主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 46537    回應 : 202
文亮語
狹路相逢狠者勝
 
湯文亮博士
紀惠集團行政總裁
2015年11月22日

       在剛過去星期五,星期六,有兩個大型講座,我要認真準備,所以沒有新的地產評論文章,今早,又開始寫,我相信令大家最關心就是兩大地產商在元朗的新樓盤同時開賣,幾日前已經有記者問我,今次兩大地產商新盤對壘,誰會是贏家,我話,在物業投資者口訣中有「等、忍、狠」,今次,他們也算得是狹路相逢,我認為將會是狠者勝,何謂狠,就是行到最後一步,對方有很大機會退讓,最低限度都不會硬拼。

      今次長實先出價,老趙的確狠,以低同區十年樓齡一成的樓價開售,一般人想也想不到,不過,老趙狠得有道理,因為在同區,長實沒有大型新樓盤,即是沒有心理包袱,可以狠得起,反觀對手,因為同區有大型新樓盤,而該樓盤呎價是高於長實新樓盤,所以遲遲未敢為新樓盤開價,如果開得太低,一定會對已售樓盤有影響,太高則會為長實托價,將市場上購買力送給長實,所以,開價的確有些猶疑,不過,我相信仍然會以低價開售,但單位質素不會太好,而且數量不多,但會符合要求,大家拭目以待。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 2011年開始 2015-11-22 10:34:29
實地睇過地盆,属于舊區新樓,附近環景麻麻,適合上車人士,朗屏站附近還有華懋及信和嘉華的朗8,多數不會開得平過長江.
2. 自我陶醉 2015-11-22 10:39:15
但係盲好話人地唔係猶豫,係睇好後市,又唔等錢使,所以唔急住賣喎! 會唔會等長實1Q清枱先出手呢? 真係拭目以待!
3. 元朗友 2015-11-22 11:24:45
世宙前面的同樂街日夜都有十個八個企街 , 世宙地盤內也有兩座公營房屋一齊起緊 , 當然發展商會隻字不提 , 最好去現場實地觀察做ㄧ個精明消費者、唔好入伙先後悔!
4. 打工仔 Andy 2015-11-22 11:43:50
自醉兄早晨

我地好友都唔係盲目睇好, 現在樓市經新樓減價促消後, 二手的購買力的確下降不少! 
好友現在去下旅行, 吃渴玩樂下, 都幾好呀! 

共等之


5. 自我陶醉 2015-11-22 12:09:39
打工兄,我都唔係話你, 我話嗰啲無論個市發生緊咩,結論都係樓價會升嘅盲好,即係口盲心盲嗰啲, 你口盲心醒,唔好爭住認喎! 呵呵!

6. 引刀一快 2015-11-22 12:16:11
打工仔兄

你咁嘅講法似乎有點偏頗,“去下旅行, 吃渴玩樂下,”呢D嘢邊個唔得喞?自我陶醉兄長年都有得玩喇,係要“好友”先有條件做咩?
7. 自我陶醉 2015-11-22 12:18:39
原來我舊年4月出嗰篇文仲未out, 等聯儲局12月揭盅後先再update吓最新情況!


14. 自我陶醉 2014-04-24 12:36:59

樓價來自本土經濟, 由於香港係外向型經濟體, 在分析樓價去向前, 必須認清當前環球特別是中美之局勢。

自從08年美國金融海嘯, 各國以超大規模的量寬試圖挽救經濟, 但從歐美經濟及就業復甦之緩慢及通脹長期偏低看來, 他們距離真正復甦還有漫長的路要走 , 在另一邊廂, 量寬已導致亞洲多國出現不同程度之金融及資產泡沫。 在商品及債券方面, 眼見通脹無望, 退市在即, 黃金、 美債、 以至一眾商品泡沫已相繼爆破, 對於一些有領先性的經濟活動指標, 如波羅的海乾散貨指數和黃銅價格, 近月都創出近年新低, 這都說明現今之經濟改善只是一個假象, 都屬鏡花水月而已。 至於還未爆破的歐美股市, 及香港樓市, 個人認為問題不在於泡沫會否爆破, 而是在於何時爆破。

很多網友說現時樓市是由剛性需求帶動, 並不存在泡沫。 這點我絕不同意, 因為樓價上升幅度早已脫離市民實質收入增長。 各國大規模的量寬令利率處於極不合理之水平, 形成你們所說的positive carry, 便是造就今天樓市泡沫的主因, 當利率正常化後, 樓市的投資及投機需求亦會隨之減退。

還有幾點各位必須攪清楚:
1. 耶倫從沒說過2016才加息, 她只是以估計就業要2016才回復正常水平引導市場這樣去想, 試圖淡化早前說2015加息之言論, 這並不代表她立場真正改變。 本人並不看好美國經濟, 但認為美國不可能到2016才加息, 原因有兩個:

i. 現時的低利率, 對就業之幫助極為有限, 沒錯他們的失業率的確從9%以上減了3個百分點, 可是他們的勞工參與率 (Labor Force Participation Rate) 也同樣從66%以上降至63%, 同樣下跌3%, 這表示就業率沒有根本改善, 只是想找工作的人減少, 令失業率下跌。 所以他們心底裡都很清楚所謂之經濟復甦只是為市場營造的假象。
Ref: http://data.bls.gov/timeseries/LNS11300000

ii. 延遲加息既無法帶動就業, 亦會大大增加他們的滯脹風險, 對他們來說這比起單單失業率偏高更可怕百倍。

2. 之前C觀點所提之美國戰後嬰兒潮, 有些深層問題他沒有帶出, 由於那些人已屆退休之齡,開始提取退休金, 這會對股市及當地政府之退休褔利做成負面影響, 亦可能成為股泡及更多地方債爆破之導火線。

3. 自上年開始, 中國已不斷進行正回購, 抽走市場多餘資金, 配合了領導門反貪腐之決心, 國內部份地區之資產泡沫已開始爆破, 情況不容忽視。

在中美經濟都不容樂觀的情況下, 本港樓市還可以有多大上升動力呢? 所以我依然維持樓市會在2015減息前後見頂的看法。

8. 打工仔 Andy 2015-11-22 12:25:11
引刀兄
你講得好岩! 
你何時到京都玩呀?
9. 打工仔 Andy 2015-11-22 12:26:07
自醉兄

多謝分享! 
10. 如是 2015-11-22 12:34:05

兩大盤萬人空巷,看來都受到過去升市而唔買的教訓,趁新樓貼市價買番間先。
大跌?都要住啦,更何況博士話最多跌兩三成。
加息?唔會好多,少出街食一餐飯而已。
失業?.......um..冇諗過!


11. 引刀一快 2015-11-22 12:34:40
To 5樓 自我陶醉兄

所謂“口盲心醒”同“口盲心盲”最大區別,就係依傢會唔會入貨囉。

BTW,其實話人“口盲心醒”,係咪繼續暗示“口是心非”?

係咁嘅話,我鐘意盲好多D喎。
12. 引刀一快 2015-11-22 12:37:08
長河san

千祁咪對號入座呀,你咁精仔,絕對係“口醒心醒樣樣醒”!

頒個醒目仔獎章你先!
13. 自我陶醉 2015-11-22 12:44:46
11樓 引刀兄,

用“口是心非”有啲負面,可能佢哋係我失散已久嘅兄弟, 佢個名叫“自我麻醉”。呵呵!
14. 西門吹雪 2015-11-22 13:05:25
自醉兄分享的文章係4月出?
咁真係快人一步。當時股市升到巴巴聲,我仲以為得博士夠膽話跌。

刀兄,打工兄話去旅行,者係話"無眼睇,有佢跌,反正佢大把可以承受任何情況"咁解。所以自醉先話佢口盲心吾盲。其實我一路覺得打工兄係hope for best and prepare for the worst 既人。絕對比盲好聰明多了亦更有實力。
15. 打工仔 Andy 2015-11-22 13:16:41
引刀兄

我都係隨口嗌, 不要太認真! 哈哈!
16. 打工仔 Andy 2015-11-22 13:18:38
自醉兄

自我麻醉跟自我盲目是否一樣! 哈哈!
17. 自我陶醉 2015-11-22 13:36:45
回16樓 打工兄

好唔同, 要自我麻醉都算係怕痛,有知覺嘅正常人,高過自我盲目好多㗎!  其實,最緊要唔係存有害人之心,老點人高位同佢接貨就冇問題。 
18. 向飯民說不 2015-11-22 14:25:17
自醉兄拿了4月份的報道,但是自醉兄卻看不到臨近的深圳在過去一年新樓升幅度達到40%,香港的鄰居樓價尺價開始超越香港。以前只是lump sum 因為大陸樓,一般面積比較大,現在連尺價也開始追上香港。
看來香港變成深圳人的後花園只是時間問題。
19. 打工仔 Andy 2015-11-22 14:27:58
自醉兄

所言甚是! 
20. 自我陶醉 2015-11-22 14:50:01
回14樓 Simon1兄,

你誤會了,嗰篇文唔係今年寫的,而係上年2014年寫, 當時仲估CCL升到2015年中,最多去到143就回頭,點知要到146幾先有見頂跡象,有啲走眼。
21. 向飯民說不 2015-11-22 14:56:25
發展商正利用代理回贈BSD and DSD, 在一次證明這些稅項最終都系香港人比。
22. 西門吹雪 2015-11-22 15:44:35
自醉兄,143 同146差吾得幾多。真高人也!
小弟拜服
23. 歷史長河 2015-11-22 16:33:22
自醉兄勁過博士,佩服佩服,竟然連2015年減息都看到了,再佩服佩服。
24. 歷史長河 2015-11-22 17:34:57
打工仔兄,  2011兄,師兄們所言甚是,哈哈!
刀兄,師兄所言也甚是,哈哈!
陶醉兄,師兄所言極甚是,哈哈!
元朗友兄,師兄所言真甚是,哈哈!
如是兄,師兄所言如甚是,哈哈!
向飯兄,師兄所言非常甚是,哈哈!
Simon 兄,師兄所言絕對甚是,哈哈!

