主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 32002    回應 : 23
文亮語
弊傢伙,使大咗
 
湯文亮博士
紀惠集團行政總裁
2015年12月19日

  大家唔需要好好記性,都可以記得紐約油價曾經有一段長時間超過100美元一桶,當時,不少分析員100美元一桶油價不但是新常態,而且有很大機會超過200美元一桶,航空公司就推出燃油附加費,如今油價不足40美元一桶,就算加快減慢,所有航空公司都應該取消燃油附加費,不過,至今仍然有一間航空公司仍然未取消燃油附加費,那就是我們的國泰,今日,我當然唔係講國泰,而係講點解油價可以從100美元跌至不足40美元一桶,理由很簡單,就是供應增加,各產油國已經使大咗,無論是消費,基建抑或戰爭,都需要大量金錢,產油國在沒有其他可以產生暴利資源下,唯有增加生產,由於是他們需要金錢,就算油價下跌至40美元一桶都要接受,而產油國願意接受如此低落油價,即是他們缺財,西方國家領導人就不食白不食,怎會放棄這次上佳機會,至於油價是否會繼續下跌,我真的唔識睇,當花邊新聞知道就算。

  油價我唔識睇,但樓價我識多少,現在樓價,唔使我講大家都知道供應增加,至於點解有業主願意劈價賣樓,情況都好似同那些產油國一樣,使大咗,冇錢還債,唔劈價賣樓都唔得,不少睇好樓市的人唔相信那些個案是真的,甚至化身成為原告,認為物業代理有鋤價做市之嫌,不過,很奇怪,無論他們怎樣努力,都沒有受害者挺身而出,指責買家或者物業代理鋤價,唔通俾人知道因為是欠人錢而被迫賣樓,油價由超過100跌至40,跌了超過60%,而樓價現在只不過跌了幾個%,實在令人憂慮,不過,大家又唔需要太擔心,大部份香港業主不但沒有使大咗,而且借貸比率非常低,劈價個案雖然會繼續增長,但會被那些財政健全的業主吸納,樓價雖然繼續下跌,估計市民是可以承受,至於因為使大咗而損失整個物業,只能當他們受到一個教訓。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. Oscar Lam 2015-12-19 09:15:35
使大咗而損失整個物業,這個教訓可謂刻骨銘心!
2. Oscar Lam 2015-12-19 09:16:35
終於做咗第一。嘻嘻!
3. 自我陶醉 2015-12-19 09:19:36
又或者係賭大咗減磅,最新油價35已告失守。
4. Small Potato 2015-12-19 09:28:23
Haha 苐一就咁開心;)
講起油價有D感想,以前真係無諗過㑹跌咁多,之前有睇過D文章,話又係美國佬D陰招黎。anyway, 因為油價跌既關係,影響左我朋友個行業,由高峰兩年多前大約每日USD160日薪 跌至低位USD110,依家穩定番D有USD130。如果當年係咁加,真係恨死隔離。
5. LYC 2015-12-19 09:43:23
6. 打工仔 Andy 2015-12-19 10:49:03
老土都要講一句, 量力而為, 小心行事! 
7. 2011年開始 2015-12-19 10:54:35
97果波我賭大左,而家好少心負債比率
8. 2011年開始 2015-12-19 12:40:37
 低油價之下通漲都唔會高得去邊,息口亦無條件加
9. 西門吹雪 2015-12-19 13:34:09
油會喺50年內用完。其合理價格會隨住時間上升,理論上油價有一天會貴過黃金。咁點解会由100蚊跌60幾%?就係因為佢當時既市價已經大大超過其合理值。
今天既樓價何嘗吾係已經超過合理值?所有地少人多,地價,建築成本等理由都係樓市合理價值既支持。但係市價已經大大超越這個合理值了。

10. 引刀一快 2015-12-19 13:48:33
大陸一樣駛大咗,明年將會係艱難嘅一年。
11. 打工仔 Andy 2015-12-19 13:54:11
引刀兄
希望可以軟著陸 !!!
12. 回 9樓 Simon 1 2015-12-19 16:53:27

