主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 26164    回應 : 15
文亮語
業界不團結,財爺惟有就此作罷
 
湯文亮博士
紀惠集團行政總裁
2016年2月28日

  財爺在去年九月,已經表明倘若確認樓市下跌,就會調整一些管制樓市措施,當時,財爺的意思是放寬逆週期措施,不過,業界沒有珍惜財爺一番好意,樓價公司負責人表示樓價只會在高位反覆,沒有下跌跡象,財爺見業界不領情,惟有就此作罷。

  樓價在過去四個多月下跌超過一成,已經可以確認樓市下跌,不少人認為政府應該減辣,地產界認為應該放寬按揭成數,物業代理界則認為要取消辣招,在地產業界未有一個共識之前,要求政府調整一些打擊樓市措施,將會是一個艱難任務,如果撤招,受益者只會是那些已經有物業的人,這不合符政府出招是要幫助市民上車的大原則,但如果放寬按揭,物業代理界又不支持,政府惟有按兵不動,待地產界有一個共識才考慮,換句話說,是業界拖慢了政府調整打擊樓市政策行動,不能怪財爺。

  雖然說放寬逆週期措施與減辣,各有支持者,但似乎放寬逆週比較有效以及容易操作,如果樓價在放寬逆週期措施後飆升,則隨時可以再次收緊,反之,在減辣之後樓價飆升,就要得到立法會批准,我唔知點解,物業代理界堅持要減辣,唔同意放寬逆週期措施。其實,做任何事,都要順著政策走,CY已經不只一次表明不會減辣,點解重要強人所難,萬一,減辣後樓價飆升,所有矛頭都是指向CY,堅持減辣的人可能已經逃之夭夭,甚至,反過來說CY不懂地產,是應該放寬逆週期措施而非減辣,所以,在業界未有一個共識之前,政府是不會有任何放寬或者減辣行動,原來,主動權在業界手中。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 好 2016-02-28 08:23:08
同意博士論點。
2. 無奈 2016-02-28 10:01:55
每當政府介入市場時,應該搏得一輪掌聲。

當政府撤出市場時,換來必定是十倍勁度的臭罵,無人知道撤招後樓市會如何,萬一樓市急劇向下,負資產大增,失業率彪升,縱然連任板上釘釘,也會有風險。

為今之計,政府應效法耶倫,出口術穩定市場。
3. 香港樓價長遠無得輸!!! 2016-02-28 11:33:15
http://hk.apple.nextmedia.com/financeestate/art/20160227/19507613

中央力谷奏效 
樓市指數連升9個月 
內地樓價癲 深圳漲52%

4. 打工仔 Andy 2016-02-28 12:04:02
成交開始增多, 樓市必返彈!
5. 神算 2016-02-28 14:34:46
唔知係咪代理界認為減辣容易吸引內地客,始終佢哋掌握更多客戶群資料。
6. 真真薯片 2016-02-28 15:02:17
其實如果政府同發展商講惦數, 撒辣或者放寛樓按都好, 政府撤左招後, 如果發展商肯投桃報李, 開價抑制, 用依家既一手開價大手散貨, 如果做副君子協定, 相信就算要政府撤晒所有辣招都冇問題, 只要大量一手樓唔加價大量散貨, 樓市就唔會爆升

但問題係有可能做到君子協定嗎?一定冇, 就算發展商肯講689都唔會信, 咪當人傻仔, 一撒辣發展商同地代肯定大字標題政府救市, 發展商又擠牙膏加住價推, 樓價指數公司負責人又會轉軚話睇樓市升三成, 焗用家追價買樓