共甚之,哈哈呵呵嘻嘻!

25. Oscar Lam 2015-11-22 18:52:50
回7 自醉兄,

你對经济和利率的分析很有見地!
26. 打工仔 Andy 2015-11-22 18:56:48
長河兄

你今日好開心喎! 
27. 愁死我 2015-11-22 19:07:53
這兩年儲返點錢,想上車,想入1500-2000萬的樓,睇過好多樓,依家都話要跌2-3成,向業主還20%,業主都唔肯賣,如果市價入貨,一年後,冇著2成即係3-400萬,想想都驚,如果等兩年,唔知會點,愁啊,真主
28. 珍惜香港 2015-11-22 20:45:50
珍惜香港

話說,今年年頭,我响回覆亮劍兄嘅最後,寫咗呢一句:

大勢所趨,總要發生;成敗得失,不在朝夕

跟手,就發生連轟三傻,同細價樓爆煲論事件,當中,我亦多次引用到呢一句。直至三月初,我先至再詳細去解釋,當時寫出呢一句嘅心態。今日,CCL 响破頂唔入數,破底照入嘅新計法之下,跌咗 3.X%,同時呢,全城出盡力唱淡,响本地消費,依然強勁之下,都要搞到個社會氣氛,好似沙士重臨咁。

有啲嘢,我唔想講到明,費事俾人話我,破壞唔知邊個嘅好事。不過坦白講,呢種做法,我不敢苟同,都喺果句啦,行直線,講真話,從來都唔喺問題;玩曲線,同玩火冇分別!今日,見到呢個回應箱嘅言論,我只能夠同大家講,拭目以待,同埋,再贈各位一句:

大勢所趨,總要發生;成敗得失,不在朝夕!

幾日前,亮劍兄話自己衰咗,年頭估個樓市先升後回,尤其喺新界細樓,起碼要回番 5~8%,點知個 CCL,只喺跌咗 3.X% 咋。吓?咁都叫衰咗?其實,我都認為亮劍兄,真喺衰咗,但唔喺差果幾多 % 嘅數字問題,而喺佢預測回跌嘅背後原因,唔正確。至於,真正嘅背後原因喺乜,都喺果句,費事講到明,哈哈!

好多人,只喺執著預測嘅準確性,但又唔去睇清楚,果啲所謂預測,究竟喺憑乜嘢理據推出嚟。而我呢,就從來唔鍾意晒預測,只會將我認知嘅事實、體會,同大家分享。記得兩年前,有位署名寄生虫嘅回應者話,個樓市不嬲都喺一手賣家玩哂,二手賣家都喺睇一手賣家出價而定價。跟住我就回覆佢:邊個話二手一定要參考一手?邊個話一手唔會參考二手?大家都喺响度睇緊個市場可以承受幾多,呢樣嘢喺好互動,唔喺咁單方面嘅!

今日有人話,發展商貼住,甚至低過二手出價喎。咦?我兩年前嘅「預測」,咪即喺應驗咗?哈哈哈!

講真,我呢兩年半以嚟,寫咗咁多長嘢,當中,唔知有幾多個算喺「預測」呢?唔知有幾多個準?又唔知有幾多個唔準?唉!有乜所謂?

以前,二手買賣流量大於一手,個別業主定價,跟一手價平少少去貨,喺當時嘅常態。依家呢?二手成交量超低,成交價就反映咗市場購買力嘅上限,所以發展商,自然要睇住呢個上限出價。原來,香港嘅樓市,就好似環球經濟咁,已經不知不覺,進入咗一個「新常態」啦!

今時,真喺唔同往日,我成日都話,仲用埋哂啲舊嘅思維去諗嘢,已經不合時宜。既然喺因為樓市,結構上嘅轉變,而令到發展商貼住,甚至低過二手出價,咁我地就唔可以因為呢個「常態」嘅轉變,就斷言樓市轉角,唔轉角呢,就喊哂口咁話,唔合理、唔正常囉!

總之,都喺果句:

大勢所趨,總要發生;成敗得失,不在朝夕!
29. 大寶二寶 2015-11-22 21:46:36
今年來,我字典內加多十個字 :

[天地有正氣,唔要聽歪理]

共勉之,哈哈!
30. 西門吹雪 2015-11-22 21:56:47
我已經好耐無睇珍港兄既留言。。。原因可能因為我程度低吧,總是看吾明。

今次看到 
大勢所趨,總要發生;成敗得失,不在朝夕!

心底內萬分認同。雖然內容依然吾明。但係呢句好肯定是對的。估吾到呢度真係咁多高手!!
31. 神算 2015-11-22 22:08:23
珍惜兄,

感覺上你講到個市好似比人屈咁,不過唔係屈上就係屈落,也很合理吧。個市冷靜一下,反而避免太多盲目入市嘅人。有能力及有需要嘅,適當時候就會再入市,何用太多金科玉律呢?
32. 打工仔 Andy 2015-11-22 22:22:34
珍惜兄

我也十分認同"出口説真話, 出手做實事" 現在樓市十分亂, 小弟每日讀報紙關於樓市文章少則5.6篇, 多則十幾二十篇, 可能也不算多!
但發現差不多9成文章都在唱淡未來樓市。

當然其理據大家都清楚,不用多說, 但我自已覺得就算樓市要回調, 也不會多於10%, 點解? 睇睇内地經濟,講差但都要保6%增長,
美国加息? 加多少少都係平息, 全球QE未停! 

話說回頭, 本港的大型基建在未來幾年會落成, 對本地經濟會有帶動, 所以只要沒有過份借贷者,根本十分安全!

共勉之

33. 打工仔 Andy 2015-11-22 22:29:36
Simon 1 兄

因為小弟以前試過輸到 pk, 所以現在無論升升跌跌都係平常心面對! 哈哈!

共勉之
34. 歷史長河 2015-11-22 22:50:53
知我者,謂我心憂;不知我者,謂我何求。
35. 覺醒 2015-11-22 23:19:07
市場開始知道二手是壓不下去,原因是通通貨澎脹引發的效應,雖然一手發展商有少少退一步,但其實平少少開盤,正是再一次引發另一次爆發,像當年環宇海灣一開即時見㡳反彈一樣,發展商做法十分聰明,相信這盤一開,市況再次轉升。
36. 覺醒 2015-11-22 23:25:52
To 32/F 
能有打工仔兄的目光者為小數,所以賭樓市大跌者最後只會輸到返唔到身。大家拭目以待。
37. 自我陶醉 2015-11-22 23:31:24
喺新常態下,真係冇得跌,唔係迫害,一定係幻覺,跌嗰少少,真係唔洗咁快喊哂口咁話,唔合理、唔正常喎!睇長……線加嘛!

共睇知,呵呵!
38. 珍惜香港 2015-11-23 04:59:24
珍惜香港TO:31/F 神算

其實樓市,喺唔喺被屈,我一啲都唔關心。坦白講,我從來都唔睇 CCL,你任何時刻,問 CCL 幾多呢,我喺答唔到你。至於果啲 3.X% 之類嘅數字,都喺引用其他回應者嘅內容,信佢地囉!

我之所以重提年頭舊事,喺想大家回顧一下。當日細價樓急升,令到無論好友淡友,都心緒不寧,擔心政府出招,個個禮拜,喺咁盯住個 CCL,搞到好似倒數咁,何必呢?結果今年發生咗乜事,唔使多講。

每當人心異動,就會有事情發生。

今日,個社會氣氛,真喺好差,好多人,愁眉苦臉,都唔知為乜。問佢地,香港嘅經濟,好差咩?聽聞喺喎!差响邊度?唔知噃!零售、旅遊業呱?哦,再問下佢地,自己嘅生意差咗好多?唔算吖?自己份工危危乎?又唔喺吖?不過話說,個市真喺好差嘛!咁,邊個市好差?差响邊?答唔出。FINE,就當個唔知乜市好差,咁關你乜事?又答唔出。

原來,依家啲人話愁,根本就唔知道,自己愁啲乜!

價,始終喺由人定出嚟,所以,我從來都只喺話樓市堅固,但冇話過樓價冇得跌。有啲人,見個市郁果少少,就大造文章,呢樣我都唔介意。我最介意喺,明明香港嘅經濟,冇乜大礙,點解要搞到個社會氣氛,好似沙士重臨咁?好好玩咩?人地量力而為,又有需要,邊個位上車,關我地乜事?咁八卦人地啱唔啱位入貨,又唔見關心一下,有冇人因誤受社會氣氛嘅影響,錯判形勢,响事業上、生意上,作出咗錯誤嘅決定?

