主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 23315    回應 : 25
文亮語
老C的哀的美頓書
 
湯文亮博士
紀惠集團行政總裁
2016年1月30日

  在爆煲論之後,我與老C睇樓市有相當大分歧,單以供應量來說,我非常相信政府官員所說,在三至四年內可提供八萬六單位,但老C對此表示懷疑,並且在不同場合質疑政府,包括電台,報紙等媒體,這叫官員很難下台,唯有搏命,一定要達標,CY最近更加將八萬六改為八萬七,以示有信心達標,供應增加,樓價自然下調,老C此時再出文,寫下哀的美頓書,要求政府撤銷辣招,否則,香港要付出比八萬五更沉重代價,我覺得老C言重,董特首的八萬五是每年計算,而CY的八萬七要三至四年才可以完成,不可同日而語。

  老C話現在香港以至全球經濟環境惡劣,這點我亦早已睇到,所以,我寫「細價樓爆煲論」,叫那些財力不足的人千祈唔好上車,留多個錢傍身,政府是否撤招根本影響不到經濟環境,物業代理或者可以多做生意,就算老C發出最後通牒,政府都不會撤招,我認為我們要有吉士,不撤招便不撤招,用不著懇求,就算懇求都沒有用,CY一定不會撤招,慳番啖氣好過。

  其實,辣招對樓市影響絕對不及金管局的逆週期措施,如果政府要調整樓市措施,除增加供應外,就要調整逆週期措施,將逆七下降至逆五,令更多人有能力買樓,不過,我對自己的建議都抱著懷疑態度,現在放寬按揭,倘若樓價繼續下跌,那些勉強上車人士有可能會做炮灰,這樣,一動不如一靜便算,待樓價下跌多兩成,政府才考慮放寬逆週期措施,這樣才會事半功倍,不過,老C可能唔開心。

  環球經濟不景,業主和銀主亦感覺到,最近不少劈價盤成交,亦令到整體成交增加,做物業代理就最清楚,即使樓價繼續下跌,令今日買了樓的人有所損失,他們亦不能夠怪責政府,話政府減辣引誘他們買樓,所以,老C的哀的美頓書是沒有效用,而最近二手成交因劈價成交增多而有所增加,倘若政府減辣,有可能令業主有所遐想而收回劈價盤,成交量又會打回原形,這絕對不是任何一個物業代理希望見到的事。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. SHUN 2016-01-30 09:31:35
經濟下滑、按樓做生意的人就劈價賣樓、到時大把平貨執、況且如果早年買左樓之人士、劈完都有賺、關鍵在於農曆年後、新樓賣成点?減幾多成?骨牌效應…………一觸即發!
2. 如是 2016-01-30 10:05:03
股市有D起息,發展商仲唔趁住個勢快快堆盤!
3. 無言 2016-01-30 11:22:55
就是全球經濟都差,反而唔使咁驚,最驚就是部份國家好,亂來(割禾青)。現在正如四個人打麻雀(美國,中國,日本,歐盟),個個都輸錢,無得走,焗住打,,咁就局勢定D。
4. 向飯民說不 2016-01-30 12:09:44
樓上,無錯,現在其實個個國家都都窮,美國佬就最賤,因為控制美金供應,製造海嘯效應,同時派人在中國和香港搞抹黑,隨時起鬨,製造政治動亂,跟著令park系香港的熱錢流走,令香港破產。美國人玩這種遊戲已經出神入化。!
5. SHUN 2016-01-30 12:12:13
泡沫爆破、個個有甘老定?沙士果陣就唔會個個唔買樓啦!人踩人、不理性掟貨…………連銀行都日日夜夜奪命追魂call…………死未?
6. SHUN 2016-01-30 12:17:36
E家賣樓、鎖定利潤&止蝕、就係叻仔、楂現金就是王!
7. 真真薯片 2016-01-30 12:18:46
政府如果撤招, 地代就會大字標題話政府長線托市, 樓市調整已完, 將會轉角上升, 係最佳入市時機, 全力谷買家追價, ccl都會作出配合反彈

講到尾, 地代淨你想樓市升, 因為“升”就係最有說服力既買樓理由, 只要樓市長升長有地代先有生意, 業主叫價太高可以叫買家追價買入, 只要買家都信一定升就得
8. LYC 2016-01-30 12:30:40

日本負利率,歐洲QE,大陸放水,其他各國跟住做,揸現金,最醒係你囉!

