地產博客 > 文亮語 返回
瀏覽人次:31345    回應:43
文亮語
是太早抑或太遲講爆煲
 
湯文亮博士
紀惠集團行政總裁
2016年4月26日

  我在去年二月初發表了「細價樓爆煲論」,肯定細價樓在六個月內爆煲,但結果是樓市在九月才轉勢下跌,於是我認輸,雖然我認輸,但有人話如果我將爆煲時間推遲半年,八月講爆煲,九月就爆,就真真正正是大師級,現在樓市雖然下跌,但與我說的時間不吻合,不是認輸,而是真真正正的輸。

  我亦有考慮過將爆煲時間稍為延長,但如果我說一年甚至九個月細價樓爆煲,爆炸力似乎會減少很多,而且時間太長,會失去警剔作用,但如果我延遲三個月後才發表,而金管局又未能及時收緊銀行與財務公司之綑綁式轉按,資金會由財務公司源源不絕支持上車的人,樓價一定會飆升,話唔定有專家睇到樓市情況惡化,比我早一步話樓市爆煲,結果我亦毋需發表,所以,我個人認為,即使我認輸,但仍然認為發表時間是正確,其實,若果不是財務公司在爆煲論後六個月按兵不動,沒有積極向按揭客戶追債,六個月內樓市的確是會轉勢,我是輸在財務公司業界的團結,我亦心甘命抵。

  但亦有人話我太遲發表,如果早六個月,就會阻止更多人上車,所以,爆煲論並不算是成功,他們這樣說我又覺得有點奇怪,在爆煲論前六個月,細價樓還沒有爆升,我估計在六個月內最少升了25%,財務公司的數字亦沒有急劇增加,我的確睇唔到樓市有危險,如果我無端端發表,樓價則繼續上升,大家可以估計到我所受的壓力將會有幾大,一定會有人話因為我的爆煲論而沒有買樓而怪罪於我,我亦無話可說,即使到了今日,樓價比爆煲論前半年還要高,所以,我唔認為我應該早半年發表,除非樓價繼續下跌至超過爆煲論前半年,才可以話我太遲發表爆煲論。無論如何,爆煲論已成明日黃花,再講亦沒有意思,有一點我不明白,在我發表爆煲論之後,不少人唔同意我的意見,認為樓市沒可能爆煲,但到了今日,不少人又會說樓價尚會下跌多三五成,這點我實在很難理解。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
2. 85後已上車 2016-04-26 10:47:02
而家互聯網發達, 人人搵料易左, 有D路人, 見倒爆煲論, 久而久之, 當左係自己既; 仲要中左, 以為自己同博士有一樣既高度, 甚至更高。 呢D路人, 其實可能冇乜料, 扮四條, 但以為自己高明, 仲黎指點博士, 不知自量, 及後人生如何, 可想而知。
3. 樓蟹 2016-04-26 10:47:32

任何時候都有人預測樓市股市升同跌, 大家根據唔同數據同走勢"估"嘅啫。

如果講準, 咁耐最準係誠哥同長地。

4. 引刀一快 2016-04-26 11:24:58
其实爆煲论有个好重要嘅作用,就系警醒大家冇永远上升嘅楼市,俾很多人相向思维嘅空间,想自住想投资,自己识得谂,最紧要有两手准备。
6. SHUN 2016-04-26 11:39:18
仲叻唔切話自己已經上車、準備做負資產啦!no99
7. LYC 2016-04-26 14:22:30
刀兄,樓價係永遠都上升架。
通漲->樓價升
預期通縮->印銀紙->樓價升
加息->經濟好->樓價升
減息->業主持貨力強->樓價升
8. 123 2016-04-26 14:35:47
呢條友自己冇樓但人地買咗樓做業主就話人地負資產佢其實知否甚麼才是負資產呀
10. Tony lam 2016-04-26 14:55:02
人地買樓同你冇仇啫、何苦咁咬牙切齒呢?又on99又負資產、自己勤力D咪怕蝕底、唔好吊高嚟賣、有日你都買到樓嘅、酸好削㗎、傷牙又削胃、平和D身心自會平衡好多。
11. 路人 2016-04-26 15:12:06
To LYC 兄:

「樓價係永遠都上升架」的說法好容易證明是錯的,只要用97至03的跌市為例子,就足夠證明「樓價不是永遠都上升」,是可以跌,而跌市可長達6年。

我覺得什麼說法是一定啱呢,就是「樓價上落是有周期」,升完就跌,跌完就升,這亦符合大自然之道。

12. LYC 2016-04-26 15:55:14
路兄,97-03已經過去了!永遠都冇可能再發生啦,不過都還有可能在你的美夢中出現嘅!
13. LYC 2016-04-26 16:03:41
又或者咁講,上升週期係100年,下跌半年,跟著又升100年,咁都係一個週期啊!
14. 引刀一快 2016-04-26 16:10:37
To 11樓 路人兄

02年我遇到一位每三句說話就提一次負資産嘅人,好可憐。
15. 引刀一快 2016-04-26 16:17:32
LYC兄

多謝你嘅表演。
16. 路人 2016-04-26 16:22:10
LYC兄13樓的回應,證明「樓價上落是有周期」一定啱,同時亦證明LYC自己講既「樓價係永遠都上升架」是一定錯。

LYC真有趣,自己打自己嘴巴!!


