主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 31377    回應 : 8
文亮語
現在千祈唔好賣樓,免得自取其辱
 
湯文亮博士
紀惠集團行政總裁
2015年10月17日

  在過去幾年,樓價一直上升,而在最近一年,細價樓升幅驚人,出現了一個心理不平衡現象,就是那些只得一個自住物業,根本沒有打算賣樓的業主,忽發雅興,通知物業代理,說他們打算出售自住物業,當時盤源不多,那些自住樓盤又可以睇樓,故此,非常之受歡迎,而業主所要求的售價,物業代理大多數可以做到,問題是那些業主根本沒有打算賣樓,就算到價都不賣,唯有反價,再反價,到最後始終都不賣,物業代理白忙一場,但那些業主們就非常滿足,心理上賺了很多錢,不過,他們並不知道,這些錢是要還。

  或者會有人覺得很奇怪,從來都沒有真金白銀落袋,點解要還,有時候,真的很難講,有些業主在幾個月前無必要賣樓,但到了今日,有人可能在股票市場上損手,或者買了新樓,必定要將舊自住物業賣走,當今日去到那些物業代理公司,情況完全不一樣,那些物業代理冷嘲熱諷,又話現在很難搵客,又話有其他業主劈得狠,劈得深,那些地產商肯提供八成半按揭,攞小小錢就可以上車,如果那位業主唔介意的話,請他放低鎖匙,有曾經介紹過買家的物業代理更加會說,當日,如果唔反價,早已收錢落袋,現在平兩成都未必可以賣得出,那位業主是不是有多少被羞辱感覺,但如果真的要賣樓,他唯有嬉皮笑臉,希望那些物業代理可以幫他賣好一些價錢,或者他唔記得,當日反價再反價,不但要那些物業代理白忙一場,甚至損失了一位客人,今日,就算被那些代理羞辱,都可算是還債。

  我經常同人講,如果唔打算賣樓,就千祈唔好攞個物業出嚟試價,反了幾次價之後又話唔賣,是會得罪很多人,有需要賣樓的時候就變成自取其辱,那些代理幫唔到不是最緊要,他們還會取笑那些當日不肯賣,今日必定要將自住物業出售的人。我的意見是,除非迫不得已,千祈唔好現在賣樓,免得自取其辱。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 引刀一快 2015-10-17 09:03:56
喺大陸,業主反價有時真係中介孭鑊,部份情況買家好難搞得清反價係邊個玩嘢,咁就好易入中介數,當佢地合謀玩嘢。
2. 凡人 2015-10-17 10:19:18
等多一兩年先賣,更加難搵買家。
3. Desmond 2015-10-17 10:20:40
還有一個可能,就是如有準買家出價進取,而在各方壓力下(包括地代),神推鬼擁的賣了原本不想賣的自住樓。
4. 打工仔 Andy 2015-10-17 10:33:50
如果當區只有一兩間細行就難講, 如區內大行齊集又有友好中介, 上面情況少有出現! 
5. Johnny 2015-10-17 13:49:14
而家地代生意甘淡,有得做你生意理得你係佢殺父仇人咩。
比個盤佢放已經要千恩萬謝啦邊度會記仇對業主冷嘲熱諷?
就算而家出面點吹淡風,依然係非常缺盤,地代缺既從來都唔繫買家,係賣家至真。
6. 2011年開始 2015-10-17 15:08:16
最近市價放賣一間九龍東住宅,經紀只是問可否長少少成交期等明年4月租約期满交吉賣.
7. 根本無盤 2015-10-17 16:22:44
講完!
8. 引刀一快 2015-10-17 20:43:19
依傢係客值錢,通常成交量稀少嘅情况,都係買家少,大家都觀望,如果係盤少,價就繼續上喇。因爲真正制約買家購買意欲不單單係價格,還有市況和展望。