有點畸形。所以想發表下感覺。討論經濟上我冇乜資格。如果覺得我天真請見諒。。。
    52. 蕭峰 2016-04-30 12:45:44
    過去幾年,自由行帶來無盡生意,放眼彌敦道,清一色金鋪、藥房、化妝品鋪,舖租係100-150%咁加上去,咁真係堅離地。

    但生意太好,客太多,令到有d人覺得太煩,於是趕客,咩人地唔來囉!

    所以依家舖租要回歸價值,劈價好正常。

    用住宅樓同旺區舖比,唔係好啱。
    53. Alan Pepper 2016-04-30 12:46:06
    To 53,

    我應該冇講天真,只是跟實際環境有少少距離。香港亦需要多點似你的人,努力

    在下亦沒有提到民生,因為話題太複雜,等有時間可以討論一下

    早幾年香港係有少少畸形,但現在開始正常化,本人覺得已經不需要再打壓吧。時間已經買了回來,繼續買就是浪費了。

    遲啲再傾,共勉之
    54. LYC 2016-04-30 12:52:53
    樓上繼續亂噏24,樓市現在已經冇炒家,個個都係長線投資者,由於剛性住屋需求帶動租金上升,從而帶動樓價爆上,全球人湧港定居,這是無可避免的!
    現在失業率上升,地產係香港命脈,最重要的產業,現在正是要谷地產,推低失業率,再次讓經濟爆上的時候啊!
    55. TO: 42樓. 我乜都唔識,睇完可會增加你的認知 2016-04-30 14:22:50
    老師已在多篇文章引用有關數字及言論,不難理解,希望你能認識多嘢。更加不應為只有百分之 9%的家庭,而斷送香港的整體經濟前途。正所謂李四叔話齋,一千幾百人在旺角暴亂,好少事啫,兩隊足球Fans打架,都不止此數啦!

    你要接受社會是不公平的,馬克斯1818-1883在資本論中講述,人類最終達到人人平均的 共產主義社會。不過,經過社會發展實踐証明,以小弟理解共產主義是可以實現,但是,路線圖必須作多少更改,就是:實現共產主義人人平等的理想社會,前提是──必須經過繁榮的資本主義!

    http://hk.centanet.com/home/ColumnArticle.aspx?id=47598
    http://www.am730.com.hk/column-153381

    4月份在土地註冊處登記的樓宇買賣合約只有4,387宗,稍高於200811月份金融海嘯時3,786宗的歷史低位。如果純計二手買賣,4月份更只有2,482宗,比20033月份沙士疫症期間的3,187宗,還要低31%在在顯示情況極不正常。

     

    造成這種不正常情況的原因,是政府的行政干預。新增的多項印花費措施,令市場上原有的買家,大部分都失去了入市意欲;唯一未受打擊的,只剩下首次置業人士。這類買家通常只佔市場的一、兩成左右,無法支撐得起整個大市的正常運作。

     

    現時市場上可供出售的單位,無論在尺碼上還是售價上,都與首次置業者的需求及能力錯配。即使樓價再跌兩、三成,首置者也不一定負擔得起。因此,可以預期,只要政府的政策不改變,樓市還會進一步淡靜下去。

     

    地產代理是最先受影響的行業。以4月份的成交量計,平均要每五個代理,才有一個會「開單」。地產代理的底薪不高,要靠「開單」賺佣,才能維持正常的開銷。以現時這麼低的成交量,即使公司不裁員,從業員也得另謀出路。

     

    現時行內約有三萬個持牌代理,以現時的交投量,最多只能養活一萬個代理,其餘的遲早要出人力市場競爭,對其他行業的工資水平,都可能會造成不良影響。有人預期,香港失業率將很快會見底回升。

     

    其實,受樓市淡靜影響的,除了地產代理之外,做樓契的律師樓、銀行的按揭部,以至裝修傢俬家電等行業都一併會受影響。其產生的負面影響,不論是廣度還是深度,都可能比一般人想像中大。

     

    葵涌貨櫃工人罷工,涉及的人數不外四百多人,已引起社會的大量關注與支持。但樓市淡靜所造成的影響,其實遠比碼頭工人失業嚴重,可惜至今仍未能引起社會足夠的重視。這可能是因為:高樓價已被視為地產霸權肆虐的工具,人們樂於看到地產霸權吃點苦頭,因而忽略了樓市逆向可以造成的社會負面影響。

