地產博客 > 文亮語 返回
瀏覽人次:43419    回應:43
文亮語

大仙肺腑之言新篇(2)剛姓需求

 

湯文亮博士

紀惠集團行政總裁
2015年10月5日

  在8月28日,我寫了新篇(1)一開36,反應唔錯,有老友叫我繼續寫,老實說,這些時空交替文章,又要搵適合人物,唔係話寫就寫,今次咁啱又搵到一個適合人物,叫剛需求,但原來是無膽匪類,搞到小仙寇買歷一身蟻。

  話說小仙寇買歷被小怪龔應量之一開36打倒暫時要掛免戰牌,同時間收到西方訊息,白髮魔女手下色魔蠢蠢欲動,而西方色魔與香江城內色魔是血肉相連,西方動,香江亦動,現在對住小怪已未能取勝,倘若色魔脫彊而出,小仙自知必敗無疑,於是,小仙招兵買馬,反應亦殊不俗。首先投靠的是一大羣奇異能人,為首一人七尺昂藏,腰大十圍,小仙見到非常歡喜,於是問姓什麼,那人答,剛姓,再問,名什麼,答,需求,再問其他人的姓氏,以及大約有多少人,那人答,全部是同族兄弟,全都剛姓,名字全部都有一個需字,有需求,需要,大約有十三萬人,小仙聽到之後開心到飛起,認為今次一定可以擊敗小怪龔應量。

  小仙準備發動攻擊,於是打開兵器庫,發覺只得二千一件兵器,有少少唔好意思,不過,都要通知那班剛氏兄弟,叫他們攞兵器,誰不知只得一千人到來領取,小仙當堂嚇到差不多暈低,平時食飯有十三萬人,要出戰只得一千人,還說什麼戰鬥是剛性需求,於是,找到那位剛姓帶頭大哥問那十三萬剛性需求去了哪裡,帶頭大哥早就知小仙搞錯,於是不慌不忙答,那班人全部都是姓剛,不是剛性,而他自己的全名是姓剛,名需求,是小仙誤會是剛性需求,而他那班兄弟有一個特點,就是慷慨赴死就容易,聳容就義就艱難,真的是要上陣,就唔使預佢哋,而他自己亦不例外,就此帶領本族兵馬,向小仙告辭,小仙都唔知點算,因為小怪龔應量知道小仙有十三萬剛性需求,亦招兵買馬,估計在未來三至四年,有八萬三千個小怪,場仗點打,不過,大家不用擔心,小仙有計。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 待買樓 2015-10-05 09:58:34
精彩,好期待續集。我也是姓剛夕名需,也是不會以死相搏。
2. 精彩 2015-10-05 10:30:05
哈哈, 實在有趣。。精彩絕倫啊。。想知小仙有何計策。。。
3. 笑啖渴飲 2015-10-05 10:52:15
姓姓,名剛,字需求, 既名剛需求, 亦可喚性需求
4. 蕭峰 2015-10-05 11:01:05
剛需,樓市升就多出好多,樓市跌,剛需即刻不見蹤影。因為很多人是換樓,根本可以很舒服的等,再跌幾年迫切需求也沒有。
5. 自我陶醉 2015-10-05 11:13:31
博士想像力真豐富!

以前有着數就個個都話姓剛,要攞命博明明姓剛都變姓江,何況有啲陳李張黃何,見先前有飲有食,有着數先話自己姓剛呢? 呵呵!
6. 引刀一快 2015-10-05 12:13:08
湯先生講古,從字裡行間感受到眉飛色舞嘅氣氛,能將傳統文化精彩演繹,係要時間慢慢浸出嚟。

剛需求成族兄弟,集體扮傻,詐唔識龔應量,喺街撞到側側膊。
7. 盤荒 2015-10-05 13:10:57
經紀不斷打電話來說買家求購我住的單位,願意出價八百萬以上,嚇了我一跳!因為隔離同呎數同坐向單位六月成交價才七百零五萬!
8. 華特 2015-10-05 14:13:53
有趣,謝博士
小仙等小怪族糧草耗盡冇飯開,餓得皮黃骨瘦之時,剛氏兄弟又自動歸位大舉反撃
9. 中產求生隊長 2015-10-05 17:35:58
看過各位大師及政府的說法,發覺有一個共通點,目的是在短期內約3個月至半年將樓市壓低2成以上,以求完成調整的目標,已經有小量被嚇死的中産肯平一兩成投降賣樓,這樣就政府就完成政策的目標及使命繼而開始放鬆辣招,因為銀行、金融、地產從業人員及相關行業近期都冇乜生意,政府收入又大減,另外一大班老手都等着入市,施零教學中,數以萬計的學員都是等緊這樣一個機會入市,畢竟經濟的大方向及齒輪一直向前,利息不會加,中國已經守得住再向上,眼前跟本沒有什麼負面的事再打擊到香港人的基石房地產,所以各位中產堅持守多三個月至半年不要輕易放棄你手頭賣左買唔翻的資產,你們就就知道滿地眼鏡碎及勝利的喜悅。
10. 故事題材 2015-10-05 18:50:20
開多故仔:子債父償。
近來d電視上的財仔廣告,全打溫情牌。我睇到嘔電…即場教仔。
幾時香港走大陸路缐,兒女結婚,要老父母買車送樓。(國內親戚之真實況)
11. 歷史長河 2015-10-05 19:36:41
隊長, 世事被你睇透,正解! 不過小弟一直有一疑惑,點解分析員要配合政府唱低?望解惑!
12. 打工仔 Andy 2015-10-05 19:58:18
長河兄

