主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 23931    回應 : 14
文亮語
銀行向優質客戶追數,如食穀種
 
湯文亮博士
紀惠集團行政總裁
2016年2月12日

  在過年前,明報陸振球有一篇文章,提及我們在2008年,金融海嘯的時候,我們給英資銀行追數,我還記得,當時我們很奇怪,紀惠從不欠供款,連一次脫期也未試過,點解會向我們追數,當清還所有貸款後,我問負責我們戶口的職員,紀惠是不是銀行首二成最好的客戶之一,想不到回答竟然是最好的百分之十客戶,至於點解要向我們追數,佢唔講我都知,因為一定可以追到,他們便可以向總部交差。

  中國以農立國,以往,每年冬天前,農民必定會準備好最優質種子,以備來年播種之用,稱之為穀種,如果,農民在冬天時要食那些穀種,這代表他已經極度貧困,不理會後果,在我們被銀行追數之後,見到有老友將按揭資產搬離該銀行,我問佢究竟是什麼原因,佢話銀行向最優質客戶開刀,即是他們有極大危險,只顧今日,不理會明天,情況就好似食穀種,唔搬走隨時會遭受損失,當時我並沒有理會,七年後,該銀行股價反映出向優質客戶追數後遺症。

  優質客戶的定義,並不是局限於某一間銀行,而是在任何銀行都是優質客戶,向優質客戶追數的銀行等如雙手奉送該客戶給其他銀行,如果不是到了最困難的時候,任何銀行負責人都不會做出如此愚蠢行為,其他客戶見到如此情況,唔知道幾時會被銀行追數,若果有機會便會立刻搬離該銀行,而銀行家最擔心的事,除了有大量壞帳外,就是客戶流失,尤其是優質客戶,因為並不是一朝一夕可以培養出來,所以,自此之後,任何銀行都不會隨便向優質客戶追數,因為會被其他客戶認為該銀行是食穀種而搬離,代價實在太大。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 木子 2016-02-12 11:20:41
等我順水推舟, 這乃:

渣兜銀行...
2. 路過 2016-02-12 12:05:07
又講楂兜銀行?不要甘小氣啦
3. 神祈小子 2016-02-12 13:37:53
 將最好的客戶趕走的人或銀行,可想而知他們有多驚,最緊要經一事長一智,以免重蹈覆轍。博士重提此事,是否另一銀行有舉動?


 


4. 2011年開始 2016-02-12 13:43:54
當時C子銀行,今日揸兜銀行😐
5. 好 2016-02-12 13:45:21
好彩我唔係優質客戶。
6. 2011年開始 2016-02-12 13:46:42
今時揸兜不是call loan,是户口正常冇甩期,但是你不買I kill u later叫你走
7. 好 2016-02-12 13:52:18
不過追我呢啲負資產都無用,賣埋物業都唔夠還。
8. Alan Pepper 2016-02-12 13:53:26
可以講吓匯窿。一樣堅尼地。
9. 向饭民说不 2016-02-12 15:03:15
银行职员都系打工仔,如果有target,当然找最容易追数的人追,最后当然是先找最好信用的人追啦,那些无信用低的,你一追,他就破产,钱又追唔到,target又meet唔到,点交差。

除非银行用信用标准去追数啦。由信用低的开始追。
10. 年初二 2016-02-12 15:38:18
博士想做好心都無用, 通常人都係先救自己, 如果D主管要保住飯碗, 就一定先取易不取難,今日幫了公司, 明日就算公司好境, 都未必先獎賞自己, 相反, 公司唔掂,一定睇業績裁人。

做慣大生意梗係由公司角度出發, 不過前線落場者眾, 佢地多數既諗法, 才是真正既現實!!
11. 忠實者 2016-02-12 18:21:31
同意九樓丶十樓
反映打工仔在經濟差時的難處

12. RY 2016-02-12 19:42:53
朋友問我現在有乜做,唔賣都襯有能力時借定先,現在有ML泊$。睇定d,進可攻,退可守。但$多了,就考下大家定力。
13. 呆子 2016-02-13 00:30:59
後來這銀行CEO去左獅子銀行做CEO
14. Tony lam 2016-02-13 11:15:29
肚餓有得揀梗係食D啖啖肉㗎啦 ! 骨慘慘棧哽親、同你有親咩、有數番、任內盤數至見得人、D爛數咪當庫存等下家打莊。
睇嚟匯豐唔番香港都冇乜碇走嘞 !