點解,為咗要影響大眾買唔買樓,呢啲咁個人嘅決定,就不惜犧牲獅子山下,一群默默耕耘嘅血汗一族?

我重提,所謂嘅金科玉律,閣下以為我著眼樓市,而 Simon 兄亦唔太明白。咁我就將三月初份補充,裡面嘅一小段抄番出嚟,或者會容易啲理解:

「勢之所趨,要嚟嘅,始終要嚟,而我地每一個人,亦有權基於本身嘅唔同情況,就住大勢,作出自己嘅選擇。成與敗,得與失,可能只喺遲早嘅問題,何必執著去爭一日之長短?我地擁有嘅一切,喺多年爭扎求存嘅成果,千祁唔好因為一時氣焰,就間接摧毀咗今日正在爭扎求存者嘅未來。」

而所謂氣焰,唔喺自以為可以預知未來嘅氣焰,而喺自以為可以掌控一切嘅氣焰

真正能夠,掌控一切嘅,只有神
39. 自我陶醉 2015-11-23 08:08:24
22、23樓 長河兄

千祈唔好咁講,我只係樓市白痴,嚟呢度前連CCL點計都未知,要亮劍兄指點,而且,仲日日向博士學習,惡補成年,先大約知個市發生咁咩。 至於今年加唔加息,都係55波,轉個頭股滙大跌,歐羅插水,又唔洗加㗎喇! 加定唔加,連耶倫都唔知,何況係我。

共估之,哈哈!

40. 自我陶醉 2015-11-23 08:45:21
30樓 Simon 1 兄

千祈唔好介意,我成日都聽到引刀兄話唔明,而我都同你哋一樣多數都唔明㗎,連打工兄咁高層次都話要睇幾次喇!  

淨係呢個 “新常態唔可以用舊思維”即係點?我諗咗成年都未明喇! 以前仲以為,新常態即係有升冇跌喇,原來今日先知,樓市堅固得嚟,樓價又一樣會跌喎! 咁即係同以前一樣有升有跌? 定有跌冇升呢? 唉! 怕且仲要參詳多三五七年先會明咩係新常態。

不過,今次呢句 “大勢所趨,總要發生;成敗得失,不在朝夕!”, 又真係大衆化好多,無論睇升定睇跌都啱用,到時開邊瓣都一定中!

諗深一層,其實唔明先係正常,人哋係PI喎, 同我梗係唔同層次喇!  邊有咁易明呀!真係要多多學習,多多學習!

41. 歷史長河 2015-11-23 08:47:28
陶醉愛珍港真是路人皆知,哈哈!

Have a nice day all!
42. 如是 2015-11-23 09:06:41

自我陶醉兄,PI 係唔係命理大師?趨勢不可違,天命不可違!

古書云:

    易曰。天道虧盈而益謙。地道變盈而流謙。鬼神害盈而福謙。人道惡盈而好謙。

    六祖說。一切福田。不離方寸。從心而覓。感無不通。


43. DSY 2015-11-23 09:40:32

大戶心懷鬼胎,小民人云亦云,就是現在市場的代表!有因終有果。

TO 27

我今年都入左差不多價錢的單位,業主價硬過條鐵。珍港師兄講的非常接地氣,你可以參考下。有機會尋到便宜貨的應該是非常細價樓,且多單位的地區(如天水圍,沙一),或者是30年以上舊樓,因並不在小妹考慮範圍,所以決定不再等“有可能”的減價(仲要比你買的到),選擇早上會,享受“一定”的低息。按按計算器便知,頭幾年多還點本金是非常划算的!

44. 自我陶醉 2015-11-23 09:52:18
回如是兄

我都唔多識咩係PI,總之係好嘢,小弟只知係玄之又玄,有緣則圓,無緣則泫,睇極未完,睇完暈眩,諗完更眩,皆因小弟無緣是也。
45. 史路比 2015-11-23 10:06:38
小弟曾在元朗住過20年,覺得長實個位幾好,比yoho之前幾期都好,走去朗屏站應該是7分鐘內,樓下大把野食,開車的可以2邊走,唔錯。
46. 向飯民說不 2015-11-23 10:52:01
樓上,最重要是有北姑chicken食。
47. 神算 2015-11-23 11:00:23
珍港兄,

抱歉未能記住閣下所有評論,人老了,讀寫能力及記憶力下降,哈哈!

閣下冀為機構投資者,應對市場趨勢更有前瞻,不會只看已發生事物吧。小弟作為美資公司管理層,每月看到各樣分析報告也正如你所講心緒不寧,可能是小弟多慮吧。

還有這個壇是討論地產,如果唔講樓市升跌,何需喺呢度吹水?
48. 自我陶醉 2015-11-23 11:24:54
回18樓向飯兄,

如果小弟無理解錯,閣下嘅論點係深圳嘅泡沫如果大了10吋,港樓無可能只大5吋,最少都應該有8吋。但有否想過,其實香港的泡沫一直都是比深圳大,現在它只是追回失地而已。

從宏觀因素看,深圳樓近年大升,不外乎以下原因:
1. 09年4萬億刺激方案,引發投機及高通脹
2. 最低和人均工資大幅上升
3. 受深圳前海發展帶動
4. 國內生產力及競爭力提升
5. 國民缺乏投資渠道

反觀香港,我們只是一個吸二手煙的煙民,一是靠大陸遊資推動,二是靠美國放水,當美國收水,大陸經濟下滑,並加強打激資金外流,香港當然是首當其衝,加上內耗不斷,在資源和人才上缺乏長遠競爭力和增長動力,工資水平升幅遠低於深圳,而且,港資流動不受管制,投資渠道多不勝數,兩地房價自然背道而馳。

不知兄台知否,在上海市區地段的中產房價,不少已升越千萬,深圳只是急起直追而已, 因此,觀乎兩地之發展方向,並計及日後增長動力,深圳樓價追上香港,甚或比香港更貴,是大勢所趨,只是時間問題而已,不足為奇。 
49. 引刀一快 2015-11-23 11:32:51
自我陶醉兄

深圳樓市大漲加多一條:

有“消息”指,深圳有可能升格為直轄市,所以個個都撲過去搶位。
50. 珍惜香港 2015-11-23 11:59:00
珍惜香港

TO:42/F 如是

閣下兩道古書,到位之處,絕非等閒。

唔使扮傻啦,哈哈哈!

TO:47/F 神算

呢度喺地產網,當然以討論地產、樓市為主。樓市同經濟,息息相關,討論範圍可以好廣,至於樓價,只喺冰山一角。不過,樓價既然喺熱門議題,大家關心樓價,亦可以理解,但不宜過份聚焦。

樓市升跌,喺由一系列已知及未知嘅因,組合而成嘅果。過份聚焦果,而忽視因,會造就太多盲點,令人迷失。
51. 安全駕驶 2015-11-23 13:04:56

51/F Simon1兄,

按你所說,閣下認為1113會為16做勢,使16之收益更大?

如果是真的,請指教1113會有可益處?

53. 望東樓 2015-11-23 13:31:31
雖然我唔同意西門兄講嘅嘢,但理論上係可行嘅。比方話:老趙,你元朗放我一馬,我將軍澳就隱形一年。咁當要做到好隱晦啦。
54. 西門吹雪 2015-11-23 13:56:00

PN兄對極~應該係我諗多左~已經刪掉~~

ADMIN大人,52都唔駛POST了~謝~

55. 向饭民说不 2015-11-23 15:33:19
今次区选证明了,上年百万人反占中,并无夸大。第二港大民意调查报告肯定是被渗透,收买,扭曲民意,不但欺骗了全香港人,还欺骗了饭民自己,所以这个调查报告 is bull shit。难怪港大世界排名一年差过一年。
56. CD ROM 2015-11-23 17:15:54
刀兄, "直轄市"一說我也略有所聞. 有d消息人仕表示, 深圳會因此擴張版圖tim wor~~~

討論既焦點, 已經變左做 "那裡是新深圳???" ~~~
57. 引刀一快 2015-11-23 21:35:07
CD ROM兄

呢點真係難講,睇勢頭似惠州,但係論發展就東莞有利。

上年年底我師弟話深圳邊皮三個新盤,一日賣50億,似乎就係消息市。
58. 打工仔 Andy 2015-11-23 22:07:16
引刀兄

小弟近排上左東莞兩次, 全新樓盘只需一千多元一尺, 十分抵買! 不過其生活水平只是20年前的深圳, 大把地可以發展!
59. 向饭民说不 2015-11-23 22:59:51

引刀,转钛啦?不过深圳已经成为中国的矽谷啦。楼价贵当然有道理。

不过如果东莞,惠州并入深圳,那边天量供应,对楼价的是什么影响,真的不知道。

60. 向饭民说不 2015-11-23 23:10:34
惠州和东莞并入深圳,主要压力肯定系来自广东政府。如果这两个地方并入深圳,深圳变成"直轄市",广东省的财政收入肯定小一大部分。广东省的实力肯定下跌不少。
61. 向饭民说不 2015-11-23 23:22:27

饭民和毒果真系垃圾,最仲意断章取义,自欺欺人。今次区议会的选举,基本上系全民普选。虽然激进伞兵大胜。

但是饭民还不知道今次选举,其实是饭民大败,以前相信选民基础上6比4。饭民6,而建制系4. 但是今次选举倒转了,建制系6,饭民变成4. 如果没有其他变数,以建制派的配票能力,下次选举估计可以拿到决定性的选票。

62. 引刀一快 2015-11-23 23:57:20
To  58樓 打工仔兄

係咪一方呀?定係一平方英呎先?千幾蚊一方係6年前嘅山旮旯價位,09年雅居樂有宣傳過花都天涯海角咁遠嘅樓盤1500人仔“起”。
63. 引刀一快 2015-11-24 00:01:39
向飯

我唔知你講緊乜呔喎,深圳依然係我唔多鍾意嘅地方,不過如果深廣地鐵連通,我又覺得東莞抵買,因爲十分一價錢都唔駛。
64. 打工仔 Andy 2015-11-24 07:09:23
引刀兄

係一萬多元一平方。
65. 自我陶醉 2015-11-24 08:37:26
47/F 神算兄

如果識睇報告同分析,又知道呢個世界發生緊咩嘅,又洗咩做盲好呢?