人在江湖呀! 
13. 歷史長河 2015-10-05 20:02:11
打工仔兄,收到。明日開始唱跌,潮流!
14. 魚蛋仔 2015-10-05 21:23:28

To:11/F 長河兄

珍惜香港兄話齋,羊群心態,人云亦云可否?


共猜之!哈哈!

15. 打工仔 Andy 2015-10-05 21:29:00
長河兄

我表達得唔好! 我意思係話d分析員身不由己! 
我地老虎都要唱好啦! 哈哈哈! 

共唱之


16. 大寶二寶 2015-10-05 21:35:57
回11 長河兄

小弟不才,試代答。

分析員要向呀頭交待,呀頭要向老板交待,老板要向大老闆交待。咁你估呢D大老闆同正苦同一喉舌定唱反調好處多D?你懂的。

我地D小业主/小投資者只係同自己交待,最多都係向老虎交待,咁我哋會点做?你懂的。

共懂之,哈哈!
17. 大寶二寶 2015-10-05 21:38:30
回15 打工兄

小弟愚蠢,畫公仔要畫埋出腸,做埋醜人。

共之,哈哈!
18. AH-HO 2015-10-05 21:43:05
其實有料到的分析員又有幾多呢?
呢到D分析可能更加到Point。
19. 歷史長河 2015-10-05 21:54:00
好亂啊,嘅我以後一三五唱好,二四六唱跌,星期日休息。呵呵
20. 打工仔 Andy 2015-10-05 22:03:39
孖寶兄

你講得好, 唔該晒! 哈哈哈! 
21. 打工仔 Andy 2015-10-05 22:05:07
AH-HO

有見地! 
22. Jerry 2015-10-05 22:08:37
哈哈,樓價升跌是不會因為有人天天唱好或唱跌而改變,如果可以,某些人早已成功。




23. 大寶二寶 2015-10-05 22:14:16
回22 Jerry 兄

唔好話冇提你,請小心說話, 呢度好多人睇住㗎。

共慎之,哈哈!


24. 歷史長河 2015-10-05 22:20:15
其實我也認為政府基於經濟原因想撤銷部分辣招,可是老師指數唔配合,無計。唉,點解老師領會唔到博士一片苦心?
25. 中產求生隊長 2015-10-05 22:56:34
你要明白做政府官員最重要是有做野,有做野當比人插時自己亦解得到,當日特首及眾高官高調指出完辣招,話達到目標成功阻止樓價上升,樓市即將來過大調整,各分析大行又來一個大合凑,専家又話要爆,如果樓市不跌反升但又冇乜生意做到,大家都好冇面,講左咁耐都未爆,已經是強弩之末,如果再美國不加息而各國再來個QE,大家都很難落台,所以大合湊求奇揾班水魚跌佢二成,咁大家咪知道政府做到野囉,分析員咪又做到野囉,有少數人剛好上到車,咪說達標囉,跟著原來經濟轉差,政府銀行冇錢,政府就成功放寬政策,做完一塲完美的show, 樓市、股市、地產經濟再來一片熱鬧。
26. 打工仔 Andy 2015-10-05 23:00:25
其實博士講得好啱, 牛奶蕉都未敢切, 點切樓蕉! 

27. 大寶二寶 2015-10-05 23:14:50
依家確認咗樓市轉勢?有何數據?唔好唔記得當初出招果陣主調都話樓市會跌,点知回一回又再爆上。試問边個敢依家撤招?睇錯市撤錯招就………………。

共看之,哈哈!


28. Alan Pepper 2015-10-06 00:14:36
這段經濟差的時間可能較長。
29. 按居 2015-10-06 00:49:01
其實博士倒自己米,警告晒無經驗的上車客,佢地唔搶,投資者都唔會入咁多貨。個市慢上自然慢落。

我睇政府唱雙簧:佢又驚細價樓業主panic sale。大升以經咁嘈,大跌的話可能要賠命。上車初哥Panic sale後發覺無大跌但mortgage限制無減又上唔番車你估佢地會唔會佔中!?所以財爺話鬆CY話緊、製造uncertainty 等上車客同投資者無所適從而乜都唔好做(記住如果投資者知道政策方向,無論哪一方向只要清析一定做到嘢之餘又一定快過一般民眾)。

可以肯定的是政府以後都唔想人投資樓,所以SSD & BSD 將會成為常態。大家唔好亂買之餘更加唔好亂賣,因為買2nd或以上的物業以後俾首期同稅都俾到手軟!如果每個人/家庭只想hold one & only one 物業 then 政府計供求會容易得多,唔駛剎出咁多肛衰。


30. 引刀一快 2015-10-06 06:15:59
Alan Pepper兄

兄台願意嘅話,敬請兄台講清楚D,聲音保持中肯,有時要靠人多架。
31. 大寶二寶 2015-10-06 08:56:17
回30 刀兄

刀兄說得对!唔止呢度,近排報章,雜誌,電台都多咗好多偏頗嘅言論,人多蝦人少。

共正之,哈哈!


