地產博客 > 文亮語 返回
瀏覽人次:32827    回應:16
文亮語
業主劈價賣樓是很難成功
 
湯文亮博士
紀惠集團行政總裁
2016年1月28日

  近日,很多劈價盤成交,令到不少打算賣樓的業主以為劈價就可以賣到樓,其實,無論業主怎樣劈,買家都會再劈,所以,業主賣樓,千祈唔好自己劈價太深,留番一些空位俾買家劈,否則,買家會唔開心,而且,買家見到業主無端端狠劈,知道業主一定要賣樓,於是,他們仲劈得狠過業主,最後都是做唔成交易。

  現在的物業代理只用死力來促成交易,獨孤一味向業主鋤價,他們可能會唔知道,鋤得深反而令買家猶疑,或者買家亦鋤埋一份,最後,業主見買家出價實在太低,決定不賣,其實,買家是可以出比較高而業主又可以接受的價錢,但是做師傅的唔教,新仔又點會知道。

  做法很簡單,物業代理就算可以鋤價20%,一定要對賣家說,先減價10%,如果買家接受就最好,就算買家再劈5%,都仍然有著數,好似非常好人,為業主著想,業主一定非常感動,其實,物業代理是為自己留一些水位,成功機會比要賣家狠劈大得多,在我入行時,這些是基本功,現在好似很少人會用,那些物業代理用死力向業主鋤價,有結果便立刻向買家回覆,以為買家一定接受,誰不知買家還一口比業主低10%的價,業主大多數不會接受,物業代理要記住,最後的成交價是由買家出價,業主只可以選擇接受抑或不接受,他們只能在買家出價與業主願意接受的賣價內游走,如果一早晒冷,將業主願意接受的價公開,成功機會就很渺茫,雖然,有時業主都會接受,但就會非常唔開心,買家雖然狠劈得手,但都未必會開心,因為他們始終會覺得業主可能會接受一個更低還價,仍然會覺得是買貴咗,要促成一單買賣雙方都會覺得開心交易,最後,都是要睇物業代理功力。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 好 2016-01-28 08:32:29
同意標題。
2. 望東樓 2016-01-28 08:51:22
當年經驗係叫經紀帶埋票先去鋤價(或被鋤)
4. Peter Pan 2016-01-28 09:43:41

Cannot agree with "現在的物業代理只用死力來促成交易,獨孤一味向業主鋤價".

我最近去睇樓, 我那個有十年資歷的代理同我講, 不會劈太多, 而且最好新年前買, 因為只要一過新年便會有小陽春, 樓價回反彈一些.  完全不見得代理會站在買家方面鋤業主價. 可能他都好多成交, 根本吾優做.


5. littlemun 2016-01-28 11:12:45
To 樓上,

仲吾優做既代理?!
咁搵過個有熱誠又幫到你既代理啦...
6. Peter Pan 2016-01-28 11:20:48