42/F 講嘅嘢似乎開你嗰瓣多啲喎,唔知同八字會唔會都有咩關係呢? 如果有的話,嗰啲之前不可一世,話要加租加到人瞓街嘅人,仲有嗰啲唔鍾意發災難財,但喜歡襯火打劫、落井下石,成日話自己沙士時劈人價劈到人哋叫苦連天嘅人,又可以有咩下場呢?呵呵!

66. 歷史長河 2015-11-24 09:15:30
陶醉兄,

[如果識睇報告同分析,又知道呢個世界發生緊咩嘅,又洗咩做盲好呢?]

尼句如果咁講是否也對?

[如果識睇報告同分析,又知道呢個世界發生緊咩嘅,又洗咩做盲淡呢?]

風物長宜放眼量!

67. DSY 2015-11-24 09:41:47

關注政策新聞而忽略數據資料分析,可導致差之毫釐謬以千里;

同樣的,關注數據資料分析而不放眼全域,只能是一葉障目而不見泰山!

68. 引刀一快 2015-11-24 09:42:38
To 66樓 長河san

依傢世界發生緊嘅事,同埋報告与分析,正係向淡,明係向淡,盲咩?

有向好嘅消息、資料、論據,不妨提出,單單耍嘴皮,冇意思。
69. 自我陶醉 2015-11-24 09:52:03
長河兄

當然可以喇,問題唔在於好定淡,而在於個盲字。不過,話雖如此,如果某些人,淨係睇三個字,就開始無限幻想,無限擴大,就以為自己識分析嘅人另計。

邊三個字? 咪“新乜乜”, 同“負乜乜”囉!

以下係我之前嘅發言,盲好同盲淡都啱睇㗎,你有興趣可以慢慢參詳:

9. 自我陶醉 2015-11-06 12:37:31
講到投資,可以有四類心態,其實大家等嘅嘢都唔同,你又係邊一類?

1. Hope for the best, prepare for the worst.  ~ 等穩守突擊
2. Hope for the best, prepare for the best.  ~ 等運到或等沒頂
3. Hope for the worst, prepare for the worst.  ~ 等世界未日
4. Hope for the worst, prepare for the best.  ~ 等入青山

70. 引刀一快 2015-11-24 09:56:22
To 64樓 打工仔兄

東莞就算靚位都大把二手4-6千一方。
71. 西門吹雪 2015-11-24 10:07:24

其實每個人都有自己立場,有D人手持重貨,當然期望樓市長升長有。無貨既又期望樓市下跌...

可是作為投資者應該放下自己既期望作客觀分析。我一路都講自己期望樓市下跌,但係只要客觀分析就知道樓市現況未係太差,只可以話係輕微向淡。我覺得之後再向上既機會是有的,不過就係唔值得係呢個MOMENT再追入,風險很高。我相信自醉兄既看法與我相近。

72. 歷史長河 2015-11-24 10:09:11
陶醉兄,如果正反講都得,咁我就唔再評論了。口水帖是也!
73. 自我陶醉 2015-11-24 11:20:02
Simon1 兄,

非常同意,由始至終都係值博率嘅問題。樓市轉勢係一個過程,唔係一個點,真係要靜心觀察。不過,有一點可以肯定,已經過份離地嘅資產價升得越高,只會跌得越痛。


長河兄,

真係不枉你將某人啲文章放枕頭底,果然練成語言偽術嘅高超本領。佩服! 佩服!  剛剛先講完重點唔係“好”字,係“盲”字,不如你又試下將“盲”字換第個字喇!


引刀兄,

唔洗咁認真嘅,呢啲係我同鄉“自我麻醉”,再遲啲可能仲會見到“自我催眠”,“自我消失”,“自我毀滅”。呵呵!

74. 珍惜香港 2015-11-24 11:33:05
珍惜香港TO:71/F Simon1

正確嚟講,閣下第一段應該喺咁寫:

手持重貨嘅人,喺唔會希望樓市跌;無貨嘅,就唔會希望樓市升。

兩種寫法,喺有分別,你嘅寫法,只涵蓋投機者,而上面嘅寫法,就涵蓋所有投資、投機者。我喺屬於自醉兄提到果四類心態之中,第一類嘅英文版本,但唔喺中文版本喎,點解?原因,同我話你第一段兩種寫法嘅分別,同出一轍。

Hope for the best,喺為攻;Prepare for the worst,喺為守。

呢個,就喺我多次提及過果種,積極正面嘅投資態度攻,喺以 the best 作部署,所以當然喺 Hope for the best 啦;而 Prepare for the worst 呢,只為最壞嘅情況,作風險準備啫!但喺中文版本,等穩守突擊,就截然不同。等 the worst 先至攻,即喺 Hope for the worst,唔喺 Prepare for the worst,屬投機行為。所以,英、中兩個版本代表嘅,喺兩種完全唔同嘅心態。

真正嘅長線投資者,從來唔會「等」,只喺會「變」
75. 歷史長河 2015-11-24 11:45:23
陶醉兄,連珍港兄大名都唔敢提?

尼幾句best/worst 口號多於實際也!唔知等股災戰述算唔算hope for the worst(股災), prepare for the best(高位出貨)? 
76. 自我陶醉 2015-11-24 12:09:47
長河兄,

你又問錯人喇,語言偽術唔係我強項,我亦從來冇修讀或修煉過,你最好問啲專家啱啲。:p 
77. 歷史長河 2015-11-24 12:30:45
陶醉兄真是全能選手,今日變咗太極高手,哈哈!好,非常之好👌!
78. 望東樓 2015-11-24 12:48:32
hope for the worst(股災), prepare for the best(準備好錢{低}位{入}貨)??
79. 打工仔 Andy 2015-11-24 13:36:47
Simon1 兄

你講得好! 
其實對於樓市前景方向, 始終離不開供求, 購買力及群眾的預期, 利息如果不太高就影响不大, 
所謂各師各法, 要長戰不敗除了個人實力, 也要顧及群眾心態! 
對樓向, 我都係會以長線偏好! 
80. 引刀一快 2015-11-24 14:00:39
To 76樓  自我陶醉兄

人家長河教授係“人口學”專家嚟嘛,有乜口技唔識?語言偽術就閑閑地喇,分分鐘Ron  Jerome 會頒個Oral大帝俾佢添!
81. 西門吹雪 2015-11-24 14:29:35
多謝各位師兄既認同和賜教~小弟0係度真係獲益良多。
82. 自我陶醉 2015-11-24 15:02:11
引刀兄,

人哋兩師徒要互相切磋,表現啲絕技你睇,你咪拍手鼓勵吓囉! 對於我哋呢啲正常人,淨係識hope for the best scenario, prepare for the worst scenario 嘅啫,邊度識玩咁多口技呀! 

共睇之,呵呵!

83. 打工仔 Andy 2015-11-24 17:23:17
自醉兄

我想像你手持一杯美酒, 坐係到搖搖下睇戲! 哈哈哈!
84. 自我陶醉 2015-11-24 17:39:52
回打工兄,

正是!正是!  知我者莫若打工兄了! 唔睇又點知除咗可以扭曲成攻守,由best變worst, worst變best嘅把戲,仲有啲咩花樣呢!  唉! 一打斷台戲,就冇嘢睇嚕! 

共等之,哈哈!



85. 歷史長河 2015-11-24 18:15:38
陶醉大師及引刀教授真乃世外高人,手執美酒,遙睇我地芸芸眾生營營役役,談笑間成就咗人世間各種美事,真是羡煞我地。

願兩位高人:人生得意須盡歡,莫使金樽空對月
86. 神算 2015-11-24 18:33:18
I only know 'Hope for the best' is for the favorable outcome. 每個人睇法唔同,我同意對樓市要靈活變通,但坐貨不代表不是投機! 若你話我知有工具可有效對冲物業,咁又唔同,否則如果冇大量流動資金,都幾大問題。
87. 自我陶醉 2015-11-24 19:21:10
引刀兄,都係你喇! 連長河兄都求其吟兩句詩嚟耍我喇,冇戲睇㖭!

