主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 39821    回應 : 28
文亮語
業主的防守力其實是很脆弱
 
湯文亮博士
紀惠集團行政總裁
2015年12月28日

  我想也想不到,在美國加息之後,點解會出現那麼多劈價盤,而在此之前,很多人話根本唔擔心加息,又有人話加息有什麼可怕,就算加,都唔會加得幾多,速度亦會很緩慢,而他們的估計沒有錯,耶倫都擔心一般人害怕加息,所以亦用了緩慢或者循序漸進這類詞語,在記者招待會上用了十二次,既然加息是緩慢進行,業主除了實力雄厚,亦早有準備,防守力非常強勁,點解仲會出現劈價,只不過是加0.25%,已經令業主亂了方寸,令人感覺到,業主的防守力是相當脆弱,真的是不敢想像,當加了3%利息的香港物業市場,究竟會變成怎樣。

  但我認為,香港的業主在整體上的防守能力是相當堅強,但個別業主的心靈是相當脆弱,加息,只不過是第二個幻滅的現象,在較早之前,業界肯定明年有二萬六個新單位供應,還未計今年賣剩的貨尾單位,以及從銀主盤及3年SSD解封得來的供應量,大多數業主都知道這個情況,亦再沒有業主以供應不足這個論據支持樓價必升,在第一個幻象破滅之後,唯有寄望不加息,所以,雖然加息來得絕不突然,但做成衝擊又難以想像,在雙重打擊下,業主的防守能力就變得非常脆弱,這還未算,因為業主們知道,經濟環境正在轉弱,將會引發第三波攻擊,樓價將會急跌,所以,有業主願意在沒有財務壓力下劈價賣樓,我們不能說那些業主的防守力是脆弱,他們有可能是從其他人處境,知道第三波已經出現,這就是經濟轉壞下的數據,失業率上升,當市場確認這個訊息,樓價就會急跌,今日,或者會有人認為這是過於憂慮,但大家依稀記得在不久前對美國不會加息還充滿信心,甚至認為美國不會加息,現在這個幻象破滅,還有什麼不可能,防守力變得脆弱亦有其原因。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 蕭峰 2015-12-28 08:47:11
兩個月前,周圍大部分人都認為唔會加息,我都唔明佢地邊度來d結論,其實耶倫簡直已經明言,甚至美聯儲烏龍把未來幾年加息預期都擺上網,仍然有人認為唔會加息!
5. Desmond 2015-12-28 09:45:41
現在老師指數是136.8,比年初時133略高,但年初時大多數人在評論樓價要升多少,而現在是談論要跌幾多。
6. 西門吹雪 2015-12-28 10:19:22

地產網呢度D業主師兄,大部份都有超強的心理質素,又有充裕既資金支持,相信絕對唔會咁脆弱。應該會看準機會,低位再入貨。

反而我真係擔心個D猛猛緊怕蝕底趕上車,又或者借錢出來消費既人。眼見自己既積蓄化為烏有,甚至資不底債,唔係個個有咁既心理質素同資金去應付。最慘既係,0係現實裡呢D人絕不小數,甚至好似師兄們理財有道,積殼防飢既人先係小數。只要有10%業主係支持唔住,咁就將會有十幾萬劈價盤,到時就真係會推倒樓市了。

7. LYC 2015-12-28 11:03:16
香港係唔會加息!
成交太細,反映只有小數業主減價賣樓。
大部分業主信心超強,只要過了這次短暫調整,減少少租,贏小d,將來又是一個新高,新樓供應多了些小只是短暫。
今日得閒去睇下樓,睇下有冇劈價貨先!
8. 西門吹雪 2015-12-28 12:24:24
O~ LYC 兄所言甚是,不過都係個句啦,要發生既始終都要發生。XDDD
9. 真真薯片 2015-12-28 12:25:04
劈價盤數量其實真係勁少, 只不過傳媒用放大鏡去睇而已

不過由於成交量細, 所以少量低價成交已經足夠拉底大市, 道理同之前乾升一樣, 依家係乾趺

長線政府都係冇力推供應嫁啦, 連JR地都要推, 證明佢根本就冇地, 不過, 過去幾年發展商狂擠牙膏, 儲埋5000個貨尾, 政府賣地又儲埋25000個新盤樓花 (不過冇人肯定地政幾時批售樓紙, 政府想托市大可以唔批售樓紙), 再加埋3500個居屋, 如果以上呢批一手樓唔囤貨, 二手樓想出貨, 難矣, 相信冇壓力既業主一定唔賣, 一係放租, 但係明年好似又有20000個新樓入伙(不過估計一半以上會DEFER去17年初), 放租有壓力

明年樓市真係大龍鳳
10. 舍神 2015-12-28 13:55:53
不是防守力弱, 而是 take profit心切!
可以劈的, 都是3年以上的單位, 坐擁巨利! 
而樓市仲未跌幾多! 就是劈一成2成, 相對買入價仍然有利可圖!
開心地劈,收割利潤,人之常情!

