地產博客 > 文亮語 返回
瀏覽人次:40485    回應:27
文亮語
地產商的狠,巿民的穩
 
湯文亮博士
紀惠集團行政總裁
2015年11月26日

  當二手樓市道低迷,新樓盤銷售無以為繼,而且又近年尾,絕非是賣樓的時間,長實毅然開出元朗新樓盤,我唔敢講是否狠狠劈價,不過,樓價比同區十年樓齡的二手樓低一成,立即是全城焦點,吸盡所有購買力,二手樓銷售更加低迷不在話下,其他新樓盤亦受到一定影響,我見到這個情況,認為香港物業市場大局已定,市民知道等,知道忍,絕對不會以創新高價買二手細價樓,只會穩穩陣陣等地產商狠狠劈價的新樓盤,樓市將會健康發展,問題只是今次買不到該新樓盤的人會不會忍,耐心等待另外一個新樓盤,而非追價買同區二手細價樓。

  在年初的時候,其實這個情況已經出現,有新樓盤以同區二手細價樓出售,但當時購買力強勁,新樓盤往往以超額幾十倍認購,能夠買到合理售價新樓的人其實不多,不少人願意付同樣樓價轉買同區二手細價樓,他們的解釋是能夠買到新樓的機會相當渺茫,所以買二手細價樓,我明白那些人的心態,除了機會渺茫外,最主要的是他們並不信任政府能夠做到市場所需要的供應量,我當時寫了一篇新文章,表示新樓將會愈賣愈平,有心買樓上車的人不妨耐心等待,無謂浪費彈藥,如果心急上車,而新樓又愈賣愈平,他們將會是今年的樓市大輸家。

  現在打算買樓的人懂得忍,對於那些要價太高的二手細價樓不屑一顧,不過,大部份業主持貨能力甚強,沒有必要低價賣樓,這亦是一個好現象,因為競爭對手減少,有需要賣樓的業主只要將售價降低,便有很大機會將物業賣走,正是各取所需,物業市場將會向正確方向發展,政府官員終於可以舒一口氣。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 笑啖渴飲 2015-11-26 09:16:44
部份業主持貨能力甚強,沒有必要低價賣樓,這亦是一個好現象,因為競爭對手減少,有需要賣樓的業主只要將售價降低,便有很大機會將物業賣走,正是各取所需

博士講得有道理, 小子非常認同! 而且成交少, 價格上落波幅更大, 樓價更容易跌落去

2. 貴公子 2015-11-26 09:28:41
有時候買新樓, 都要靠運氣, 今朝睇新聞, 入伙半年多的新盤, 主人房牆身每逢落雨滲水, 兩次維修仍然係咁!
3. dzodzo 2015-11-26 10:41:56
一分錢一分貨而已

荃灣七八千蚊呎賣俾你, 不能要求太多
4. 真真薯片 2015-11-26 10:55:51
超人荃灣盤, 康城盤都係一Q清, 今次元郎盤指標性相當高, 大家買定花生
5. 元朗居民 2015-11-26 11:48:28
長實早前講元朗新盤本區入票佔 3成 , 外區7成 , 連本區客都唔係好吼就知個盤環境麻麻 , 側面有2座公屋同時起緊 , 前面同樂街係出名有黃色企街 , 只有外區客唔係好知 , 我相信地產代理亦不會特意提醒買家 , Good Luck !
6. 大寶二寶 2015-11-26 12:07:35
回樓上,

此所以呢個盤真實開價唔平囉,咪等你地以為真係有平嘢執。

共執之,哈哈!
7. 2011年開始 2015-11-26 12:11:03
同意大寶二寶兄,世宙吾平.峻巒更貴.
8. 如是 2015-11-26 12:57:38

報章話世宙暫時不會加推單位,換言之,賣完560伙會停一停。

會唔會下一批即減?共睇之。

9. 大寶二寶 2015-11-26 13:10:16
回8 如是兄

從來銷售策略都係加上去或者照原價加推。如果新一批加推要減價,個個會諗愈賣愈平,嚟緊仲有人買? 負責果個即時人頭落地, 代表開錯價,以後唔使撈呢行喇。除非有彩色天鵝喇!


10. 望東樓 2015-11-26 13:20:36
如是君,
我估如果佢自稱會停一停咁即係下月水好可能會仲平啲。因為佢如果而家出張更平嘅價單,咁呢水溫呀壽買呀?調轉頭假如下張單係貴啲,佢應該而家會出,話俾人聽:嗱嗱嗱唔買就遲啲仲貴。
11. 如是