嗱! 成日話要觀摩人啲大作,不如考下你,觀唔觀摩到,人哋點樣用語言偽術將黑變白,啱變錯,有理變歪理呀?

都係認真啲,畀個練習你:

如果我打算喺恒指升1000點,沽100張期指,跌3000點後準備平倉,係咪即係乎合佢Hope for the best, prepare for the worst 嘅投資者定義呢?

用71樓嘅“Y你移暈”大法,解釋吓點解係,唔該。

仲有,要練成神功,記得今晚瞓覺前,呀唔係聽朝瞓覺前先啱,將心法印一份放喺枕頭底喎! 嘿嘿!




88. 自我陶醉 2015-11-24 19:32:51
86樓 神算兄

你諗唔到,證明你係正常人喇! 呢度有好多歪理,都冇人明㗎!
89. 打工仔 Andy 2015-11-24 22:06:15
長河兄

我知道邊到有筍價杯麵買, 搵日我同你一齊去掃杯麵好嗎? 哈哈哈!

共掃之
90. 歷史長河 2015-11-24 22:36:47
多謝,一定要有麵同享!
91. 珍惜香港 2015-11-24 23:18:27
珍惜香港TO:86/F 神算

Hope for the best,prepare for the worst 喺一句 IDIOM(可以參考呢條 LINK),主要喺用嚟表述,一種積極正面嘅人生態度。用响投資、投機領域,其實唔太適合,亦會造成誤導,硬套嘅話,極其量只能用响抗風險呢個部份。

將一句風馬牛不相及嘅 IDIOM,各自表述,冇話邊個啱,邊個錯嘅,所以呢方面,無須太認真。不過,通過唔同回應者嘅表述,亦可以睇得出,每位嘅態度、立場、同著眼點,從而互相學習。要有呢種態度,討論先至有意思。

至於閣下話,坐貨唔代表唔喺投機,呢個當然啦。我話過,好多投資者,都喺一個投資、投機嘅 MIX

物業「投資者」,喺以收租為主,一個「純」物業投資者,對樓價嘅敏感度好低,入貨之後,喺唔會成日睇住個市,只要有租收,懶理你升升跌跌。至於,物業「投機者」,就喺以賺價為主,對樓價嘅敏感度好高,入貨之後,會成日留意住個市,睇下幾時可以高沽。「純」物業投機者,喺抗拒收租,甚至會將物業空置,因為佢地認為,租約啲咁嘢,只會鎖住個物業,令佢地錯失高沽嘅時機。

所以你提到果種,坐貨投機,喺屬於後者。

而閣下講對冲,就令我諗起,响寫緊環球經濟新常態之續果陣,有人亦提出過一條問題。佢問,有冇投資工具,最能對冲樓市大跌?呢個人,應該唔會就喺閣下呱?哈哈哈!

果次,我喺咁回應:呢個問題,喺唔會有答案,因為冇一種投資工具,可以保證响價格上一定同樓市嘅表現相反。不過任何衍生時間回報,即喺收息嘅工具,都可以對冲價格嘅下調;所以物業本身,已經有自我對冲嘅作用。投資物業嘅時間回報,即喺租金收入;自住物業嘅時間回報,就喺慳咗嘅租金支出。

好明顯,坐貨投機,喺做唔到對冲。所以點解,對買樓嘅人,我從來都喺贈呢一句:

量力而為,唔好投機
92. 歷史長河 2015-11-24 23:50:59
珍港兄今次講得好到位,所以小弟講陶醉大師那四句話係「口號多於實際」,冇乜指導價值。同樣冇價值的還有引刀教授一直引以為豪的「剛剛需」論。