     

    無疑,現時社會上的確是支持繼續行高印花稅的人佔多數,即使政府內部亦樂於看到推出的抑市措施初見成效。要在這種形勢下推動政府去檢討增徵印花稅的措施,實在不識時務。然而,樓價的升勢一旦真的逆轉,其產生的破壞力,可能遠比為社會帶來的好處多,政府不應掉以輕心。

     

    香港有52%的家庭已擁有自住物業,30%的家庭住在公屋,只有18%租住私人樓宇,其中一半可能想住公屋。所以真正想樓價下跌以便置業的家庭可能不足9%。政府只宜阻止樓價上升,卻不宜推倒樓市,否則只會重演「八萬五」的悲劇。

     

    新設的增徵印花稅措施,已成功阻止樓價上升;但這類高度干預市場的措施,只宜非常時期使用,偏方不宜長服。政府應在適當時期考慮撤回,市場才能恢復健康。

    (轉載自201357am730C觀點)




    56. 星海道人 2016-04-30 18:50:17
    LCY兄,

    你講「由於剛性住屋需求帶動租金上升,從而帶動樓價爆上,全球人湧港定居,這是無可避免的」

    真係唔知你這些是什麼理論,全球人湧港定居更加係笑大人把口,你真係帶俾大家好多的歡樂。
    我諗港樓價升上火星前,你都應該升左天先 : )
    57. 我乜都唔識 2016-04-30 19:18:33
    多謝大哥分享,我真心感激。長知識了。

    同意在適當時候撤,但始終覺得現左不是時候。現在撤,只會令樓市立即不停上升。因為現在普遍業主心態都係信相神話。令你原本講緊個9%既人大幅上升。現在可能係有9%人買唔到住唔到公屋。但我諗除左投資者外,係人都會覺得樓價離地。講笑甘講,其實調返轉可能呼籲下啲業主減多啲賣樓或減租。帶動返個成交量。啲人買樓租樓平左,裝修買傢私食野爽左。帶起返個經濟!其實係咪仲好?到時撤埋辣,等樓市平衡發展。個個安居樂業。點解要為你你個幾個行業推高樓價,要人用成世錢去帶動你地?其實如果業主肯減多啲,一樣會有更多成交,係咪?
    58. 星海道人 2016-04-30 19:20:50
    刀兄:

    其實我是好友(不過唔係硬好),這1、2對樓市比較悲觀,主要因為大陸和香港經濟轉弱,加上大量的供應開始浮現,一手盤大量推出市面,二手樓的租金和售價已有很大下調的壓力,
    為何連最惜貨唔憂賣的恆X 都開始推埋十年前既舊盤浪X灣出黎呢?我相信大家心中有樓

    而我發覺好多已經上岸的業主向底下的青年人說三道四,恥笑他們廢青,沒樓。
    他們的人生價值觀和成就感只建築在物業數字上的升值和恥笑一些因為剛出來工作或因經濟週改變而未能置業的人。但其實香港卻正正抱有這種思想的業主卻很多,最後香港就只剩下了2種身份的人- 有樓同無樓。 大家覺得這樣的社會理性嗎?健康嗎?

    我想對博士的文章作出點回應。我認為要香港經濟好的方法就是拉近貧富懸殊,而不是再依賴地產。地產失控的上升最後會做成資產泡沫,泡沫爆破時會對香港的經濟造成更嚴重打擊。在經濟學來說,和富裕家庭不同,貧窮的家庭在飲食,交通,購買日常用品方面佔了自身收入的很大比例,所以當他們收入提升的時侯,社會的本土消費就會大大增加,再透過乘數效應會對香港經濟帶來非常正面的效果,所以相對於地產,我認為政府應更著眼於鼓勵 科研(R&D),金融貿易,輸出服務(如醫療),提高人均生產力,從而提高市民的收入。每當貧富懸殊拉近時,相信香港經濟會愈來愈好。


    59. to星海兄 2016-04-30 19:51:48
    真心尊敬你。我覺得如果你有樓就笑啲冇樓既人。甘同侯志強個D,同大陸個啲週街柯屎,用銀紙抹屎既人有乜分別?眼中只有錢。八九十年代以前你想買樓肯挨唔會買唔到樓。宜家除非你係專業人仕。唔係你打份工想買樓天方夜譚。宜家啲人上晒岸就話人廢。

