地產博客 > 文亮語 返回
瀏覽人次:23118    回應:25
文亮語
這個世界不是物業代理的
 
湯文亮博士
紀惠集團行政總裁
2016年1月29日

  如果去年買樓或者賣樓的人參考物業代理所發出訊息,很多時是無所適從,一時講升,一時講跌,講升的時候用什麼理由也可以,去年,他們甚至以國家印銀紙的速度比香港建樓的速度快,都可以做成香港樓價飆升,今年,經濟轉壞,樓價可以隨時下跌三四成,最後,無論樓價升抑或跌,發出訊息的人都可以振振有詞,樓價升,他們便會說去年已經講過國家印銀紙速度快過香港人起樓,樓價跌,更加會話已經提出了警告,買樓的人沒有留意,與人無尤。

  在2008年金融海嘯時,樓宇成交淡靜,物業代理以冰河時期來形容,要求業主減租,他們的理由是因為生意減少,而他們並不知道,物業降值已經令銀行向業主追差額,再要減租,令業主百上加斤,有業主更加要出售物業來滿足銀行要求,冰河時期應該是講業主而不是物業代理,因為物業代理只是生意上有損失,生意上損失怎樣也不及物業資產減值損失的業主當時相當頭痛,仲反而要減租來幫助物業代理,業主苦況,大家可想而知。

  自此之後,業主學懂了一件事,就是安份守己,減少物業投資,借貸不高,所遇到的困難不會太大,但業主這樣做,成交量就會減少,甚至比沙士的時候還少,受害的就會是物業代理,今次,他們沒有用冰河時期來形容物業市場,因為,他們知道,這只不過是物業代理的冰河時期,業主是不會理會,困難一定要自己解決。

  物業代理為求自救,所發表評論,很多時都是為了增加成交量而發表,大多數香港人都習以為常,所以,他們話跌三四成就冇人理會,我話爆煲就變成新聞,其實,物業代理毋需刻意發表一些有利增加成交量報告,要買樓的人始終要買,賣樓的人始終要賣,物業代理的責任是縮窄雙方分歧,促成交易,而非指導他們買或者不賣,這篇文章一定有很多物業代理唔開心,但資深的明白,與客戶的交往是長遠的,眼前短期利益很容易失客,做成長期損失。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 路人乙 2016-01-29 09:06:31
全中!
2. Desmond 2016-01-29 09:31:38
樓市跟股市一樣,都不應聽代理的意見,因為有利益冲突,例如我們經常在電視上看到一些券商高層在財經節目上教人怎麼止賺止蝕,誤導一般市民短炒是正常投資手法。
3. KK 2016-01-29 09:32:21
....物業代理的責任是促成雙方分歧???
博士意思是否縮窄雙方分歧??
4. 引刀一快 2016-01-29 09:39:29
長話短說,親身經歷,數年前經代理A介紹買入一大陸單位,位置甚佳,地代一直保持友好關係,經常共餐,某日,見引刀手持一單反,曰:“你平時放喺邊?”,引刀答:“放喺間屋度。”,地代作驚訝又故作鎮靜狀,曰:“你唔怕呀.............”


5. 引刀一快 2016-01-29 09:44:47
與客戶的交往是長遠的 ”

時下嘅人,通常諗法都係,自己嘅生存都未必係長遠,駛咩理交往長唔長遠,捱得過先算。
6. 西門吹雪 2016-01-29 09:50:53
哈,刀兄好似深受其害。
其實刀有2面既,如果個AA真心幫你(而非當你水魚),真的是受用無窮。差在真係吾容易揾到…
7. 打工仔 Andy 2016-01-29 10:00:03
引刀兄

是的, 做代理顧及與客人長遠關係的一定有, 不過唔會個個係!
8. 望東樓 2016-01-29 10:14:55
AA最高境界係養客,正面思維係與顧客一起成長。反面當然係。。。nei dung da。
9. Admin 2016-01-29 10:19:51
回3/F.,已修改,謝謝您!
10. 磚家 2016-01-29 11:34:50
喜歡湯博士說的“要買樓的人始終要買,賣樓的人始終要賣”