談到對冲,不買樓是一種被動對冲,另外還有一種主動對冲法 - 搵身邊盲好對賭。如搵唔到,可搵我來賭。我目前已經壓上一半身家參與一場賭局,12月31日揭曉。仲有一半可以陪盲淡玩下。
93. 自我陶醉 2015-11-25 00:23:20
有趣!  越來越有趣,呵呵!

~~~~~~

69. 珍惜香港 2015-09-17 11:54:59
好多投資者,都喺一個投資、投機嘅 MIX。

44. 珍惜香港 2015-05-17 11:24:31
一個人,只可以選擇投資,或者投機,唔可以兩樣都喺,否則幾乎一定輸!


94. 引刀一快 2015-11-25 01:47:22
住,係剛需

賺錢,係剛需中嘅剛需

唔想蝕錢,就係剛需剛需剛剛需。


95. Joe 2015-11-25 02:08:01

有趣有趣,原來自醉兄先係果位print出來放響床頭睇十次的忠實讀者。

不過師兄quote珍兄果兩句,睇番上文下理,也無犯駁之處。

前果句係講事實上不少人搞不清自己究竟係投資定投機,因此MIX的大有人在。 而後果句係講如能真正分別自己是投資/ 投機,才是致勝的關鍵點。

有錯請補充....

96. 神算 2015-11-25 02:32:36
珍香兄,

我只想講,對冲係控制持貨風險,同時間回報無關。物業自我對冲,這個講法很新,不過租金本身亦有風險,實際上亦做不到對冲效果。

長河大師,

沒有買樓無需對冲,租樓住嚴格上是消費。如果你有還有一半身家是流動資產,你絕對在安全線上。
97. 打工仔 Andy 2015-11-25 07:30:00
神算兄

珍惜兄文章非常到位!
物業租金回報可達至平衡持貨成本, 令投資者持貨能力增强! (高位買入除外) 
例設租金回報如有5%, 一般按揭利息約2- 3%左右, 扣除一般支出乜可平衡, 幾年已還左不少本金,
以早年入貨者為例。
98. 打工仔 Andy 2015-11-25 07:34:35
Joe

小弟也有同感!
99. 打工仔 Andy 2015-11-25 07:36:57
長河兄

為我地既魚蛋粉一齊加油! 哈哈!
100. 自我陶醉 2015-11-25 07:43:55
Joe兄乜你都咁夜? 呢個世界,真係好難搵到一個思想、行為、價值觀都完全同自己相反嘅人,梗係要珍惜喇,尤其對住啲喜歡玩文字遊戲,寫嘢模棱兩可,前言不對後語,自己講完又唔認嘅對手,份外有挑戰性。哈哈!

而且呢兩師徒口才了得,移暈大法唔work, 又變陣嚟個金蟬脫殼,再加啲慣用嘅大小通殺論點,一唱一和,互相配合,實在精彩。
101. 打工仔 Andy 2015-11-25 07:49:31
自醉兄

今次土俄事件, 是否一隻黑天鵝? 
102. Oscar Lam 2015-11-25 08:10:37
醉兄,早啊!

美國12月加息看來已成定局。你对未來幾年歐美經濟和美國利率走勢有何看法?
103. 自我陶醉 2015-11-25 08:28:01
打工兄,

黑天鵝到處都是。

"大勢所趨,總要發生;成敗得失,不在朝夕! "

哈哈!
104. 引刀一快 2015-11-25 08:52:29
我諗起歐陽鋒同歐陽尅。
105. 打工仔 Andy 2015-11-25 08:59:25
引刀兄早

"我諗起歐陽鋒同歐陽尅 "
點解? 
106. 自我陶醉 2015-11-25 09:05:21
Oscar兄, 早晨!  

現時世界經濟處於通縮邊緣,美國其實唔應該加息,風險很大,但國內要求加息的政治壓力很大,美衆議院幾日前剛通過一條Fed Oversight Reform and Modernization Act,限制聯儲緊急借貸權力,要求將利率政策同一條數學公式掛鉤,將會對聯儲局貨幣政策,利率控制嘅主動權有深遠影響,奧巴馬會否運用否決權,還要再看看發展,但看來12月加息真的很難避免。法例撮要可參考:
https://www.govtrack.us/congress/bills/114/hr3189/summary

小弟打算12月底再來個大總結,請容我暫時賣個關子。

107. 自我陶醉 2015-11-25 09:13:02
104樓 引刀兄

小弟也有同感,呵呵! 
108. 打工仔 Andy 2015-11-25 09:27:03
多謝自醉兄的分析!
109. 神算 2015-11-25 09:44:16
引刀,

歐陽克可能係富二寫照。

自醉兄,

狗急會跳牆,睇下耶倫點拆。
110. 引刀一快 2015-11-25 09:52:05
呵呵,大家心水都咁清,我唔駛“此乃腸也”喇,打工仔兄。
111. 自我陶醉 2015-11-25 10:53:48
神算兄,

狗急跳牆, 同金蟬脫殼有咩分別?  都係呢句啱我:Hope for the best, prepare for the worst.

共觀之,哈哈!
112. Oscar Lam 2015-11-25 22:52:58
醉兄,

多謝你的意見並期待你的總結!
113. 珍惜香港 2015-11-25 23:40:37
珍惜香港

TO:95/F Joe

多謝閣下代為解話,其實果兩句,一句喺嚟自今年九月,一篇講投資、投機,以及將兩者嘅心態,引入去剖析物業市場嘅回應;另一句就嚟自今年五月,一篇講沽自住樓炒跌,同股神阿伯,針對個別投資、投機取向嘅回應。所以兩篇喺屬兩個唔同 TOPIC,唔睇全文,只喺斷章咁,抽兩句出嚟比較,喺冇意義。

其實兩篇之間,即喺今年六月,我亦出過一篇回應,對閣下提到,關於了解自己嘅心態,同投放嘅目標,分清楚當中投資、投機以及賭博成份嘅重要性,有更詳盡嘅表述。

TO:96/F 神算

對於長揸不放,長線收租嘅物業投資者嚟講,對冲嘅意義其實唔大,太介懷樓價下跌嘅人,根本就唔應該投資物業。或者,將租金講成喺物業持貨風險嘅自我對冲,响經濟學定義上唔太恰當,但租金回報所產生嘅現金流,對樓價下跌風險,確實起咗抗衡嘅作用。

如果冇咗租金回報,物業喺冇投資價值,而經濟同社會結構,亦唔會容許。

嚴格嚟講,租金對冲嘅,唔喺樓價風險,而喺响槓桿之下,利息成本上升嘅風險。經濟好,利息上升,但租金亦會上漲;經濟唔好,租金下調,但利息亦會下跌。不過香港响全球低息環境影響之下,經濟好,利息又低,以致過往十年,業主賺盡咗個息差,而息差亦吸引更多人入市,帶動樓價上升。

用以抗風險嘅防線,轉成取利嘅武器,呢個情況,沙士果陣亦發生過。我入貨嘅彈藥,本來就喺用作抗風險嘅儲備,只喺當時個市差到,連抗風險嘅儲備,用埋嚟入市都足夠有餘。所以點解話,我從來唔發災難財,果啲擺住錢响度,等災難嚟到至入貨嘅,先至喺發災難財。至於買嘢噤價,坦白講,個市好都要講價啦,唔通追價?我噤價果陣,人地就扮哂嘢,叫苦連天,到交易果刻,咪又喺笑住咁甩身

如果你憑著一個,積極正面嘅投資態度,面對將來嘅「如果」以跑出正面結果嘅假設去出擊,咁就算你嘅假設喺錯,真喺跑出咗一個負面嘅結果,咁你用作抗風險果度防線,雖然規模冇用作出擊果劑咁大,但已經足以轉守為攻,只喺冇賺得咁盡啫,不過至少,心安理得。

講番經濟好,利息又低呢個現象,有啲人視之為,唔合理、唔正常。佢地認為,呢個喺泡沫,既然喺泡沫,就遲早都一定會爆,所以佢地選擇等待,儲定彈藥,等災難來臨,從中取利,發下災難財,但一等呢,就等咗 N 咁多年。而我,就將呢個現象視之為,步入新常態嘅一個過程。既然喺新常態,即喺市場嘅變化,唔喺暫時,而喺會恆常化,所以我唔等,選擇順勢而行,結果就發掘到,債嘅機遇

幾年之內,我將原始資產,由原來嘅三倍,再擴大至十倍,現金流收益,擴大十倍。風險方面,經歷近期連串市場波動嘅試練,我對風險嘅承受能力,亦証實為市場一般能力嘅十倍。唔知呢種風險比一般低,但回報比一般高嘅投資操作,又算唔算,唔合理、唔正常

神算兄貴為美資公司管理層,應該唔會將我講嘅嘢,視之為歪理嘅,喺唔喺?不過無論如何,我嘅所謂歪理,就令我行得到今時今日。閣下提到,坐貨投機價格對冲之類,其實,任何投資、投機,都有風險,而任何抗風險措施,都冇可能涵蓋所有可能性。投機者坐貨,當然要搞價格對冲,但喺,投資者持貨,價格對冲嘅重要性,就相對地低。

因為,真正嘅投資,最重要,就喺响持貨果一段時間內,充分行使投資物嘅值,以帶嚟最大嘅利益,呢個就喺「莊」。至於增持、沽走,只喺投資嘅必要動作,而唔喺取利嘅關鍵,呢個就喺「閒」

所以,持貨之道,先至喺投資之道!
114. 歷史長河 2015-11-26 08:02:59
珍港兄的三個十倍道出了殘酷真象,可這讓每年6至10厘已自覺人生得意之士情何以堪?

今年又是一個好年頭!祝兄台向百倍進軍!
115. 自我陶醉 2015-11-26 08:18:02
唉! 又用番斷章取義博人唔睇呢一招,今日真係冇驚喜! :(  仲有冇第二招呀?
116. 自我陶醉 2015-11-26 08:33:21
長河大師,咩現金流擴大十倍? 講直接啲,咪借人啲錢做margin買垃圾債投機囉,儍仔! 買澳洲紙穩陣好多。

所謂,大話就怕計數,現金流大十倍,計番要畀嘅息,即係做幾多倍槓桿?  唔識計數,淨係識抱個term出嚟大人,有鬼用咩?  呵呵!  今日都係冇驚喜!
117. 歷史長河 2015-11-26 08:42:01
陶醉兄,傻仔也好,歐陽克也罷,你開心就好。

關於那3個十倍,這裡一幫盲好都明白是點,您不明白不足為奇。思想決定人生,正在進行中。
118. 引刀一快 2015-11-26 09:31:28
多餘喇,大倍數回報嘅嘢,呢度個個都有,自我陶醉兄前幾日話我知果D嚇一跳嘅大倍數回報,都係輕描淡寫,睇嚟係懶得喺呢度晒。

十倍算乜唧。
119. 引刀一快 2015-11-26 09:39:55
呢個論壇嘅討論重點係,依傢係入市時機還是出貨時機,十倍?係咪夠膽講幾時入市都十倍呀?
120. 神算 2015-11-26 09:51:38
珍惜,

