主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 28473    回應 : 30
文亮語
逃生門是什麼意思
 
湯文亮博士
紀惠集團行政總裁
2016年2月3日

  現在,那些評論員又講什麼逃生門,可能他們已經唔記得,在曾蔭權開始推出SSD時,評論員已經話那時候應該賣樓,是最後的逃生門,當中更有身體力行者,將自住物業賣走,當時他們還向外界表示一身鬆晒,現在當然唔係,而一般人認為逃生門的意思就是叫人賣樓,賣股票,其實,真正的意思是賣咗就買唔番,唔通在逃離災場之後再重返,唔信,問一問那些當年以逃生心態賣樓的人,今日,有幾多可以重返災場,即是再買樓。

  現在,全世界的大鱷日嘈夜嘈話沽空中國,香港評論員拾人牙慧,叫持有股票的人逃走,說現在是逃生門,我只是很奇怪,大家買股票不是已經做好分析,對某些公司有信心才買入他們的股票,況且,那些又不是消息股,莊家股,怎可能給評論員話逃生門就會立刻賣走晒所有股票,不過,我亦不排除有人會賣走一小部分,待股價真的下跌時再回購,但那些人並不是抱著逃走心態,而是有小小貪婪,希望在低價回購而賺取利潤,但我覺得這應該歸納為投資方法之一,名稱叫逢三退一。

  不過,又不能低估美國大鱷威力,雖然,很多人都知道他們現在是出口術,而且效果並不明顯,但就打擊到那些打算買股票的人,暫時都按兵不動,買家少了,股價亦會為之下跌,所以,亦不能說現在叫人賣股票是不對,不過,以逃生門來形容,實在是太誇張。

  那些話現在是逃生門的專家,他們大多數在較早前早已逃生,現在等待更多人逃離,甚至現在當閣下離開,他們與你擦身而過,重返災場,他們會再買股票,那些將股票賣走的人一定會牙癢癢,但又不能指責那些話逃生門的評論員,說到底他們只是講出個人意見,正是,信不信由你,所以,現在講沽空,講逃生門的人身份愈來愈高貴,連索老以八十六高齡還要整天說沽空中國,我真的不了解箇中理由,唯一就是沒有夠份量的人願意做這隻爛頭卒,索老唯有頂硬上。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 望東樓 2016-02-03 09:17:17
閣下係戲院,有人嗌火燭,你選擇即走定睇定先有好多因素,比方戲院多唔人(個市係邊期),你有冇細路(幾大margin)。好多時你係焗走。
2. 如是 2016-02-03 09:31:10
東樓兄,博士在閣樓,俯瞰戲院。
王弼 vs 博士,有睇頭。
3. SHUN 2016-02-03 10:23:22
昨天走到貨咪叻仔囉…………今日股市又大插、唔影響到樓市、我才不信、慢慢跌、過多一、兩年、比起高位跌五、六成有乜奇怪吖!獅子銀行已經帶頭凍薪、下年out人再减人工、到時人踩人、乜野剛性需求又無人會提及!
4. LYC 2016-02-03 10:50:43
只是短暫心理因素有影響,樓係必須品,唔同股票,唔通賣咗層樓去瞓街咩,去租樓住都冇face啦,耐唔耐又要被迫搬家,居無定所,傻的嗎!
2011年股市大跌,啲叻仔咪沽空啲樓去租屋住囉!!
5. SHUN 2016-02-03 11:40:46
供樓連什費$25000……租樓$10000、仲係租客佔上風嘅時候、講多無謂、止蝕啦!
6. LYC 2016-02-03 11:58:15
這裡個個收完租供樓還有錢袋!租屋咁筍,咁你咪繼續交租囉,十年八年後我啲樓都差不多供甩晒lu。

7. SHUN 2016-02-03 12:50:12
12-3年前又唔見D人仆到去買樓?10年後變成点我相信沒人敢大声講可能樓上果位你本事啦!但呢兩年買左果D就仆到直一直
8. LYC 2016-02-03 12:56:58
CCL只不過跌了一成,未計租金收入,有幾仆直呀!?
買了外幣股票就真係仆直,就算隔離王生我估都輸啦!

