地產博客 > 文亮語 返回
瀏覽人次:38948    回應:39
文亮語
嘉湖山莊證明細價樓爆煲論正確
 
湯文亮博士
紀惠集團行政總裁
2016年1月14日

  我寫「細價樓爆煲論」之後,樓市非常淡靜,但樓價則屢創新高,我受到不少物業代理以及評論員指責,認為樓市交投淡靜只是因為我危言聳聽,物業代理我明白,他們是有多少亂,分別不到樓市淡靜理由,見到爆煲論,立刻話爆煲論影響樓市,其實,他們稍為想深一層,一篇爆煲論又怎能夠影響樓市,況且,爆煲論又不是一項政策,而我又不是一個有影響力的人,不過,爆煲論的確講出樓市真實情況,令到不少市民對高樓價有所警惕而拒絕入市,這就是樓市淡靜原因。

  物業代理有切膚之痛,所以對爆煲論作出不正確批評,但有一些評論員亦有同樣指責就令我很奇怪,難道他們不知道樓市淡靜,就是樓價屢創新高所致,而有評論員認為,樓價創新高是市場給予的價值,成交量偏低就是爆煲論的胡言亂語,嚇怕了有心買樓的人,我沒有話說,我猜測任何一位評論員所掌握的樓市數據都比我的仔細及清晰得多,點解可以否定樓市成交量偏低是因為樓價太高所致,可能我的爆煲論受到各方指責,就是有些評論員有同感亦不敢公開表示支持,我相信這就是過去差不多一年,我單打獨鬥的原因。

  在踏入2016年,情況有所改變,無論什麼原因令到業主願意劈價賣樓,結果就是成交量大增,以嘉湖山莊為例,九日有十四宗成交,而成交的個案有一個共同特點,就是業主願意減價出售,我們不用理會是什麼原因,知道減價令成交量上升就可以,這就可以證明,樓市成交量偏低與我的「細價樓爆煲論」無關,各位物業代理要認清楚事實的真相,從而在該方面解決問題,成交量才會回升,今次,嘉湖山莊的啟示,大家一定要小心理解,千祈唔好將矛頭指向有心幫助樓市的人。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. LYC 2016-01-14 10:11:39
http://podcasts.rthk.hk/podcast/item_epi.php?pid=175&lang=zh-CN&id=65986

博士唔係睇樓市睇得好差,想上車真係要把握機會啦!
2. 華特 2016-01-14 10:12:35
到今天博士已是很有影響力,如果在合適時間叫人買樓,一定有很多人跟
3. 占士 2016-01-14 10:21:46

嘉湖山莊曾經是很多英雄倒下的戰場!

4. 向饭民说不 2016-01-14 10:57:59
眼光看远一点啦,仲细价楼爆煲。现在面对的是货币战争,世界性的金融危机。

都系犹太佬眼光远,水退的时候,才知道谁知裸泳。

香港班黄尸系度裸泳,仲以为自己巴闭。
5. 新抱仔 2016-01-14 11:21:37
嘉湖山莊,是升市最後升,跌市第一個跌的盤,但因銀碼細,數量也多,所以較易入場。
6. 引刀一快 2016-01-14 11:31:49
依傢買嘉湖嘅,睇怕相當剛需。
8. 698 2016-01-14 11:41:18
究竟什麼樣定位才是爆煲呢
9. Ca1on 2016-01-14 11:43:16
正常邊個想住嗰度呢? 位置偏遠, 連西鐵都唔近. 唔止天水圍, 屯門元朗都唔樂觀.
10. 凝風 2016-01-14 11:48:00
嘉湖山莊係好多人起水鬼升城王,亦係萬人墓地。
嘉湖山莊 這個入門級場地,係好多經濟力不強的新手入場首選,高風險程度可想而知。
如果拿一個高風險屋苑睇樓市跌幅,很容易墜入傳媒陷阱(被過份放大消息)

博士只係用嘉湖山莊比喻價錢、成交關係。

樓市總有抗跌差的屋苑~
11. 打工仔 Andy 2016-01-14 11:57:22
地段好重要!
12. 西門吹雪 2016-01-14 12:40:57

每天都學倒野~~小弟不熟嘉湖,睇新抱姐同凝風師兄既回應就學習到呢個盤係明燈啊~~

謝師兄師姐了~又學多樣野。

13. 幼稚園生 2016-01-14 12:43:01
各位,我是新丁,想向各位賜教,麗港城位於市區,但樓價、租金也下跌好多,又如何解讀呢?因我對此屋苑也有些興趣。
14. 神祈小子 2016-01-14 13:06:57
買什麼物業都要量力而為,嘉湖情況說明只要價錢能負擔,仍會有人肯入市,博士以嘉湖作例子說明現時如樓價過高就會冇人敢入市,根本與「細價樓爆煲論」無直接關係,至於買嘉湖全取決於時機,我朋友就是於2010年買了嘉湖住到現在,雖然升幅不及好地段樓,但冇得輸。


