主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 36544    回應 : 31
文亮語
細價樓業主的憂慮
 
湯文亮博士
紀惠集團行政總裁
2015年8月14日

  昨日寫了一篇文章關於在單位內輕生的事,被人插到暈,網站要加班睇住,將不雅的言語delete,因為那些人唔希望我講關於細價樓不利消息,如果我唔講,只有那些人講投資細價樓點好點好,如果加息,就立刻加租,令人有所誤會,在現時環境下買細價樓收租仍然是非常好的投資。我老實說,現在細價樓業主震過貓王,如果不是有SSD鎖住,那些話投資細價樓點好點好的人一定會立刻賣走他們的細價樓,叫人現在買細價樓即是抱著發瘋搵人陪心態,有網友講得好啱,叫他們積吓陰德,如果自住而又有能力,買也無妨,用作投資就千祈唔好。

  大約六,七年前,有同事提議我用兩億元掃屯門區細價樓,當時的細價樓大多數在二百萬元以下,只需付100元印花稅,成本很輕,我立刻應承,第二日我反口,我對同事說,他的提議非常好,應記一功,但紀惠不會投資影響民生的細價樓,我們唔賺基層市民的金錢,但這不是唯一的一個答案,因為租細價樓住的人已經坎坷,他們未能夠上樓,而每個月支付的租金佔了他們大部份收入,倘若經濟情況轉壞,收入減少甚至失業,他們就沒有能力支付租金,試問做業主的人點算,唔通將他們一家大小趕離那個出租單位,我試問不是一個狠心的人,冇資格做細價樓業主,所以,我唔夠膽買細價樓。

  一般租霸,都會在細價樓巿場出現,豪宅以及中型住宅很少發生,試問如果租客欠租,細價樓業主有何對策,就算可以趕走一個租霸,成本亦不菲。在經濟尚佳時,業主還可以揀租客,如果經濟放緩,細價樓業主的要求就會降低很多,租霸就會乘虛而入,實在是防不勝防,我知道很多人唔想我講,但我本著良心,明知道會被人攻擊都要講,我夠膽現在叫人唔好買細價樓,但絕對不敢叫人買,但買與不買,全屬個人決定,我只不過講我的意見。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 收買佬 2015-08-14 08:56:48
講真,某幾位的留言有點做作。按理說,這些在租貸單位內自殺的租客(仲要咁創新害埋樓下), 實在不會為業主所喜,"死就行遠d"雖聽落無情,但個個業主都會認同。設若單嘢發生在佢嘅物業內,相信佢地都講唔出"生命是最可貴"嘅離地說話囉。
2. 地藏 2015-08-14 09:23:13
積善之家。必有餘慶。
3. 笑啖渴飲 2015-08-14 09:26:27
言者有心, 聽者有意. 
4. alan288 2015-08-14 09:34:51
I agree 唔好買細價樓!
Support 博士
5. 暗淡 2015-08-14 09:54:05
所謂細價樓實為貴價樓,來源有二:一為政績交數,猛起劏房單位;二為辣招托起二手細單位尺價。呢個大炸彈係發展局及干預市場者送俾市民的,大家要小心!
6. 怒婦炒魚柳 2015-08-14 09:54:13
某某報講
「在樓價續飆下再發警號,原因是經濟轉弱、美國加息及供應增加.............」
美國加息就即等於經濟向好先加息架啦,「經濟轉弱,美國加息」你當美國佬係傻定係你至係傻架?定還是某某編輯有解讀障礙症呀??!!唔識就唔好學人寫

全球熱錢氾濫之下,就連新角逐加國統理嘅候選官員都話,如果當上場時第一時間要限制國外資金買樓,好明顯樓巿利升嘅事早已唔單止係起香港出現,懞嘅你都!
7. ABC 2015-08-14 09:55:36
點解不用買入, 再平租給窮人? 可以幫基層市民喎
9. yy 2015-08-14 10:23:15
租霸通常寄生於中上價物業,常是債台高築又不捨奢華生活之輩
其理在既是運用法律知識遊走於租務條例之間,何故不住好一點住得舒適一點呢?
下價樓租客交不出租常是真陷困境,絕少存心"玩嘢"

10. 村長 2015-08-14 10:35:47
出租私樓只影響香港為數約1/10 人, 買一厘租炒鋪果 D, 等租約一完就加租3,5,7成, 租唔出情願吉鋪1,2年都要叫天價, 否則唔可能 mark up 100% 去水下家個鋪仲收倒一厘。依 D 先影響全香港人, 
11. Desmond 2015-08-14 11:15:13
回6樓, 美國加息因美國經濟向好,從谷底回升,現時香港經濟靠中國多於美國,所以有下行趨勢。


12. 樓蟹 2015-08-14 11:51:41

既然博士宅心仁厚, 點解唔買入細價樓, 平少少租比D收入較低嘅小市民。如果佢地短期未能交租,請博士不要趕走佢地。

 

13. 兩面看 2015-08-14 11:55:26
湯生點解唔講吓大價樓,超豪宅升或跌。
14. abc 2015-08-14 12:13:16
揸住細價樓業主一D都唔驚,租金持續上升,不知揸得幾開心!
15. 路人甲 2015-08-14 12:16:30

細價樓抵唔抵買? 
路人甲不才, 我覺得是否應該看尺價是否合理來計算?
如果早前買入細價樓(細尺寸的), 而尺價唔高, 又近便, 多需求的, 又怕什麼會倒跌呢???