結論係冇得撤招, 問題係發展商會唔會囤貨報復? 如果會, 今年新樓最後供應量可能會少過上年, 在下認為機會唔低, 因為已經過左兩個月, 都冇乜新盤賣
7. 疾風之狼 2016-02-28 16:11:13
主動權在業界手中?
你話CY忌地產商,部份仲講得通。地產商中,有佢自己人,也有佢想奪權的人,地產商會嘅建議,點都不能完全忽略,佢連任呢班人可以左右大局。
那地產代理呢? 你是誰? 有什麼能耐? 有票嗎? 事實就係咁,你有票咪就大聲啲囉。冇票未必人地會理你。何況你講嘅係自己嘅利益,不是大部分人嘅利益。
2011年CE選委,你就見到地產商佔大多數。根據公共專業聯盟分析,新鴻基有15人,九倉10人,長和8人,恆基8人,怡和6人,太古5人。那地產代理呢? Sorry 找連資料也找不到。你真信CY會聽地代講減辣? 如果係真,我想信反對聲和阻力會比旺角事件更加大。因為咁唔只影響窮人,仲影響埋有能力買樓嘅人的利益,即中產。CY會做嗎? 息目以待。
8. Tony lam 2016-02-28 18:57:59
地球照轉、生活如常、有乜危機呢?衹不過係地代生意淡薄、就嚟吊頸、日日嗌生嗌死、嘈到個個都以為天跌落嚟咁、大家唔洗感同身受嘅。
物業市場真係要咁大成交量咩?市民買賣要咁頻密咩 ? 大家是否要深思一下 !
9. 真真薯片 2016-02-28 22:26:42
兩個月冇乜新盤推, 發展商已經露出囤貨既勢頭

估計發展商係想如果政府撒辣就會大力推盤, 唔撒辣就囤貨, 逼政府撤辣, 但係政府既目標係推多d平盤, 如果撤辣發展商只會高價散貨, 講唔惦數, 最後應該係政府唔撒辣, 發展商堅持囤貨, 咁就睇購買力忍到幾耐忍唔住或者出現其他消息(例如美國減返息)爆發再次追價入市, 發展商又再鬥贏政府
10. 蕭峰 2016-02-28 23:19:08
很簡單,發展商其實有很多選擇,唔洗囤貨,比如長實已經表示今年會轉戰豪宅市場,因豪宅市場仍在升,唔需要去鬥平。記住樓花期可以三年,即係發展商可以有三年的輪換佈局時間。


11. 香港土著 2016-02-29 08:03:29
好奇問下,囤積居奇唔係要供應減、價格上嘅環景先有用架咩?
12. LYC 2016-02-29 14:35:10
土兄,今明兩年落成量大概17.3K,和16.3K.
現在發展商仲話要放慢做野,都唔知點解個個都話供應可以推倒樓市.

13. 向饭民说不 2016-02-29 15:10:00
最近家裡小孩在加拿大的大學做了一次投票,投票的目的就是不讓大學接受以色列政府或者公司的funding。在阿拉伯人推動之下,投票通過了。

這件事,我們可以見到小數的阿拉伯人都可以改變多數人的利益。同時我地見到白鬼引狼入室。

難以理解港燦點解可以接受公民黨引南亞的伊斯蘭人來香港,卻不可以包容接近文化的大陸人。

其實我地知道,大陸雙非,當他們接受了香港的教育之後,他們上了大學,其實大部分都會說黃屍。點解黃屍害怕。反而伊斯蘭永遠不會融入香港文化。當他們人口比重超過10%的時候,香港將會更加亂。

14. 西門吹雪 2016-02-29 16:50:43

其實地產商不單止有3年咁少~~

賣地條款內有5-8年既建築期~者係話佢地唔駛囤貨,只係慢慢起,你班香港人都唔駛指意有供應。到起好了,佢地就無王管,鍾意幾時賣都得,話之你廿年後先賣。地產商呢幾年,比我地養到肥哂,你話佢係咪真係急住D錢回龍??

如果政府真係有心加供應,必須收緊賣地條款中既建成期限,同時徵收物業空置稅。否則供應只會比地產商扣起哂。

15. 真真薯片 2016-02-29 20:10:50
11樓, 如果發展商得一兩棟單棟樓, 當然要睇市勢
。但係幾大發展商加埋估整體供應過半, 佢地囤貨就可以創造時勢, 自己制造供應少, 樓價升既時勢比自己賣樓

其實過去幾年發展商一直都咁做, 政府只係谷左一輪地比地產商, 倉入面既貨多左, 唔代表地產商就要平賣, 當然仲要睇經濟氣候同有冇突發事件, 而發展商揸住供應唔賣樓要脅政府撤辣, 政府都吹佢唔漲, 唯有鬥施時間