只要企係客人心裡出發,找到客人所喜歡和要求,實事講事,應會儲到一班熟客,也有機會介紹親朋戚友,雖買樓唔係買菜買得咁密,但都可為長遠的。
11. Desmond 2016-01-29 12:09:48
其實傳媒採訪有關樓價意見時,最不應該問地產代理,因為他們是在業介並有利益冲突,但傳媒偏偏喜歡訪問他們,因為他們每問必答,並說出很多理由,傳媒就可以交差了。
12. 神祈小子 2016-01-29 12:38:47
“與客戶的交往是長遠的,眼前短期利益很容易失客,做成長期損失”這番話使我想起博士說過銀行曾形容你公司是“藍籌客戶”,但最後他失去你這藍籌客戶是因為眼前短期利益。生意要長做而非著眼短期利益。

 


13. Tony lam 2016-01-29 13:35:04
你有銀買樓、或有樓可賣 、AA會叻過你 ? 聽D牛奶仔/妹AA吹水做決定 ?  AA角色係跟D手續細藝嘢、提供市場客觀紀錄資料、比客仔參考、抱怨AA老点、即係話自己係盲毛白痴 。
風水佬如果叻過你、点解會為咗封利事服侍你、唔係你服侍佢呢???出力諗吓!
14. SHUN 2016-01-29 14:17:45
地產代理呢一行應該加入分級制、做得越耐級數越高、因為太易入行、形成講話可以好不負責任的、今日地產員工、明天可以賣花生、你吹佢唔漲!
15. 博士 2016-01-29 16:41:24
促成雙方分岐,不是縮窄。
16. 麗娜 2016-01-29 19:45:29
博士這篇文寫的太好太好!
這幾個月我真的很慘,很受氣,受盡代理及某些客人的氣。
雖則經濟不好大家都變得謹慎挑剔,但是,像博士說的,
如果我今天給你某某代理玩過一野,他朝我會再買樓賣樓放租租樓都一定黑名單你某某,
做代理的很多時是街坊生意,即是同你某某代理無下次。
17. 打工仔 Andy 2016-01-29 22:59:44
麗娜姐, 

加油 !
18. 蕭峰 2016-01-30 06:42:10
哎,agent為生意也是無所不用其極,但買錯/買貴,又係業主自己責任。aa口中永遠是好消息,明明佢地自己公司出d新聞稿,都可以有另外一種解讀。所以,我一直懷疑過去樓市幹升很大一部份責任是agent。
19. 麗娜 2016-02-02 20:41:52
謝謝打工仔兄
20. 引刀一快 2016-02-02 23:13:57
To 6樓 西門兄

我估有部份人誤解我4樓所言,其實係AA想嚇我出咗間屋,我冇落疊,裝傻。
真心幫你嘅AA唔係冇,要時間同經歷驗證,呢樣嘢我有睇法,為乜要人真心幫自己,一份佣金,買服務就夠,唔使買埋真心。呢個世界攞真心出嚟都唔包換到真心,換到個良心返嚟已經收貨兼偷笑。
21. 引刀一快 2016-02-02 23:16:40
To 7樓 打工仔兄

有時,所謂長遠關係,其實係你識破得遲,做人難得糊塗,拿捏好利害關係係核心。
22. 引刀一快 2016-02-02 23:24:12
東樓兄

有本事養客,都已經係相當老到,咁你認為咩係客嘅最高境界?
23. 引刀一快 2016-02-02 23:34:20
To 13樓 Tonylam兄

有時,叻唔叻一回事,有沒資本係另一回事,聽唔聽AA說話,有時係睇親疏。
24. 引刀一快 2016-02-02 23:53:54
To 16樓 麗娜小姐

睇開d,今次佢跣咗妳,話唔定下次佢跣第個嘅時候,有好嘢益妳。
呢類人,等你下次要搵AA嘅時候,佢都俾行業淘汰咗,轉行賣雞蛋仔。


25. 引刀一快 2016-02-02 23:58:20
To 18樓 蕭峰兄


完全同意,買物業,當中唔少人係好受人影響,當好多人受影響嘅時候,就形成第二重影響力。