地產博客 > 文亮語 返回
瀏覽人次:29300    回應:34
文亮語
今日走資,代表明日可以重臨?
 
湯文亮博士
紀惠集團行政總裁
2016年1月21日

  近日,香港股市大瀉,很多股票專家話熊市來臨,老實說,我的確不覺得,股市維持在現有甚至高於現有水平已經有一段非常長時間,2008年曾經急跌後反彈,但始終沒法回復當日水平,今日股價大約是當日的六成,如果這是熊市開始,香港股票市場將會是驚心動魄,最好方法就是抽身而出。

  又有人話,港匯急瀉,代表外資撤離,香港無論在物業市場,抑或是股票市場都不甚樂觀,早走早著,這種說法我更加唔同意,港匯以及股市急瀉,反而證明香港是一個投資的藍籌市場,而我的藍籌定義,並不在乎市值,盈利,而是隨時可以兌現離場,我記得在2008年,我們被英資銀行追差額,我當然唔忿氣,在我清還所有欠債之後,問那位銀行家,我們應該是銀行的好客戶,從不欠交任何到期供款,點解要向我們追差額,誰不知銀行家話我們不但是好客戶,而且是藍籌客戶,有能力清還欠款,他們為了要向倫敦總公司交數,迫不得已要向我們開刀,請我們見諒,老實說,見諒就唔會,見鬼就有可能,以後當然不會再交易,這件事我雖然非常唔開心,但我學到了什麼叫藍籌,算有一些收穫。

  最近,股市港匯急瀉,在某個程度上是外資兌現離場,如果我們用任何行政手段阻止外來投資者離場,以後要他們重臨香港就難矣,今日外資離場,當然各有各理由,但這亦不過是暫時性的,他日當那些外資再次考慮投資,香港自不然是首選,唔通揀那些今日要離開都有困難地區,所以,股市港匯急瀉亦不是壞事,但短期衝擊一定會有,以香港人實力,應該可以承受得起,還有,千祈唔好對今日離開的外資帶有歧視,做生意,只有永遠朋友,不會有永遠敵人,我相信,今日離開的外資很快便會重臨,大家倒不如早作準備,無需自己嚇自己。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 蕭峰 2016-01-21 08:57:34
沙發
2. 真真薯片 2016-01-21 09:25:07
打開門做生意, 當然有出冇入先均真, 有入冇出, 郁d就鬧人捉人打人唔認數唔比走, 就變成無賴啦

不過呢個世界除左無賴店舖, 亦有無賴顧客, 日日走黎退貨換錢, 仲問埋親朋好友借貨黎退貨換錢, 正常店舖底唔夠厚好易比佢整死, 所以想做藍籌, 除左信用仲要底夠厚, 兩樣都有先係國際級既藍籌市場
3. 引刀一快 2016-01-21 09:38:18
其實換個角度睇,出入自由,都可以算係誠信嘅一種。
4. 西門吹雪 2016-01-21 09:45:19
係走就快D啦~~家下先跌到萬9點,唔上唔落咁~~想入貨又未夠低...唉,心急死人了 :<
5. 打工仔 Andy 2016-01-21 10:18:56
打開門口做生意就要预左!
6. 舍神 2016-01-21 10:21:41

對呀! 香港號稱自由貿易中心, 來去由人!

起碼不會有乜熔斷停市傻瓜機制!

7. 旺絲 2016-01-21 10:34:34
又學到野
湯博士做人真係Ok. 樂觀 ! 
8. Tony lam 2016-01-21 10:35:14
我尋日咪話人地赢得到就拎得走、呢個先係真正嘅核心價值嘛!甚麼走資冇信心、全部猪噏、你過大海、玩完都要番吓屋企㗎,但唔代表你唔再去鍊過、最緊要D大檔多Fun!人來人往、唔好有班友閘喺大檔門口趕客鬧人、但而家香港有D友直情踐入大檔鬧人趕客 !