主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 30980    回應 : 13
文亮語
買靚樓之以物易物
 
湯文亮博士
紀惠集團行政總裁
2015年12月15日

  有老友向我質疑,話我經常在文章中叫那些打算買細價樓的人,買新樓好過買二手樓,做得咁明顯,是否收了地產商饋贈,而他又睇唔到其他樓市評論家有相同講法,即是其他評論家未必認同我所講,究竟我以什麼理據支持我的論點,我簡單講,是以物易物,我朋友是聰明人,聽到我講之後,不再多言。

  現在新樓與同區二手細價樓同價,根據以物易物的規則,即是那些二手樓業主可以無條件以他們的舊樓換相同面積的新樓,我相信大多數人都非常願意,雖然話新樓供應有限,但那些買到新樓業主就應該將他們的舊物業即時賣走,如果他們唔賣,只不過是希望他們的舊樓賣到更好價錢,唔肯玩以物易物這個遊戲,並不是舊樓貴過新樓。

  在今年復活節之後,股市大升,有人話大時代到來,加按物業買股票,亦有人話,大時代已經過去,現在是大春代,即是大春秋戰國時代,股票市場,亂過七國,趁好價將手上的陳年舊貨賣走,嚴格來說,他們兩種人都是以物易物,分別是後者將股票賣走後,買入一些豪宅,連問銀行借錢也不需要,而前者雖然沒有即時賣樓買股,但加按物業炒股,現在兩者都下跌,有很大機會要賣樓減債,最後都是以物易物,手上只剩下股票,所以,如果以以物易物的概念作投資物業,千祈不能同時持有兩個物業,樓價上升當然理想,倘若樓價下跌,就有雙重損失,現在,那些買了新樓,但沒有即時將舊樓賣走,見到樓價下跌,他們想賣走舊樓也很困難,就會後悔沒有即時以物易物。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 打工仔 Andy 2015-12-15 09:43:31
沙發!
2. 打工仔 Andy 2015-12-15 10:18:37
買入新樓又要用舊樓錢填新樓條數, 梗係早賣早着!
3. 新抱仔 2015-12-15 10:24:02
以物易物,簡單易明的概念,謝謝博士!
4. 真真薯片 2015-12-15 11:04:44
千祈不能同時持有兩個物業

有人同在下講, 如果想“財務自由”, 就一定要同時持有兩個或以上物業, 收租冇得輸

加息->供款升->加租!
減息->樓價升->加租!
樓價跌->要補返捐失->加租!
租客搬唔走->加租!
租客走人->加下一手租! 一定有人租!
5. 歷史長河 2015-12-15 12:55:28
博士應該是將股票賣走(388?)買入豪宅(紅山?)而唔使問銀行借錢的後者、智者、強者。
6. 打工仔 Andy 2015-12-15 13:04:07
長河兄

飯聚時博士咪講左囉! 你無聽書, 哈哈!
7. 跌打佬 2015-12-15 13:06:12
如果價格相近, 當然新好過舊

發展商推新盤, 又有折扣, 又有高成數按揭, 當然非常吸引, 但是新樓一般樓花期2-3年, 加上物業管理費比半新樓舊樓高出一大截, 這點亦是需要注意


8. 歷史長河 2015-12-15 13:06:59
打工兄,我個白話........哈哈!

話時話,忽然唸及里度好耐冇人談及中指造假及成交太低冇代表性啦,真係此一時彼一時也!
9. 打工仔 Andy 2015-12-15 13:13:02
呢個係高深嘅學問喎。
10. 神祈小子 2015-12-15 13:43:08
有時持有兩個物業要睇時勢,如形勢明知樓價會下行將二手樓愈早賣出方為上策,新樓當然也因市況有所下跌,但長遠兩者差距明顯,新樓無論升值或轉手都有優勢,淨係輸管理費貴(元朗世X要$3.9呎)。
11. yyfan 2015-12-15 14:37:54
問題有的地方根本無新供應,試過某一心儀屋苑要等三年幾先有人肯放
12. CD ROM 2015-12-15 18:22:50
同意yyfan兄, 香港仲有好多地方, 根本無一二手同價呢支歌仔唱..............
13. onclerkclerk 2015-12-16 05:31:08
毎次買新樓都不舍得把舊樓賣掉,有感情,所以樓越积越多,當儲蓄。