大部分所謂供應還在興建中,落成量和施工量急挫,,租金回升,指日可待,樓市點行,可想而知!

9. SHUN 2016-01-30 12:44:07
就算2016老美唔加息、但經濟下行風險極大、份工都保唔住、仲住樓?蝕少少現在走貨、搬番老豆老母一齊住或租樓先、返正租金亦下調、千其咪信D地產專家(其實經紀老)托市論、正如大陸股票市場一樣、散戶太多、阿爺点托都插五成啦!
10. SHUN 2016-01-30 12:59:45
港元聽講同美元掛勾喎、況且現金在自己手、買乜都自己話事、層樓走唔切、边個可憐你、樓上果位地產代理睇怕今個月都未開單Lu…………唔怕、遲D賣花生啦…………因為好多人楂現金睇住D業主4-5-6成劈價、慢慢執!
11. Tony lam 2016-01-30 13:24:19
高位熾熱時更加要防D送尾初哥、重part阻盲毛、會襟玩好多。
老C食指浩繁、大家都[保鑣]時、佢就最大鑊!
12. Tony lam 2016-01-30 13:36:46
小咗D盲毛、個市會理性好多、AA亂吹再起唔到浪、買賣輸贏都頂得順時、社會少咗好多要生要死嘅噪音。
13. 蕭峰 2016-01-30 14:18:26
隔離blog竟然話絕地反彈,真係笑死!西半山新盤6折出售,對方係盲既嗎?


14. WW 2016-01-30 14:32:03
Yeah! 慢慢執!
15. 引刀一快 2016-01-30 17:17:56
依傢仲幻想將來會有好多人接貨,有點不切實際。
16. abc12345 2016-01-30 17:33:09
又段估: 一個月前估計今年的底在一月底,昨天時間吻合(上星期的小反彈畧為誤導),CCL 和100SMA昨天 玩吻別,下星期速速分開,段估不用測試150SMA(约為130), 之後重拾去年上半年步伐,即是升的時間多,跌的時間少。
二月市場氣氛段估会好轉,好友宜保持平常心,不要理会市場雜音,時間主宰一切。Time is on your side.  Yeah !
17. 引刀一快 2016-01-30 17:54:07
除非夠低
18. 真真薯片 2016-01-30 18:22:53
超人元郎個盤賣晒未?
19. 向饭民说不 2016-01-30 18:27:10
10樓,香港人太迷信聯繫匯率,但是在投資市場,永遠都是當你以為最安心睡覺的時候,就是最危險的時候。

過去幾年我地見到的是Soros不斷的試探緊聯繫匯率的實力。外國對沖基金其實非常的主動。他們其實正全方位的打擊聯繫匯率。一日有聯繫匯率,一日香港人就會面對這個風險。

前年的佔中,甚至最近沽空人民幣,其實應該最終都是要動搖聯繫匯率,香港政客和毒媒的抹黑。最終都是要打擊聯繫匯率。而要打擊聯匯,就是先令香港政治動盪,打擊香港人的信心。只要熱錢流走,他們就會發起打擊聯繫匯率。

不要以為香港有幾千億的儲備。因為幾千億儲備要流走,只是數日時間。

香港的年輕被毒媒洗腦到以為自己有幾千億儲備,所以自由行買奶粉是罪惡。

幾千億的儲備都是熱錢,外國人park系香港人的錢,香港人以為自己富貴,跟著借出去。賺利息差價,make easy money。但是卻不知道,這些錢,如果外國人隨時可以要拿返,香港人就要馬上兌現。如果你一時周轉不靈,馬上就會破產。想當年恆生銀行就是因為周轉問題,而被匯豐收購。By the way,如果當年不是殖民地政府,而是現在的特區政府,特區政府救了恆生,恆生依然會是香港人的銀行,不是現在匯豐控制下的銀行。

