地產博客 > 文亮語 返回
瀏覽人次:32584    回應:30
文亮語
誠哥不得不作出反駁
 
湯文亮博士
紀惠集團行政總裁
2015年10月3日

  國內媒體話誠哥忘恩負義,在國內股市大跌時離開中國,誠哥反駁,他們又立刻改口說這是去神化,我只是奇怪,如果誠哥唔反駁,國內媒體又會不會改口,我認為反駁是應該的,而且要直擊要害,無謂隱晦,因為唔反駁,國內媒體就會以為誠哥默認,這個情況,使我想起阮玲玉,她面對謠言,一死了之,遺下了人言可畏四個字,還有,她曾經說過,做女人難,做名女人更難,誠哥的情況就是做富人難,做首富更難,而誠哥當然不會學阮玲玉,所以,他反駁是絕對正確,國內媒體縮沙之後,我相信事情就會告一段落。

  誠哥撤離國內,我覺得他認為是前途難行,現在誠哥在國內生意,國內人亦可以做,他們的想法亦因而改變,由誠哥幫助他們,變成搶他們的飯碗,那些有政治背景,地方勢力的企業,很難容納外來投資者,我相信現在在國內投資的人,不少人亦有此同感,離開,亦是其中一個選擇,亦所謂騰籠換鳥政策,而投資者離開之後,所投資的項目很快被本地人吸納,對整個社會根本沒有影響,所以,本地人根本希望外來投資者快快離開,如果他們唔識趣,以後的前路是非常難行,今次,我覺得誠哥並非有先見之明,如果仲唔撤退,我反而會認為誠哥後知後覺。

  我在澳門長大,知道賭場對於贏錢賭客必定大鑼大鼓送客,絕對不會惡言相向,因為這樣才能吸引更多賭客進入賭場,所以,我認為國內媒體今次做錯,他們應該大肆宣揚,不是什麼去神化,而是多謝誠哥在過往在國內的投資,協助國內現代化,現在離開,只不過是功成身退,這樣說不但大方得體,令到有心到國內投資的人就放心很多,現在國內媒體這樣指責李嘉誠,被人誤會國內經濟是在水深火熱之中,他們去投資,只不過是替別人填氹,結果是怎樣,大家想一想。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Desmond 2015-10-03 09:12:06
可能國內有些人覺得誠哥神神化化,所以需要去神化。
2. Nam 2015-10-03 09:48:14
+x哥的做法,不單單只在國內,香港的投資由減少買地,到不斷賣嘢,做法都係好明顯。證明華資治港年代一定要結束。

如果有人買,長實一定賣,長和就一定唔賣,超人做法就係咁簡單。

昨日由華資趕英資,明日由紅資換華資,歷史就係不斷重複的巨輪。
3. 引刀一快 2015-10-03 11:04:08
好奇怪,咁多年來,李先生在大陸做嘅項目,我親身接觸過嘅嚟講,都唔係做得幾好。

其中最有代表性嘅係喺廣州做嘅超市,好奇怪唔止管理不善,而且并不強勢。

個人好片面好膚淺嘅睇法,係佢過去喺大陸,并不真正順遂。

以前都咁嘅情况,依傢改朝換代,情况就更複雜。
4. 引刀一快 2015-10-03 11:10:32
大陸嘅媒體,思想,好多時都好順住人嘅黑暗面去引導。

李先生當年為汶川地震捐咁多錢,依傢有冇人提起?

大陸果隻爛鬼糖水涼茶捐100份一嘅價碼,依傢全國熱賣,係全國熱賣。
5. 中山老人 2015-10-03 15:13:34
老人早説:李超人是智者,非常了解中共政權並對其所作所為感心寒,絶望。他知道在這無法無天的地方,幾不公義,荒謬的事情都可能發生,鬥地主,跪玻璃等文革式批鬥重現大陸甚至香港絶非天方夜譚,智者理所當然用脚投票,為他子孫后代將基業移到有法治及令他安心之地。  


6. 包租佬 2015-10-03 15:44:02
刀兄, 係呢度你封國內既政治及經濟最了解,5樓 中山老人 兄既說話是否真的會在香港發生? 好讓我呢種人早日為下一代作出安排!
7. 我又回來,老TOM 2015-10-03 16:13:25
李生講野留左信息就係:[中國快仆街,你地唔走唔關戟事]
8. 我又回來,老TOM 2015-10-03 16:23:54
商家有什麼地方不會再投資

1.當地經濟唔得,大陸明顯係下跌中,中共再出手都係無補於是
2.政治不穩,大陸習江權戰,企錯邊分分仆街,一個商人只係搵錢為主,所以你令佢搵唔到錢又會死既,不會再投資
3.點解香港有佔中,都令李生唔走,係因為香港仲有司法制定,而唔係大陸既垃圾法律,商人家產可以放心留係銀行制度內
4.李生唔投資,就比大陸官報插到上天,邊有一個國家甘仆街,輸打嬴要,商人老闆=錢,你冇錢搵,我理得你個國家消失關佢差事
5.李生同USA個邊好好FD,佢走,帶黎信息就係,[走,不要再留戀,呢個國家一蚊]