    其實有冇諗過個時你搵幾多,層樓又幾多錢?宜家已經離變晒。
    60. 同意50楼 Alan 兄 2016-04-30 20:32:56
    马云表面上是为所有商人做ctoc 平台,帮助工厂直接卖货比消费者,同事发明支付宝保障双方利益。
    实际上是给一个平台比人买卖反版呢!中国人爱外表(大牌)所以高仿名牌一大推,帮助长“山寨”经济,所以alibaba 在国内很受欢迎,而国外估计不断下滑。

    所以香港it 跟国内it 行业还是要看国情+民情
    61. LYC 2016-04-30 20:37:23
    收租印印腳,歎世界,養尊處優啊,每日有租客提供洗次不盡的錢啊,呵呵。道人兄,你就真係唔好為咗要交租,捱得咁辛苦囉!
    咁多淡友搶租盤,何解要平沽或平租呢!?
    現在樓價咁平,大家真係要檢討下自己點解會覺得貴啊!
    5M層樓大概每月都係供13K,點貴呢!
    62. Bosco 2016-04-30 23:45:27
    同意星海兄的意見,言之有物。
    相反湯博士這篇文章有點離地。
    不知是否請人代筆之故?
    最近6年環球低息環境下,大家平心而論,什麼人借到錢?
    只有有資產的人借到錢
    窮人/無產階級的人根本借不到錢。
    如果被地產騎劫了香港經濟,對香港是好事嗎?
    結果只會加劇貧富懸殊。
    作為既得利益者,當然想樓市步步高升,但此實非香港人長遠之福。
    博士是名人,打擊地產當然會同時打擊香港,但是否該樣事情由於有傷害就代表可以不乎合公義嗎?
    相信此問題更加值得我們反思及反省。
    63. 引刀一快 2016-05-01 02:07:00
    To 56、58樓 星海道人兄

    2006年有部電影叫“日本沉沒”,之後日本又開拍一部災難爆笑片,叫“日本以外全部沉沒”。

    LYC兄恐怕係想拍一部“香港以外全部沉沒”。

     
    65. 以民為本 2016-05-01 09:40:57
    To 62樓:
    同意62講法,如果只因為為了有樓人仕贊錢而要樓價上升,只會令民生更加受苦,貧富差距擴大,莫視民情,民不聊生,絕對吾系以民為本的做法。
    66. 引刀一快 2016-05-01 10:44:15
    古語話,窮山惡水出刁民,其實貧富懸殊不但影響社會動力,比窮山惡水更出刁民刁事。
    67. LYC 2016-05-01 11:41:04
    大家咪要努力搵錢向上流,追上有錢人囉,唔應該要政府拖垮經濟去就你班窮人囉,到時最受害都係低下階層呢,點解講極都唔明嘅!
    現在正是要放寬按揭,谷地產這個重要產業,增就業的時候啦!
    博客今期雜誌預期政府好快會放寬,拿拿臨再掃多10間8間先!
    68. CCjjj 2016-05-01 12:09:41
    CY 上任以來 對經濟發展可謂一事無成,只懂扶貧及打壓需求如樓價,所有沙中線, 港洙大橋, 同高鐵前朝策劃的基建項目等都是監管不力, 超支延誤成常態.
    不將精神去發展香港優勢如物流園, 科技港,醫療旅遊,購物天堂,吸引外資的新政,人地懂壓匯率,簡化簽證,發展新景點,我們不去爭取新旅遊景點,只懂弄一周一行打壓水貨客,結果水貨客依然只是益了本地水貨客,但零售業被打壓得遍體鱗傷,只懂得限x令,零雙非不是去優化政策而是一刀切, BSD 更是"驚"典,香港人不需要這種只懂討好本土,不顧就業及發展只懂得不斷加褔利花錢的特首。

    God bless HK, how can help the poor if the economy becomes so bad, and so many negative properties filled up the society? I am afraid, when the supply catch up, no one want to buy anymore due to the property price collapse.

