主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 35087    回應 : 12
文亮語
羽毛球
 
湯文亮博士
紀惠集團行政總裁
2015年12月4日

  點解講羽毛球,因為剛剛收到馬來西亞電話,話已經替我約好了李宗偉12月29日在吉隆坡打羽毛球,今次大鑊,我隨便講講,馬來西亞方面又做到,連林丹同諶龍都唔夠李宗偉打,執波都嫌我慢,今次我衰多口,話說世紀21楊官華賣馬來西亞物業,又賣得唔錯,邀請我在12月27日至30日隨VIP團出發,問我要什麼報酬,我話,錢我還有多少,夠使夠用,除非叫到李宗偉同我打羽毛球,誰不知,楊官華真的做到,不過,有時就要講運程,負責聯絡的馬來西亞拿督話,李宗偉接連擊敗林丹和諶龍,現在目標是明年巴西奧運,心情甚靚,佢都未講完就立刻應承,仲話打完羽毛球一起晩飯,我現在騎上虎背,一於今晚入體院練波。

  明年的巴西奧運,國家隊羽毛球總教練李永波就最頭痛,因為他知道,中國隊有可能一個金牌也拿不到。

  男單:雖然有雙天,林丹和諶龍,很大機會不敵至尊李宗偉。

  女單:西班牙,泰國,日本,台灣,甚至印度,全部都可以贏李雪苪,王適嫺,尤其是西班牙馬
蓮,中國這面金牌危危乎。

  男雙:此非中國隊強項,有獎牌已經是Bonus。

  女雙:這本來是中國強項,可惜南韓出了一對新人,明年奧運金牌,非她們莫屬。

  混雙:可勝不穩,南韓李龍大那對很強,張楠,趙雲蕾都有機會,可勝不穩。

  李永波如果有睇今晚夜話,一定心都實晒,不過,大家又不用傷心,我認為李永波有心鬆章,如果再攞大部份金牌,羽毛球項目將會被剔出奧運項目,權衡輕重,放棄一屆亦是值得的。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. Desmond 2015-12-04 10:43:05
萬一博士打敗李宗偉,請儘快向網友報喜。
2. 傻瓜 2015-12-04 12:07:02
唯一可能是李宗偉用乒乓球拍同博士對打或者會有可能贏
3. 歷史長河 2015-12-04 12:18:53
博士,唔好對李宗偉手下留情。犯我中華者,雖遠必誅。

事成之後,請加入國家隊,為國爭光!加油。
4. To 3F 2015-12-04 12:22:14
你好可愛呀 !
5. ming 2015-12-04 13:10:32
一般業餘羽毛球者, 如果有正規操練既, 都可以成爲, 業餘羽毛球中等水平球手
業餘羽毛球球手之中一些頂尖水平既一般都嬴多敗小,但是如果遇到些全職球手
如省隊球手便一定輸,係無得打個種,  那些頂尖水平既省隊球手便選入國家隊,
國家隊頂尖水平既會在世界排名看到.
6. 執球 2015-12-04 14:01:51
博士知形勢又幽默,睇完笑左!李永波鬆完章,可以被人鬆。
7. LYC 2015-12-04 15:12:21
請問這場比賽電視有冇直播睇?
8. 歷史長河 2015-12-04 15:18:51
應該有,地產網一眾粉絲翹首以盼!
9. 路人甲 2015-12-04 16:05:50

博士好野!

嚟一招 '' 屳波'' 網邊屳佢, 殺個措手不及!! 哈哈... 
世界級什麼波都接到拉, 不過,在輕敵情況下, 可能可以反勝, 加油! 為香港加油! 

講到底, 只要有體育精神!! 勝敗又如何!!?

10. Msk 2015-12-04 17:16:57
博士雖穩操勝券,但千萬不可輕敵呀!
11. 魚蛋仔 2015-12-04 17:37:28
博士加油!我們支持你!
12. 千山独行 2015-12-05 06:01:32
博士可否抽空在文章内分折房協的雋悦对用家的利敞 懇请赐教 静候高見