有花須折直須折!
11. 神祈小子 2015-12-28 14:00:17
業主不是不夠實力,而是心靈脆弱,可能他們多年前買入的已有相當升幅,只是錯過半年前放售的好機會,現在也賺住走,費事仲跌時放售賺少左。
12. 引刀一快 2015-12-28 15:15:52
To 10樓 舍神兄

就快會應我剛需論嘅第二句,又貼貼先。

住,係剛需

賺錢,係剛需中嘅剛需

唔想蝕錢,係剛需剛需剛剛需

分分鐘後兩句同時叠加,咁就比較大煲。
13. 凝風 2015-12-28 15:19:42
業主不是不夠實力,部份業主想賺盡。
急放賣甩手,認為會跌得深,等機會低位買返。
尼D都係好高風險賭眼光,勝者為王,就算輸左買返,最多唔見幾十萬。

唔止成交,業主都走兩極。

認真劈價真係好少貨...自從有壓測做得業主,大部份都係自律既人,唔係都做唔到業主。
小數財務不穩的人,真的推倒大市?
14. Sugar 2015-12-28 15:29:59

#12 引刀大大 :

住,係剛需

賺錢,係剛需中嘅剛需

唔想蝕錢,係剛需剛需剛剛需

長河San已經放咗你呢啲金句係佢枕頭底......我就諗住農歷年用嚟寫揮春 !!!^^

15. 西門吹雪 2015-12-28 15:45:26
凝風師兄,不自律既人好可能比你想像中多。你知道喺某台黃金時間賣30秒廣告要多少錢?點解咁多樓按廣告,甚至廣告雜誌?
何況博士以及我和其他師兄既回應都有講既係心理質素。今時今日有幾多買樓既人有經驗面對過樓災?樓市升到巴巴聲就有好多人明明無需要都走去入市,樓市跌,明明一地筍貨,卻有人無經濟壓力下賣樓。
無錯,我同意真真兄所講,呢d劈價仲係少數。因為仲未吉到肉。但係雖不中亦不遠爾。你又點保證到時九成以上既業主都有足夠預備而吾会做錯決定?
16. LYC 2015-12-28 16:01:59
二手到價放盤單位數量根本好小,現在只不過是急升後的一個正常回吐。
租盤叫價都只是比高位回了些小。博士話好多業主好脆弱,是否誇張了,還是不太清楚住宅市況?
如果發展商在2016年慢慢出貨,過多1-2個月,大家見到美國已經完成加息週期,準備減息,再破高位,指日可待!
17. 真真薯片 2015-12-28 16:05:15
西門兄,

冇錯, 針仲未吉到肉就係依家樓市既現況

以ccl黎睇, 起碼要跌返去120先叫吉到肉, 不過會唔會跌到120呢?就要睇明年經濟/股市同發展商囤唔囤貨啦, 在下愚見機會率都仲係五五波而已
18. dc 2015-12-28 16:37:28
減價貨佔幾多我唔知
但CCL短時間跌咁多,好耐無試過
19. 西門吹雪 2015-12-28 17:03:25
真真兄其實真的和小弟所想相近 :>
其實而家真係未係咁差。到底何去何從還看經濟同發展商態度。
我係睇吾過個d無論如何都吾會跌既盲好。而家未衰,當然吾代表未來一定吾会跌
20. 凝風 2015-12-28 17:10:25
To #15Simon兄

不自律既人要賣樓,真正有幾多都唔知。
7月災後,講真要死、要延後數據,半年都黎緊。
咁耐都跌唔落,係到底持貨能力強既較多,不自律既人少?
仲有而家賣樓既人,就有錢賭一賭眼光?定真係過度消費?
21. 引刀一快 2015-12-28 17:14:42
To 14樓 Sugar大大

“需”“衰”同音,揮春避之!