感激閣下嘅分享,獲益良多。有一點補充,對於你所提經濟好丶利息又低這環境,對香港這種被動經濟體,並不是新常態,返而是從來都受制於此。每次發生這週期都令一部份人財富暴增,而這週期持續時間視乎外圍經濟好壞。又因為貨幣利率與美國這個成熟經濟體掛鈎,每次利率正常化過程,亦迫使香港進行去槓桿情況,這個沒有實質上改變。若果認為這是新常態,就會忽視當中風險,當週期完結,市場逆轉一定會發生,這個無可避免。正確嚟講,「Prepare for the worst」的意義更重要。另外量寬這種操作,衍生產能過剩呢個問題嚴重,但不在這裏討論。
121. 自我陶醉 2015-11-26 11:31:16
算啦刀兄,人哋連賺住等, 同蝕住等嘅分別都唔明,無謂嘥氣喇!  佢話自己幾叻咪幾叻囉!  講真,唔係咁槓桿法, 洗咩03年要接近破產邊緣呀?

唯有祝佢哋好運喇,呵呵!
122. 神算 2015-11-26 11:56:46
自醉兄,

而家可能已經抽唔到身,冇謂下石啦!你聽唔到Arbitrage trading 咩,人哋玩緊高階操作呀,不過希望唔好損手啦。
123. 自我陶醉 2015-11-26 12:10:37
神算兄所言甚是,不過千祈唔好畀佢呃到,佢最叻就係求其搵啲term出嚟大人,到你一同佢講,就即刻啞口無言。
124. 引刀一快 2015-11-26 12:32:30
呢D部份係網絡search技巧,部份係做人態度,當佢啞口無言嘅時候,其實我亦為一樣米養百様人而無語。
125. 珍惜香港 2015-11-26 14:03:13
珍惜香港

TO:114/F 歷史長河

百倍進軍,唔使諗啦,我呢份人,非常保守,保守到連啲基金佬,都怕咗我。增長到今時今日,已經喺極限,打後利潤能夠以穩定複式增長,亦已經喺最 BEST。況且,息差收窄,將會喺趨勢,不過呢樣嘢,主要唔喺嚟自加息,而喺嚟自,新常態嘅其中一項基礎特性。

要做到低風險,高回報,喺非常困難。但有一個條件,必須要滿足,就喺,你一定要喺一個投資者,絕對唔可以喺一個投機者。一絲投機心態,足以令你 PK

記得早前提過,經營多年,我可以算喺先鋒,之後就衍生咗一系列抄襲同變種個案。據我所知,呢群個案,經歷過兩個大浪之後,好多都搞到損手爛腳,最後輸突離場。第一個大浪,我稱之為金融扭曲第三波,而第二個大浪呢,當然就喺幾個月前嘅大跌市啦!

我喺最早開始,同埋屬少數做得成功嘅個案,憑嘅,當然唔喺運氣。我响呢個網站寫嘅,雖然都喺概念嘢,但喺非常有用,能夠深切體會嘅話,响實戰裡面,真喺可以用得著,就算你同我做緊嘅嘢,完全唔同,呢個就喺講概念嘅好處。所以,我唔會叫人買邊隻嘢,甚至連依家應該沽乜入乜,都唔會提。因為呢啲咁具體嘅決定,喺因人而異,唔同嘅人,做同一樣嘢,效果可以唔同,甚至喺相反,講得太具體,分分鐘會累死人。

有啲人,唔明白,就對我攻擊,呢個由他。好多嘢,唔明,總好過一知半解

TO:120/F 神算

關於香港經濟好丶利息又低呢個現象,可能閣下冇留意,我喺話,步入新常態嘅一個過程,本身唔喺一個新常態。而我一向強調開嘅,環球經濟新常態,可以用下面呢一段總結:

所謂新常態,就喺全球各經濟體發展成熟之時,先洗未來錢之勢趨向極化,用嚟包底嘅新興市場又買少見少,結果形成增長放緩,舉債渡日,以致貨幣供應氾濫,市場走向薄利多銷嘅環球經濟現象。

所以,利息低會喺常態,但經濟好呢,就唔一定。

至於量寬,造就出嚟嘅大量資金,其實喺落唔到去實體經濟度。你喺咁印,都唔會將一個成熟咗嘅經濟體,變番做一個發展中嘅經濟體。即喺話,產能過剩,唔會喺後量寬嘅關鍵問題,反而,資源嘅掠奪,先至喺問題。

簡單講,今日嘅量寬,只喺揾人埋單嘅工具啫

所以做人,真喺唔好咁投機

TO:121/F 自我陶醉

所謂破產邊緣,喺因為官司纏身,唔喺槓桿。你鍾意玩攻擊,我可以當你透明,但公開留言,唔可以太過份,生安白造。你唔記得嘅,可以用網站傳統版右上方嘅搜尋功能。就算喺繁體字人,寫嘢,都要負責任嘅!
126. 引刀一快 2015-11-26 14:23:06
我夠怕咗你喇,嘻嘻
127. 歷史長河 2015-11-26 14:59:28
118樓刀兄,你唔會將「資產增加十倍」同「下一注贏十倍」兩件事攪混吧?

你119嘅問題,其實我講十倍到百倍時,唔係已定下起點咩?

刀兄,陶醉兄,神,

在下從冇懷疑過你地智商,不過見識,情商同幽默感真喺愖憂。這樣打仗,勝算不大啊!


「牢騷太盛防斷腸,風物長昜放眼量」
128. 神算 2015-11-26 15:11:16
長河大師所言甚是,佩服! 小弟真要努力增加見識同幽默感。
129. 歷史長河 2015-11-26 15:16:38
神啊,饒恕我吧!
130. 自我陶醉 2015-11-26 15:25:39
長河大師, 我嚟吹下水咋喎! 乜你諗住要打仗咩? 同邊個打? 為啲咩打? 贏咗會點? 輸又會如何?

“大勢所趨,總要發生;成敗得失,不在朝夕!”

你師傅呢句真係幾好用,夠哂大包圍!  無論輸緊贏緊都啱用。哈哈哈!
131. 自我陶醉 2015-11-26 15:27:42
唔緊要,神唔饒恕你, 我饒恕你。嘿嘿!
132. 引刀一快 2015-11-26 15:28:59
長河大師所言甚是,佩服! 小弟真要努力增加見識同幽默感。
133. 引刀一快 2015-11-26 15:38:10
134. 歷史長河 2015-11-26 15:38:37

1. Hope for the best, prepare for the worst.  ~ 等穩守突

2. Hope for the best, prepare for the best.  ~ 等運到或等沒

3. Hope for the worst, prepare for the worst.  ~ 等世界未

4. Hope for the worst, prepare for the best.  ~ 等入青

住,係剛需

 

賺錢,係剛需中嘅剛需

 

唔想蝕錢,就係剛需剛需剛剛需。

135. 引刀一快 2015-11-26 15:59:18
你終於悟到喇。
136. 引刀一快 2015-11-26 16:05:42
To 127樓 長河san

你119嘅問題,其實我講十倍到百倍時,唔係已定下起點咩?

終點呢?咪話我知叫曾孫收貨喔,或者中國改用越南盾之後先算喔。
137. 神算 2015-11-26 16:08:20
長河本身已升格為神,點解?因為佢已預知下年又係一個好年頭,呵呵!

小弟略看一下,2015 至 2017 年天干地支相剋,表象危矣。


138. 歷史長河 2015-11-26 16:10:49
神,天干地支有冇顯示邊度相剋?
139. 引刀一快 2015-11-26 16:14:47
又扮啞。
140. 自我陶醉 2015-11-26 16:15:15
刀兄,原來長河大師枕頭底連我哋啲文都有喎!
141. 歷史長河 2015-11-26 16:22:11
刀兄,你冇問該問之問題。其實該問的是資產規模,這個是重點。唔通你要李生也增長百倍?珍兄覺得百倍難,要麼是謙虛,要麼規模太大。對小弟不算難,因為我只有1蚊,到100蚊并不難。你話對嗎?
142. 神算 2015-11-26 16:22:30
講小小,

2015 乙未 = 木尅土

2016 丙申 = 火尅金 — 丙申有機會合水,睇月份。

2017 丁酉 = 火尅金 — 呢年較兇,陰尅陰
143. 歷史長河 2015-11-26 16:22:49
是香港,中國,全球?
144. 神算 2015-11-26 16:32:25
長河神,

萬物不離五行,自己諗。
145. 歷史長河 2015-11-26 16:35:57
神,我的投資項目都在火星有冇影響?
146. 神算 2015-11-26 16:46:24
咁你快啲番去啦!地球很危險。
147. 歷史長河 2015-11-26 16:50:25
神,穿紅底褲可否避過一劫?
148. 引刀一快 2015-11-26 16:50:35
長河san

點解要針對單一規模?一蚊變100蚊唔易,因爲要有可重複性,去除特异例子,就好似CCL,既切頭又切尾。
以你衹買不賣理論管理,5間起算,今日入市幾時可以升到十倍?現此聲明,唔係屋嘅數量升十倍,因爲樓市跌到可以0首期的話,唔算。而且要貨幣冇出現重大變化爲准。

149. 引刀一快 2015-11-26 16:53:01
長河san你著開襠褲可以擋煞,記住做埋臨、兵、鬥、者、皆、陣、列、在、前嘅手印!
150. 神算 2015-11-26 16:57:19
河神,你著女人紅底試試,唔得就帶埋胸圍,記住po上嚟。講認真的。
151. 自我陶醉 2015-11-26 17:11:18
神算兄,果然厲害! 香港7字尾嘅年,好多時都有大鑊嘢, 67暴動,87股災,97亞洲金融風暴,07恒指見32000大頂,係咪都同“丁”火有關?
152. 神算 2015-11-26 18:12:35
自醉兄咪咁認真啦,我應酬下河神姐,八字不看死物,要將流年流月夾入八字去分析,每個人運勢都唔會一樣,不過流年尅冲始終阻滯多。
153. 歷史長河 2015-11-26 18:20:48

148 刀兄, 鑒於你問點咁無知個問題,以上回應修改如下:


刀兄,陶醉兄,神,

 

在下從冇懷疑過你地智商,不過見識,情商同幽默感真喺愖憂。這樣打仗,勝算不大啊!

 

刀兄,

在下從冇懷疑過你地見識,不過智商同情商真喺愖憂。這樣打仗,勝算不大啊!

154. 小師妹 2015-11-26 18:43:40
天干的“丙"和地支的“申"係唔會化水,只有同是天干的“丙"和“辛"才可以化水,當然還要看月令是否"子“或"亥“才可引化!
155. 自我陶醉 2015-11-26 18:53:49
哦! 神算兄,收到!


156. 神算 2015-11-26 18:56:50
小師妹,多謝指點,講緊上下合,不會影響千支性質,但引發氣。
157. 打工仔 Andy 2015-11-26 19:16:48
嘩! 今日天氣凍但呢到好真熱鬧呀!
158. 打工仔 Andy 2015-11-26 19:20:55
長河兄

我地得三里半, 好難令人家信你嫁! 人地日炒夜炒, 你邊有禁好精力呀? 哈哈哈! 