9. SHUN 2016-02-03 12:58:10
最後一句、E家成交個案一個低價於一個、你可以唔認嗎?千其唔好攞D超級豪宅個案出來、我一向都係低下層、李加乘果D人我無資格比!
10. LYC 2016-02-03 13:07:44
現在報紙所講啲劈價成交個案既單位係質素整差,拿這些成交和樓市高位時高質素單位比,梗係話跌了好多啦,高質素單位事實上只不過回了些小!
11. Alan Pepper 2016-02-03 13:32:24
LYC SHUN

兩位好,其實兩位都啱,樓價正在下跌係事實,十年後供完一倍亦很有可能。希望各位都蠃!
12. Alan Pepper 2016-02-03 13:33:18
LYC SHUN

兩位好,其實兩位都啱,樓價正在下跌係事實,十年後供完(及升)一倍亦很有可能。希望各位都蠃!
13. SHUN 2016-02-03 13:45:53
四叔賣樓点解送大利是?(變相減價)另有投資者拆售車位(經濟下滑、第一樣就唔養車)呢D不是利淡訊號嗎?本人並不反對買樓、但買貴左&唔止蝕、之後就要自己承擔、唔好以為有人可憐你!
14. 老餅 2016-02-03 15:57:04
短線下跌(二三年)有何不可,長線上升(十年八年)又有甚麼不可能,只是短期個勢唔好就要忍一忍,之前有c兄講年尾ccl會否去到118,不如走短線以一月計數今天ccl好似大約132,如下月今天ccl低過此數就某君贏,高過就另外一個贏,無謂爭辯.
15. 蓄芳待來年 2016-02-03 18:13:38
人踩人未見,驚嚇度不足,仍需忍耐。功課照做,唯持份者態度依然堅挺。
樣樣都係比較,今日再審視了一下樓股兩項工具,一年前有人對轉身速度四字嗤之以鼻,不知今日又作何想?DSD係雙面刃,以前焗住你賺,依家,焗住你受折磨。
投資,大部分人都有一個通病:吾肯蝕/蝕底。
16. 老餅 2016-02-03 18:43:54
舊年買樓就慘D,前年買樓都係打和,幾年前買樓仲有成倍利潤,除非真係人踩人,否則現在都系賺住睇形勢,樓同股市都是一樣,慢慢跌先冇戒心.
17. Tony lam 2016-02-03 21:40:36
有排低息、印出嚟嘅銀都要揾位泊嘅!樓市塌就未必、但已經買賣两閒、中細碼貨等錢使嘅、間唔中會有驚嚇價、山頂鑽石貨就唔作得準、咁低成交仲賭乜Q ccl吖、老C而家都要諗上市、你估佢怕競爭者咩?我就話保住自己私人身家先真!
18. Tony lam 2016-02-03 22:19:19
美國佬手法好似大笪地D賣假药、明明你龍精虎猛、都噏到你好彩遇見佢、否則過到初一過唔到15、阿爺而家咁大嘅底數、年年上3%都唔講得小啦!7%根本係奇蹟、三十幾年嚟、有邊年冇唱阿爺甩轆㗎、但還看今朝、美國佬已經唱到歇斯底里、茅躉使横手失哂台型,但老表就周遊列國、帶足子彈四圍落注、大到美+日都跟到索氣。
香港冇得塌嘅!爭在你喺乜價位做買賣啫!阿媽係女人、但發燒時真係唔記得阿媽性別。
19. 無奈 2016-02-04 07:37:24
中國今非昔比,20年前增長百分之二十已非易事,今貴為經濟體2哥,的確3%增長是相當好了,甚至可謂奇蹟了。1哥望穿秋水。

個人體驗,6%增長是有水份的。
20. Tony lam 2016-02-04 10:12:10
同美國佬格劍班精英老表、好小蒲頭噏嘢、但玩到索羅斯暈陀陀、只用傳統智慧、平就多多都儲、貴就唔追、勝在老子有本、儲咗又用得着、呢D就係大拙勝巧嘅示範、問吓un un脾上到岸D老友就知。
21. 感謝你的提點 2016-02-04 10:36:08
看了一年多..... 感謝各人的論點,獲益良多,學會了無論論點如何,自己都要通過濾化和內化作投資或買賣決定....