油會50年用完

===========

聽說2年前, 英國和德國己經可以由空氣中提取某分子再造成燃氣, 成本貴, 可能要發展十年8年先至提供民用



13. SHUN 2015-12-19 19:10:10
油50年用完?那些產油國吹牛之說話都好信?
14. SHUN 2015-12-19 19:21:19
油50年用完?那些產油國吹牛之說話都好信?
15. 西門吹雪 2015-12-19 23:20:43
其實我想講既重點吾係石油幾時用完...
不如咁講啦。"石油總有一天用完所以油價貴"呢句説話係咪好似"香港地少人多所以樓一定貴"? 呢個就係重點。一樣應該一定貴既野點解會跌到巴巴聲?就係因為佢既市價已經脱離左佢應有既價值囉。連總有一日用完既石油都可以跌六成幾,點解樓價吾可以?
16. 雲在青天水在瓶 2015-12-19 23:35:58
業主使大使少,是個人的事。但油價的升跌,卻間接關樓市事。

美國的核心通脹一過2%,聯儲局即兌現承諾,開始加息。現在的核心通脹率是2.02%,這是在石油價格跌至近年低位的情況下發生的。如果全球經濟不再放緩,對石油的需求回升,油價將會作出較強的反彈。現在油價的走勢與MACD已經出現了三底背馳,隨時可能見底。盡管全世界都在研發清潔能源,巴黎氣候大會也達成了控制排放的協議,但石油仍是現代經濟的血液,油價回升,最終會反映為通脹的上升。通脹升,加息難免。


如果說經濟回暖還是未知數,中國增加戰略石油儲備很有可能是支持油價的另一個因素。中國以往沒有戰略石油儲備,自2003年起中國正式啟動國家石油儲備計劃,但直到2014年的數字,石油儲備只有不到10天的消費量。油價處於低水平,對中國來講是不可多得的增加石油儲備的有利之機。為應對美國重回太平洋,化解東海和南海紛爭,為中日下一場戰爭作準備,中國必然要增加石油儲備。

17. Sugar 2015-12-20 11:12:09

#16 雲先生:

視角恢宏......末段尤有同感 , 謝謝先生好文!

18. 向飯民說不 2015-12-20 15:45:48
保守估計,香港人賣兩罐奶粉比大陸bb,就可以買一桶油。
19. 向饭民说不 2015-12-20 20:58:42

一灌奶粉入口价可能要20美金,经过wholesaler 和retailer 去 到消费者身上,卖大概系40美金。

如果香港BB食奶粉,香港人需要付出20美金的外汇。如果是大陆BB食奶粉,那么香港人从中赚20美金。仲好水货客来会香港需要付出40元港币的税。

讲到加拿大卖石油,真系卖一桶,亏一桶。

香港人卖奶粉好,or 加拿大卖石油好呢?

20. yyfan 2015-12-20 22:03:11
向飯

奶粉入口價唔使20美金一罐,仲有可以講比你知,國外好多奶制品生產商已經比大陸利益集團入股
21. 向饭民说不 2015-12-20 22:15:41
楼上,如果是这样,香港人从中赚到的外汇,最少20元美金。真系香港人卖两罐奶粉,可以赚40几元美金,买一桶石油仲有得找。

其实一个好简单的问题,点解我地政府,或者政客不出来解释。

我F3系一间band 5读书,当时对于环保的启蒙,记忆之中,老师讲过旅游业是无烟工业。比工业来讲更加环保。记忆之中,当时香港的工业占GDP大概30%,旅游业是30%,金融也占了30几个%。当年观塘的污染情况,想到还是可怕。

自从香港工业搬走之后,加上东莞的低效能鞋业等搬走,之后,香港的空气,海水的污染情况其实改善了很多。
22. 引刀一快 2015-12-21 08:19:27
yyfan兄

遲早會演變為,香港賣大陸版港貨,而大陸就出現高價港級大陸貨。

其實已經開始咗。
23. yyfan 2015-12-21 08:20:56
向飯

冇記錯當時全城缺奶粉先導致限奶令實施,如果真是好似你諗咁簡單,叫代理商入多D貨咪得囉,但你知唔知呢行已經比大陸有班人壟斷哂,唔係你話想要幾多就幾多,點解我知?幾年前我都諗過呢門生意,只不過深入了解後發覺唔係咁簡單而放棄咗