159. 打工仔 Andy 2015-11-26 19:24:14
引刀兄

北風起,  令我想起長提河邊兩旁的美食呀! 香肉!
160. 魚蛋仔 2015-11-26 19:41:13

To: 154/F小師妹,

神算都多謝你指點,睇來你已經是大師父了。而叫自己做神算的,是否應該改名叫神棍呢?

共算之!哈哈!

161. 小師妹 2015-11-26 19:59:58
To: 156神算高人
小妹豈敢指點 !  只知道丙火會削弱申金的力量因火剋金之故 , 不知道你所說引發的是什麼氣?! 希望不是晦氣就好了 !

To: 160魚蛋姐:
小妹只是路過乘亂UP, 見笑了!
162. 神算 2015-11-26 20:16:32
呵呵,睇嚟河神好多女粉喎! 魚旦姐劈頭就一句神棍,多多得罪喎!
163. 打工仔 Andy 2015-11-26 20:19:28
神算兄

大家開心下姐! 哈哈哈!
164. 打工仔 Andy 2015-11-26 20:22:07
話時話, 依家係股市揾餐飯都真係不容易!
165. 引刀一快 2015-11-26 20:22:42
長河san

你評乜都冇所謂,只要係你評嘅就冇所謂喇,升十倍呢個問題係你自己帶出嘅,唔好夾硬推喺人身上。

我發現你撚花招真係撚唔厭喎,你唔厭,我厭。


166. 引刀一快 2015-11-26 20:26:24
神算兄

人家唔稀罕你“算”,佢地鍾意你嘅“X”嘛,你咪順下意,叫做“神X”囉。

167. 大寶二寶 2015-11-26 20:37:30
回165 , 166 刀兄

做咩講D咁嘢呀?我以為去錯咗風月版, 睇緊賈平凸添。莫非之前真係閉関練神功?哈哈哈…………
168. 歷史長河 2015-11-26 20:39:41
我一直講,這論壇裡女士們叻過好多男人,哎,可悲!

睇好,不僅是人生應有的態度,也是做為男人的基本要求。點解?女人最需要安全感,我很難理解一個整日睇淡世界的人能給到你所愛的人咩安全感?我地通常講女人係弱者,這個世界只要還有一個弱者睇好,我決不睇淡。

因為:

睇好,不僅是人生應有的態度,也是做為男人的基本要求。
169. 自我陶醉 2015-11-26 21:24:33
唉!個市跌嗰少少就short咗! 真係可惜。都話唔好亂學人做盲好㗎喇!
170. 如是 2015-11-26 22:04:42

睇好也好,睇淡都好,何必執著。甚麼都好,自得清淨心。

萬般帶不走,唯有業隨身。

171. 魚蛋仔 2015-11-26 22:18:00

To: 167/F 大寶兄

我都估到有D人刻意講D令女性難堪的說話。你放心,我活到一把年紀,甚麼賈平凹体,小兒科來嘅。反而,我相信尼道各位網友的眼睛是雪亮的,大家更清楚他的卑鄙人格,是何等的低樁。

共卑視之!哈哈!

172. 打工仔 Andy 2015-11-26 22:57:13
女人原來真係唔虾得既! 蛋姐好野!
173. 引刀一快 2015-11-26 23:07:41
話人就得,俾人諦返轉頭就發爛渣,評我乜冇所謂,呵呵
174. 引刀一快 2015-11-26 23:14:44
大寶兄,

你唔止睇到風月版,仲睇埋倪震體添,係咪睇到毛管棟呢!
175. 大寶二寶 2015-11-26 23:28:50
回魚蛋仔,刀兄

相信大家都係講吓笑啫,唔好咁認真。

哈哈!
176. 打工仔 Andy 2015-11-26 23:34:38
大家吹下水, 認真你就輸! 哈哈!
177. Joe 2015-11-26 23:42:59

性,係剛需

講笑,係剛需中嘅剛需

適可而止,就係剛需剛需剛剛需。


178. 惜緣 2015-11-26 23:49:40
To 170樓 如是兄

好一句: “萬般帶不走,唯有業隨身”。

阿彌陀佛!
179. 歷史長河 2015-11-26 23:50:41
關鍵時刻總能看到Joe兄及惜緣兄智者的身影。二位的出現是綱友們的剛剛需。 

180. 引刀一快 2015-11-26 23:51:20
to  169樓 自我陶醉兄

原來歐陽克係靈媒嚟架,吹陰風,煽鬼火,係佢絕活。

不過講嘢就真係冇咗邏輯,唔通真係short?
181. 引刀一快 2015-11-26 23:56:03
To 177樓 Joe兄

性,就算係剛需,都唔會求諸此地卦?

如果人地識得對人客氣、識得適可而止,我又駛乜陪佢“講笑”吖!
182. Joe 2015-11-27 00:09:55

刀兄,此地比性更有性人之處,更多性趣,共尋之....

183. Joe 2015-11-27 00:18:29

補充,係尋刀問醉的好地方,哈哈!

184. 自我陶醉 2015-11-27 00:34:14
引刀兄,

講講笑,吹吹水又一天,無謂咁認真喇!打工兄話齋,認真你就輸。 好男不與女鬥,神算兄都咁大方,值得大家學習,有時以暴易暴未必管用啊!

至於長河大師,已經short咗一段時間,據我觀察,應該係Sugar去咗澳門之後,以後又少一個對手。呵呵!



185. 自我陶醉 2015-11-27 00:51:32
如是兄,惜緣兄,

好似徐志摩咁走瀟灑啲喎:

悄悄的我走了,正如我悄悄的來; 
我揮一揮衣袖,不帶走一片雲彩。
186. 歷史長河 2015-11-27 08:20:26
148樓刀兄,關於怎樣再升十倍的問題,其實里度好友都知,是投資房地產入門知識。你浸淫地產版經年竟然連皮毛都未學到,我本著事實求是之態度講懷疑你的的智商。懷疑即不太肯定,有何不妥?

不過你也不是冇機會,給你一個禮拜時間,如果你能悟到,我可以將該頂帽子幫你摘掉,如何?計時開始......
187. 西門吹雪 2015-11-27 10:07:36

嘩~呢度咁熱鬧~~無留意TIM HAHA

長河兄~

小弟亦十分認同以前買樓可以升十倍。尤其係樓價低又可以按9成半既時候。回想起來早年本小,抄股所得真的很有限。本小倒是抄樓好~

不過,今時今日又唔係首置既話,買來收租按得5成,樓價又好難短時間再升幾倍。試問如何可做到升價十倍。如果你話2-30年投資既話,升價十倍其實只是追到通帳而已。

188. 西門吹雪 2015-11-27 10:34:48

河兄~以太安樓為例~1968年售價介乎$17300-$27000之間 (from Wiki), 今時今日已經幾百萬了。帳面近50年升左以百倍計。但係當年人工只有一百幾十蚊。你話升左百倍,到低係咪真係層樓升左呢?

我一直很認同你講,如果係想保值,又有穩定租金收入,買樓長揸唔理佢係好選擇。但係近日成日講升價十倍甚至百倍,的確比較誤導別人呢...

189. 引刀一快 2015-11-27 10:57:09
Joe兄

今朝起身冇宿醉挂?
190. 歷史長河 2015-11-27 10:58:38
Simon 兄,你是醒目仔,請給刀兄一個機會,容佢念兩個禮拜再公布答案不遲。
191. 引刀一快 2015-11-27 11:06:44
自我陶醉兄

好沮喪,原來花咗咁多時間嚟同個精神科常客討論。

我地睇淡係因為形勢、環境,點知佢話睇好係因為女人喔!我覺得好似上咗hidden camera嘅搞笑節目,依家對著鏡頭傻笑。
192. 引刀一快 2015-11-27 11:20:50
Simon1兄

一直討論重點都係時機、形勢、環境,已經夠喇。至於理念,就係各司各法。

D人話兩個禮拜,咪又係玩嘢,玩風水佬果招。
193. 歷史長河 2015-11-27 12:10:35
刀兄,D人玩失蹤時係否揮一揮衣袖,有冇帶走D雲彩?
194. 自我陶醉 2015-11-27 12:19:04
引刀兄,

老實講,你真係已經輸咗! 你輸在太認真,還記得我說過為何我只會買長期派息的股票嗎?  你諗諗,連年年做audit嘅公司,都可以隨時做假,佢攞盤數畀你睇又如何? 

你竟然對一個自己講過嘅嘢都唔敢認嘅人咁認真, 係咪抵輸呢?   你知人資產個base有幾大咩? 你知人現金流原先係幾多,而家係幾多咩? 你知人做嘅嘢風險有幾大咩? 你知人有幾大槓桿咩?   我去買大細,10秒回報有100%㖭, 你有時間就幫我計計即係年複合回報係幾多喇!  

你有冇試過1年嘅投資得個吉? 之後,如果你賺到1蚊就增長無限大㖭喇!  你話勁唔勁先? 無他,數字把戲嚟啫!  淨係攞住個回報率就莽言邊個叻,邊個唔叻,呢啲人叻極都有限,呵呵!10倍? 再呵呵!

都係嗰句喇,網絡世界嘅嘢,唔好信太多,亦唔洗咁認真!

195. Joe 2015-11-27 12:19:54

 

刀兄,何只宿醉,小弟在此早已爛醉如泥,如痴如醉,醉生夢死,今朝有酒今朝醉.....

196. 引刀一快 2015-11-27 12:52:46
自我陶醉兄

係,係,係,對著佢,就係衰認真。
197. 引刀一快 2015-11-27 12:53:57
睇好係爲咗女人........我繼續傻笑..............
198. 自我陶醉 2015-11-27 12:59:47
刀兄,為女死 ,  為女亡 ,  為女關進什差房 。你聽過未?  呵呵!
199. 引刀一快 2015-11-27 13:08:57
自我陶醉兄

聽過,不過我覺得佢D花招真係,冧死女,女若狂,閨女人妻盡入囊!

終於喺地產網睇到傳說中嘅倪震體!
200. 神算 2015-11-27 16:23:07
刀兄,

河神噚晚應該係諗啲倍數嘅花招,高興得滯,食飯已經醉咗...... 睇好係為咗女人.....唉...

唔係珍惜兄睇到會諗乜?....定係...
201. 引刀一快 2015-11-27 16:56:42
神算兄

定係......,嗱,我地轉一個角度去分析,其實,女人都可以視為一種資源,係咪?起碼蠻荒世界嘅理念係咁,咁歐陽克鍾意黃蓉,歐陽鋒鍾意梅超風,都係人之常情。
202. 歷史長河 2015-11-27 20:49:32
我信,我望,我愛,

故我在!
203. 打工仔 Andy 2015-11-27 20:58:28
長河兄

信, 望, 愛三德! 
主與我們同在!