17. 無端端多了10萬8萬潛在買家 2016-04-26 16:38:49

深圳低調推「一年多行」 方便雙非家長來港

04月26日(二) 15:39
  • 為方便「雙非」家長來港照顧子女,深圳當局已低調推行「一年多行」政策,允許他們在一年內無限次往返中港兩地。(資料圖片)

    【on.cc東網專訊】 深圳當局為打擊水貨客走私活動,去年4月將深圳戶籍居民訪港的「一簽多行」政策,調整為「一周一行」。實施剛滿一年後,深圳出入境管理部門今日向東網記者證實,由於「一周一行」政策對「雙非(父母均不是香港人)」學童家庭帶來困擾,當局近期已專門為他們低調推行「一年多行」政策,允許他們在一年內無限次往返中港兩地。

    東網記者早前接獲「一周一行」政策有所調整的消息,遂到深圳市公安局綜合辦證中心查詢。當時中心職員否認接到通知,強調無放寬「一周一行」政策。記者其後致電各出入境分局,惟多個分局的電話均無人接聽,最終深圳公安局鹽田分局出入境管理科及羅湖分局出入境管理科分別向東網記者證實,已向「雙非」學童家庭推出「一年多行」政策。

    據了解,「一周一行」實施後,不少「雙非」學童家長因簽證問題,無法來港照顧子女或出席各種學校活動,給「雙非」家庭造成困擾。鹽田及羅湖出入境分局分別表示,為方便「雙非」學童家長,只要符合是深圳戶籍居民和有子女在港讀書這兩個條件,家長可攜帶子女兩個月內由香港學校開發的在校證明,親身前往分局申請「一年多行」的新簽註;申請新簽註人士必須先在網上預約登記,當局並不接受即場辦理。

    18. 123 2016-04-26 16:39:31
    講到尾如果02年已買樓雖然當時有可能是短期現象負資產但其實並不可憐因為相信到今日已經是升值了反而到現在還是冇殻先才是可憐的
    19. 無產階級心態 2016-04-26 17:11:39
    見人家買樓好過自己,心裡總是覺得戚戚焉!
    20. LYC 2016-04-26 18:01:27
    路兄,這是數學上的LIMIT(時間->infinity)的週期,唔知路兄高中有冇學過呢?
    21. 路人 2016-04-26 18:18:31
    To LYC兄:

    我會考數學囉A架,在大學時讀過Signal and System這科架。當一個信號(Signal)的周期是infinity時,這個signal便是「非周期性」(Aperiodic signal) ,所以你的解釋還是錯的。


    22. 歷史長河 2016-04-26 19:15:42
    週期一說不完全正確,因為樓市大多喺一波一波先上走,并唔喺一個 cycle, 今次調整的谷底往往高於上次峰頂。即使97-03大調整,將時間拉長睇,都喺如此。所以「長升路上有波幅」更能描述摟市長期走勢。理論上講,如果將時間無限拉長,CCL終有一日會去到火星。LYC 并不算錯。只不過到時貨幣都可能會有新的計量單位,辟如太監。一太監可能等於一萬億兆光年 USD.

    明白咗長升路上有波幅的道理,你就自然會明白點解樓喺一種「輸就有限,蠃則無限」的不對稱賭局。只是對參與者要有門檻限制而已。

    淡友眼中只有調整,沒有長升,此乃只看腳下,而失去一片藍天。
    23. 引刀一快 2016-04-26 21:00:29
    長河san心靈沐浴於太監中,向火星飛馳。

    漏咗袋寶貝喺地球。
    24. 路人 2016-04-26 21:14:51
    To Admin:  點解我21樓對LYC兄的回應出唔到,請check 一 check!!
    25. 歷史長河 2016-04-26 22:52:32
    回21樓狀元兄,

    小弟才疏學淺,咁樓市到底喺 periodic or aperiodic ?請指教。
    26. 路人 2016-04-27 00:50:57
    To 長河兄:

    請不要對我和LYC的回應太認真,我只是和他開開玩笑,看看他的反應,因為他的言論實在太特別,世上難遇,有時寸下佢都幾有趣。

    你問到樓市是 periodic 定 aperiodic,我試下答。

    在數學上periodic的定義非常嚴格,周期的長度一定是固定,長多或少多一秒都歸類為 aperiodic,所以樓價條線從數學角度分類是aperiodic。

    但在其他學科,當談到周期性時,它的定義就沒有這麼嚴格,周期的長度很有彈性,如經濟學對樓價的睇有可能視作有周期性。我個人的睇法是樓市是有周期性,不過這只是我的主觀睇法,不要太認真。
    27. 歷史長河 2016-04-27 08:18:39
    狀元兄,多謝解惑,小弟對數學只限於算數水平,見笑了。

    樓市是會下跌,不過在下認為用「週期」來描述仍不太貼切,即使對時間的長度定義放寬要求。前兩日有位師兄提到三十年前以7萬蚊在彌敦道購入一個單位,現在升值80倍。除非你認為樓價終有一日會跌剰現價的1/80,否則還是「長升路上有波幅」喺更好的描述。