主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 21401    回應 : 8
文亮語
將柳蔭當做芙蓉帳
 
湯文亮博士
紀惠集團行政總裁
2016年3月3日

  上星期,我行經北角新光戲院,被一位記者捉住,問我點解唔主張買那些開放式單位,究竟有什麼唔好,當時,我正在快步行,要完成每日一萬五千步的最低標準,一時之間,都唔知道點答,望入新光戲院裡面,見到有帝女花劇照,於是,我想起任白戲寶「帝女花之香夭」,是周世顯與公主在飲毒酒時所唱的歌曲,當中有一句話「將柳蔭當做芙蓉帳」,於是我以這句話同記者講,點知仲衰,記者唔明白,捉住我唔俾我走。

  於是我同記者講,那些開放式單位都是過渡性質,可以租,但借長錢買最好唔好,如果用作收租又可以考慮,雖然有人話,很多人住劏房,那些開放式單位應該很有市場,其實,不少住劏房的人都另外有居所,為了方便工作,所以租劏房暫住,現在住劏房只不過是將柳蔭當做芙蓉帳,既然是暫時性,當然唔會買,又點會有市場,買了開放式單位的業主,以後想要將單位出售,便會知道是何等困難,雖然,我話買那些開放式單位收租,但現在亦不合時宜,太多供應,亦有不少住劏房的人收入減少,而要搬回家裡住,在供應增加,需求減少的情況下,租金亦已顯著下跌,其實,開放式單位出現,只是幫到CY達到他所說的供應量,實際作用不大,現在,供應量充足,政府亦不強求地產商興建那些開放式單位,由三個開放式單位改建為兩個一廳一房單位還實際,否則,那些單位只會被空置,所以話,柳蔭應該是柳蔭,又點可以變做芙蓉帳。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 無奈 2016-03-03 09:12:25
情急智生,對應如流,如文章!

不過,這些開放式單位應該適合老人家,不用走來走去。
2. 無奈 2016-03-03 09:14:45
1樓應為“好文章”
3. 打工仔 Andy 2016-03-03 09:18:32
開放式單位都有好多人喜歡, 好似住酒店一樣!
4. 蕭峰 2016-03-03 09:41:02
開放式適合單身貴族,唔適合家庭。

5. 揾笨 2016-03-03 10:05:50
講咩開放式受用家歡迎, 咪又係因為價碼細, 易入手,

如果一房, 甚至兩房供應正常返, 價錢又回落到用家能力範圍, 仲邊有人仲自欺欺人去買

又好似博士話, 到果時, 就算用來收租, 選擇多既時候, 回報都唔會理想... ...



有時答案, 唔洗問人, 問自己都可以, 針剌到肉就知痛, 即時醒曬冇幻想。
6. 西門吹雪 2016-03-03 11:29:18
其實如果開放式位置好,買來放租係唔錯的。比如大角咀,紅堪,旺角咁啦~適合D無家庭又博命工作,0係公司仲多過0係屋企,又有少少錢既人租住。佢地雖然唔會買,但係有人租就有投資價值。至於個D山卡啦開放式吧...自住又細,放租又唔知租比邊個...
7. 新抱仔 2016-03-03 11:57:16
去完旅行回來,有排先追哂博士文章了。喜歡博士用不同的素材去解說經濟理論,我不懂粤劇,甚至覺得好奇怪,不知為什麼會有人喜歡。但看完博士今篇文章,又覺得當中的詞語內容也挺有趣的,好像很有深意,我有點明白為什麼有人喜歡欣賞粵劇了。
8. Sugar 2016-03-03 20:46:48

有時我覺得疑惑 : 博士是生意人 , 但骨子裡卻是位多情公子???(一笑 )

能從心底欣賞並念念不忘 " 香夭 " , 一定是有情郎吧 !