剛需論,只不過係直白嘅人性刻畫啫。
22. 引刀一快 2015-12-28 17:17:02
廣州開始放限,香港人只要辦暫住證就可以買屋。
23. 西門吹雪 2015-12-28 17:25:17
凝風師兄。
15我都講左而家仲未係咁差,博士同我都係对未來既foresee。我冇講過度消費係主因,只係講佢地比你想像中多。主因係心理質素。我從來永未講過同股災有關,如果你有睇過我以前既回應,我更加否定過用股市推樓市既方法。股市和樓市係有關連性係在於兩者同被經濟影響,所以研究樓市應該更直接觀察經濟情況.
至於賭一賭眼光個一part,我哪裡否定過呢?希望你明白别人跟你討論,不一定是完全否定你的,相反我多數吾會完全否定一個人所講既野,這是不理智的。賭賭眼光既人,亦係心理較脆弱,認為樓市短線會下跌,其實同15講既野完全冇違背。
24. 凝風 2015-12-28 18:21:12
To Simon兄,

我沒有否定意思~
如你看法:
你覺得最差會係咩時間性?誘引是什麼?(自由行?零售?出口?....失業?)
看很多人不同睇法,好多都睇差,但講唔到重點,點情況,點差法,邊樣開始差先,然後關連到樓,時間性係點。

好多人都想知多D比較實在既~
25. 西門吹雪 2015-12-28 18:47:06
凝風師兄。
你所講既時間同發生既指細情況同觸發點只有神知道。人類怎麼可能知道呢?其實,雖然我相信樓市未來幾年多數會出現比現在較明顯調整,但係,冇人能知未來,吾出現我都吹佢吾帳。就好似真兄所言55波。能夠告訴你,明年一定跌,or 明年一定升既,我覺得都吾中肯。
26. 打工仔 Andy 2015-12-28 20:28:45
现在劈價賣樓的人跟本上是早應賣而不賣! 我估完全與加息無關, 只是個人能力問题!
27. 真真薯片 2015-12-28 21:09:41
西門兄,

在下覺得依家賣樓既業主都係被迫賣, 需要急錢吐現果種, 理由可以好多, 不累, 總之就係唔到佢唔賣, 所以冇得揀, 不過呢類個案係極少數

不過係成交量低既市底下, 呢類低價成交會有效調低銀行估值, 如果一手樓低價開就更大鑊(唔知會唔會, 當然發展商係可以繼續擠牙膏, 30000供應hold起兩萬, 死保樓價), 如果估值調低, 又會產生多d(都唔係大量, 係第二批小量)既“被迫賣盤”, 再向下劈, 咁樣就算9成業主死守, 但係超低成交量之下, 樓價可以“乾跌”一兩成都唔奇

咁有樓業主如果堅持唔賣, 其實都冇乜影響, 只係身家因為物業估值下降縮水一截而已, 放租業主其實不必著眼樓價, 最重要係租得出, 出年兩萬個新樓入伙, 入伙樓係冇得囤貨, 最多拖遲, 比你拖到2017年中點都有20000個新供應, 如果業主自問唔租唔賣都供得起又唔怕估值下降, 其實係可以選擇完全唔理物業市況, 擺底舊錢比私人銀行供樓然後去旅行, 幾十年後返黎睇下層樓升左幾多再賣樓都唔遲


28. 凝風 2015-12-28 23:11:14
To Simon1:

我地都唔係先知,又唔使咁小心~
問你睇法姐,你可以照估,估錯唔會要你認輸。
睇下大家大圍睇法都係咪有排調整,我個人就覺得調整好快完,只因大家都觀望,我覺得市場整體資產質素唔係差到咁。

除非有人講得好肯定,咁先俾人挑戰。大家唔好咁敏感
29. 西門吹雪 2015-12-29 09:42:48

風師兄~

哈~小心係我既性格,唔係驕情做作。我最討厭盲好,唔理咩事都話樓市升。所以我亦唔希望我自己係盲淡。我只是"相信"樓市未來幾年多數會出現比現在較明顯調整。這是近乎迷信的,亦係主觀的,沒有太多支持,所以我不喜歡多說,以免出醜。

至於客觀分析,不同既經濟數據話我地知,現在經濟比年初差得多。但係比之03/09要好得多。所以未來樓市將取決於經濟情況。如果經濟再差下去,任何業主都會受到壓力,很難保證每個業主都有心理質素同財富去支持。相反,如果經濟好轉,就會好似你咁講調整好快會完結。所以先至話五五波

30. 凝風 2015-12-29 10:37:11
To Simon1:

最近同D唔同既前輩(唔同行業既老闆)討論前境,大家都一致唔睇好。

純粹個人睇法,歡迎更正:
所謂經濟差,都睇唔同行業,我覺得指標睇出口總值、零售、基建。
民生鋪必須品就影響低,其他都好冷清。
租一向都貴,之前貨如輪轉仲"緊緊頂到",而家冷清少少就死得。
聚老闆都指向店鋪業主係元兇,之前無生意仲有得頂,而家唔洗考慮執左佢。
講真店鋪租金升值、店鋪升幅比較仲唔合理。
照咁睇2016會有結業潮,失業率會升。
失業率會升,就到樓跌得深~
31. Desmond 2015-12-29 10:54:24
認同 Simon1兄比較客觀及中肯的說法。