主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 28589    回應 : 13
文亮語
靠武力唔還錢會將事情愈搞愈大
 
湯文亮博士
紀惠集團行政總裁
2015年10月28日

  上兩個星期,報導引述有金毛阿哥入圍村追數,不但收唔到錢,仲俾人迫食香爐灰,我睇到這段新聞之後就覺得大件事,唔還錢仲恰人,今次講到天腳底都講唔通,其實,欠債還錢,天經地義,如果在圍村內有人欠債不還,債主有正式法律文件,在無其他方法之下,用金毛阿哥追數亦是無可厚非,雖然,就算收到都要付三成以上給金毛阿哥,但始終好過收唔到,本來,這些高息債務,最後都是雙方坐底,四四六六拆掂,但欠債方唔還錢仲要玩人,仲要耀武揚威,將玩人的事放上網,變成將件事搞大,當日,追數的金毛阿哥在別人地頭,就算要食香爐灰都冇辦法,不過,任何人都會知道,事情一定不會就此完結。

  昨日網上消息,指當日在圍村玩人的村民,落單之後被人圍毆,血流披面,今次真的是大件事,老實說,當日唔還錢仲要玩人真的是講唔通,事情到了這個地步,雙方的話事人一定要作出一次決定性談判,警方亦會強迫他們談出一個結果,最後就是那個借錢唔還的人一定要還錢,除了要本利清還之外,同時要負責雙方受損傷的職員或者兄弟的醫藥費,就算肯賠錢,都欠下同村兄弟一大筆人情債,都唔知道幾時要還。有時候,我真的是替那些借錢消費的人擔心,如果沒有把握在一段時間內清還,結果將會是一個災禍,他們如此勇猛消費,與當日在圍村內玩人的人沒有分別,只不過是逞一時之勇,後果仍然要自己承擔。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 打工仔 Andy 2015-10-28 09:09:07
蛇有蛇路!
2. Alan Pepper 2015-10-28 16:51:04
如果真係借錢唔還,應該有下文的,香港唔只一間收數公司。

如真的收唔到,佢下次想借都難。為了少數放棄將來的大數很不值得。始終一日佢需要借,今天用武力唔還,莫非下次用武力借?希望佢唔好因一時之快,為將來想想。
3. 打工仔 Andy 2015-10-28 20:16:18
Alan

有好多人自制力不足呀!
4. TC 2015-10-29 09:58:37
講緊美國佬?
5. 望東樓 2015-10-29 11:15:58
查實『欠下同村兄弟一大筆人情債』最大鑊。尤其是『當日在圍村玩人的村民,落單之後被人圍毆,血流披面』。下一次有乜社團豬頭骨佢就第一個哽哂。
6. 引刀一快 2015-10-30 20:31:20
可喜可賀,原來香港仲有D咁嘅蠻荒世界未開發,欠債唔還仲要惹仇家,難得仲有香港有呢種江湖義氣,不問情由去幫手打人,我以爲係大陸咋。

不過事情應該兩邊睇,欠債還錢當然天經地義,但係我細個亦聽過老竇講有個舞女,借三千要還幾萬,還得起幾萬又駛咩借三千,結果挂臘鴨。事前列明清楚當然打死無怨,若有事後巧立名目者,定當別論。
7. 向饭民说吧 2015-10-30 22:35:48
楼上,不要咩咩都大陆,香港人本来就是这样。劏客这样野几+年来都系甘。前几年有个援交妹被嫖客杀害,后来先知道她被人骗了去买了天价美容课程。结果要接客还钱。结果惨遭毒手。

这就是香港,还有咩咩伦敦金,等等。

好多野香港人教坏大陆人,而他们只是青出于蓝胜于蓝。

记得旺角的电器劏客,话他吾劏高尚港璨,他们都会比其他人劏。

香港人真系高尚。
8. 向饭民说吧 2015-10-30 22:40:22
在旺区的那些药房,如果不劏大陆客,根本无可能生存,好多无知香港人仲on99,其实这些药房劏客的时候,同时为香港带来了外汇。而这些外汇等香港班穷人可以出国旅游。
9. 向饭民说吧 2015-10-30 22:42:23
在旺区的那些药房,如果不劏大陆客,根本无可能生存,好多无知香港人仲on99,其实这些药房劏客的时候,同时为香港带来了外汇。而这些外汇等香港班穷人可以出国旅游。
10. 打工仔 Andy 2015-10-30 23:58:55
樓上, 請不要亂講野!
11. 引刀一快 2015-10-31 00:01:03
向飯

我以前都做過葯,你知唔知我地個醫師點劏臺灣客、新加坡客?
就係真材實料,D生仔葯份量大到好似扒飯咁食法,D滋隂壯陽嘢落足料,食到個個返屋企都唱霸王別姬,唔舞一輪劍都瞓唔著,咁金銀財寶就自然雙手奉上,仲千多萬謝,下次帶朋友嚟添呀。

唔係好似依傢藥房咁,呃人秤頭、以兩作斤、賣仿冒嘢、流嘢。
12. 向犯明说不 2015-10-31 00:28:23
10楼,吾好话我乱讲,报纸有报道啦,旺区连Manling这间香港最好的都未必可以生存,吾劏客,药房点生存啊。最近我太太,有个朋友,吃完饭,去那些药房,吹下水,点不知被劏3万几,最后都系我太太用她的谈判技巧,让间药房,退反钱。不过大部分无甘好彩啦。消委会都未必帮到。
我讲这些,其实是要香港人知道,不要以为抹黑了大陆,自己就好高尚。根本就是鲁迅里面的果个阿q。

13. 向犯民说不 2015-10-31 00:33:50
D滋隂壯陽嘢落足料,食到個個返屋企都唱霸王別姬,唔舞一輪劍都瞓唔著---听到真的有点怕。真系长生不老药。不过好像很多中国皇帝死系长生不老药上。