15. heelo 2016-01-14 13:09:48
終於108人仔兌100港紙喇
16. SHUN 2016-01-14 13:29:29
麗港城空氣差
17. 引刀一快 2016-01-14 13:51:46
嘉湖還好,市區內40年-50年,位置、戶型都唔靚嘅樓,同97年嘅時候樓齡差18年,估計會比嘉湖更被用家嫌弃。
18. 幼稚園生 2016-01-14 14:04:37
多謝SHUN師兄意見。
19. Ca1on 2016-01-14 14:22:22
麗港城喎,你睇下同港鐵站距離同附近環境先啦。
20. 凝風 2016-01-14 14:40:10
屋苑名稱:麗港城(Laguna City)
地區:藍田
地址:麗港街1號(NO.2 LAGUNA STREET)
入伙日期:12-1994
單位數目:8072
大廈座數:38
面積:--
發展商:和記黃埔有限公司/長江實業(集團)有限公司
物業管理公司:港基管理公司
學校資料:幼稚園:觀塘,小學:48,中學:觀塘
21. 幼稚園生 2016-01-14 14:53:32
原本諗住麗港城係市區大型屋苑,樓價亦較低水回落得較快。所以我呢D首次置業人仕,真係要多多向各位高人請教,畢竟係一生積蓄,又買唔起太古城,多謝各位師兄師姊。
22. 凝風 2016-01-14 15:34:17
To 21. 幼稚園生:

呢個屋苑我個人覺得一般:
1.論實用,8成算唔錯。
2.附近配套算好好
3.景觀要睇你講邊幢(38幢)
4.講圖則,我覺得麻麻地(吋金呎土,有無必要兩個廁所,加上個廳形狀幾難搞)
5.李生D樓既用料,你要預左洗多少少裝修錢

你都要睇你自己本身供款能力,返工地點遠近時間車費,家人....等等。
好多因素要諗,多數係諗自己處境問題。
首置不建議太大銀碼做9成,寧願到咁上下有錢再換樓。

價值我不評論高低,純粹個人睇法~
23. 幼稚園生 2016-01-14 16:01:12
多謝凝風師兄不吝嗇賜教。我原本係考慮麗港城及星河明居這兩居苑,如今我要再做多D功課。
24. 望東樓 2016-01-14 16:11:01
21樓,最近睇到麗港城啲價都真係嚇咗幾跳.我多年前都住過附近,果度無乜唔好,除咗依家啲交通麻麻地,特別係去港島要轉機程車.
25. 幼稚園生 2016-01-14 16:23:00
多謝望東樓兄分享。我家人住及工作都在東九龍,想近家又想要大型屋苑,其實選擇唔多。
26. LYC 2016-01-14 16:36:48
TKO港鐵沿線上蓋個啲都幾好呀(日出除夕)
27. 望東樓 2016-01-14 16:44:11
25樓,如果係咁反而冇問題,因為可以飛的。三草之內應該攪定。觀塘重建之後應有一番新景象,但可能亦因為咁有人swap去新樓而繼續沉淪。
28. 麗港城低買業主 2016-01-14 17:28:39
麗港城交通幾方便,地鐵藍田觀塘兩站優勢,直接巴士往港島,尖沙咀,荃灣,機場,比一般人想像中方便及成熟。我租左幾間比Manulife返工的外籍客。
29. 幼稚園生 2016-01-14 18:25:21
多謝各位無私分享,我會細心研究學習,希望能在2年內上車。
30. 向飯民說不 2016-01-14 18:27:11
港幣今天又被追擊了,仲講咩細價樓,好心啦,這樣情況下,咩港元資產都有危險。
香港人自作孽,不可活
31. 真真薯片 2016-01-14 18:31:48
地代既邏輯係只有升先會多人買樓, 所以迫買家追價遠好過迫業主劈價, 其實都唔係錯, 話明會跌又邊有人肯買, 當然另一面睇可以同業主講, 如果擺明會跌, 早賣好過遲賣, 高位吐現先可以低位入市

問題係依家99%香港人都入晒腦, 樓市長遠必升, 所以業主態度係永遠唔賣, 除非守唔住比銀行財仔銀主迫賣, 目前既所謂劈價盤其實都係被迫賣

要到有一日連冇壓力賣樓既業主都想賣, 樓價先至算係真跌, 目前情況只係假跌而已
32. LYC 2016-01-14 19:19:17
幾年後供應將無以為繼,買賣成本和租金又高,香港冇樓揸手都幾冇面子,邊有業主會劈價賣樓,
33. 打工仔 Andy 2016-01-14 20:38:39
LYC 兄

有時, 有d野我地好難明白的! 哈哈哈! 
34. 老餅 2016-01-14 20:50:41
唔一定冇樓就冇面,有人可能有一,二億身家但冇樓,但有人可能有幾間樓,但十個煲得兩個蓋,日日要跑山,咁你講邊個先冇面,有句老話,唔係同床唔知被爛,所以任何事都不能只看表面,
35. 80後小業主 2016-01-14 21:21:28
其實博士都好明顯知道樓價只會假跌, 只是因為發表了爆煲論所以要保持樓價會有明顯跌幅的講法姐。若你係好友一定明白!
36. 80後小業主 2016-01-14 21:49:28
網主兄,可否刪掉第二個留言? 謝謝!!
37. 123 2016-01-14 23:15:24
有幾層樓揸手都話冇面咁真係唔知應該講乜好呢跑幾多山都冇問題啦
38. 好搞笑 2016-01-14 23:39:34
真係搞笑,而家啲好友日日好似念咒咁話個市唔會跌、唔會跌、唔會跌、睇唔到.....唉... 面對現實,睇清形勢,把握機會好過啦!
39. 老餅 2016-01-14 23:49:45
可能幾層樓都按9成,現今勢頭快變負資產,跑山都唔掂,燒炭就差唔多.
40. 123 2016-01-15 00:47:56
而家銀行借貸咁嚴緊審查乜重可以有人揸幾層樓按九成乜理論有冇常識