過去/ 現在/未來 買什麼樓? 大樓, 細樓的人, 其實都係向自己負責任啫. 
人家意見可以參考, 去到入左巿啦, 又或者最終無入到, 蝕本或虧本, 都是當事人為自己行為負責....

這才是合理的.

16. 收租王Tony 2015-08-14 13:12:58

某專家真係好cute~今日又話:

"但買與不買,全屬個人決定,我只不過講我的意見。 "

即係,

跌左,爆煲就係佢警世救人既功勞~

爆升,睇錯市,就係你地自己眼光唔夠,唔好彩,我話跌你咁都信~

自己一間細價樓都冇,分析細價樓會爆煲,另一方面自己入幾間紅山又唱跌,其實都幾好笑~

細價樓收租業主就係魔?大價樓收租業主就係道?咩道理?

又要做救世主,點解唔買細價樓做下社企"光房"幫下d基層?又話細價樓好多租霸唔忍心趕走佢地,大價樓冇既?工商鋪唔欠租既,試下自己d工商鋪推5年租管試下先啦~租客唔交租佢咪一樣趕人走~

成日冇理據下就唱淡細價樓,信佢一成都.....^_____^

 

收租王Tony提提你:今日細價樓爆煲到期日^_^

17. 收租王Tony 2015-08-14 13:22:21

"有網友講得好啱,叫他們積吓陰德,如果自住而又有能力,買也無妨,用作投資就千祈唔好。"

呢句係我同一眾好友於專家發表細價樓爆煲論之後每日都講既事實,請某專家切勿當左自己講~

如有懷疑,歡迎查閱一開始就叫人唔好買細價樓同唔好上車住等半年後爆煲先買既評論文章,謝謝!^_____^

18. 神算 2015-08-14 13:41:37
To 收租王兄,

咁有信心,照咁講你近排喺咪入咗好多細價樓,祝你賺多啲。
19. 丸子 2015-08-14 13:42:39
我也覺得現在入市投資,實在冒險。除非本身好有實力,否則,借貸高,經濟環境突變,便難以應付了。
20. Oscar Lam 2015-08-14 13:43:11
回16.收租王Tony

買與不買,自然是個人决定。這是投資學上的abc. 兄台既然是收租王,一定是经验丰富,這樣簡單的道理應該会明白。

大家都是成年人,一定要有獨立思考的能力。請問兄台,如果前幾年你听博士之言入市而賺大錢,你會分給博士嗎?
21. 收租王Tony 2015-08-14 13:47:31

神兄:

我只係呢半年入多左間屯門民生細價樓,都係租返俾d有需要人士,

唔使同人挽鞋既感覺真好~有錢唔一定開心,最緊要有品~

 

我都希望大家賺多d,細價大價工商物業一齊賺,唔係淨係大價樓先賺,我係唔會睇人XX最開心果d人黎既~ ^___^

22. 師nine 2015-08-14 13:58:47
湯生,細价樓爆煲論寫得太多了,很多基層市民需要生存生活,社會又亂。買的人背景和需要不同。全城港人都知爆煲論,聽得多感覺如咀咒一樣,請博士提出其他題目,定更多采
23. 正苦工 2015-08-14 14:28:12

我諗其他網友見到收租王兄講最緊要有品都會笑

 

Agree with 22/F, 博士都已經講哂爆煲論目的,無謂再講以免挑起啲人既筋喇

投資決定都係自己做既,齋聽人講衰左都無人可憐

25. TO23/F 2015-08-14 15:49:18
喂日日係咁講D負能量好勁喎 雖則可能你都係負離精同性相吸冇人怪你 但你唔可以叫人唔講囉 香港需要更多正能量 負離精NO WAY!
26. tweetyho 2015-08-14 16:42:48
支持湯生繼續寫,但改字眼,如"實力不足的業主的憂慮"
27. C9 Karen 2015-08-14 17:07:43
經濟逆轉的時侯,一般之前所謂單身貴族都會放棄租樓,回老家和屋企人住。這是細面積樓容易跌的原因。三百呎內實用面積的住宅 studio flat,1房等, 這些都比較'牙煙' ,反觀實用面積四至五百呎以上合小家庭用之住宅,價錢應該堅挺得多, 面積太細就不要買了。 如錢不夠, 只能買蚊型新樓單位, 自用就無所謂,收租就別入市了.......
28. CD ROM 2015-08-14 18:49:54
收益同風險永遠並存的! 享受高d既租金回報, 要take翻相對既risk, 我想細價樓業主唔會咁傻咁天真gae
30. to 7/f 2015-08-14 19:32:13
又唔可以甘講,窮人都可以有骨氣可以唔駛人比著數既!
交市價租5000同市價租博士平租5000已經好唔同

而家係貪心既投資者影響市場,係個市場租金影響民生!
31. 向飯桶說不 2015-08-14 19:34:54
欣賞湯生
32. x 2015-08-14 20:19:22
回7樓 湯生係生意人 並唔係慈善家!
36. 樓奴 2015-08-15 23:03:40
只有湯博士夠誠實。支持繼續寫。
37. 打工仔 Andy 2015-08-15 23:28:42
如果是早年買落的, 應該無憂無慮呀! 哈哈哈!