    69. 十郎 2016-05-01 12:10:30


          35樓路兄 & 大刀:

          有人認為‘谷起地產’,就萬事大吉。我出街午餐,最平45蚊,幾‘赤’,學生餐都35,樓價升就加租,店主冇野可做,你加一萬,碟頭飯就加5蚊,你加兩萬,我就加十蚊。有乜為(音:胃),我地其實係為地產商打工,我地欠佢錢。我為人和平,不是挑起矛盾,係要取得平衡,記著儒家‘中庸之道’。

          去年到東京一遊,當時6算,膠樽可樂95Y,拉麵500至600Y,‘呀’同香港差唔多,(日元現在升到7.5喇,你話升值,強價幣,影響幾大,日本人叫緊救命)。2011年在墨爾本住兩星期,我留意物價(攝影咗),普通午餐,約為6至7澳元,我預言香港就來追上,現在追上了!雖不及,不遠矣。猜中了,有甚麼‘巴閉’? 我係感慨澳洲最低時薪工資是17.29澳元,折合104港元,居住地方大,有車位。  看官:你話香港生活,慘唔慘過外國?我大膽講,慘過住美國。




    70. LYC 2016-05-01 15:31:58
    我諗瞓街肯定慘過唔知住乜國啦,十兄最恐慌時叫人沽晒啲樓,大概想多啲人陪十兄結伴天橋底!唔知是否十兄的理想心願呢!?
    現在又希望多啲人失業陪你,想點呀!
    71. 真係 2016-05-01 21:43:32
    LYC 兄,

    你咁肯定你第時唔駛瞓街嘅? 未到死你都好咁老定呀,兄台。成日咒人呢會缺陰德,原本唔駛瞓,最終都要日瞓㗎,嘻嘻。
    73. calex7 2016-05-02 02:57:26
    中央根本唔想香港好 要㩒低香港 等香港係其他中國城市裡面冇咁突出越打擊香港經濟 香港越亂 對將來管治越容易所以CY做緊D乜 會唔會係搞亂香港? 搞到香港經濟差?千其唔好俾我估中 我覺得香港好悲哀香港人仲唔知死  唔識驚 以為搞亂香港就可以自主 咁就中晒中央計中央要放棄一個城市/地方真係易如反掌搞差香港經濟就有機會買樓 呢D真係窮人思想。。。到香港經濟差 第一批食屎既一定係呢班冇上進心冇能力 一味想拖垮香港既人
    74. LYC 2016-05-02 08:05:00
    真係兄,你們淡友是非不分,忠奸不分,邊個叫人沽晒啲樓,邊個話租樓日日賺,個啲人才是心地壞,想你瞓街。
    我一片苦心,希望你們擁有自住物業,就係唔想你將來瞓街!
    你咁都唔明,咁低質素,你退休前幾年一定要帶被鋪去橋底霸定啲靚位,否則有排你日曬雨淋,做人要醒目,唔好傻下傻下,咁易被騙,傻仔!
    75. Alan Pepper 2016-05-02 14:48:15

    To 57:

    ------

    其實調返轉可能呼籲下啲業主減多啲賣樓或減租。帶動返個成交量。啲人買樓租樓平左,裝修買傢私食野爽左。帶起返個經濟!其實係咪仲好?到時撤埋辣,等樓市平衡發展。個個安居樂業。點解要為你你個幾個行業推高樓價,要人用成世錢去帶動你地?其實如果業主肯減多啲,一樣會有更多成交,係咪?

    ------


    正如你所說,其實現在有減租減價的,但成交沒有上升,因為被政策鎖住。在下沒有說樓價一定要升,亦認為因供應多了,放寬亦唔會令樓價升的。97-03年沒有政策,樓價一樣跌。要知道易周期措施只能控成交量,亦最多減慢上升速度,不能改變方向。




    76. 肥婆四 2016-05-02 17:01:53
    香港人真真凄涼,貨運港口話咁快由第一跌到第六!GDP又快被深圳爬頭。做條橋又多多事幹,延期夾超支重死得人多,高鐵超支龜速不單止,重要倫盡到唔知係邊度做出入境喎,真係聽落都癈,喂呀,呢度係中國香港呀,重係度兩頭望乜,香港都有個出入境處係深圳運作喇,掉轉頭唔得?我哋唔係話做嘢要掉得翻轉頭嗎?真係大失所望。咁香港重有乜嘢叻呢?最叻咪攪死自己囉,對港經濟無益嘅,佢就嗱嗱啉即做,真係痾尿都厭遲,唔係話要做紐倫港咩?要增加人口一仟萬咩,點解情願殺校都唔要雙非港產建設香港?唔係話攪旅遊港咩?遇到風雨就思退?奶粉都要限制?本地人唔夠人搶?咁點樣同人勁爭呀!水皮咗啲喎。地產行業在香港從來都係經濟支柱之一,從來都唔使政府救!打小吓就可以,一個行業被打壓幾年都重企得住,就是一個市民認同的行業,是個好行業,政府係求之不得才對,(想衰例外)價高低内外多種因素影響,係咁打衹有自招損害。
    77. 新人 2016-05-03 17:12:36
    好明顯博士觀點變左, 之前好支持辣招防爆煲, 而家出d文好似大半年前c生, 講到香港經靠曬樓市咁, 有d牽強
    78. LYC, 你的地代戰友 2016-05-04 10:57:27