本人上年以3.6M賣走了一個實用285呎(不需要供樓)的細價樓,再以4.6M買入一個實用520呎的細價樓(付五成,供五成)。雖然人人說2015年買樓的人很慘..... 雖然我現在又要供樓,但我實在不想租樓住,亦希望過上好一點的日子(空間大一些),加上我看了博士的文章,平衡過自己的財政和能力,結果還是在2015年做了這年傻事 ... :P 
22. 十郎 2016-02-04 14:47:57


      有人勸買,  就有人勸賣

      "逃生門",  我反覆睇咗十次,  因為我唔明白,  我唔明 :
      (1)    賣後升咗買唔番(走錯鬼).
      (2)    跌咗都唔買番(不重返火場)
      (3)    少人買野,  可以荀價執貨(出口術).
      文中隱約糞土"逃生門"及論者,  我無以為應,  直至見到芳兄說"唔肯蝕",  我才"叮"一聲.

      "逃生門" 即如 "止蝕門",  止蝕在投資領域,  好重要,  知易行難,  小弟做唔到.  擧個例 : 我用十萬買一只股票,  佢下跌10%,  好多師兄止蝕,  袋番9萬離場,  理由係佢有9萬,  希望贏番一萬,  唔難,  如果任由其下跌,  如50%(388),  或者80%(2888),  袋住5萬或者2萬,  想番本十萬,  係要升100%或者400%,  雖諸葛先生,  難善其後也.

      在股票市場,  止蝕真係話都無咁快,  在鍵盤上,  一分鐘都唔駛,  兩日後自動轉帳,  如果要買另一隻(不重返火場),  兩日都唔駛等,  下一分鐘就可以完成.  樓宇就輪盡些,  由計畫止蝕或止賺,  到行動的時候,  可以面目全非.

      賣咗的股票升咗,  可以買番的,  就當買保險,  付出保險費.


23. 引刀一快 2016-02-04 17:15:02
住,係剛需

賺錢,係剛需中嘅剛需

唔想蝕錢,係剛需剛需剛剛需

最簡明嘅概括。
24. 蓄芳待來年 2016-02-04 18:33:46
To 21/F師兄:
是否傻事,不要用外人的觀點衡量。絕大部份人買樓都着重primary gain,但作為自住用家,secondary gain更為重要。
若以投資角度看,我認為你做對了,放棄將會被淘汰的蚊型單位,係明智決定。況且貴賣平買(呎價平了成$3700/呎),一開波已經賺咗,恭喜晒!
25. 十郎 2016-02-04 20:46:40


      刀兄 : 你出文用"住"單字,  令我想起毛澤東,  十六字令三首. 同今天,似唔似.

      山,  快馬加鞭未下鞍,  驚回首,  離天三尺三.

      山,  倒海翻江卷巨瀾,  奔騰急,  萬馬戰猶酣.

      山,  刺破青天鍔未殘,  天欲墮,  賴以拄其間.




26. 引刀一快 2016-02-05 02:16:12
十郎兄

厲害厲害,正正道出樓市風雲,妙不可言!

唷!暗地裏,毛澤東大戰汪精衛...............
27. 十郎 2016-02-05 03:49:34


      刀兄也是夜貓一族,  晝伏夜出.

      汪精衛,  其人都好有爭議性,  他辯稱"曲線救國",  我都疑中留情.


28. 望東樓 2016-02-05 08:39:57
十郎兄,你似乎係淡中之淡喎。離天三尺三。。。  天欲墮。。。
29. 十郎 2016-02-05 08:57:37


      東兄 : 這個環境,  是我見過的亂中之亂.


30. 望東樓 2016-02-05 10:13:15
同感。當其他人係度驚加息,我其實係驚緊通縮。