主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 29312    回應 : 22
文亮語
我並没有說樓價會下跌一半
 
湯文亮博士
紀惠集團行政總裁
2016年3月19日

  有朋友昨天早上急電,問我樓價是否會下跌一半,我話剛出了兩篇文章,樓價莫講話下跌一半,連三成也不會,朋友話從報章睇到,佢都覺得很奇怪,認為我不會預測樓價下跌一半,所以才打電話問我澄清,現在我既然親自否認,就冇問題。

  記者有此誤會,我相信是日前我在明報發表了一篇,穆迪太遲降香港評級的文章,我話,穆迪應該在去年二月份降香港評級,而非今年三月,我估計如果穆迪是從政治角度考慮,如果當時降香港評級,大家都會認為是受到佔中影響,所以一拖再拖,若非當時我發表了爆煲論,以及金管局收緊銀行與財務公司之間按揭連繫,樓價有機會會比最高峰時上升多三成,大約在190點之間,當各種負面因素呈現,以及供應驟增,樓價的確有機會下跌至五成,指數大約會在100點之間,文章令人誤會,的確是我文筆不好,未能表達我想說的話,非常抱歉。
 
  好彩,報章亦只用了一小段文字報導,稍不留意就會忽略,如果我真的是講樓價會下跌一半,我相信報章會大肆報導,其實,冇人可以預測到樓市會下跌一半,因為一定要出現了一些突發事件,才有機會下跌一半,以現時環境來看,利息暫時唔會加,以及市場上有強大購買力儲備,樓價最多比現時下跌多15%,而且,當樓市下跌之勢被確認,金管局答應過會放寬逆週期措施,釋放初次置業者及有物業的人購買力,樓市不但平穩,甚至可能會倒頭微升,所以我話今年樓市走勢是先跌後回穩,下跌一半之說只不過是誤會,特以出文澄清。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 引刀一快 2016-03-19 09:56:57
再跌多15%,咁即係CCL低于118。
2. 西門吹雪 2016-03-19 10:16:03
博士,我看得明啊,只是哪些報導的人不明而已,哈
3. SHUN 2016-03-19 10:18:29
97當年跌左7成、今次一半有何奇?骨牌效應、當大多數人睇法改變、又有負面因素出現、就有可能、連李氏都開口睇淡啦!呢個有$人可能未必人人鐘意、但佢睇經濟真是很準、呢幾年已經很少買地!
4. 西門吹雪 2016-03-19 10:32:57
我先declare 我是比較看淡的。但現在情況真的未算太差。二手筍盤一減多一些就獲承接。一手樓就唧牙膏式吾肯賤賣。大價豪宅盤更加企硬不跌反升。整體樓市暫時未見到大跌既可能 。看來更像暫時企隱加輕微反彈呢…

當然如果有咩黑天鵝,亦有可能觸發新一輪下跌。但黑天鵝冇得估。同樣地亦有可能出現甚麼好消息支持上升的呢。
5. 怒婦炒魚柳 2016-03-19 10:54:14
買地係公開招標,少買地只係唔中標,傻傻地
6. 123 2016-03-19 10:59:01
1967年當年暴動同大陸文革時代賤賣樓宇都冇人要,年代不同還經常說沙士樓價
7. SHUN 2016-03-19 11:03:14
睇好又有實力、在減價中入市唔奇、但亦有實力之朋友認為未到價唔入市、現金是皇呀!
8. 無言 2016-03-19 11:24:48
其實未來兩年是全球經濟關鍵時刻,,不急於買樓者,何須急於一時...財力唔夠無謂搏,,愚見。加上暫時預見供應高峯期是17,18,19年,,末買樓朋友者,過埋今年先入市未遲。財多者(,點輸都大把)就别論。
9. SHUN 2016-03-19 12:01:57
点解唔中標?人出5億、李生出1億咪唔中囉…………日出康城最大地主都唔中最近幾幅啦!白痴!
10. Oscar Lam 2016-03-19 12:35:46
今天早上又遇上博士跑步。博士加油!哈哈!
11. 蕭峰 2016-03-19 12:52:18
睇來Lam兄都係住紅山半島:)

12. Oscar Lam 2016-03-19 12:53:03
回11蕭大俠,

蕭兄錯了,我距離跑步地方比博士更方便。嘻嘻!
13. 真真薯片 2016-03-19 14:08:34
127*0.85=~108??
14. 陸東 2016-03-19 19:51:14
15. 旁观者 2016-03-20 00:48:24
楼价很难会下跌ㄧ半,原因博士巳细明,那麼到底有無人想又有能力令楼价下跌一半呢,我估計有人会想…
16. 市民 2016-03-20 10:18:49
元朗盤去貨只有4成,遲些用兩房價 去買三房了。
17. 市民 2016-03-20 10:30:13
唉!這價錢去買個週圍都是南亞黑人的地方,儍左咩!!!
朗屏樓當赤柱樓賣!(改自陸生 )
18. 思Y 2016-03-20 22:14:50
升一倍已成事實
跌五成就無可能?
點解要政府放寬按揭,真係咁好心幫人上車, 不如話揾人接火棒, 機會只比有準備的人,無能力又不認命叫不自量力,真話就是難聽
19. 愚見 2016-03-22 00:05:18
樓價跌一半機會微啲掛,如果要樓價跌一半,車係一般人見到樓價跌一半都唔敢買,我不敢想像個時香港係點樣^^
各位巴打我有無講錯^^
20. 愚見 2016-03-22 00:06:05
樓價跌一半機會微啲掛,如果要樓價跌一半,車係一般人見到樓價跌一半都唔敢買,我不敢想像個時香港係點樣^^
各位巴打我有無講錯^^
21. 事實 2016-03-22 08:37:43

最近聽幾個未上車朋友說,地代話已無乜放盤,想睇樓都開始有難道。

仲話想等到個樓價殘 ? 大家不如認真面對業主吾肯劈價的事實吧 ! 會理性一點。

22. 蕭峰 2016-03-22 09:44:56
很簡單,業主自住的物業肯定唔會賣,出租物業,最多平小小租出去,一樣唔蝕底,點解要批5成出手?除非變銀主盤,冇計。