主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 21139    回應 : 7
文亮語
未成形的資產怎會是負資產
 
湯文亮博士
紀惠集團行政總裁
2016年3月10日

  有按揭中介顧問公司講負資產的數字將會激增的原因,將責任歸咎於地產商為新樓盤提供八至九成按揭,我有小小奇怪,絕大多數提供八九成按揭的新樓盤仍未入伙,就算樓價真的是下跌一成,亦與提供九成按揭的地產商沒有關係,因為,那些只是樓花,還未成為資產,又怎會是負資產,而且,還未收樓,亦有機會變成爛尾樓,是零資產並不是負資產,所以,現在講那些物業是負資產,似乎對買家不公道,無端端擁有一個負資產物業。

  我認為那些負資產出現,大多數是那些在財務公司做了高成數按揭的物業,就算他們當時做八成按揭,但如果不能夠還利息,到今日,累積欠款已經超過樓價九成,而樓價又下跌了一成,就變成負資產,就算樓價不再下跌,但高昂的利息很快就會將所按的物業變成負資產,倘若樓價再下跌多一成,財務公司的負資產數字將會爆發出來,所以,現在最不希望樓價下跌的就是財務公司,否則,他們將會面對欠債人放棄他們的物業,即是那些物業可以售出,財務公司仍然有所損失,在未來一段日子,負資產將會困擾財務公司以及向財務公司按揭的業主。

  負資產的出現,那些中介顧問公司應該付上一部份責任,不少財務公司按揭是來自中介顧問公司,而他們在推薦按揭時,大多數以銀行估價作參考,而眾所週知,當時銀行估價是高於成交價,倘若高一成,就算財務公司做八成按揭,亦差不多是做了九成,現在樓價回落一成,就算那些人準時支付利息,原則上他所按在財務公司物業已經變成負資產,中介公司埋怨地產商提供九成按揭是埋下了負資產這枚炸彈,其實,埋下炸彈的正是中介公司,老實說,高成數按揭始終是一個炸彈,一個不容易拆的炸彈,否則,金管局就唔需要推出逆週期措施。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 債務重組 2016-03-10 09:11:47
變咗負資產之後, 搞 債務重組 係唔係一個解決方法??
當日 建萊集團 秦錦釗,唔搞噤多野,專心還債 保住物業.
今日可能已經50~60億身家......
2. Ca1on 2016-03-10 09:25:07
金管局針對高成數按揭推出逆週期措施, 但卻容許市場上購買力同經驗最小的人(細價樓上車買家)用九成按揭買樓, 令到舊年一批人認為自己有能力上車而搶高樓價. 如果一早取消400萬樓價做九按, 按保最多做八成, 就會少好多問題。
5. 真真薯片 2016-03-10 13:46:23
財仔負資產一向都係政府官方统計範圍以外, 真實數子好難講

唯一可以睇係, 文件怪獸仲係電視度成日出現, 正義財仔女超人一日仲要出動, 財仔負資產問題肯定仲未爆煲
6. 零首付 2016-03-10 13:46:52
大陸現時仍是高成數,甚至零首期買樓,唔知遲些會否好多負資產呢?
7. 好 2016-03-10 14:47:55
負利率債劵已經出現,我諗遲些銀行借錢俾你投資買樓買股仲要俾利息你。發達喇!
8. RY 2016-03-10 15:12:34
未補地價居屋,點先可以加按?正常唔得。近日身邊一位朋友,財仔知佢有間居屋,就講佢知未補地價居屋可加按,就係要業主証明欠財仔數。財仔借$比佢還按揭,收手續費外,收高息口。唔好以為冇蠢人,要等錢周轉時,朋友仲覺得財仔幫佢解財困,生命滿希望。創業而損手之人,多不勝數,有居屋者,變了財仔目標客。唔知政策係幫了居屋業主,唔好隨時加按,定幫了財仔做生意。深思!

9. RY 2016-03-10 15:21:17

財仔就係用呢個位,吸引居屋業主去真真正正借財仔,去申請加按。