32. 引刀一快 2015-10-06 09:53:19
大寶兄

無論人多人少,最緊要有理據,有睇法,啦啦隊鬥多冇意思。

共輪之!嘻嘻
33. Alan Pepper 2015-10-06 10:00:19
引刀兄,

只是最近忙,遲啲再參與
34. 大寶二寶 2015-10-06 10:19:52
回刀兄

絕对同意!不過至驚D冇理據嘢日日講講足一千次就變咗理據啫。

共論之,哈哈!
35. 西門吹雪 2015-10-06 11:34:47
二寶兄,隊長兄~
睇你們的回應,根本就唔會賣走手上物業。哪...樓市短期的升跌跟你們有甚麼關係呢? 說實在的,如果持有四五十年,樓市必然上升。君不見196X當時樓價二萬蚊已經買3房單位,現在要升了幾百倍。既然短市升跌與你無關,盲目看好又有甚麼好處? 短期上升又唔會賣,哪算是勝利? 有時間不如多D陪下家人仲好。
日日睇住個市況,如果你地估中長升長有還好,如果萬一(只是萬一)個市真係好似D評論咁講下跌3-5成,所承受既心理負擔很大。亦有可能做出不明智既決定。
36. 大寶二寶 2015-10-06 14:25:42
回35 Simon1 兄

对。现階段我係不買不賣。不買因為風險高,稅項重,回報低。賣又不會, 因為用來退休收租。

只不過我唔確定依家樓市係咪真係轉勢,我估最快都要睇多三個月。如果现階段草率行事(買, 不買或賣)就很容易做錯決定,冇得返轉頭。我只係想帶出唔同意見比大家思考。正所謂論壇論壇,係要有不同意見,若果傾向任何一方,不看也罷。

如果你有睇我之前留言,今年以來对於買、不買或賣,我係唔敢比意見。自己分析,自己決定,自己負責也。

共勉之,哈哈!
37. 西門吹雪 2015-10-06 16:18:21

看過二寶兄既文章,亦明白二寶兄比哪些盲好的人較中立~是我錯了~~

加把咀,如果退休收租的,不賣就是了。如果想多入幾間,倒應該希望佢下跌之後取消辣椒。其實這亦係我等既期望。長遠來講,樓市長升長有,怕甚麼跌。反而短市下跌之後取消辣椒,樓市更健康,未來更如日中天~不是嗎?

38. 路人皆知 2015-10-06 16:34:41

在預期樓市會回兩成左右,低息環境持續,二手市場只會有零星成交。

現在剩下唯一攪個市留翻比發展商推新盤的態度,只要佢地惜售,慢慢去貨,跌兩成願景,甚難!

39. 大寶二寶 2015-10-06 16:40:38
回37 Simon1 兄

Simon 兄言重喇。 似乎Simon 兄对正苦好有信心咁喎。觀乎出咗3辣椒之後樓價還拾級而上,咁如果樓價大跌之時,正苦撤招就會止得住嗎?樓市大升或大跌始終对社會都有不良影響, 而升同跌幅度始終唔係人為所能控制的。

大家都係自求多福喇。

共勉之,哈哈!

40. 西門吹雪 2015-10-06 17:13:53

我並唔應為正苦撤辣椒可以幫樓市止跌回升。

但係辣椒呢D野,阻住樓市正常發展,減少成交量,增加入貨成本,實仍多餘之極,最好早日撤除。如果唔多少跌反D,正苦點會撤? 撤左之後,假以時日,經濟好轉,樓市將會再度昇平。到時樓市就唔會再受此等災害束縛,當會如日中天。學博士講,其實我亦可算是看好樓市既淡友。

41. 西門吹雪 2015-10-06 17:27:18
其實我最睇唔過眼個D盲目唱好之輩。如果真的有能力再入貨,長遠又看好樓市,為什麼還希望佢停留係高位? 因為長遠係會升,短期下跌反而係製造入市機會。只有個D用盡所有能力才買得一層最多2層既人先有原因盲目唱好。呢D人其實有自住需要,又唔會亂賣,單看到一個數字上升就咁開心。真的可笑~
42. 大寶二寶 2015-10-06 17:29:08
Simon 兄

若樓市下跌正苦要救市,學博士話齋,首先會放寬按揭限制,再其次就係取消DSD 同 BSD。至於SSD 我覺得會係新常態,  要撤就會取決於:

1. 供應到位。(估計起碼兩年內都唔會撤)
2. 樓災。(相信大家都唔想見)

共估之,哈哈!
43. 西門吹雪 2015-10-06 17:40:34
其實最想佢減按揭成數&DSD,可以大幅減少入貨成本。
反而SSD就無咩所謂。反正係作長線投資。