    LYC兄, 你在67/f的留言僧將你的身份曝光, 令你的橋底論失去說服力....


    67. LYC
    2016-05-01 11:41
    大家咪要努力搵錢向上流,追上有錢人囉,唔應該要政府拖垮經濟去就你班窮人囉,到時最受害都係低下階層呢,點解講極都唔明嘅!
    現在正是要放寬按揭,谷地產這個重要產業,增就業的時候啦!
    博客今期雜誌預期政府好快會放寬,拿拿臨再掃多10間8間先!


    79. LYC 2016-05-04 11:48:29
    係囉,買中電,搶租盤最有說服力囉!
    你咪繼續去搶租盤囉,睇下你十年八年後會有什麼下場囉!到時你就知邊個係好人,壞人啊!
    忠言逆耳,好人難做啊!
    80. 地代 2016-05-04 11:54:51

    LYC大大, 你是不是想開單開到傻左, 你做咩突然由一個地產投資者變成地代?

    54. LYC
    2016-04-30 12:52
    樓上繼續亂噏24,樓市現在已經冇炒家,個個都係長線投資者,由於剛性住屋需求帶動租金上升,從而帶動樓價爆上,全球人湧港定居,這是無可避免的!
    現在失業率上升,地產係香港命脈,最重要的產業,現在正是要谷地產,推低失業率,再次讓經濟爆上的時候啊!
    81. 地代戰友 2016-05-04 12:07:03

    LYC, 原本昨天Peter Lam 已識破左你身份tim...

    請改名再入黎玩過la...


    65. Ann
    2016-05-01 22:41
    完全同意博士分析,因此辣招完全唔需要撤,希望以後博士文章唔需要再分析辣招對樓市嘅影響,因為根本無影響。
                                   
    66. LYC
    2016-05-02 08:13
    Ann,辣椒對樓價係冇影響,因為全球人來港定居推升樓價,對業主和有錢人係冇任何影響。問題係影響地產工業和其他各行各業就業情況,令低下階層受失業之苦。
    我們唔可以咁自私,一定要顧及其他人飯碗,所以放寬減辣,刻不容緩!

    67. Peter Pan
    2016-05-03 15:22

    Oh,LCY幾時變得咁好心體恤低下階層?你話辣招問題係影響地產工業和其他各行各業就業情況 其實辣招最影響只是地產代理, 你果行lor。唔怪得之你咁緊張啦, 一睇就知你未開單,擔心飯碗不保啦。但就成日扮自己是手持多個出租物業,印印腳的業主,等樓價升上火星wor 好心角色扮演投入一點,唔好時不時人格分裂啦

                             
                                  

                            


                            
                                  


    82. LYC 2016-05-04 16:22:53
    傻仔,咁得閒和無聊,還在這裡收集和post的之前的留言。乜盤都被人買晒和租晒啦!業主又吊高來賣啦!
    全球有錢人睇到香港土地嚴重短缺,買樓實贏,瘋湧剎入來掃貨,BSD明存實亡!買來擺埋一二邊,租個3%咁少都廢事煩去收,搏幾年後有100倍升幅!現在都唔需要租金帶動爆上啦,係零供應直線上升,(因為需求無限,供應係零)。
    83. to 82 LYC 2016-05-04 17:06:57
    我諗大家睇完你82留言都會明白一個事實, 原來青山是有得上網的, 我不敢再打攪你了, LYC, 千祁唔好怒氣, 會照你吩咐, 霸定橋底啲靚位, 最緊要有事慢慢講.



    84. LYC 2016-05-05 13:53:27
    85. 引刀一快 2016-05-06 15:28:34
    如果幾年之后升100倍,呢種情況叫做惡性通漲。