而香港人賺奶粉錢,雖然不多,但是卻是實實在在的袋系自己的袋中。就是借出去,對方不還錢,最多只是變壞賬,不會令你破產。
20. LYC 2016-01-30 23:29:28
世宙幾個幾個單位推售,慢慢測試市場去貨能力。
21. 毛毛 2016-01-31 18:41:20
我自己本身都係睇淡樓市, 但我地又好想上車,現在上車實在沒有膽量, 但如果再趺多一成, 又希望再趺多D先買, 結果係到升返都買唔到.....
22. 小庶民 2016-02-01 00:52:58
高低立見,湯博士就是最有遠見的。
23. 奇妙 2016-02-01 01:38:50
而家政府最驚係今年推果D新落成茅波劏房樓減價都賣唔出。因為所謂供應八萬七都係靠呢D納米劏房樓。殊不知,D新一代唔係好似D高人咁惗,其實佢地都有腦,無話管理費都成8蚊一呎都話D設施值得比。樓供万五,管理費五千,老襯成咁奇妙,香港新一代可悲也。如果賣唔出,發展商減價必然?其實同小業主一樣,手緊咪減價籮。有米嘅,味做華茂樓或恒隆樓,慢慢搣。不過D話買唔到樓嘅仍然買唔到樓,因為嫌納米樓遠兼唔值,二手樓高人又叫唔好買。到時大家就知八萬七有幾堅。結果搵十X哥去同你落標?你好揾D國內怨大頭同你涯義氣喇。有無呢D義氣仔女呢?最終八萬七鬼域房屋計劃成型,大家才恍然大悟,咩叫做整大個餅,藏富於民,便民自力更生,以至老有所依。唔係一方面唔比D中產靠房租養老,另一方面賣唔到毒餅八萬七,又要民粹到搞全民靠政府各式綜援養老,好在而家卡通曾揸住盤數先定D。一室之不治何以天下國家為。搞斗爭,當今香江最羡者莫過於英哥同民哥兩極,亦最無建設性。按辨証法,應正反合而生一新局面,熱切期待質變的來臨。
24. 奇妙 2016-02-01 01:48:18
納粹德國失敗原因之一為戰線過長,支援乏力。而今自己自由的美國的戰線無遠弗界,不戰勢不能持久,D附庸負晒利率都捱晤到好耐。祝願世界少生靈塗炭。
25. 地產小子 2016-02-01 02:21:39



■市況難測,業主心情亦難預測。 資料圖片 

心情,是最難預測的。

上星期二,Tina在朋友家參加派對時,收到代理Marco語帶溫柔的來電。「Tina你好,三個月前你搵我哋放盤那個都會駅三房一套單位,𠵱家有人還價730萬,仲帶埋定金支票嚟,好有誠意,你會唔會考慮吓?」「No!你當我儍呀?低層近望公屋景先賣呢個價!我個單位向東南,望泳池兼望海景,又有百萬豪裝,冇800萬你唔好打嚟!」屋內眾人隔着電話也聞到火藥味。

「Tina,你有冇留意最近向西村上春樹篇潮文?𠵱家市區半新樓10,000蚊呎已成常態喇;況且地產潮文都話幾年後可以用400萬住1,000呎;最近元朗凹頭幅地又流標……」「Marco,難道你相信樓市會大跌?湯文亮都認咗細價樓爆煲論唔準確啦!你冇理由唔知,好多資深基金佬、地產投資者、代理,個個都話樓價唔會跌多過兩成!730萬買兩房都未必得啦!我對你的智慧有點失望!」在地產舖的Marco吞聲忍氣,努力游說Tina接受準買家出價。

「Tina,𠵱家時代唔同喇。一年前仲係業主話事,準買家要接受業主開天殺價;美國已經加息,家陣人人都驚買貴兼買錯,業主想賣樓的話可以點?我近月做的成交唔係一手樓就係減價貨,如果我係你就會接受出價喇。」「Marco,我個單位正正常常,唔係劏房,有番咁上下保值能力,希望你尊重吓。」說罷Tina便掛斷電話。

代理所指的心情問題,有時候未必因業主心怯而減價求售,而是業主在高興時刻收到還價來電。

地產小子